نحبك حروف مكبوبه فوق للخلوق شتله صبر وبحر حنين نصبك جوة في الاعماق شعور مويه حنان يا احلي زول شال مننا الهم والتعاريج والالم الف لا باس تنزل مطر تلبس ارض روحك شفاء بقدرة الخت السماء فوق للارض وبين كاف ونون بيشيل سقامك للابد كل الحروف القلتها من الالف حتي اخر المطاف بياء بلدا ترجع تضوي النيل وضل النخيل يمتد اطول تستني ترجع تفرهد حسها بحبه مدد اشعارك احساس بامان احساسك الوردة فوقها الندي تحضن رزاز حروفك ضي مصابيح للفقراء والمساكين والعاملين فوق للعساكر والرصاص وللساجدين ماسكين حبل اليقين طوريه تحفر في الارض ضد الرصاص والانتكاس تمرق حروفك حسنا (بكسر الحاء) بيتجرتق السودان فرح سودان جديد كل البلد احساس مزارعيه ارض وصوت شعبك احساسات خلاص ونغم غناء يغسل عناء الوطن المكوجن بالتعب بنحبك يا زول يا جميل في السهل من كل الحقول شمال جنوب شرق غرب يستنوا فيك ويختوا حرفك دوزنه محجوب يعود متعافي وبالعودة يفرح شعبنا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
رشيدة عثمان فقيري
فيس بوك
تويتر
انستقرام
يوتيوب
بنتيريست