+++ عدت الى المنبر لأبشر بالمسيحية ( الجزء الخامس ) +++

يا سلام يا منى .. من متين ما اتلاقينا .. دا كلو من تلاهى الدنيا دى ..

بالله كيف عاملة .. وكيف الصحة والعافية .. ان شا الله كل شئ تمام ..

كما انو عمك الشاب زى ما قلتى .. حى بيفرفر .. ونشكر الله على كلى شئ ..

كم أنا عاجز عن تقديم شكرى وتقديرى لكلماتك الرقيقة .. اللى تشعرنا .. مازالت الدنيا بخير ..

Quote: حبيب قلبي .. سوداني الجوة وجداني العجوز .. اولآ مشتاقون يا حب ... وكيفك وكيف صحتك ؟ يا جوه وجداني الاسبوع الفات كنت في تشييع زميلتنا الجميلة الخلوقة ( اريانا ) تقبلها الله مشيت الكنيسة واتذكرتك بما اني ما نسياك .. يكن يا عجوز والله تدخلو الموت في النفس وحب الله والموت .. وقررت ما افوت اي تشييع من الكنسية ليطمئن قلبي .. ولك وافر حبي ...

يا ستى ربنا يخليك .. وتعيشى وتجاملى الناس .. صدقينى .. بدون محبة للناس ..

الدنيا ما تسوى شئ ..

ويا ستى .. إن شاء الله تزورى الكنيسة فى مناسبة الأفراح .. يارب ويجعل أيامك كلها أفراح فى أفراح ..

وكمان مش كده وبس .. ليه ما تزورى الكنيسة أيام الأحد .. وتاخدى فكرة كيف

الناس بيصلوا يوم الأحد ..

عمومياً .. أنا سعيد .. انو أقرأ كلمات من أخت حبيبة .. تتصف بالشجاعة .. والتى

يفتقدها الكثير من الرجال .. فى أيامنا هذه .. و السبب هو التعصب الدينى الأعمى ..

الذى يعمى البصر والبصيرة ..

ليت كل الناس زيك .. يا منى يا بتى ..

لكن .. الآن .. أصبحت المرأة .. تجاهر برأيها مثلها مثل الرجل .. حتى ولو كان

الضغط واقع عليها من جميع الإتجاهات ..

أكثر الله من أمثالكن .. والرب يبارك حياتكن .. يارب ..

ودمت بألف خير ..

عمك العجوز ..

ارنست