|
|
|
 Re: صدر فوق توقيعي .. (Re: محمد حيدر المشرف)
|
طيب رايكم في دي شنو ؟!!
تعبر عني تماما .. وتناسب البورد .. ودونما ذكريات كمان :)
شهوة لبلاد تطالب ابناءَها
باقل من الموت جيلا فجيلا
وفيها من الوقت وقتٌ نخصصه
للخطايا الحميمه والغلط الادمى البسيط
وزحزحةِ الافتراض البطوليِّ عنّا قليلا
فمسكينةٌ أُمَّةٌ حين تحتاج كلَّ البطولات من كلِّ أبنائها
وتعيش الحياةَ قتيلا قتيلاً
| |
  
|
|
|
|
|
|
|
|
Re: صدر فوق توقيعي .. (Re: محمد حيدر المشرف)
|
ممكن جدا هذه الجملة لحميد ..
"سكاتي ولا الكلام النيء" ..
قصيره .. وتناسب البورد .. الا انو انا زول بتاع مجاملات وتسويات هنا وهناك ... والجملة حارقة جدا .. اليس كذلك ؟!!
| |
|
|
|
|
|
|
|
|
|
Re: صدر فوق توقيعي .. (Re: محمد حيدر المشرف)
|
سكاتي ولا الكلام الني شعبية وبيئة بالنسبة ليك يا دوك
هي الابيات متحذلقة كفاية ومعسّمة و ارستقراطية بشكل مناسب لكتابتك مافي شك
علّا بس طويلة, طوييييلة :)
شوف ليك حاجة كدا بطول ناس " برتقالة انت والرحيق أنا - احي أنا " (بدون أحي أنا بالطبع )
| |
|
|
|
|
|
|
|
|
|
Re: صدر فوق توقيعي .. (Re: محمد حيدر المشرف)
|
عزيزى محمد حيدر المشرف
تحياتى
أعجبتى كلماتك الرشيقة فى مستهل البوست. أما بمناسبة سيرة قلم الباركر بالأمس القريب بالصدفة إستلفت من موظفة
البوستة (حليل بوستة السودان) قلم حبر جاف لأكتب عنوانا لخطاب (تسديد فاتورة) .. كان القلم ماركة بيك BIC ...
الذى كان وحيدأً مسيطراً فى السودان وتذكرت سلفه قلم الحبر السائل قلم التروبين ... ودار شريط الماركات السائدة
سجائر الروثمان الذى تراجع وساد البنسون .. ومعجون الكولجيت الذى سلم الراية لمعجون السيقنال وغيرها من
الأحاديات التى أغنت شعباً عن مسؤولية الخيار والإختيار فيما يفضل ويستهلك. مقارنة بتواجدنا فى أرض الدنيا
الجديدة حيث تتعدد الماركات لكل صنف ومميزات كل منها فتمارس الإختيار..
وتكريمً لقلم البيك الذى كان سبباً فى شريط الذكريات فإخترت وقررت شراء باكيت أقلام بيك (رخيصة السعر)، ولكن
ليس على حساب أفضلية إستخدام الأقلام حديثة التكنلوجيا
عذرا للخروج عن موضوع البوست ولكنه قلم الباركر والبيك !
* غايتو آخر سطرين فى ردك على عيدروس . عن البتوع .. دايرة مراججة
| |
|
|
|
|
|
|
|
|
|
Re: صدر فوق توقيعي .. (Re: نادر الفضلى)
|
الاخ العزيز نادر الفضلي ..
كيفكوكيف كيفك يا عزيزي ..
تعجبني مثل هذه الكتابة الانيقة ..
أنظر:
Quote: ودار شريط الماركات السائدة
سجائر الروثمان الذى تراجع وساد البنسون .. ومعجون الكولجيت الذى سلم الراية لمعجون السيقنال وغيرها من
الأحاديات التى أغنت شعباً عن مسؤولية الخيار والإختيار فيما يفضل ويستهلك |
كانت - اذكر- ثنائيات ذات طبيعة إقتصادية..
البنسون والبرنجي
اللوكس والفنيك ..
السيغنال و ابوردة ..
قرشة الاسنان الصينية تلك و .. بقية خلق الفرش
وهكذا ..
Quote: * غايتو آخر سطرين فى ردك على عيدروس . عن البتوع .. دايرة مراججة
|
لا تتصور دهشتي وأنا اقرأ آخر سطرين يا نادر ...
