ام حازم الان في السودان بعد زيارتها الاخيرة أصبحت في لسان كل بيت كل تجمع ونادي ثقافي وتجمع عمالي وأصبحت معروفة للكل ماانجزته في هذه الزيارة عجز ان يفعله كل ساسة السودان
01-10-2016, 08:04 AM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
سلام الأخ محمد، نتمنى عودة الجميع للوطن، مهاجرهم من أجل الرزق أو المعارضة أو الدراسة أو غير ذلك، ونتمنى لهم جميهم والإستقرار إلى جوار الأهل والعشيرة ، وأن ينعم على سودانا الباقي من الإنسلاخ الأول بالأمن والطمأنينة والسلام. ------ قلنا نساهم في تعتيل المنشور..
01-10-2016, 08:14 AM
وائل حمزه الزبير وائل حمزه الزبير
تاريخ التسجيل: 07-04-2014
مجموع المشاركات: 1769
التحية للاخت تراجي والف حمد الله على سلامتها.. وآمل ان توضحي لنا بعد تعب السفر هل السودانيين في كندا 150 سودانياً هههاهااااااااع .. لك التحية والتقدير ام حازم
01-10-2016, 08:20 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
وسعدنا حقيقة بوجودك في السودان مع زملائك زملاء المنبر.. وحقيقة انت وهؤلاء الزملاء كسرتم حاجز التواصل بين المعارضة والحكومة وكان لكم قدم السبق .. لكن في غيبتكم تفاجئنا بلائحة وتوقيعات لمائة شخص اعتقدنا بأنها كل كندا .. لا والادهى والا مر وجدت في هذه القائمة شخص يسمى بـ (موسى كمبيوتر) الامر الذي يوضح بألا جدية في الطرح ولا احترام حتى لهندام الطرح.
01-10-2016, 08:41 AM
عفاف أبو حريرة عفاف أبو حريرة
تاريخ التسجيل: 12-28-2006
مجموع المشاركات: 1818
هههه..قال نعسانة قال..بطلي الجرسة يا تراجي.. الف حمدا لله بالسلامة بالعودة.. اهم حاجة انك شفتي السودان التحت عامل كيف..و الأهم الشباب حازم وسند شافوا البلد والأهل والمفارقات والطرائف..ياخي دي براها بالدنيا..! لمن رجعت من السودان في سبتمبر الفات..اول ما دخلت البيت..جريت كابست اللابتوب..و لقيت صديقنا الجميل المستنير ابوبكر عباس فاتح بوست بيسأل علينا..وتووشك اندحنا لمن اخونا محمد نور عودو لقى ليهو حجة ميتة وفتح بيها البوستات..!! وانتي بوستات كتيرة مفتوحة عنك.. فشنو.. خليك رايقة شوية.. وقلتها لصديقنا الطيب قريمان.. Focus شعوب المعارضة عندها قدرة غريبة على التعلق بالبردعة حسب نظرية صديقنا دكتور بكري الجاك (عليه السلام اين ما كان وكيفما كان)..! اهو شفتي الواقع بعينك يا تراجي..ومافي زول/ة ح يقدر يبتزاك.. قولي الفي راسك..! لكني بيني بينك..مرات كترتي المحلبية شديد..! المهم..لي قدام شكل الحاجات ح يكون كيف..؟ كتر خيرك يا تراجي ، وبلغني انك كنتي حريصة على حضوري..لكن القدم ليهو رافع..! وبرضو ح تظلي (المُلة ) تراجي ..!! وعقبال بعودة بقية الشباب.. ست انفار ..وقفوا ليك المعارضة بكراع واحدة..وح يزيد العدد..لأنو تيار الضمير الحق ليهو سند في الواقع والمنطق..! الف حمدا لله بالسلامة..وجيتي في وكت جليد شديد ياااااااااااااخ.. التحية لقريبتك بتاعة ام جنقر.. فام جنقر باقية على مر الزمان..كنت ح اكون اسعد لو انك مريتي بنواحي رهيد البردي..!
