|
|
|
 Re: وثيقه سودانيه يعود تاريخها الي 75 عاما (Re: Maawya Hussein)
|
قائمه المتبرعين شملت
عبد الرحمن المهدي
ابراهيم بك عامر
عبد المنعم افندي محمد
حسنين ابو العلا
سليمان الحاج حسن سعد
علي المهدي
عبد الله الفاضل
هنري جيد
عثمان صالح
عبد الحميد المهدي
حسين افندي خليل
دفع الله شبيكه
احمد افندي حسون
مخمد علي افندي حسون
بابكر بدري
صديق عيسي
________
لهم الرحمه والمغفره جميعا
| |
 
|
|
|
|
|
|
|
|
Re: وثيقه سودانيه يعود تاريخها الي 75 عاما (Re: Maawya Hussein)
|
السيد عبدالرحمن المهدي الله يرحمو الزمن داك بقولو عندو قروش اكتر من الفي خزينة الدولة ، بحكو اهلنا في النيل الابيض انو نقلو ابهاتهم الاشتغلو في المشروع باشكتبة مع السيد عبدالرحمن انو كان عندو عشرة الف جنيه وقيل اكتر
لكن من اغنى اغنياء الخرطوم ومن المذكورين في الورقة المرحوم عبدالمنعم محمد ، دا كان عندو نص العقارات في الخرطوم ، وهو من أكبر رجال الاوقاف في السودان على مر التاريخ
رحمة الله عليهم جميعاً
والله المراحيم المذكورين في الورقة ديل لو جوك في كشف عرس الزمن داك تكون اسعد زول
رحمهم الله جميعاً
| |
|
|
|
|
|
|
|
|
|
Re: وثيقه سودانيه يعود تاريخها الي 75 عاما (Re: Maawya Hussein)
|
ايوة ميدان عبدالمنعم ، اللي هو هسي نادي الاسرة وبفتح عليهو جامع عبدالمنعم محمد في خرطوم 3، وبرضو ميدان المولد ، تقريباً اتنقل ميدان المولد من ميدان عبدالمنعم لموقعه الحالي ، والميدانين ارض كانت تبعو
لكن العقارات الحقيقية في منطقة السوق العربي حول الجامع الكبير
صدقات جارية غريبة زاتو
والغبطة غير الحسد
رحمه الله
بس حسنين ابو العلا هل هو أول ابوالعلا؟
هسي يازول بجيك زول طاير يرص ليك تاريخهم كلهم ، البورد دا فيهو ماشاءالله مؤرخين ذوي خبرة
| |
|
|
|
|
|
|
|
|
|
|
Re: وثيقه سودانيه يعود تاريخها الي 75 عاما (Re: طارق أحمد أبوبكر)
|
سلام معاوية. كويس كشف تبرعاتك دا طلع لينا بكري من جحرو
وجود غير مسلم في الكشف يوري مدي التعايش الإجتماعي الكان في السودان واكيد برضو في كشوفات المسيحيين بكون المسلمين مساهمين.
ما غريبه علي السيد عبد الرحمن المهدي يدفع نص الشيرنغ فقد إشتهر بالكرم والإحسان عكس مولانا علي الميرغني فقد إشتهر بالبخل الشديد وما قصة أهلنا الشايقية القالوا فاتحة أبوعلوة تصرف عند أبو عبدة ببعيدة وللأسف فقد اورث هذه الصفة لأولاده وأحفادهم
السيد عبدالمنعم محمد نعم هم من سمي الميدان بإسمه وكان رجل أعمال ناجح ورجل بر وإحسان وترك أغلب أملاكه أوقاف
أما بخصوص تبرع السودانيين للمدينة فإلي وقت قريب أي قبل ظهور طفرة النفط كانت بلاد الحجاز تعتمد علي مواسم الحج والعمرة وكانت مناطق جدة ومكة تنتظر قوافل الحجاج السودانيين بفارق الصبر لكرم السودانيين وما يحملونه معهم من عطايا وللحاجة والفقر في تلك البلاد في ذلك الزمن. وكثير من كبار السن من سكان تلك المناطق يذكرون هذا الأمر وقد سمعته في إحدي زياراتي لمكه. لكن مادوامة إنعكست الايه وأصبح حليب المراعي يأتينا عبر البحر الأحمر
| |
|
|
|
|
|
|
|
|
|
Re: وثيقه سودانيه يعود تاريخها الي 75 عاما (Re: أسامة البلال)
|
يا اللــــــــــــه
اسماء رنانة صنعت بايدي بيضاء سماحة هذا الشعب العريق
والمتسامح ... لاحظ اعانة لاهل مدينة الرسول الكريم ومن المتبرعيين
من لا ينتمي لدين محمد ... سلاااااااااااااام
اين امثالهم في سودان اليوم ,, ابناء عبدالمنم محمد وابناء بدري وال شبيكة واخرون
حل مكانهم بغاث الطير فاصبحوا بقدرة بني كوز هم وجهاء البلد .. ودعة و كرتي وكثير
من سواقط المدينة
| |
|
|
|
|
|
|
|
|
|
Re: وثيقه سودانيه يعود تاريخها الي 75 عاما (Re: abdelgadir mustafa)
|
الأخ معاوية ....
تحيات عطرات ....
شفتو سماحة الزمن داك؟ ..... خواجة ضمن المتبرعين. (خواجة كانت تطلق على كل النصارى ذوي البشرة البيضاء).
| Quote: دا الاطلق عليهو اسم الميدان (ميدان عبد المنعم في الخرطوم 3) ولا اسم علي اسم ؟ |
هو نفسه ... عبدالمنعم محمد.
كان أعيان الخرطوم هم بحق أعيان ووجهاء، وليسوا أثرياء حرب أو لصوص.
أرجو إيراد معلومات أكثر عن الوثيقة (مصدرها - أين توجد حالياً) ... لأسباب توثيقية خاصة - عامة.
لك أجزل الشكر.
| |
|
|
|
|
|
|
|
| |
Maawya Hussein
محمد يوسف الزين
عمران حسن صالح
عوض عبدالله طه
سمندلاوى
طارق أحمد أبوبكر
أسامة البلال
Ahmed Abdallah
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست