|
Re: عاصفة جليدية كارثية .. فى طريقها علينا .. ما (Re: انور تاج السر)
|
الصديق أبا بريمة، نقدم ليك دعوة ضيافة لك واسرتك بنورث كارولاينا علي الأقل نتشاور في مشاكل أمسودان، ونتبادل الاستنارة، ونتصل بكبر عبر الاسكايب ونقوم بتصنيف جديد لخلق أمسودانيز ديل بعد التطورات الأخيرة، عشان الواحد يعرف كيف يقشر ليكم الباصات وكيف يشوت اللعبات الحلوة.
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: أبوبكر عباس)
|
كااااااااك
غايتو الراعاوية لمن يتحنكشوا اظرط من ناس بيت الاشباح دينق
الجقلبة دي كلها في شان قدمين جليد
صاحبك عبد الرحمن عزاز تلاتة سنين برازي فيهو عشان يزورنا في كندا وعامل نايم. اها بيتذكرنا ايام الجليد
يفتح قنوات الطقس ويشوف الحاصل علي مدينتنا وتوشك يضرب تلفون. الموضوع بتاع الزيارة ناجلو شوية لأنو جليدكم ده ما بتقابل
هسه انت في قدمين يا بريمة عامل سيك ميك
ياخي حقو واحد يوديك يلو نايف. السكين الصفراء. على بالحلال غنا الدرملي تنساهو وتصلي بيهو
سلامات يا ول أباً
كبر
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: Kabar)
|
ابكر امنع المشاغلة ياخي ما تعمل لينا وجع نوايط في السهلة
نوايط دي اسأل منها اخونا فارس موسى
لا يمكن يا عمك إنتا تكون في نورث كارولينا وضحا برضك تكون هناك
ضحا دي زولة حقيقية والله صحي. واصلها من اهلك المسيرية فقامت عملت حركة في شكل وردة وخشت المسيحية
فقامت مشت جبال نوبة ثم مشت كينيا وأخذت صنه لمن مسكتني هلا هلا عليه وبعد سنتين. وبكل طفاسة كانت بتفتش
عني ولمن لميت فيها قالت لي انقر انا وين
قلت ليها ح تكوني وين يعني ماياكي بين الفرع وقاعة الصداقة والغبار دافس شعيراتك
قالت انا في أميركا وفي نورث كارولينا
اها من ديك ولغاية الليلة كل ما اتفرج في خريطة أميركا عشان احدد مقياس
الرحيل والتواصل بقوم افط نورث زفت الطين دي
وانتا داير تدور فيها اسكايب وشنو كده ما عارف
بركة سيدي الحسن قدمين بريمة بتاعة الجليد تبقى عليك دستة لمن تشوف اللاما. أبل أبل وتعيط شوقا لرمال سودري ولا ام قرنا جاك ما ادري
الكلام ده كلو حقيقة فشنو خليها في حنانك
جليدنا لا فودكا كما يذهب بعض الحناكيش ولا قهوة استار بكس ولا شاهي باتيل كما يذهب كانتونا. جليدنا الله ورقات الحبل
سلامات يا صديقي
كبر
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: Deng)
|
تحياتى الحبيب بريمه ناس الإرصاد بيعتبروا هذه العاصفه الثلجيه الثالثه من نوعها كالتى هبت من قبل فى الساحل الشرقى الأمريكى . أقوى عاصفه ثلجيه شهدناها فى واشنطن كانت عام 1997 ,, وصل إرتفاع الثلوج إلى 3 أقدام ومن الصدف بدأت مساء الجمعه حتى يوم الأحد .
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: Deng)
|
وّل أّبا بريمة...
حينما تعرف أن الموت اللحمر جاييك .. وما عندك حيلة تهرب .. تصير متبلد الأحساس والشعور .. ...
بعد الشر عليكم.. وربنا يجيب العواقب سليمة.. أحنا فى كدنا.. تجى عواصف.. يجى رعد.. يجى جليد.. تجى أى حاجة.. ما فارقة معانا... خلاص اتعودنا..
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: Deng)
|
التحيه لك أخى وصديقى العزيز دينق . ومرحب بعودتك لينا فى واشنطن ,, إن شاء الله إجازتك تكون طويله حبتين لنلتقى . ييبدو كراعك لينه جِبت معاك الجليد لناس واشنطن ,,, كانو حزينين لعدم نزول جليد حتى منتصف شهر يناير أهو دفعه واحده جليد 2 قدم . كل الناس منذ البارحه لزمت بيوتها تحاشياً للحوادث . حبيبنا بريمه تلفونك الحاصل عليهو شنو,, ما بِرُد .