دهشت أولا .. ثم تبسمت .. ثم شلت هم انو الكلام ممكن يصل عماد زي كده ..
وعماد أحد الذين أتقصى حدودهم في المكان .. وفي الفيس بوك ..
والرجل - كما تعلم - شديد التهذيب جم الأدب ..
بالجد شلت هم ..
وقمت عدلت السطرين ...
والقسم العظيم ما علمت "شتارتهم" الا بعد التنبيه 
لك كل الشكر والتقدير يا عزيزي.
| |
|
|
|
|
|
|
|
|
|
Re: صدر فوق توقيعي .. (Re: فرح الطاهر ابو روضة)
|
التوقيع بنمّطك ويعسمك في قالب واحد
انت مرات بتكون داير تهزر مرات عاوز تهرج مرات عاوز تنفعل في زول مرات عاوز تتكلم جاد مرات عاوز تتكلم في الدين مرات عاوز تحكي نكات فاحشة .. يعني أحوالك متغيرة بتغير موضوع البوست
شفت صورة ود الصايم الضاحكة ديك لما يدخل يعزي بيها على زول ميت ؟ بس ياهو كدة
مجرد وجهة نظر
| |
|
|
|
|
|
|
|
|
|
Re: صدر فوق توقيعي .. (Re: فرح الطاهر ابو روضة)
|
الصديق والزميل العزيز ابوروضه ..
كيف الحال آ زول ..
تعرف !!
مسألة التوقيع دي أشبه ما تكون بما يكتب على الزجاج الخلفي للعربيات واللوارى والركشات ..
ولكل تلك العبارات قصص وحكاوي وتجارب حياتية مختلفة ..
ذات نهار قائظ وزحمة خرافية .. تعرف وانت نازل من كوبري الجيش وماشي في اتجاه الحاج يوسف .. كان امامي ومباشرة لوري .. ونتيجة للزحمة الخانقة .. ظللت اراوح مكاني خلف اللورى زهاء نصف الساعة .. ومستغرقا تماما في العبارة المكتوبة على ظهر اللوري .. كان مكتوبا وبخط أنيق .. أظنه النسخ .. عبارة "البحر رايق .. مالو القعونج مضايق" ..
تصور !!
نصف ساعة يا ابا روضه .. وانا بفكر في السبب الممكن لكتابة مثل هذه العبارة
| |
|
|
|
|
|
|
|
|
|
Re: صدر فوق توقيعي .. (Re: محمد حيدر المشرف)
|
ههههههههههههههههه ..
هسه شوفوا بوست الونس المعافى ده جاب شنو ..
من تداعيات نادر الفضلي الجميلة اعلاه .
لي لطافة ابوروضه الفايته الحد ..
لي فكرة احمد محمد عمر السبقتي ليها ..
لي حمد لبد وهو لا يعلم ايندب حظو ام امالو ..
يا جماعة راجع ليكم بي مهلة تليق بكم وهذه المداخلات ..
مودتي
| |
|
|
|
|
|
|
|
|
|
Re: صدر فوق توقيعي .. (Re: محمد حيدر المشرف)
|
وقت مارق مافي داعي اجدع كلامي وارجاك لي بكرة
لكن دون كياسة
توقيعك دة غيرو
ملخبت ياخ
وجايط
ولا يوصل لي اي فكرة
عذرا لجلافتي
عندي جلافة كل مرة الليلة وقعت فيك احملها مني ولا استكها والخوة في مكانها
| |
|
|
|
|
|
|
|
|
|
Re: صدر فوق توقيعي .. (Re: عبدالحفيظ ابوسن)
|
دى زى مايقول ليك طلِّع ليهو بَدَل فاقِدْ
المفروض تكون بدل مفقود مُش؟
وفاقِد دى برضو من معانيها مجنون
ومْوَدِر ,, فاقد عقله ,, وفاقد حنان وياسمين
..............
المتحرى يكتب فى تلخيص تحرِّياتو:
وشهِد الكلب البوليسى ,, وبعض القضاة كذلك
ده إلا يكون كلب اصحاب الكهف
| |
|
|
|
|
|
|
|
|
|
Re: صدر فوق توقيعي .. (Re: ملهم كردفان)
|
Quote: كان من تلك النوعية ذات الانبوبة المكشوفة في الوسط " لا يحضرني الاسم الآن " ..
وحتى أني إستبطنت أو أستنبطت له لونا أخضرا حميم .. |
ده قلم الحبر الصيني ...
حتى اقلامكم شيوعية ...
بعدين مخلين الصيدلة وجايين تخلطوا بناتنا في المين رود ؟
و الله يا مشرف كنا بنكـchـِـن ليك أولاد الطب و الصيدلة لما يجو يكابسو عندنا ...
و كذلك أولادنا البتشلهتوا في البكاسي عشان يمشو يخلطوا في الطب او في شمبات ...
و في النهاية معظم الخلطات تنتهي بانها مجرد توصيلات لداخلية البنات ( طرّاحات يعني ) ... :)
| |
|
|
|
|
|
|
|
|
|
Re: صدر فوق توقيعي .. (Re: محمد حيدر المشرف)
|
الاخ العزيز محمد حسن عبدالله .. من نافذة البفيسبوك ,,, كل الموده والاحترام
لام للدكتور الجميل م ' ح ' المشرف
اجمل ما في البوست تكويت ابو روضة
ل تعليق ود البشري والرد بكل اريحية
ومحبة
وبالمناسبة دي اعفي لينا غلظنا عليك
القول يا ابو روضة من شباكنا دا
ما كرها فيك ولا اختلاف معاك في
مسعاك للتغيير غلظتنا كانت في
الاسلوب وليك اعتزاري
ومحبتي ل ود البشري
أعجبني · رد · 5 ساعة
Facebook Comments Plugin
| |
|
|
|
|
|
|
|
|
|
Re: صدر فوق توقيعي .. (Re: محمد حيدر المشرف)
|
سلام ود المشرف
اسمح لى بمناسبة التواقيع والتوقيعات
بالسؤال عن الاستاذ كبـّـاشي الصـّـافي
صاحب توقيع ( العوج رأى والعديل رأى )
والذى اعجبنى منذ انضمامى للحوش .
وأختم بتوقيع استخدمت فى اول ايامى
بالحوش
-------
بين ناس الشتات مافى ملامة
-----
وإذا رغبت ارشح لك توقيع يخارجك من اتهامات ود البشرى
لك بالصفوية هههههها
| |
|
|
|
|
|
|
|
|
|
Re: صدر فوق توقيعي .. (Re: آدم صيام)
|
مثلاً :
(ﻣﺎ ﺫﻧﺐ ﺟﻠﺪ ﺍﻟﻄﺎﺭ
ﻟﻮ ﻏﻨﻮ ﺑﻴﻬﻮ ﺷﺘﺮ
ﻣﺎ ﺗﺨﺎﻓﻰ ﺍﻟﻠﻪ ﻣﻌﺎﮔـ
ﻭﮔـﻞ ﺍﻟﻤﻼﺋﮕـﺔ ﺳﻤﺮ)
أو :
(ﻭﺍﺟﻌﻨﻰ ﻓﻰ ﺍﻟﺒﺤﺮ ﺍﻟﺴﮕـﺎﺕ
ﺳﮕـﺘﻨﻰ ﻓﻰ ﺍﻟﻮﺟﻊ ﺍﻟﺒﺤﺮ)
أو:
(ﺃﻣﺮﻕ ﻋﻠﻰ ﻣﻬﻠﮕـ ..
ﻣﺮﻭﻕ ﺍﻟﺤﻨﺔ ﻣﻦ ﺿﻔﺮ ﺍﻟﻌﺮﻭﺱ
ﻭﺍﺻﻌﺪ ﻋﻠﻰ ﻣﻬﻠﮕـ ..
ﺻﻌﻮﺩ ﺍﻟﺒﺬﺭﺓ ﻭﺍﻟﺮﻭﺡ ﻭﺍﻟﺸﻤﻮﺱ)
عاطف خيري طبعاً
ومن قصيدة واحدة
| |
|
|
|
|
|
|
|
|
|
Re: صدر فوق توقيعي .. (Re: aydaroos)
|
غايتو يا دوك فهمنا حاجة
................................... حجر
سواها
ولا يخاف عقباها
هههههههههههه
وقع . . وقع
ولا يهمك أبو روضه وغيره من الموقعين
| |
|
|
|
|
|
|
|
|
|
Re: صدر فوق توقيعي .. (Re: محمد حيدر المشرف)
|
أحمد محمد عمر ..
