لو كان شأن البلد معدوّل كنا كتبنا في اشياء أُخر، لكن الحال المايل اجبرنا نخوض في شأن . إن شاء الله كان إنصلح الحال بنكتب في صُحف أُخرى وبمداد ابيض اللون ...
01-16-2016, 12:10 PM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
بحسب مقدمة منشورك فإن هدفك لا يختلف عن حبوبتك. ولكن إذا كان الأمر جادا، فرأيي يتكون من عدة خيارات: 1/ غادر بدون وداع، فالباب سيظل "متاكأ". 2/قلل من عدة الآراء و الآراء الأخرى. 3/ أدخل إلى عالم التذكير بكتاب الله وسنة نبيه من آيات و أحاديث الأحكام والقصص و أسباب النزول وسير ثلات المؤمنين الطيبة. لديك الكثير أن تقدمه للقلرئ في أدنى الأرض و أقصاها.
01-16-2016, 12:52 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
الا كمان مسالة الواحد يكون قاعد مصنصن سااااي كده ومتفرغ لي قرايتو وقراية اولادو ومعايشو دي, باقيه لي زي الزول الساي كده لا بسف ولا بسجر ولا بسكر ولا بزهج ولا ايتها حاجه سمحه على الاطلاق .. زول عديم النكهة وباهت جدا .. لا بوست ولا ردود ولا مسنجر .. هو يا ود المدير الناس الزي ديل بشاكلو منو نان ؟!! يشاكلو في الواتس والفيس بوك .. هو الفيس شنو غير اللايكات والصور الاسرية .. اها تشاكل اللايكات يعني ؟!! ولا تختلف يا ربي مع صورة بروفايل .؟!!
اخير لينا كتاحة منبرنا الفوقنا ده يا صحاب .. فيهو شيء من تلك البلاد وأحوالها .. ويحدث أخبارها .. وفي أمان الله .. أشبه ما يكون بي شارع بيتكم .. لماذا نهجر شوارع البيوت يا صديقي وننكمند جوه الغرف ذات الغياب ؟!!
برش سوداني ممتد من أصقاع كندا لي براري استراليا مرورا بجزيرة العرب ..و شيء من لاشيء بس كفاية .. علو بمسك اجد نصاح ..
خليك قاعد .. لا تبعد آ زول
01-16-2016, 11:17 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: بحسب مقدمة منشورك فإن هدفك لا يختلف عن حبوبتك. ولكن إذا كان الأمر جادا، فرأيي يتكون من عدة خيارات: 1/ غادر بدون وداع، فالباب سيظل "متاكأ". 2/قلل من عدة الآراء و الآراء الأخرى. 3/ أدخل إلى عالم التذكير بكتاب الله وسنة نبيه من آيات و أحاديث الأحكام والقصص و أسباب النزول وسير ثلات المؤمنين الطيبة. لديك الكثير أن تقدمه للقلرئ في أدنى الأرض و أقصاها.
هههههههه، يا قصي الجملة الملونة دي مبالغة . عاين جاي، بعد أرجع دايرك توريني التلوين دا بتسوهو كيفِن ؟. ألف شكر علي النصائح الغالية أخي قصي . يا قصي نحن ناس رساليين أصحاب رسالة وحريصين إنها تصل لكل الناس، لذلك نحاول في هذه البلآد ان نتحلى بأخلآق القرآن ما وجدنا لذلك سبيلآ، فمخالقة الناس بالخُلق الحسن ومُخالطتهم والصبر علي اذآهم هي أجمل ما نقدم به أنفسنا للأخرين، وأبلغ من الآف المؤلفات والكتب . شكراً قصي، ما أحوجنا لمثل هذه النصائح في هذا الزمن الأغبر ...
01-17-2016, 11:19 AM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
خالي امحمد حمد ود اللطرش كان عيان معانا هنا في السعودية دي جوهو اتنين من الشباب المماسيخ شالين ليهو علبتين عصير كفروا ليهو وقالوا ليهو هاك اشرب العصير دا قال لا لا انا عيان ما بقدر اشرب العصير بطرشو قام واحد من الشباب كررررر كتح عصيرو عاين فيهو وخاف من التاني اكتحو برضو قال اتو اصلك العيان ما بتحنسوهو . . عاين لي جاي المنبر دا فيهو نكشة كان خليتو ما بخليك وكمان كان خليتو بتنكش زيادة بتعرف النكشة ؟ طيب الدودة بتعرفا ؟
01-17-2016, 11:25 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: لماذا نهجر شوارع البيوت يا صديقي وننكمند جوه الغرف ذات الغياب ؟!! برش سوداني ممتد من أصقاع كندا لي براري استراليا مرورا بجزيرة العرب ..و شيء من لاشيء بس كفاية .. علو بمسك اجد نصاح .. خليك قاعد .. لا تبعد آ زول
حباب ود المشرف .
