|
|
|
 Re: مجادعات.. يا أهل المجادعات (Re: سمية الحسن طلحة)
|
Quote: الأفكار شرود عند بوابتن واقفين
راجين الدخول بعتبة الطايفين
قبال يفرعو النمو مو تلقين
ليك بنقول سلام وللبلد ألفين |
سمية الحسن طلحة
مقبول سلامـك ومن البــلد ألـفين
ومرحب بى دخولك يامـلكة الطايفين
و عند البـاب بشوف زينـة الواقفين
منـصور اللــحو النمو مـو تلقين
أسعد العباسي
| |
 
|
|
|
|
|
|
|
|
Re: مجادعات.. يا أهل المجادعات (Re: إسماعيل حميم)
|
Quote: أسعد فتح الدار وللأحباب صاح نادهم
منصور وبت طلحة لغة البطانة حِداهم
بالجمال وصفاتها الفيها الكاسية جِباهم
يا كريم تزيدنا عِرفة وفي الدرب نبراهم
إسماعيل حميم |
قت أجيبُــن من عُلاهُم ومــن سماهُم
يكونـوا جنبــي وافرح بـى حِـداهُم
واسعد بيــك إنت يا زهرتُـم ويا نداهُم
وأحي سُنة المنصور القبيل كانت غِذاهُم
أسعد العباسي
| |
|
|
|
|
|
|
|
|
|
Re: مجادعات.. يا أهل المجادعات (Re: almogira alemam)
|
Quote: غلبنى كتر عليا
فراقو صعب عليا
الليلة واااااى عليا
الريس نادهو ليا
|
لا أظن أن من يعجب بشاعر مثل أستاذنا كامل عبدالماجد أحمد زين يكتب مثل هذا الغث الهابط وياعزيزي المغيرة إن هذا البوست هو لأجل المقتدرين والمحترمين من أهل الدوبيت ورغماً مرحباً بك إذا ما تقيدت بشروطنا الأدبية والأخلاقية.
أسعد العباسي
| |
|
|
|
|
|
|
|
|
|
Re: مجادعات.. يا أهل المجادعات (Re: الحبر عبدالوهاب الكباشي)
|
Quote: اسعد حبابك يا اللي سعود بتضوي
وطول من نميمك ونظمك البتسوي
اجدع زي ما يليق لك يا ال بالقوافي مدوي
نحن وراك بنسمع وننطرب وندوي
|
إنت الــشامي ســامي ونميـمك قَوِّي
وحبراً في الحبـور زي فعل أبوك بتسوِّي
كبـاشي الجسور شيخ في طريقنا بِضوِّي
ود عزة رجــال رعدك بصُب وبــدوِّي
أسعد العباسي
| |
|
|
|
|
|
|
|
|
|
Re: مجادعات.. يا أهل المجادعات (Re: Hassan Makkawi)
|
Quote: لبيك يا عزيز يا خلفة العباس
لبيك يا سعد يا ود أعز الناس
اكان الناس تدارت اتلفوا فى أكياس
بتلفى عيال قبايل حايمين عليك حراس |
يامكاوي اخوي مرحب متين السَّـاس
وفي مِتن القوافي شعيتاً وما بتنساس
باين الرِّقة فيك والذوق مع الاحساس
وشبهك زي مِرِق مِتحمِّل الرصـَّاص
أسعد العباسي
| |
|
|
|
|
|
|
|
|
|
Re: مجادعات.. يا أهل المجادعات (Re: عمر صديق)
|
Quote: اول قولي مرحب حباب الاسعد العباس
ولي بت طلحةبت اهل الكرم والباس
وود البشري فارسا للصعاب كباس
بيكم تزدهي الكلمات باحلي لباس
|
ود صديق عمر يا صادق الإحســاس
يا جبل الضرى الفي الدُّهم كبَّـــاس
نسلك عزيز من نبواتك وجدَّك العباس
أهلاً بيك في الديار يا ود عزيز الناس
أسعد العباسي
| |
|
|
|
|
|
|
|
|
|
Re: مجادعات.. يا أهل المجادعات (Re: المكاشفي خضر بشير)
|
Quote: يا أبونا الخضر..
السودان جدير بمكانته في ذي الدائرة
والصبر الجميل لشعوبه سمته السايرة
إذ حكامه ظلموا في العهود الجائرة
بعزة المولى الكريم عليهم تدور الدائرة |
مرحب بالعُزاز مرحب بالوجوه النايـره
ود فنّانّا العظيم شرفت هَا الدايــــره
وما تصف الحاله عارفين وطاتاالفايـره
وزي ما تقول أدوها سوط حمارةً عايره
أسعد العباسي
| |
|
|
|
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
Quote: مرحب بالعُزاز مرحب بالوجوه النايـره
ود فنّانّا العظيم شرفت هَا الدايــــره
وما تصف الحاله عارفين وطاتاالفايـره
وزي ما تقول أدوها سوط حمارةً عايره |
العباسي قال وأمثاله صارت سايرة
للركبان دليل وللعفة ديمة مسايرة
دوام حاديه غنى للقلوب الحايرة
وللحق والطريق دروبه ماها مغايرة
مع خالص الود..
| |
|
|
|
|
|
|
|
|
|
Re: مجادعات.. يا أهل المجادعات (Re: almogira alemam)
|
شكراً إبننا المغيره فقد عدت إلى (الشبكة) أحييك وأنتهز هذه الفرصة لأتقدم إليك بأحر التعازي لك ولزميلي المحامي الضليع كمــال الجعلي
وشقيقتة صديقتنا القديمة سيدة الأعمال منى الجعلي في وفاة المغفور له بإذن الله السيد الجعلي وندعو الله أن يتقبله قبولاً حسنا و أقول لك
مع من قال:
خلاس يا دُنيا عزّلتي ومسخ باقــيكي
ما خليتي زول إلا السِوَيق في سريكي
خبِك شايفو زاد أخَّر بُطــانو حويكي
رحلوا العارفين وفِضِل القطع طاريكي
ما جفت دمــوع ولا سكن نــاعيكي
إلا اتــجددت تاـني الجروح برميكي
أوجاعنااترادفت واكبادنا طالها رميكي
بى كتر الغصص حلوقنا كالـها سفيكي
أسعد العباسي
| |
|
|
|
|
|
|
|
|
|
Re: مجادعات.. يا أهل المجادعات (Re: almogira alemam)
|
الأخ - أسعد - تحياتي،
العهد أن نحسن قراءة مجادعاتكم
ونعترف بأن لا حظ لنا مما تنظمون
وسبق أن أعلنت للإخوة / منصور
وسمية طلحة إنسحابي من المجادعة
وسأعود قارئاً فقط .. ننتظــــر
المزيد من ما أفترعته من تاريـخ
هذا الضرب من الأدب.
| |
|
|
|
|
|
|
|
|
|
Re: مجادعات.. يا أهل المجادعات (Re: Mohamed Abdelgaleel)
|
ياسيدالنضم الليهو مشتاقين
ياحلو الحديث الفيهو متلمين
مال عدوك ياالزين طولت الغياب سنتين
اظهر وبين علينا خلينا متوانسين
يا الزيك مليح يا سيد بلادام زين
خمستها ما رباعية ما كدى يا العشا؟
اريتو حالك زين
وكل المعاك طيبين
يا ناس الكلام السمح وحنين
طال البين علينا ولسه مشتاقين
الا دى رباعية يربع لك الخير يالعديل
| |
|
|
|
|
|
|
|
|
|
Re: مجادعات.. يا أهل المجادعات (Re: Hassan Makkawi)
|
Quote: طلت بت سلامة بت المغاورى الباش
جات بت الشيوخ جايبالة ضل و دعاش
اكان مامالية عينيك؟ تلقاهو عقلك طاش
بي توبة الاصيل زى السحاب الماش
التوب يا كدى !!! يا أصلو منو بلاش
مسكين ابوالقاسم عارفينوا زول هباش
خاف من المهر كايسلو لي تركاش |
قال الوليد الريد كواهو
والقرب بدورو والقرش حماهو
قت للوليد وينك للداير لماهو
البعدحاصل والريد عماهو
اصلك فريدياقاسم الوليد
الا الريد قسم وماهو تب بالايد
مهرى غالى وسماى عالى
الا الزول وكتين يريد يدنا السما ويتم ليك الريد
| |
|
|
|
|
|
|
|
|
|
Re: مجادعات.. يا أهل المجادعات (Re: سلمى الشيخ سلامة)
|
Quote: ياسيدالنضم الليهو مشتاقين
ياحلو الحديث الفيهو متلمين
مال عدوك ياالزين طولت الغياب سنتين
اظهر وبين علينا خلينا متوانسين
يا الزيك مليح يا سيد بلادام زين
خمستها ما رباعية ما كدى يا العشا؟
اريتو حالك زين
وكل المعاك طيبين
يا ناس الكلام السمح وحنين
طال البين علينا ولسه مشتاقين
الا دى رباعية يربع لك الخير يالعديل |
وينك يا سلــمى والله مشتاقين
لى طلتك وقلـمك المتين وسنين
كوني معانا يـا بت الكلهم زينين
وإن غبتِ بنحفرلِك ِميِـتْ كـمين..!!
