|
|
|
 Re: الدغِت والسُكري والزهايمر، ؤ وجع الرُكب، (Re: معاوية المدير)
|
Quote:
ووجع الاضنين
وحياتك بقينا زي البلها |
يا عبد الحفيض،
عليك بقطرة البصل .
قبل يجونا الدكاترة اللوقعا ليك،
عاين جاي، تجيب البصل تمصُرُو ؤ تقول كدي تقطُر في اللضان دي قطرات
ؤ في اللضان التانية قطرت، بعد دآك أسعلني كان تاورنّك .
عِلآ ناس الطب يبقى عندهم كلاماً آخر ...
| |
 
|
|
|
|
|
|
|
 Re: الدغِت والسُكري والزهايمر، ؤ وجع الرُكب، (Re: Hassan Makkawi)
|
ما دام كلاويك نصيحات
تحمد ربك تب و تصوم على بركة الله
و كان لى الدغت تفطر بما كثر منه الثوم
و كان لى السكّرى حلّى بى بطيخ مسيخ
وكان لى وجع الركب السحور كوارع
و كان لى الزهايمر اكيد ما حتنسى ساعة الفطور
و مرّن منّو كم يوم
اما التانيات بتاعات ابو حتحوت و مكّاوى
فالصوم خير دواء
و وجع الاضان برضّو ما بحلك
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: معاوية المدير)
|
Quote: إسبيرات ماتنفع تاني
او على قول المسطول للذي يشكو أمراضه لله "أدعى ربك يجيب واحد بدلك
-
يديك كمالات الصحة والعافية ياحبيب |
وِ إنت كمان يا حنين،
يديك العافية .
غايتو السوتا فينا السينما الجمهورية انا وِ إنت،
يا قول اهلنا، الكلـب في الخُمارة ما سواها ...
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: معاوية المدير)
|
ههههه
عارف يا ود المدير عندنا جدا لينا الله يرحمه جبنا الخرتوم منتهي ..
الدكتور في العيادة بعد الفحوصات والصور واللذي منو .,
قالو يا حاج دغتك كدا والسكري والالتهابات والقلب والمصران و ووو ..
طلعلو ورقه عايز يكتب فيها ..
جدنا مسك ايد الدكتور وقالو بتكتب في شنو يا ولدي ؟
قالى عايز احولك للمستشفي واكتبلك روشته ..
قالو لالا يا ولدي اكتب للوليدات ديل يمشو يشوفلم كفن وبكان دافنه من بدري ..
الله يديك ويدينا العافية .
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: معاوية المدير)
|
سلام ود المدير و ضيوفك الكرام
تسلم من كل مرض و ربنا يعافيك.
الامراض موجودة لكن زول زيك بقدر يتعايش معاها.
كل الشكر و التقدير و العرفان للقائمين على سينما الجمهورية و الوطنية و الاستاد ذاتو.
ديل فتحو عيونا على دنيا جميلة في زمن جميل و مكان اجمل.
اتمنى ان تخلص العزلة المجيدة للدكتورة اخلاص المشرف و مطلوب حضورها في هذا البوست
و ربما حيدر الزين ايضا.
التحية ليك و لحيدر و لكل الحضور الجميل.
تحياتي و احترامي
| |
|
|
|
|
|
|
|
|
 Re: الدغِت والسُكري والزهايمر، ؤ وجع الرُكب، (Re: معاوية المدير)
|
| Quote: نسيت البواسير يا ود المدير..... |
هِي دِي بتتنسي يا مكاوي ؟، يا زول دي عندنا في البلد حرّم ما تقدر تقول آح،
أها عشان كدي جيت مقرّط عليها من البلد ؤ مقطعا في حناني، وصلتي بلد
الخواجات جبتلك اجلآ .
اكان أُكُنت في البلد لي هسّع آمانة ما إتعوّق راجل ...
| |
|
|
|
|
|
|
|
|
 Re: الدغِت والسُكري والزهايمر، ؤ وجع الرُكب، (Re: عادل الباهي عبدالرازق)
|
Quote:
ما دام كلاويك نصيحات
تحمد ربك تب و تصوم على بركة الله
و كان لى الدغت تفطر بما كثر منه الثوم
و كان لى السكّرى حلّى بى بطيخ مسيخ
وكان لى وجع الركب السحور كوارع
و كان لى الزهايمر اكيد ما حتنسى ساعة الفطور
و مرّن منّو كم يوم
اما التانيات بتاعات ابو حتحوت و مكّاوى
فالصوم خير دواء
و وجع الاضان برضّو ما بحلك |
وجع اللضان مِتنافضو، دا بيشكي مِنّو ود ابسن .