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: ABDALLAH ABDALLAH)
|
سلامات لشيخ العرب بريمة وضيوفه من صور,لبنان اتمنى سلامتكم جميعا في ميريلاند, واشنطن , وفيرجينيا برغم اننى اصبحت اشرد من جليد جبال السلسلة الزرقاء وو جبل الدخان فى الشتاءمنذالعام الماضى لالوذ ببحر بيروت, وصور الا ان الجنرال الصقيع لاحقنا هذه المرة في بيروت. وكان ماالابناء غسان, الموجود بطرفكم فى DC وكلكم عاملين نايمين منه من كوستاوى, لمولانا عبدالله , لجورج, وليك و صلاح شعيب , و ابنى الاخر مروان في اشفييل, لكنت هاجرت هذه المرة لمملكة تونجا .
عموما قلبى و عقلى و فلذةكبدى معكم ياصحاب. وبالمناسبة, غسان عاوز نفير لمساعدته في الرحيل من University Tower فى هايتسبيرغ, ميريلاند لHoward Tower قبل نهاية الشهر, فهل من متطوعين ياسادة وسيدات واشنطن و ضواحيها؟ مع دى وتقديرى
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: Elmoiz Abunura)
|
العزيز أبو نورة.
أنا عرفت أن لديك أبناء في منطقة واشنطن.، عرفت ذلك من الأخ بكري صالح. كنت أتمنى أن نلتقي في أحدا زيارتك لمنطقة واشنطن، ولكن أنا نفسي بقيت لا أقيم بصورة مستمرة في واشنطن. أنا حضرت يوم الجمعة الماضي وسوف أغادر واشنطن في نصف الأسبوع القادم، أي بعد زوال هذه العاصفة الثلجية . أنا نفدت من أخر ثلاثة عواصف ثلجية ضربت منطقة واشنطنن ولكن المرة دي واقعة واقعة. لو كنت عارف ، لكنت هربت الى ميامي. ولكن مافي طريقة. كنت أتمنى أن التقيك أنت والأبناء ، وأن أقدم لهم بعض المساعدة، ولكني سوف أغادر البلاد. تحياتي الى أن نلتقي .
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: Deng)
|
عزيزى جورج سلامات واتمنى لك اقامة طيبةفي فيرجينيا برغم العاصفة الثلجية فعلا , ابنى غسان متواجد من خريف 2013 في واشنطن كطالب بجامعة هوارد واتردد عليه من وقت لاخرفي زيارات سريعة. اتواجد احيانا مع قريبى ابوبكر حسن صالح في الاسكندرية, فيرجينيا. انشاء الله نتقابل في زياراتى القادمة لواشنطن ومرحب بيك في لبنان في اي وقت مع ودى وتقديرى
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: Elmoiz Abunura)
|
المناظر بدأت منذ الساعة 1 ظهراً ..
في الشغل اليوم أخلونا من مكان العمل منذ الساعة 11:30 صباحاً .. لحقت صلاة الجمعة وقبل ما نطلع من المسجد المناظر بدأت .. الصلوات موقفة فى مسجد أدم سنتر فى شمال فرجينيا .. إلي يوم الأثنين.
الكواريك .. وعدوات إزالة الجليد فتشت عليها كل الشونبق سنترس الحولنا لم أجد ولا حتى كوريك واحد ... الموية أيضاً أنت فى الأسواق المجاورة .. البركة فى المدام لقيتها أمس المساء جابت لها عبودات بلاستيكية كل واحد فيها 24 باغة صغيرة حجم عبوة العصير ..
جبت الشاي .. واللبن .. لكن نسيت السكر، ولقيت واحد بسيط بقضينى أنا .. ح ألبده من الأطفال حتى لا أشرب شاي سليقة طوال ثلاثة أيام الجاية .. مافي أي طريقة للمرقة.
سوف أخذ صور وأرفقها هنا .. الكمرة فى ال "جارجر" ..
بريمة
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: بريمة محمد)
|
العبار دينق، العزيز عيدروس ول أبا أنور المستنير ول أبا أبوبكر ول أبا كبر الأخ عمر عثمان الأخ شيخ قصي الحبيب مولانا عبد الله بت أبا نور العزيز أبونورة
السلام عليكم جميعاً .. ذي ما قلنا ليكم المناظر بدأت .. هطول الجليد ينساب بسلاسة .. وحتى الأن ليس هناك عواصف هوائية أو أعاصير مياه .. (بالطبع غبار مافي إلا فى خيال العبار دينق .. الخصب جداً فى هذه اللحظة) ..
مناظر رهيبة هذه اللحظة .. مازلت هناك رؤية لمسافة مقدرة ..
بريمة
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: بريمة محمد)
|
ما هذا يا أخا العرب؟؟
Quote: المناظر بدأت منذ الساعة 1 ظهراً ..
في الشغل اليوم أخلونا من مكان العمل منذ الساعة 11:30 صباحاً .. لحقت صلاة الجمعة وقبل ما نطلع من المسجد المناظر بدأت .. الصلوات موقفة فى مسجد أدم سنتر فى شمال فرجينيا .. إلي يوم الأثنين.
الكواريك ..وعدوات إزالة الجليد فتشت عليها كل الشونبق سنترس الحولنا لم أجد ولا حتى كوريك واحد ... الموية أيضاً أنت فى الأسواق المجاورة .. البركة فى المدام لقيتها أمس المساء جابت لها عبودات بلاستيكية كل واحد فيها 24 باغة صغيرة حجم عبوة العصير ..
جبت الشاي .. واللبن .. لكن نسيت السكر، ولقيت واحد بسيط بقضينى أنا .. ح ألبده من الأطفال حتى لا أشرب شاي سليقة طوال ثلاثة أيام الجاية .. مافي أي طريقة للمرقة.
|
الترجمة:
عداوات= أدوات الشونبق= الشوبن عبودات= عبوات
نأسف لمثل هذه الكتابة العربية الركيكة.
يا عبار ضرست الناس!
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: Deng)
|
Quote: الترجمة:
عداوات= أدوات الشونبق= الشوبن عبودات= عبوات
نأسف لمثل هذه الكتابة العربية الركيكة.
يا عبار ضرست الناس! |
:)
Salam George;
I laughed like no tomorrow.
God bless you all, and get this ugly storm out of your way.
Sorry, I couldn't wait till I reach home
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: Deng)
|
العبار دينق،
Quote: الترجمة:
عداوات= أدوات الشونبق= الشوبن عبودات= عبوات
نأسف لمثل هذه الكتابة العربية الركيكة.
يا عبار ضرست الناس! |
التقول شنو؟ .. باكي ركبا ليس برقصن .. جيت جاري داقش دقش .. وأخذت لفه فى أشارة الحركة قريب من البيت .. العربية لفت بي لما رأسها صار جهت مؤخرتها .. عملت صينية عديل فى أشارة الحركة .. والعربية لافة بي وأنا ضاغط علي البوري عشان الناس تقيف بعيد حتى التوست ينتهى ..
زميلتنا فيتنامية أتصلت قالت .. عربيتها لفت بها فى الأشارة برضو .. وما قادرة تعمل أي حاجة فى الميزان .. ودورت بيها لما العربية براها وقفت ..
الناس تأخذ حذرها .. بداية العاصفة عملت الوطا ذي كابين فيها لايوق ..
بريمة
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: حسن حماد محمد)
|
Quote: وكان ماالابناء غسان, الموجود بطرفكم فى DC وكلكم عاملين نايمين منه من كوستاوى, لمولانا عبدالله , لجورج, وليك و صلاح شعيب , و ابنى الاخر مروان في اشفييل, لكنت هاجرت هذه المرة لمملكة تونجا . |
أخى حبيبنا د. المعز أبونوره أمانه ما تلومنا لوم كبير لكن على الأقل لو عرفنا نمرة تلفون غسان لاتصلنا عليه ليقيم مع إخوته أحمد ومحمد بالمنزل , ثلاثة أيام سجن العاصفه الثلجيه .
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: بريمة محمد)
|
الجليد أقل بكثير مما خوفونا به .. الأرصاد الجوي فى أمريكا يبدو كورته فكت ..
صورة لرجل "هوم لييس" يعبر أمام البيض الأبيض .. أي زول فيكم يا ناس واشنطن يذكر نعمة الله عليه .. هذا الرجل ليس له مأوي ويسير أمام بيت الرئيس الأمريكي فى أقوي دولة فى العالم .. فى هذا الظرف ..
لو كنت مكان الرئيس أو ميشيل أوباما .. كنت ناديته ودخلته البيت الأبيض .. وعملت ليه "سووب" بتاعت جكن! .. رأفة مافي هذه الدنيا.
بريمة
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: بريمة محمد)
|
بعض المساكين لقوا ليهم مأوي موقت فى محطات المترو .. أي واحد يلقي "هوم لييس" أوصفوا ليهو أقرب محلة مترو أنفاق ..