أسعد العباسي
| |
|
|
|
|
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
Quote: بعد ما يسافر البى وجودو نايره الساحه
كيف يا التوم عُقُب حال المنام والراحه
بعد ما كــنا طربـانين تملي فراحى
عان هَا الصدمه والكبد المدَمى جراحا |
هذا المربع للشاعرالفحل شيخ الجيلي الكباشي (رحمة الله عليه) وهو مربع مؤثر في شأن الفراق ودعوتي أن تنهضوا فيه بالمجادعة
والمجاراة.
أسعد العباسي
| |
|
|
|
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
الفر بسموبرق القبلي ضوي الساحة
اه من نار فراقووفي القلب نتاحة
يـااسعداخوك تعبان مفارق الراحة
سببو الكل يوم ذكراه زايدةجراحا
محاولة لمجاراة فحول الشعراء ارجو ان تجد استحسانك استاذنا اسعد العباسي واتمني انلا تصفني بانني مصاب بملاريا كما وصف الشاعر العبادي احدهم
| |
|
|
|
|
|
|
|
|
|
Re: مجادعات.. يا أهل المجادعات (Re: جلال جبريل)
|
Quote: يالعباسي جيت فجولي فضو الساحة
جيتن من بعيد دايرالرقاد والراحة
هجيت الدروب صابت الكـراع نتاحة
سايق من دقش شايل السموم لفاحة |
بقولك وللجميع قــولاً صِدِق وصراحه
نحنا بــى جيتك سُرِرْنا وبقينـا فراحى
وناخدك يا جلال بينا وفي كفوف الراحه
يا ود البسابير النــاسا نـور وسماحه
أسعد العباسي
| |
|
|
|
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
Quote: بعد ما يسافر البى وجودو نايره الساحه
كيف يا التوم عُقُب حال المنام والراحه
بعد ما كــنا طربـانين تملي فراحى
عان هَا الصدمه والكبد المدَمى جراحا |
.
أسعد ودّ ابوي شرف الحروف و وشـاحا
للضيفان بشوش حاشاهو قط ما اشـاحا
و المفتاح مطر كلماتو كيف رشـّـاحا
و الغايبين حباب و الله مافي مشاحة
.
| |
|
|
|
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
Quote:
بعد ما يسافر البى وجودو نايره الساحه
كيف يا التوم عُقُب حال المنام والراحه
بعد ما كــنا طربـانين تملي فراحى
عان هَا الصدمه والكبد المدَمى جراح |
سـفر الحبـيب خلاني بوراه اتلاحى
اضاير دمعتي اقعد و اقوم و اتحاحى
يا ناس الفريق شن فايدة قعاد الساحة
إن كان سيدا سافر طبلها شال مفتاحا
| |
|
|
|
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
Quote: انا الشفت من بديت ماني اللخوخ الني
لاني البفقدوه وكت الدواس والكي
حين تمسي والناس تروق في الحي
ياني برزت زي اسدا بكوسلو ظبي |
هيييييييع
عداك عيب الحديـث صادق كلامك لَيْ
مشهود لك بالكرم طيب الأصول يا خَيْ
الحق يوت رفيقك ولو علـيك كان حَيْ
بس عـيبك وصـيف مـباري تيماً نَيْ
| |
|
|
|
|
|
|
|
|
|
Re: مجادعات.. يا أهل المجادعات (Re: محمد البشرى الخضر)
|
Quote: قال الوليد الريد كواهو
والقرب بدورو والقرش حماهو
قت للوليد وينك للداير لماهو
البعدحاصل والريد عماهو
اصلك فريدياقاسم الوليد
الا الريد قسم وماهو تب بالايد
مهرى غالى وسماى عالى
الا الزول وكتين يريد يدنا السما ويتم ليك الريد
|
أبوالقاسم ووب عليك ووبين علي
بت الناس تجلت ما بنحمل الهببى
أ كان الجيب رهيف؟؟ ما عندنا الرقعى!!
و كان الزول ظريف شالوهوا أهل الحى
و اصلك زول حريف ما تلولو الحككى
كوسوا لى أبوالقاسم
الزول الظريف الوجهو دايماً باسم
الزول الشديد محياهو دايماً حاسم
نفاخ الكماين نيرانو جايبة نسايم
| |
|
|
|
|
|
|
|
|
|
Re: مجادعات.. يا أهل المجادعات (Re: rosemen osman)
|
Quote: ناس الكلام الزين لجمعكم زايرين
نضمكم سمح بالحيل ما بقدروه الهينين |
يــا سلام جاتنــا الروزا بى لَبَاساً بلدي
وهي ست الفصيح الزي حلاوة الصمـدي !!
كان قالولي أَعَزِلْ يــوم مُنــاي وسَعَدي
كُــتْ اقــول يــوم تزورنا الروزا ِدي !!