بِتيّخ مسيّخ ليه، انا هندي ؟. بمناسبة الكوارع دي ذكرتني، نسيت الكلوسترول،
اما بالنسبة للصيام فتوة شيخي المستنير تب ما ببضع فيها ...
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: بله محمد الفاضل)
|
الحبيب ودالمدير .. متعك الله بالصحة والعافية بقدر إبداعك ..
المهم ( كرت التأمين الطبي ) .. والأفضل لو إنت خارج الوطن العربي
لو في العالم المتحضر .. قطع الغيار متوفر .. ركب ، قلب ، عيون .. أي شيء
أمس كنت بنصح في الشباب في الجمعية في جدة عن مضار التدخين ولتخويفهم
قلت ( التدخين يسبب العجز الجنسي وضمور في العضو ) القلب ساهل والكلية ممكن زراعتها
واحد من الشباب قال لي ( يا عمو .. بقى في زراعة عضو التناسلي في أمريكا ) وفشل لي المحاضرة
ما عارف الكلام ده صح او خطأ ..
غايتو بعد الستين الواحد يشوف ليه مكان زراعات ..
سؤال : مافي لجوء لأسباب صحية وعدم توفر الخدمات الطبية ..
ربنا يواليك بالصحة والعافية .. ود المدير .. كلنا في الهوا سوا .. الله كريم
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: معاوية المدير)
|
Quote: ههههه
عارف يا ود المدير عندنا جدا لينا الله يرحمه جبنا الخرتوم منتهي ..
الدكتور في العيادة بعد الفحوصات والصور واللذي منو .,
قالو يا حاج دغتك كدا والسكري والالتهابات والقلب والمصران و ووو ..
طلعلو ورقه عايز يكتب فيها ..
جدنا مسك ايد الدكتور وقالو بتكتب في شنو يا ولدي ؟
قالى عايز احولك للمستشفي واكتبلك روشته ..
قالو لالا يا ولدي اكتب للوليدات ديل يمشو يشوفلم كفن وبكان دافنه من بدري ..
الله يديك ويدينا العافية . |
هههههههههههه،
الله يرحمو ياخ .
تعرف يا ملك، عندنا قريباً لينا جانا من البلد في اتبرا عشان يقابل الدكتور،
أها قام مشى قابل الدكتور ؤ جا، قامت الوالدة الله يرحمُن ؤ يغفر لهم سألتو،
قابلت الدكتور . قالها، آيّ . قالتلو، أها قالك شنو ؟. قالها، قال لي تمشي تقابل
الجرآح . قالتلو، أها قابلت الجرآح ؟. قالها، يا بت همزة إنتِ جنيتي، بقابل
الجرآح عشان يجرِحني ؟!.
نسأل الله لهم الرحمة ...
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: معاوية المدير)
|
Quote: الله يستر
الشغلة ما دام بقى فيها سينما جمهورية و
Abstain و ده بخلاف العدّة و البواسير البوست ده شكلو لافّى .. شمين ....
يا ود المدير الابستين ده حار و ماب تقدر عليهو بالذات و انتا عندك خبرة جمهورية
و السلام عليكم .. انا تانى هنا مانى جايى |
أها، كُووووووولهِن عِرِفناهِن،
إنت العرّفك بالسينما الجمهورية شنو ؟،
ؤ كمان تقول حيدر حسن ميرغني كان بخُش الدور التاني ؟!...
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: معاوية الزبير)
|
Quote: Àbdòò Hâmåd · مهندس شبكات في Real Madrid C.F.