آ زول وحات الله بقينا اكتر من قرايب، عِلآ لكن قعدة البرش دي سيّحت ركبنا، قلنا نفرفر شوية وكت المستنير فتحلنا الدرب ...
01-18-2016, 10:42 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: الفرانة زمان ... وردية الليل البجهزوا رغيف الفجرية بيشتغلوا عرايا عشان باب الطابونة مقفول بالليل و سخانة الافران شديدة ... اها واحد منهم زعل لبس هدومه و قال ماشي ... جا واحد زميله حنسه يرجع ... ابى كلو كلو ... لغاية ما جا سيد الطابونه قال ليهو صباحاتها بيض ان شاء الله تصبح و نشوف مشكلتك شنو ... بس حسي عليك الله ملّص هديماتك دي و ارجع ... ف... شنو يا ود المدير ... ؟ انت عملت التست و لقيتنا ما بنحمل بلاك ... :)
هههههههههههههه،
يعني يا قباني عشان ما بتحملو بلآي تجيب لي طابونة ؤُ ناس عرايا صُناحُن يرمي الصقُر ؤُ رغيف ؟، ايش كان يضيرك لو جبت لي تورتة وجاتوه وإسكريم لولي من يد فراشة في مقرن النيلين ؟. قدر ما صبرنا عليكم ماشين غاتسين، وكِت لقينا مافي فايدة قلنا نشتت ...
تعرف يا ود المدير فى واحد كان بخاف بالحيييل من المرض و الموت خاصة بعد ما كبر، و ولدو كان ناقش نومتو دى. أها كل ما تجيهو حمى خفيفة يتكسر فى السرير و ينادى ولدوا و يقول ليهو أقعد جمبى و أمسك ايدى، بعد ما يمسك ايدو يقول ليهو: قول لى قول أشهد أن لاااااااااا اله الا الله و أن محمداً رسول الله، ولدو يقول ليهو: يا أبوى ما خلاس أنت قلتها.
أها أنا هسه بمسك ايدك و أقول ليك: قول بيييييسسم الله
01-18-2016, 11:03 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: ما باقي ليك بس الا تقابل دينا خالد في احدى شوارع كالجري و تحنسك ما تمشي ...
ياخي من خشمك ؤُ لي رب السماء . تعرف، طوالي علي إستاربكس ؤُ هاك يا صور بوست طويل عريض عشان المستنير دا اخليهو ليكم يشتت صُح صُح بدل كلو مرّة عامل لينا تست، ذكرني حبوبتي ياخ ...
01-19-2016, 05:30 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: Mohamed Khalafalla Ebrahim · يعمل لدى الخطوط البحرية السودانية زمن الزمن زين وبنسافر بالترين يا بورسودان متييين نصل عطبرة شان نتشطف فى ماسورة المحطة..دحين هسع لا انت لا الماسوورة ...؟
محمد خلف الله يا إبن عروس البحر، سلآم يصلك وتحايا عطرة .
غايتو شلت اللوم من ناس الفيس بوك بهذه اللوحة الجميلة التي رسمتها، ياخي انا ممكن اقيف في الحتة دي واكتب لمدة ساعتين، يعني لحدي ما يدخلو البابور ورشة المرمّة يعمروهو ويجيبوهو لمواصلة المشوار . يا محمد والله هيجت أشجاني . يا زمن أرحم شوية .
01-19-2016, 11:06 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
حسن مكاوي يا غتيت، ماك عارفني مخروقتي ماها لِبابة والرُكب ينتحن الليل والنهار ؟، ما تشوف لي باب اللِيّل طرور، هسّع بابك دا إن بقيت بجوّة ما بقدر اجُرو، وإن بقيت ببرّا ما بقدر الِزو . العِمير فاضِلِي بس مِنّو اليقين ...
01-19-2016, 11:26 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
غايتو يا ايمنوف خُوّتكم طلعت خُوّة مرآسة يا قول أُمي الله يرحما . ياخي بتاع صافيناز دا شِرير خلآس وانا بما اني من الضهاري بخاف مِنّو عدييييل كدا، خلي بالك صافيناز دي تكون الجدة الشريرة التي ذكرها الأديب محسن خالد في نار اليشب . نسأل الله ان يرده لنا سالماً معافىً من كل بلاء ...