حسب تحذير الشرطة .. ما في زول يشيل زول لا يعرفه فى عربته .. ممكن يشوتك ببندقية .. الناس ديل قنعانين من حياتهم فى مثل هذه الظروف الصعبة ..
بريمة
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: فرح الطاهر ابو روضة)
|
أبو روضة،
Quote: بريمة معقول زول يركز للبعاتي يجقلب من هبوب قالوا ليك اركز هههههههههههههه |
يا أخى التقول شنو أت؟ المدن تسوي الزول حنكوش وجـبان ..
لكن بالجد الحال يخوّف .. فى هذه اللحظة، تمر السماء جليداً، منظر الدنيا ذي لحظة تكون فى الخرطوم وتأتى تلك الرياح محملة بالغبار وأنت تكون شايفها من بعد ثم تدقشك .. نحن الأن فى نص الورطة ..
والله يستر يحفظ الجميع ..
بريمة
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: Deng)
|
العبار دينق،
Quote: العبار بريمة بلل.
أنا هسع رجعت من بره، في رياح شديدة ومصحوبة بي جليد نازل بشدة. أخدت مشوار بتاع نص ميل مشي وجيت راجع. نصيحتي لك أوع تخاطر. زول كهنة زيك كان وقع تاني ما بقوم. |
عندنا بجاي الجليد نازل ذي الرز ..
أنا عندي عدة بتاعت رياضة .. weight lifting ..
وبعدين خلي بالك .. الكهيان منو؟ .. فتش الخردة كوستاوي ..
بريمة
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: بريمة محمد)
|
Quote: عندنا بجاي الجليد نازل ذي الرز ..
أنا عندي عدة بتاعت رياضة .. weight lifting ..
وبعدين خلي بالك .. الكهيان منو؟ .. فتش الخردة كوستاوي ..
بريمة |
Quote: عندنا بجاي الجليد نازل ذي الرز ..
أنا عندي عدة بتاعت رياضة .. weight lifting ..
وبعدين خلي بالك .. الكهيان منو؟ .. فتش الخردة كوستاوي ..
بريمة |
العبار بريمة بلل
والله انت زول بتاع شبك ومشاكل! هسع منوا الجاب سيرة كوستاوي؟ بعدين عدة الحديد دي أنت خاتيها منظر ولا بتتريض بها؟
أنا غايتوا زمان كنت معلم في موضوع الجليد ده. كده نمشي نفتش لك الصور القديمة.
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: محمد أبوالعزائم أبوالريش)
|
أبو العزائم
Quote: إسمها: لا حول ولا قوة ((إلاّ)) بالله
كلامك ده فيهو كفر عديييييل |
يا أخي ما تقول لي نسيت (إلاّ) .. طوالي راشينى كفر .. أنت مثل قصة صاحب الجمال والشيخ أم بتار .. الجمالي قال للشيخ حينما أكل .. أكل مسرعاً ولكن هنيهة تكتظ بطنى ويرتبط حلقي وترنع إيدي .. ماذا أصابنى؟ .. فقال له الفكي أم بتار أصبابتك الريح الحمرا .. فقال له الأعرابي: كذبت ما تقول لي شبعت ..
بريمة
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: Deng)
|
العبار دينق،
الجليد حاصرنا من جميع النواحي .. مازال الجليد ينهمر مثل الرز .. ويبدو العاصمة صارت مكان للتزحلق ..
Quote: بعدين عدة الحديد دي أنت خاتيها منظر ولا بتتريض بها؟ |
بينى وبينك أنا ما صاحب العدة .. أصحابها أولادي .. ولما تكون فى أزمة مشي مثل اليومين دول بضطر أتريض معاهم .. لما كانوا صغار كنت بعلمهم رياضة المصارعة البقارية .. ومرات "كيك بوكسن" .. حسي واقعين فينى رمي ذي الشافع .. حقروا بي عدييل .. لكن أنتظر سوف أعيد مجدي، ح أدخل فى برنامج ترينينق مكثف.
بريمة
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: بريمة محمد)
|
Quote: : ابو الريش.
العبار بريمة ده حقوا تفكوا فيه وهابية البورد.
دينق، الزول التكفيري دا ممكن يحرش فيني ناس يقطعوا راسي ساكت وأنا عندي أطفال نربي فيهم وأنت تكون السبب.
بريمة |
أشهدوا هنا يا ناس أنا ما جبت سيرة التكفيرين.
أنا قلت وهابية، بريمة براهوا قال تكفيرين.
بعد كده تاكل نارك براك.