بس مايكون البتاع ............. زي الجزلان هههههههههههههههه |
ههههههههههههههه،
تعرف يا حماد البتاع دا يبقى جزلان واللآ محفضة أصلو ما هاميني، بس اكتر
حاجة مجهجهة باكاتي ؤ مخوفاني حكاية السكري دي . البارح بالليل اساسق
الليل كلو علي المستراح عشان قالو السكري بي يبوّل الزول، ياخي دا خل
زي تِسعطاشر مرّة ؤ نُص كدي، مرآت يجي نُقاط ساكت تصدق !، بس انا
دايماً بحاول اطمّن نفسي وكِت ابقى ماشي علي المستراح اقول بيني ؤ بين
نفسي، الليلة انا خلي بالكم ببقى شربت لي موية كتيرة ساكت . الغريبة وكِت
اقيس السكري يا زول القاهو ليك زي برشلونة، مستواهو سابت ؤ زي القون
لكن الخوفة الدخلآ فوقي الدكتور ما ظنيتا تمرق مِني ليوم الدين، الله لا
تجعلآ لي ندآمة المشيت قابلتو دآك اليوم ...
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: معاوية المدير)
|
تحياتي صديق ودالمدير ويارب طيب
أها كووووولو دي هيِّن
بس نعَلْ التّور مافارق البقرات!؟
وشرحها في المربوعة دي:
أم ديساً مكربِل طالق العسَّاف
جوزاً ليكي من تالايا تبْ مايخاف
الشّوف قَلَّ والراس لاف
والتّور فارق البقرات سدر في صداف
معزتي ويارب ديمة سالم ومعافي
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: معاوية الزبير)
|
Quote: هسي حالتك شرحت يا عبيد!
يمين ود كندا دا، جوزا ليكي دي يكون افتكرا باص دبل كيك
اشرح كويس ياخ |
ههههههه
تحياتي ومعزتي الصادقة الأخ معاوية الزبير، ولك في القلب محبة وإن لم نلتقِ
ودكندا دي زول من الجرارق في الموروث
وإنت ياودالزبير عارفك بتكون عرفتها تب، لأن جذور أهلنا الرباطاب مابتقع ,وأنت ضارب بجذورك في عمق موروثهم وهم أهلك
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: عبيد الطيب)
|
Quote: البارح بالليل اساسق
الليل كلو علي المستراح عشان قالو السكري بي يبوّل الزول، ياخي دا خل
زي تِسعطاشر مرّة ؤ نُص كدي، مرآت يجي نُقاط ساكت تصدق |
ايييييي لا حولةً بس دي ياها البروستاتا البقولوها
اها بس الحق العدة بدري بدري
عندنا قريباً لينا شليييق ودايماً يردد الكلام البستخدمو الناس في مواضع ما مناسبة مع الموقف
المهم جا يزور خالو راقد في السلاح الطبي سولو عملية زايدة بدل يقولو سلامتك وكفارة واجر عافية
بلا قالو : آ خالي كترت المرض للموت
خالو قالو قوم اطلع برة العن ابوك لبو العلمك
يديك العافية يا ود المدير واللقمة الدافية
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: Haytham Ghaly)
|
Quote: سلام ود المدير و ضيوفك الكرام
تسلم من كل مرض و ربنا يعافيك.
الامراض موجودة لكن زول زيك بقدر يتعايش معاها.
كل الشكر و التقدير و العرفان للقائمين على سينما الجمهورية و الوطنية و الاستاد ذاتو.
ديل فتحو عيونا على دنيا جميلة في زمن جميل و مكان اجمل.
اتمنى ان تخلص العزلة المجيدة للدكتورة اخلاص المشرف و مطلوب حضورها في هذا البوست
و ربما حيدر الزين ايضا.
التحية ليك و لحيدر و لكل الحضور الجميل.
تحياتي و احترامي |
يا سلآلآلآلآلآم،
حباب الزول حبابو، الوليد الشيخ بزاتو ؤ صفاتو ؟،
والله مشتاقين . ربنا يسلّمك من كل شر وبلاء .
نسأل الله ان يصبرنا علي الإبتلاء يا ود الشيخ، واتبرا دايماً في البال والخاطر .
بت المشرف حبابا والمسخوت ود الزين والله طولنا مِنّو بالحيل لآمن اللوم
حصل، ليهو السلآم والشوق ؤ معاهو ود الفكي .
لكم مودتي ...
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: معاوية المدير)
|
Quote:
طيب فضل شنو الشغال يا ود المدير
والله مافضل ليك الا تقول الله يقطعك يا رطوبة قطر
اسوة بالنكتة اياها |
اكان جيت للجد يا ود الباهي مافي شِيتاً كدي فضلت يقولوا عليها،
الله يلزمنا الصبر بس .