غايتو يا تراجي ، عمر البشير يوم زيارتكم ليهو.. حق الضيافة ، كن شاي وكن شربات ..وكن مدمس مع تمر مسوس.. كلو كان جرورة.. والله صحي..!..ياخي قريبنا ده مرات عندو جعولية اسكتي ساكت خليها..!!
مرحب بيك هنا..
ودمتي طيبة انتي والعيال..!
كبر
01-10-2016, 09:26 AM
محمد إبراهيم علي محمد إبراهيم علي
تاريخ التسجيل: 08-10-2009
مجموع المشاركات: 10032
حراسك ديل ان شاء الله سالتيهم عن ان كان سمعو بطالب في جامعة الخرطوم وجد مقتولا وجثته مرمية في خور جنب كلية التربية قرييبات دي ولا عن طالب من دارفور برضو مات برصاصة قبل سنة في جامعة الخرطوم وده ولا كان مشارك في مظاهرة ولا حتى عندو علاقة بالسياسة ولا عن طلبة كتار من اولاد دارفور لقو جثثهم مرمية في ترعة جنب جامعة الجزيرة الغريبة ديل كلهم جهاز الامن والشرطة قالو ما عارفين الكتلهم منو على الرغم من انه قتلو في وسط الخرطوم او في مدني
01-10-2016, 09:31 AM
Kabar Kabar
تاريخ التسجيل: 11-26-2002
مجموع المشاركات: 18537
ول ابا المسلمي..حبابك يا صديقي غايتو الفيك انعرفت يا قريبي.. تراجي تشيف ، كبر ما تشيف..!! حقارة عدييل يا عمك..!
شكرا ليك ولكل الأصدقاء من بورداب المنبر..ناذر ، عمر صديق ، ذو اليد..و البقية.. على حسن ضيافتكم للشباب..ومافي مشكلة يا محمد..زي كانوا ضيفتونا واكرمتونا..!
الشباب ديل ، الحسنة الوحيدة المرقوا بيها ..انهم شافوا امسودان تحت عاملة كيف..وشايف اخونا ول ابا الطيب قريمان قال مرقها في بحر ابيض.. وده مكسب.. الناس تشوف البلد تحت عاملة كيف..و بعد داك ممكن تقول رأيها..!
اما صحابنا ناس (المعاردة) شوف عيني ح يجوا بكرة للبكا والتشكي..ويقولوا للمله تراجي..كما قال سيدنا محمد عوض..عليه السلام (حبيبي فاكرك معاي)..وشنو شنو كده ما عارف..!
عموما يا صاحب..في جاه الملوك لوك.. ويا ريتك بتحب اغاني الليجند محمد احمد عوض..
Quote: غايتو يا تراجي ، عمر البشير يوم زيارتكم ليهو.. حق الضيافة ، كن شاي وكن شربات ..وكن مدمس مع تمر مسوس.. كلو كان جرورة.. والله صحي..!..ياخي قريبنا ده مرات عندو جعولية اسكتي ساكت خليها..!!.!!
سلام لوليدي كبر بعد التحيه لاختنا تراجي ومنتظرين نسمع منها الانجازات .الا دي دحين ما عملتها واسعه شديد ؟؟؟!!!ناس البشير بتجعولوا فوق ظهر المساكين والجروره المتل دي ما حبابها لانه ماسجلوها في دفتر قصور كافوري لا علي مزارعهم لا علي مدخراتهم دي بجروها من بيت مال المساكين الما لاقين لقمه الكسره المره.
من يطبلون لكي كيزان انتهازيين ودا سبب كافي جدا لتعيدي حساباتك وتراجعي موقفك وحال السودان انتي شفتيهو لا بتحمل تِجدِع بتياب زي ما كوزات النظام بيعملوا ولا محتاج استعراض شعبية خلتك ستقولين بعد عودتك : غطوني وصوتو ا
01-10-2016, 02:47 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
Quote: لذي انجزته تراجي علي فكرة يا غالي انها اعادة الكرة لمعلب الشعب.....ونفخت الروح في الاعداد التي التقتها بان الخير فيهم اولا.وكسرت حواجز الخوف بين مكونات الشعب.