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: Deng)
|
العبار دينق، يبدو رئيسنا بوراك أوباما .. ذاته أنزر زرة كـلب فى طاحونة .. بالأمس أنزلت صورة من نفس المكان .. الأن الحال صعب هناك .. ناس ال Secret Service أندفسوا دفس، كشكهم غطس فى نص الجليد .. أها ياناس الفزعة ألحقوا بت خالتنا ميشيل أوباما.
بريمة
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: Elmoiz Abunura)
|
السلام عليكم بريمه وكبر ودينق وجميع الاعزاء يابريمة بلادكم دي لكن ماصعبة شديد ودا لو حصل في السودان صدقيني كلهم برقدوا رقده واحده الناس هناك ماعندهم مقاومة خالص الواحد فيهم لو اكل ماقاعد يشبع يقوم يهبهم هواء بارد كدا صدقني تبقى الحكاية زي معركة كررى سويعات والناس ترقد قش الا البشير ابو زنقله تور الحلة وزبانيته .... الله يستر بس
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: بريمة محمد)
|
http://www.ta3.com/clanok/1076821/zivot-v-spojenych-statoch-zamrzol-snowzilla-si-vyziadala-aj-obete.html؟fotka=10883http://www.ta3.com/clanok/1076821/zivot-v-spojenych-statoch-zamrzol-snowzilla-si-vyziadala-aj-obete.html؟fotka=10883
http://www.ta3.com/clanok/1076821/zivot-v-spojenych-statoch-zamrzol-snowzilla-si-vyziadala-aj-obete.html؟fotka=10883http://www.ta3.com/clanok/1076821/zivot-v-spojenych-statoch-zamrzol-snowzilla-si-vyziadala-aj-obete.html؟fotka=10883
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: بريمة محمد)
|
يا عبار.
بالله بطل جرسة!
أنا هسع رجعت من بره!
أخدت لي جولة حول المنطقة، وتفقد بعض الرعية. زي ما عارف نحنا ناس أعيان في البلد دي.
المهم في بعض المحلات التجارية فتحت وباشرت خدماتها للناس.
بعدين أنت كيف عايش في فيرجينا م وما عندك عربية دفع رباعي؟
أنت زول مقتدر ماليا، بطل بخل، ح تموت وتخلي الدولارات دي لي منو ؟؟
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: مرتضي عبد الجليل)
|
يا مرتضي يا أخي ..
يا أخى حالتنا دي تحنن الكافر ..
Quote: يا بريمة بطل جرس وحاول تتحلى ببعض ما لهذه البنت الجدعة من شجاعة : |
دي بت جلدها تخين مثل الدب .. أنا مولود فى خط الأستواء .. ما بقدر علي البرد مثلها ودي حقيقة ..
حتى هذه اللحظة كل المرافق الحكومية مغلقة .. بما فيها الكنغرس الأمريكي.
بريمة
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: بريمة محمد)
|
اللخو بريمة، يا خي والله دا "انتحان" وإن شاء الله تتخارج بالسلامة والعافية ومعاك اللخوان من السقاية الباردي ... أم جدياً هابي... لي ورق الشدر حاتي. انت في اللحظة دي بدفيك حاجة واحدة: لحم كوير. دوفاية كوير واحدة ترفع حرارتك. أنا من كُتُر السرحة والمبايتة ما في طير ما أكلت لحمو إلا جقاوة وجلك لأن جلك بتاكل العواوير. لكيين ما لقيت أطعم من لحم الكوير. أنا كنت باكلو نيييييي خاصة الدوف واللفخاذ. أو قول كان لقيت ليك بوسيب، تطلع تنطط في الشارع !!! قف تآمّل. بُعد الشرك عليك والأسرة وكل المهاجرين ... و تيك كير....
| |
|
|
|
|
|
|
Re: عاصفة جليدية كارثية .. فى طريقها علينا .. ما (Re: إسماعيل ببو)
|
ول أبا سماعين، سلام .. والله زرّت عدوك ما أخوك .. الجليد طمرنا حيينا .. الرجال الهوينين لليوم الخامس ما قادرين ينكتوا عرباتهم من تحت الجليد .. أخوك ألحزم حزيمة أجدادنا الأنصار .. كتلت ملف صوف أم قعير .. ووقعت ليك فى أم بحتي .. حوالي 5 ساعات متواصلة عمل حتى أخرجت العربات من الدفن .. الصورة التالية هى طريقي للعمل .. الكلام دا جوار بيتنا لصق .. برد بدخل فى العظام جوه ..
صاحبنا قال لريحة الكورياي نكجمي عشاي .. أنت خليت لعابة سايل ..
دعواتكم لينا ..
بريمة
| |
|
|
|
|
|
|
|