كدي ما تحكي لي النكتة القلتها دي كان اضحك لي ضحكة ضحكتين
يطيرن مني وجع الضرُص دا ...
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: معاوية المدير)
|
Quote: واحد صاحبنا الله يرحمه كان بقوليك علامات الكبر بمسك أول حاجة الدماعات والسماعات والوطايات
الدماعات العيون
السماعات اللضنين
الوطايات الكرعين
فلو عندك أي حاجة غير كدا ما عندك مشكلة عادي وبتعدي ههههههههههههههههه ومعناها لساتك شباب |
ههههههههههههههههههههههه،
والله يا بلة الكُبُر دا انا مكجنو جِنِس كِجنة !، ؤ سيرتو دِي رقبتي ما بدور اسمعا .
حتي لآمن زول يطراهو لي بعمل ما سامع .
عارف،
عندنا خالاً لينا وكِت المرض عصر عليهو بالحيل قال،
والله ساكت يقولو، المرض ما بيكتُل، المرض مابيكتُل،
والله المرض يظقِقك ظق ...
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: معاوية المدير)
|
Quote:
الحبيب ودالمدير .. متعك الله بالصحة والعافية بقدر إبداعك ..
المهم ( كرت التأمين الطبي ) .. والأفضل لو إنت خارج الوطن العربي
لو في العالم المتحضر .. قطع الغيار متوفر .. ركب ، قلب ، عيون .. أي شيء
أمس كنت بنصح في الشباب في الجمعية في جدة عن مضار التدخين ولتخويفهم
قلت ( التدخين يسبب العجز الجنسي وضمور في العضو ) القلب ساهل والكلية ممكن زراعتها
واحد من الشباب قال لي ( يا عمو .. بقى في زراعة عضو التناسلي في أمريكا ) وفشل لي المحاضرة
ما عارف الكلام ده صح او خطأ ..
غايتو بعد الستين الواحد يشوف ليه مكان زراعات ..
سؤال : مافي لجوء لأسباب صحية وعدم توفر الخدمات الطبية ..
ربنا يواليك بالصحة والعافية .. ود المدير .. كلنا في الهوا سوا .. الله كريم |
أُستاذنا علي،
إنت إن شاء الله بالعافية أتخُسّك في المصارين
ؤ تبقالك هِدِم يا سيدي سِروال ؤ نعلين .
نحمد الله يا علي سُبُل العلآج متوفرة عندنا عِلآ بندور نسمع رأي دكاترة
البورد الفسلين ديل . البِتاع انا أصلي قِنِعت من خيراً فيهو، ؤ كان للأرض
يا علي اخوي بِقت بُوّر طريقةً تقوملها خدار تاني ما فيها تب ...
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: معاوية المدير)
|
Quote: صباح الخير بتوقيت الرياض حيث السخانة تلحم وتهيييج البواسير
داير اقوللك شن باقي تاني علا عملية العيون والبواسير ونموت لقيت الشفوت ناس دار فلاح جابوها ضقلا ينقط :)
اديييك ربي طول العمر والسعادة موش زي نكتة بلة جابر من بطن امو للمقابر |
حبابك أخوي حامد بدري .
ناس دآر فلآح مالُن كمان ؟.
ذكرتني نُكتة الراجل الجِنّو سلفيات،
قالوا كمّل السلفيات اللآتو كُولهَن . أها يوم ماشي في اللِسبتالية
لآقاهو راجل عجوز قالو، يا ولدي عنبر الباطنية بوين ؟.
قالوا، والله يا حاج عنبر الباطنية ما بعرفو، لكن فيك حلآة سلفية
طقم !...
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: معاوية المدير)
|
Quote:
اكان جيت للجد يا ود الباهي مافي شِيتاً كدي فضلت يقولوا عليها،
الله يلزمنا الصبر بس .
