كتب الكاتب الفاتح جبرا المتوفرة بمعرض الدوحة
|
Re: الفطور قدام جهاز الأمن .. محل بناتنا معتقل� (Re: عمر أبوعاقلة)
|
Author: عمر أبوعاقلة سلام يا أخي مأمون
Quote: و كل حاجة بالمنطق بتكون حلوة
مأمون أنت جادي بالله في الكلام دا زول معتقل أحد أفراد أسرتك وشغال فيها تعذيب وأنت يطرد فيك من قدام بابه .. وجلد بالسوط تقول لي منطق
و عليكم السلام أخى عمر
أهاااااا دا محل المنطق ذاتو ...
إذا كان الحال كدا ... إنت في إيدك شنو ؟؟؟
لو في منطق الناس كانت تعرف ليه واحدين فكوهم
و واحدين لسه ممسوكين ؟؟؟ معناها في التحقيق في
دليل على إنو الممسوكين لسه عاملين حاجة أكبر ..
و لمة الناس و كوريكهم نتيجتها المعاملة معاهم
بخشونة و منعهم من التواجد أمام المكاتب ..
بس لو جوا أهلهم بى ذوق و منطق ممكن يدخلوهم
المكاتب ذاتها و يفهموهم الحاصل ... أفتكر دا منطق ..
| |
|
|
|
|
|
|
Re: الفطور قدام جهاز الأمن .. محل بناتنا معتقل� (Re: Elbagir Osman)
|
ضارب الأمهات
Quote:
كائن يرتدي الجلابية السودانيه ولكنه تجرد من سودانيته
وقبلها تجرد من انسانيته وآدميته
.. حمل (الخرطوش) وحاول الاعتداء بالضرب على المشاركين في الوقفة الاحتجاجية يوم امس من
امهات
واساتذة جامعيين
وصحفيين
وسياسيين .
الامنجي مغسول الدماغ معدوم الضمير الذي لا يراعي حرمة الصيام ولا يحترم الشهر الفضيل والذي يعتدي على المدنين العزل من النساء والقامات الاكاديمية والوطنين الرافضين لانتهاك حقوق اخواتهم واخوانهم في الوطن والاسر محروقة الحشا التى تطالب بإسلوب سلمي بإطلاق سراح عيالها
ليس من حقه الغضب حين نوصفه بكلب الامن مع الاعتذار للكلاب.
وكمال قال شاعر الشعب محجوب شريف :
هم دربوك على الأذى .. تقتل تدوس .. تحرق ولا يهمك كذا ولا كذا .. كم فر طاغية من بلد .. ما خلا غير كلب الحراسة يئن وحيداً في القفص .. متلك مصيرو .. العزلة والخوف والجزع ..إن متَ حتى ولا عزا حكّم ضميرك يا ولد .. أمشي استحمى واعتذر ..واغسل يديك ..من كل ما يخليك أمام روحك قذر ألبس عراريق الحياة اليوماتي .. واقدل في الدرب ..لا يدسو منك لو غشيت ولا إنت أقرب زول إليك .. منك حذر ..أو فانتظر ..أو فانتظر |
تعليق منقول من الفيسبوك
| |
|
|
|
|
|
|
Re: الفطور قدام جهاز الأمن .. محل بناتنا معتقل� (Re: Elbagir Osman)
|
مأمون
قلت
Quote: الممسوكين لسه عاملين حاجة أكبر |
خلاص .. أدنتهم
نحن كلنا عارفين العملوهو
طالبوا بعدم بيع جامعة الخرطوم..
العاملين الغلط هم جهاز الأمن
الذي يعتقل بغير حق
ويمنع المعتقلات والمعتقلين من حقوقهم الأساسية
من زيارة أسرهم
ولقاء محاميهم
ونخشى من تعذيبهم
وإساءة معاملتهم
وهي كلها جرائم يعاقب عليها أي قضاء عادل
وحسين هبري ما بعيد
الباقر موسى
| |
|
|
|
|
|
|
Re: الفطور قدام جهاز الأمن .. محل بناتنا معتقل� (Re: Elbagir Osman)
|
Quote: في وقفاتهم الراتبة امام مكاتب جهاز الأمن، تضامن أمس الاول مع أسر المعتقلين،
العشرات من الأصدقاء،
ناشطو المجتمع المدني ،
ممثلو من الأحزاب السياسية
والحركات الشبابية
والعديد من الرافضين لاجراءات القمع و الفصل والاعتقال.
هذا و ستتواصل الوقفات الاحتجاجية امام مكاتب جهاز الأمن في كل من ايام
السبت
والأثنين
والاربعاء
حين موعد الافطار ،
حتى يتم إطلاق سراح كل الطلاب المعتقلون . |
منقول
| |
|
|
|
|
|
|
Re: الفطور قدام جهاز الأمن .. محل بناتنا معتقل� (Re: Haytham Ghaly)
|
Author: Elbagir Osman مأمون
قلت
Quote: الممسوكين لسه عاملين حاجة أكبر
خلاص .. أدنتهم
نحن كلنا عارفين العملوهو
طالبوا بعدم بيع جامعة الخرطوم..
العاملين الغلط هم جهاز الأمن
الذي يعتقل بغير حق
ويمنع المعتقلات والمعتقلين من حقوقهم الأساسية
من زيارة أسرهم
ولقاء محاميهم
ونخشى من تعذيبهم
وإساءة معاملتهم
وهي كلها جرائم يعاقب عليها أي قضاء عادل
وحسين هبري ما بعيد
الباقر موسى
الباقر
القال ليك منو أدنتهم ؟؟ بتتفلسف براك وللا شنو ؟؟
قلت عارفهم عملوا شنو ؟؟؟ قالوا ما يبيعو الجامعة ؟؟؟
و القاليكم الجامعة دايرين يبيعوها منو ؟؟؟ نظريات خميرة ...
ما في حاجة مضيعانا إلا الشايعات ... الواحد أول ما يسألوا
من حاجة يقول ليك ... سمعت أو يقول قالوا ... طيب منو القال ؟؟؟
يتبلم من السكات ....
طيب لو ديل زى أخوانهم الفكوهم ... ديلك كانوا قالوا ليهم خلاص
بيعوا الجامعة و خلونا نمشى ؟؟؟؟ أنا كوالد ... و مرت بى ظروف
قبل كدا قريبة من الحاصلة دى بتكلم عن تجربة ... دائماً الأسلوب
ليهو دور في تهدئة الوضع في أي حتة لو كان بأدب و رفق ...
و ليهو دور في تأزيم و تعقيد الوضع لو كان عنترى و عنيف ...
لو عندك مع الناس ديل ولد أو بت كان كلامى وقع ليك ...
لاكين باين عليك إنت بتاع بوستات و ظهور و عاوز ليك
فتنة عشان تركب عودك ...
و هديك الحكومة قدامك ... كل يوم تعال أقيف .. يمكن
ناس الأمن يخافوا منك و يفكوهم ...
شنو يعنى هبرى و للا غيرو ؟؟؟ الناس هسه موجوعة
بى أولادها و إنت جاييى تمطمط في الكلام الهوا دا ؟؟؟؟
شوف ليك زول تانى أظهر عليهو ....
كلامى دا خاص لأولياء أمور الطلاب ... مش ليك إنت
لأنو لو فصلوا الواحد هم البيتعبو ... و لو منعوهو يستلم
شهادتو هم البيتعبو ... و حا يتعاكس محل ما يمشى ...
و ما في اليد حاجة تغير ... إبقى المنطق أحسن ..
و لى قدام بيفرجها الله ... بس المنطق أحلى ....
| |
|
|
|
|
|
|
Re: الفطور قدام جهاز الأمن .. محل بناتنا معتقل� (Re: مامون المعتصم أحمد)
|
محمد محجوب عتيبة طالب كلية القانون جامعة الخرطوم اعتقلوه وعذبوه وشربوه بنزين غصبا عنو ، طلع من المعتقل عيان بتسمم في الدم وقرحة وبعد خروجه بأيام تم فصله من الجامعة. ويوم 5/مايو/2016 تم اعتقاله للمره الثانية مع الطلاب والطالبات من مكتب المحامي نبيل اديب رغم وضعه الصحى الحرج ولم يتم اطلاق سراحه حتى اليوم 13-يونيو-2016 م // 8 رمضان 1437
| |
|
|
|
|
|
|
Re: الفطور قدام جهاز الأمن .. محل بناتنا معتقل� (Re: Elbagir Osman)
|
Quote:
June 17, 2014 ·
انعقد قبل قليل المؤتمر الصحفي لأسر المعتقلين بالمركز العام للحزب الشيوعي السوداني بالخرطوم 2.
وقد اوضحت اﻻسر اﻻنتهاكات الشنيعة التي تعرض لها المعتقلين وتحاول اﻻسر ان تلفت انتباه الراي العام المحلي والعالمي من اجل اطﻻق سراحهم وايقاف التعذيب.
التحية والانحناءة للمعتقلين
والخزي والعار لحكومة الفقر الدمار وجهاز امنها الفاشستي |
| |
|
|
|
|
|
|
Re: الفطور قدام جهاز الأمن .. محل بناتنا معتقل� (Re: Elbagir Osman)
|
رسالة من الأستاذة زينب بدر الدين
Quote: ردا على السيد مأمون
أخشى أن لا أكون قد إستوعبت معنى (منطق) المقصودة..
أولا من قال أن "الجامعة باعوها" هو مركز الخدمات الصحفى الرسمى للحكومة SMS ، مازول من المعارضة. أعقبه مدير الحامعة، الذى رجع فى كلامه بعد الهبة العظيمة للطلاب والخريجين ووسائل التواصل الإجتماعى، ثم وزير السياحة، يا سيد مأمون ... جات من بيتهم، والسبب أن هناك إستفتاء فى دارفور كان يراد التغطية عليه وعلى تزويره بحدث كبير كبيع جامعة الخرطوم ..
نرجع لـ(ألمنطق)،
خاطبنا مدير الجهاز ومدير الجامعة ووزيرة التعليم العالى والنائب العام بمذكرات ..
كلفنا محامين بالمتابعة ..
وأخشى أن لا أكون قد فهمت (المنطق)..
طالبنا أن نقابل أولادنا ولم يستجب لنا إلا بعد (عدم المنطق) الذى لجأنا له..
نحن أصحاب، حق لا نرجو ولا ننكس رؤوسنا، إن كان هذا ما تعنى بـ(المنطق )
ولن نتمسكن
فالحرية حق مكفول بكل الأعراف والقوانين والدساتير..
ليس من بين المعتقلين مجرم، وان كان، لقدم الى محاكمة ..
والأولاد والبنات ديل ما سرقوا قروش الولاية وطالبين يتحللوا
المجرم الحقيقى هو من إعتقلهم من داخل مكتب محامى ذهبوا له ليقدم لهم طعن إدارى
فهجمت عصابة الجهاز وإختطفتهم. هو ليس إعتقال..
من حقنا كأسر أن نحتج بكل الطرق السلمية
وأن نطلب من فئات المجتمع الشريفة أن تتضامن معنا ..
زينب بدر الدين
|
| |
|
|
|
|
|
|
Re: الفطور قدام جهاز الأمن .. محل بناتنا معتقل� (Re: Elbagir Osman)
|
وكلمة شكر من الإستاذة والأم زينب بدر الدين:
Quote:
لم يكن تضامنا بالمعنى المجرد السياسي ،
كانت إحاطة بالحب لأسرة بسيطة عركتها الحياة وإختارت طريق الوطن
فكان حبكم لها قوتها وسندها وقاطرة طريقها ...
لا أعتقد أن الشكر هو المناسب ولكنه يظل حاضرا. لكن الجميل و المزيد من حب الوطن ناتج هذا الدعم
لا يمكن أن تظللنا العقول والقلوب ولا يكون رد الجميل إلا ..المزيد من النضال
حتى ننتصر
وسوف ننتصر جميعنا
من بالداخل من بالخارج
والذين رحلوا فى دنياهم الأخرى منتصرين ...
الحب ما أستطيعه
|
| |
|
|
|
|
|
|
Re: الفطور قدام جهاز الأمن .. محل بناتنا معتقل� (Re: Elbagir Osman)
|
Quote:
حزب المؤتمر السوداني
June 21 at 1:37pm ·
*بيان*
أفرجت سلطات جهاز الأمن عن بقية طلاب جامعة الخرطوم المعتقلين لديها بعد أن قامت بتسليم ثمانية منهم لقسم شرطة الخرطوم شمال وفتح بلاغ جنائي في مواجهتهم تحت مواد الاحتجاز غير المشروع و التملك الجنائي كأنما هم اللذين قاموا باعتقال جهاز الأمن لمدة شهر ونصف وهو ما كنا قد اوضحناه في بياننا السابق قبل أسبوع.
بالإفراج عن طلاب الجامعة المعتقلين، يظل هناك
الطالب عاصم عمر حسن المحبوس بقسم شرطة الرياض
و الطالب صباح الزين المعتقل بجهاز الأمن
حيث يواجه الأول اتهاما جنائيا بالقتل العمد
فيما لا يعرف الأسباب والمبررات الخاصة بالطالب صباح الزين المعتقل لمدة خمس وأربعين يوما.
يدعو القطاع القانوني لحزب المؤتمر السوداني للعمل من أجل الإفراج عن كافة المعتقلين السياسيين ويدعو كافة المهتمين إلى العمل من أجل إلغاء المواد والقوانين المقيدة للحريات.
القطاع القانوني
حزب المؤتمر السوداني
|
| |
|
|
|
|
|
|
|