حبابك عشرة يا صديق ..
| Quote: التوقيع بنمّطك ويعسمك في قالب واحد |
بالضبط ..
فكرت في ذلك عندما فكرت في عبارة "سكاتي ولا الكلام النيء" ..
عبارة حارقة ولا تليق ببوستات ال "هيي هاااا" ..
وال "هيييي هااا " دي عبارة من نجر اخونا في الوطن "محمد ابراهيم حُميمه" .. شخص نادر على طريقته الخاصة .. تماما كما عنوان كتاب الطيب صالح عن صديقه "منسي" ..
المهم العبارة تشير لنمط طلابي كان سائدا ..
كأن تتحول حفلة عيد ميلاد فلانة لحدث كوني ..أو ان تقوم داخلية البنات وتقعد على خلفية حفلة تخريج فلان .. او ننصب كطلاب منصة في نص كافتيريا صيدلة للشعر الثوري واطلاق الآهات على شرف سماحة احداهن .. وهكذا ..
كان "محمد ابراهيم حُميمة" عندئذ يهز رأسه مغمغما " هيي هاااا تقيل " !!!
هسع البوست ده ذاتو ما "هييي هااا تقيل " ..
او فلتراجعوا مداخلة منير سعد !!!
مودتي
| |
|
|
|
|
|
|
|
|
|
Re: صدر فوق توقيعي .. (Re: محمد حيدر المشرف)
|
ومداخلة منير سعد المذكورة أعلاه ..
كانت كالآتي ..
ولحين ميسرة ..
Quote: بما إنك الليلة (منداح) عاطفياً - وعلى غير العادة - أها الساعة سته خليك قريب للباب.....
نحنا الزمن دا كلو فاكنك في الأسافير قايلين الموضوع سياسة، جابت ليها تواقيع وياسمين....؟!
الليل برد يا شمه والصيد ورد يا شمه
مدفعنا حديد يا شمه وبضرب بعيد يا شمه
عيبا لي. ما بتنفع توقيع....؟ ولا أنا ماشي نيالا أوو أوو....؟
جاي ب لوب توبي وبشاحنو، وبطارية إحتياطي. عشان نشوف التواقيع دي حدها وين؟
ود المشرف: أركز |
| |
|
|
|
|
|
|
|
|
|
Re: صدر فوق توقيعي .. (Re: محمد حيدر المشرف)
|
حمد لبد ..
او ف "ليحلنا الحل بلا" من هذا الحضور العنيد لدينا خالد ..
وكلنا "كمال سالم" وكده
لووووب !!!
كيفك آ حمد .. وكيف كيفك يا صديقي
| Quote: هل المرء مخبوء فوق توقيعه؟ |
التعبير جميل ..
وتماما كما "يختبيء البستان في الوردة" ..
هسع ده ذاتو ما توقيع جميل ..
مش كده ؟!!
| |
|
|
|
|
|
|
|
|
 Re: صدر فوق توقيعي .. (Re: محمد حيدر المشرف)
|
الفاضلابي آ زول يا سمح ..
كيفنك آ زول ..
Quote: ..............
المتحرى يكتب فى تلخيص تحرِّياتو:
وشهِد الكلب البوليسى ,, وبعض القضاة كذلك |
هذا توقيع انيق جدا بالمناسبة .. مباغت, درامي, ساخر جدا و عميييييق ..
هم الشاهدنلها شنو بعد ما الـــكــلب .. دنيا بت ############
ونعم يا صديقي ..
"صدر فوق توقيعي" ..
ومرد ذلك أن في ذلك توطئة للتوقيع الذي سيتنزل عنه لاحقا ما سينزل من مراسيم اسفيرية .. عفوا مداخلات !!
مودتي ..
| |
|
|
|
|
|
|
| |
محمد حيدر المشرف
محمد البشرى الخضر
aydaroos
نادر الفضلى
فرح الطاهر ابو روضة
حمد عبد الغفار عمر
عبدالحفيظ ابوسن
عبدالعزيز الفاضلابى
ملهم كردفان
يحي قباني
هاشم احمد ادم
آدم صيام
El-Saddig Abdalla Abbas
حامد بدري
بله محمد الفاضل
فيس بوك
تويتر
انستقرام
يوتيوب
بنتيريست