الأحباش يمارسون تجارة البشر بالخرطوم

Quote: هذا الحاتم يسعى بشدة لتشتيت أفكار محاوريه ... لو كنت محل بكري لأوقفته من المنبر +++ وأتقدم بطلب للاخوة الذين اصطفوا مع الحق أن يكفوا عن التداخل في هذا البوست ، وليقولوا سلاما لخطاب الجاهلين .. +++ بعدين أولا خلينا نتفق أن الموضوع برمته تجارة بشر ، ثم بعد ذلك نثبت مشاركتنا فيه +++ إنك تخاطب برميلا فارغا صوته عال ، وعقله مثل فراغه +++ لكن ماأتيت به يعتبر إساء ة مباشرة إن لم تكن شخصية وهذا ليس من الحوار في شيء

مشكلتك مندفع للنتائج بلا مقدمات، ودلوقتي انت لافي بلا هدف في البوست بتاعك

فأنت حددت النتيجة مقدماً (تجارة بشر). وبديت تبني في الوصلات بين الحادث في بيتك والنتيجة الانت حددتها بدون منطق أو حتى أسلوب محايد في الشرح أو التبرير أو مجرد السرد المنطقي الخالي من الغرض. خطأك الأول: عدم الاطلاع، مع تذكيرنا ليك بالفرق بين (تهريب البشر) و (تجارة البشر) لكن ما فكرت حتى تدي نفسك فكرة أولية عن التعريفات دي، وحتى التقسيم بتاع وضاح جابر ما عاد ينفعك لأنو جاء متأخر خطأك الثاني: السلوك الطفولي، فانت بمجرد إيراد رأي مخالف سلكت نهج لا يشبه الراشدين 1- إدعاء الزعل والحردان من البوست 2- الإساءة والشتيمة وإظهار الشماتة 3- الاستعطاف 4- التهديد مرتين (الكتابة لبكري) بدعوى التشتيت 5- الدعوة للاصطفاف وتقسيم الدنيا لفسطاط الحق وفسطاط الباطل 6- التشبث بأقوال الآخرين 7- الشكوى من الإساءة رغم مبادرتك بها دي تصرفات أطفال، وأي شخص عندو قضية بيعرف كيف يعرضها ويدافع عنها ويلقدم الحجج بدل الخندقة واللجاج بتاعك دا. حاتم ما شتت ليك موضوعك، بس وقف في طريق استهبالك للناس، لأنو الطريقة الوحيدة لاقناع الناس هنا هي بالمنطق والحجة السليمة، يعني تبني مرحلة فوق التانية بدل القفز غير المبرر دا واساءة الشعوب. خطأك الثالث: عدم التريث والتدبر في الأمر قبل إهانة الكثير من الأسر التي تضم ضمن أفرادها مواطنين إثيوبيين. وكذلك التسرع في اتهام الأسر السودانية بالمشاركة في جريمة ممنوعة بالقانون الدولي. لو قررت تصل بموضوعك دا للمحكمة وكان القاضي عمك ووكيل النيابة أخوك فالمحكمة دي حتستمر على الأقل سنتين تلاتة عشان تثبت جريمة (تجارة البشر) انت عايز ببوست واحد تمشيها على الناس في أسبوع؟ الناس الوقفت معاك دي جات كيداً في حاتم مش مواقف مبدئية من الموضوع، بدليل ذكرهم لمواضيع مختلفة تماماً عن البوست. حالتك بقت زي اللاعب البدردقوا ليهو الكورة أرضية وهو مصر ينطحها براسو، أهي النتيجة راصك كلو مفلق من كدايس الكدارات وحتى لو نجحت تلز الكورة براصك فحتكتشف إنك مواجه المرمى بتاعك لأنو عيونك للأرض ما شايف قدامك يا ودقاسم. ____ أظن نعرش على كدة