كدي ما تحكي لي النكتة القلتها دي كان اضحك لي ضحكة ضحكتين
يطيرن مني وجع الضرُص دا |
يا ود المدير قال ليك في واحد مغترب في قطر وأولادو في السودان أها صاحبك هناك واقع
ليك الحبشيات ديل ومدلع روحو آخر دلع قام سافر السودان في الاجازة وأول ما ختا كراعو
في البيت المرا قامت علي حفرة الدخان صاحبنا عرف المرا عاوزا شنو وقاصدا شنو قام جاءها
براحة كدة وقال لها والله يابت عمي ود عمك ضاربهو رطوبة قطر مكسراهو كلو كلو فدحين
ما تولعي حفرتك ساااي أديني بس يومين الشمس تضربني والرطوبة دي تطلع وما بقصر معاك تب
المرا صدقتو و مر يوم ويومين والمرا ترفع في راسا وتترجا فيهو وصاحبنا ولا هنا ولا هناك عامل غمران
ولمن كمل أسبوع المرا من جوا بتغلي عديل قامت غسلت الاواني ووضعتا في طبلية غسيل العدة والراجل
قاعد في كرسي في الضل يقوم يجيء ديك ناطي في طبلية غسيل العدة يكسر ليك كباية قامت ليك عليهو المرا
زعلانة نهرتو وقالت للديك اللياقة أنت بتجيبا من وين أريتك بي رطوبة قطر تمسكك تخليك قاعد لاىتهش ولا تنش.
فداحين دا كلو هين بس اعمل حساب الرطوبة هههههه .
براك طلبتا النكتة 
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: معاوية المدير)
|
Quote: تحياتي صديق ودالمدير ويارب طيب
أها كووووولو دي هيِّن
بس نعَلْ التّور مافارق البقرات!؟
وشرحها في المربوعة دي:
أم ديساً مكربِل طالق العسَّاف
جوزاً ليكي من تالايا تبْ مايخاف
الشّوف قَلَّ والراس لاف
والتّور فارق البقرات سدر في صداف
معزتي ويارب ديمة سالم ومعافي |
سلمك الله من كل شر وبلاء،
يا ود المقدم زولي المتمم كيفي .
وحات معزتي ليك فراق الطريفي لي جملو
يا قول المقالة ...
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: معاوية المدير)
|
Quote: هسي حالتك شرحت يا عبيد!
يمين ود كندا دا، جوزا ليكي دي يكون افتكرا باص دبل كيك
اشرح كويس ياخ |
يا ود المقدم،
ود الزبير دا قريباً ليَ من تالآ ابوي، ؤ هو من تالآ الجزيرة مُقرات
رباطابياً قاطع القول عِلا ترخيس كوستي ؤ صاحباً لي جنوّن شيوخ أُم هبج،
عشان كدي وِكت يجيك وآقع في حَواك من تالآهو لا تقصّر .
يا ود الزبير،
الراجل قالها، زوجك من ناحيتي اليرقُد قفا انا بقيت من أُولي الإربة .
واللآ مُو كدي يا ود المقدم ؟...
| |
|
|
|
|
|
|
|
|
|
Re: الدغِت والسُكري والزهايمر، ؤ وجع الرُكب، (Re: معاوية المدير)
|
Quote:
ايييييي لا حولةً بس دي ياها البروستاتا البقولوها
اها بس الحق العدة بدري بدري
عندنا قريباً لينا شليييق ودايماً يردد الكلام البستخدمو الناس في مواضع ما مناسبة مع الموقف
المهم جا يزور خالو راقد في السلاح الطبي سولو عملية زايدة بدل يقولو سلامتك وكفارة واجر عافية
بلا قالو : آ خالي كترت المرض للموت
خالو قالو قوم اطلع برة العن ابوك لبو العلمك
يديك العافية يا ود المدير واللقمة الدافية |
الله يعافيك يا الغالي يا ود الغالي .
العِدة تطير، عِدة الرماد دي ما قلنالكم مافيها عمار .
كمان جابتلها بروستاتا ؟، يعني الهلُمّة الفوقي دي ما مكفياكم ؟.
غايتو بس، أحوني بالدعاء اخرا ما بعرفا ...
| |
|
|
|
|
|
|
| |
معاوية المدير
أبوبكر عباس
عبدالحفيظ ابوسن
حيدر حسن ميرغني
محمد البشرى الخضر
Hassan Makkawi
جلالدونا
محمد حيدر المشرف
محمد على طه الملك
سيف الدين محجوب
عادل الباهي عبدالرازق
بله محمد الفاضل
علي عبدالوهاب عثمان
حامد بدري
عزالدين عباس الفحل
معاوية الزبير
عبيد الطيب
فيس بوك
تويتر
انستقرام
يوتيوب
بنتيريست