دي بالغتي فيها يا صديقه الشعب دا كورته عند ود ام بعلوو وخايف من ود ام بعولوو ما تكون مكونات الشعب دي ود ام بعلوو كمان ؟؟؟ بالجد اتحييرت جدا دا يا تراجي الانجزتيه ؟؟؟اديتي الشعب الكوره وود ام بعلوو واقف بالمرصاد بكامل عدته وعتاده؟؟؟!!!
Quote: لذي انجزته تراجي علي فكرة يا غالي انها اعادة الكرة لمعلب الشعب.....
ونفخت الروح في الاعداد التي التقتها بان الخير فيهم اولا.
وكسرت حواجز الخوف بين مكونات الشعب.
دي بالغتي فيها يا صديقه الشعب دا كورته عن ود ام بعلوو وخايف من ود ام بعولوو ما تكون مكونات الشعب دي ود ام بعلوو كمان ؟؟؟ بالجد اتحييرت جدا دا يا تراجي الانجزتيه ؟؟؟ اديتي الشعب الكوره وود ام بعلوو واقف بالمرصاد بكامل عدته وعتاده؟؟؟!!!
01-11-2016, 08:15 AM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
عودة تراجي اعادت الى الاذهان سيرة والدها عمر ابوطالب الاداري الراحل الذي ساهم في رسم خارطة بورتسودان واهم مشروعاتها التنموية عندما كان عبد الرحمن سلمان محافظا للبحر الاحمر في اخر سنوات نميري....
01-11-2016, 09:13 PM
سفيان عثمان قرضيه سفيان عثمان قرضيه
تاريخ التسجيل: 03-04-2014
مجموع المشاركات: 631
الغالية تراجي سعدت جدا جدا بمعرفتك ومقابلتك علي ارض الواقع رأيت فيك الشخص المخلص بمايؤمن به والعمل لتحقيقه مهم كان المعارضة لك من الآخرين ام حازم كوني بخير وصحة حيث ماكنتي
01-13-2016, 08:53 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
ول ابا بريمة ياغالي لعلك شدادين يازول ام حازم عملت عمايل في السودان وقول ياصور وقول كمان جنس قبول عند اَهلها في السودان ماعايز ابالغ ليك تراجي الترحيب من أهل السودان ليها مااظن وجده زعيم سوداني في الزمن السابق والحالي دي شخصية غريبة تجبرك علي احترامها
----- بجيك أراجع نقعد في البوست ده احكي ليك
01-13-2016, 08:56 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
ول ابا كبر سلام ياصديقي العزيز انت عارف ام حازم جاتنا في محل فريقنا والسترة والفضيحة متباريات قلنا نستر حالنا معاها ده اول شي . لكن بعد قابلناها لقيناها شخصية مختلفة ومحبوبة شديدة وزولة علي نياتها وكمان محظوظة جنس حظ انت عارف ولدنا عليان ود تلس ده كمان ودحلال وزول سمح سماحة لو سلم عليك ساهي تنشرح ليه أقول ليك ام حازم ماشة معاها باسطة
------ السواي ماحداث بس انت اظهر نعمل ليك وجع وش 😜😜😜 اسأل صاحبك الأديب المفتاح لو قلنا كلمتين الا واحدة انت فيها معزتك. غير والله يدينا الفي مرادنا وتشيف بعينك 👍🏽👍🏽👍🏽👍🏽
01-13-2016, 11:14 PM
Sudany Agouz Sudany Agouz
تاريخ التسجيل: 04-28-2002
مجموع المشاركات: 9014
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد المسلمي
عبدالحفيظ ابوسن
Tragie Mustafa
وائل حمزه الزبير
بريمة محمد
عفاف أبو حريرة
Kabar
محمد إبراهيم علي
د.محمد بابكر
doma
حسن مهدي
مهدي صلاح
حاتم الياس
الصادق اسماعيل
عزالدين عباس الفحل
د.عبد المطلب صديق
سفيان عثمان قرضيه
Adil Ali
عوض الشيخ حامد العوض
Sudany Agouz
فيس بوك
تويتر
انستقرام
يوتيوب
بنتيريست