هسع كدى قول لي اذا انت انسحبت حنقدر نقرأ مثل الكلام الانيق الكتبته ليحي قباني لمن جا يشتم في مدينتنا اتبرا كيفن؟ ما تفكر في الكلام ده....وحلفناك بالله تواصل في ابداعاتك وروائعك... ولا تحبسها في نفسك .. ... ودمت بالف خير وصحة وعافية بسمات الشيخ عبد الرحيم
01-20-2016, 09:56 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
سلام يا ود المدير (صلاح غريبة) او اياً كان اسمك و سلامات لضيوفك الكرام انا غايتو بعد ما اتأكد انه صلاح غريبة ما لطش الباسويرد بتاعتك بجي احنسك تقعد و اديك كلمتين مطايبة، عشان ما تمسكنا ضنب الككو ساكت
01-20-2016, 04:11 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
معقولة يا يحي ود القباني انت بتشتم!!!! وانا بشهد هنا امام الجميع باني وفي كل مواضيعك وكل تعليقاتك المرت بي لم اقرأ لك اي شتيمة او سب صريح او غير صريح... وانت اكيد واحد من العقد الفريد الذين يتميزون بسماحة النفس وسماحة الخلق ومن بينهم، على سبيل المثال عبد الحفيظ ابو سن، وعبد الله ود البوش ، وود شيقوق وود المنسي, الذين لا يغضبون ابدا ولا يسبون ابدا,,, بل ان احدهم وفي بوست كتبه ود ابوسن لاسنه بلسان فاحش ولكن ود ابو سن رد عليه رد جميل جدا واستغربنا جدا من كل هذا التسامح وكل هذا اللطف... وانت يا يحي ود القباني مثل هؤلاء الناس سمحين بدون اي شك.. والمعذرة.. اذا كنا غلطنا في حقك..
ولكن هنا فقط قلنا نضيف نوع من المرح لود عطبرة البار ود المدير لعله يتراجع عن قراره الخطير.. مع ان العنوان نفسه بيوحي انه عاوز يعمل اختبار لمدى عشق الناس لمواضيعه الانيقة والرائعة التي يكتبها هنا في المنبر العام.... I,m only kidding اها قاعدة اتدرب واعمل تست لانجليزيتي...
ودمت بالف خير وصحة وعافية
01-21-2016, 11:19 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: تعرف يا ود المدير فى واحد كان بخاف بالحيييل من المرض و الموت خاصة بعد ما كبر، و ولدو كان ناقش نومتو دى. أها كل ما تجيهو حمى خفيفة يتكسر فى السرير و ينادى ولدوا و يقول ليهو أقعد جمبى و أمسك ايدى، بعد ما يمسك ايدو يقول ليهو: قول لى قول أشهد أن لاااااااااا اله الا الله و أن محمداً رسول الله، ولدو يقول ليهو: يا أبوى ما خلاس أنت قلتها.
أها أنا هسه بمسك ايدك و أقول ليك: قول بيييييسسم الله
هههههههههههههههههههه،
أها، بيييييسسم الله .
ذكرتني عمنا الخِدِر ما شاء الله ليوم الليلة عايش وعمره ناهز التسعين، لكن قدُر ما يموت زول في الحِلة هو يكنكِش ؤُ يتمدد تقول حسسسسع يلحق الزينين، اوآت البكى يعدي يتنفض ؤُ يقوم علي حيلو ...
01-23-2016, 01:39 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
هسع كدى قول لي اذا انت انسحبت حنقدر نقرأ مثل الكلام الانيق الكتبته ليحي قباني لمن جا يمزح في مدينتنا اتبرا كيفن؟ ما تفكر في الكلام ده....وحلفناك بالله تواصل في ابداعاتك وروائعك... ولا تحبسها في نفسك .. ... ودمت بالف خير وصحة وعافية بسمات الشيخ عبد الرحيم
أعرف مدى مودتك لقباني يا بسمات، وعندما تأمر اتبرا نسمع ونطيع ...
ولد زولنا البخاف من الموت ده ذاتو عندو حكاوى عجيبة جداً.
من حكاويهو انو اتعلم سواقة العربية و هو كبير فى السن. و أكتر شىء بيبهدلو فى السواقة انو بيجهجه بين الفرامل و الكلتش و التعشيقة، و كم مرة حت تروس الجربوكسي.
أها كل ما يقعد ورا الدركسون و قبل ما يدور المكنة أول حاجة بعملا يعضى طرف الجلابية ولا العراقى فى خشمو استعداداً للاقلاع:)
و أثناء ما هو سايق أى زول يعدى قدامو حتى لو من بعيد يتخلع و ينطط عيونو، وكرعينو تتلخبت بين الفرامل و الكلتش و يردد: الجنا راح.. الجنا راح:)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
عبدالحفيظ ابوسن
نعمات عماد
aydaroos
احمد حمودى
ملهم كردفان
جلالدونا
محمد حيدر المشرف
يحي قباني
عبدالله ود البوش
Hani Arabi Mohamed
فيصل محمد خليل
احمد محمد بشير
Hassan Makkawi
أيمن الطيب
حمد عبد الغفار عمر
elsawi
معاوية الزبير
فيس بوك
تويتر
انستقرام
يوتيوب
بنتيريست