تنبيه هام:
زوروا روزمين عثمان الصياد في بوست ( لست أنا من تلبسها سروال حديد ) وبوست ( كذب جون ) وبوست ( روزمين أيتها الرائعة )فستجدون هناك ما يسركم وستقعون على عالم شعري مليئ بالإثارة والدهشة والسحر.
أسعد العباسي
| |
|
|
|
|
|
|
|
|
|
Re: مجادعات.. يا أهل المجادعات (Re: مدثر ابراهيم سعيد)
|
بـــــعد مــا يسافِِــر البــى وجــودو نايره الساحه
كيـــف يـا التــوم عُــقُــب حــال المنـام والراحه
بـــعد مــا كنــا طـــربــانين تمــلي فــراحـى
عَــان هَا الصـــدمـه والكبِــد المَـدمَــى جِـــراحا
شيخ الجيلي الشيخ الكباشي
ـــــــــــــــــــــــــــــــــــــــــــ
بـــعد مــا سافــر القــمر المِضــوي ســمـاحه
وراهـــو اتبــدلـت أيــامنــا نـــوح ومنــاحه
حــليلو الحَــالي طــاعِــم لهــجـو زي تُــفـاحه
عــيونــو الكــاحله فتــقــن فــي عيـونا جِراحا
مدثر إبراهيم سعيد
ـــــــــــــــــــــــــــــــــــــــــــ
أمانة الدقش مو كدي...!!
أسعد العباسي
| |
|
|
|
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
Quote: اول قولي مرحب حباب الاسعد العباس
ولي بت طلحةبت اهل الكرم والباس
وود البشري فارسا للصعاب كباس
بيكم تزدهي الكلمات باحلي لباس
عمر صديق |
سدرك ياعمر خالي من وسواس
وفعلك مو داب محبرة وكراس
هن قلنا الثبات نلقاك إت الساس
وإن قلنا الفزع لاشك تقود الراس
سمية الحسن طلحة
Quote: أسعد فتح الدار وللأحباب صاح نادهم
منصور وبت طلحة لغة البطانة حِداهم
بالجمال وصفاتها الفيها الكاسية جِباهم
يا كريم تزيدنا عِرفة وفي الدرب نبراهم
إسماعيل حميم |
أهلك ود حميم منك سلاما جاهم
نعم إنك لبيب خابر سمح معناهم
صفات البطانة البالفخر كاسياهم
تشملنا جميع نموت ونحيا معاهم
سمية الحسن طلحة
Quote: بعد ما يسافر البى وجودو نايره الساحه
كيف يا التوم عُقُب حال المنام والراحه
بعد ما كــنا طربـانين تملي فراحى
عان هَا الصدمه والكبد المدَمى جراحا
الشيخ الجيلي الكباشي |
يا كباشي سم العقرب النتاحة
سونا في الحجا لازيفة لاكتاحة
عوووك يالتوم حسن الماصد عشامتو قماحة
السدرت بكور تجي واردة في مرواحا
سمية الحسن طلحة
| |
|
|
|
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
Quote: بـــــعد مــا يسافِِــر البــى وجــودو نايره الساحه
كيـــف يـا التــوم عُــقُــب حــال المنـام والراحه
بـــعد مــا كنــا طـــربــانين تمــلي فــراحـى
عَــان هَا الصـــدمـه والكبِــد المَـدمَــى جِـــراحا
شيخ الجيلي الشيخ الكباشي
|
إن غاب الجسد عقولنا ليها صراحة
كم هامت في مراتعه وصورت للساحة
ونفوسنا طافت في معناه قاصدة سياحة
ده الطرب الأصيل لقلوبنا فيه الراحة
| |
|
|
|
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
Quote: مرحب حبابك الحبيب الاخ ودالعباسي
ولك منا تحايا طيبات يا طيب
ودالعباسي الهمام سيد الجلد والرأس
سلام ريحانة ودطلحة بت الرجال متراس
وبجيب النم طرب فوق البشرى مو نسناس
وبعقب بي ودصديق الحبيب ودود ونّاس
خالد
تحياتي ومودتي ودالعباسي |
يا زول الــباب ما ينقفل وحَطِم الترباس
وقِد السقِف أرمي المِرِق وشَتِتْ الرصاص
شان المنسي يدخُل بى نمُّو الخاتي نَقَاص
ونجالس الكريم الفـي الحاره جد عَمَّاس
أسعد العباسي
| |
|
|
|
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
Quote: حباب عقد الختام شاعرنا ودالمنسي
وجات روزمين زهور النم تصبح وتمسي
وبالطيب ومكاوي والكباشي جلالا مكسي
البشري وودخضرااكيد بي فنو تم الانس |
ودصديق اللزوم البيا عارفو براكا
يافحل التلوب للقاصين درب بي وراكا
ما بتتنبر تدخل أم لبوس بي رِضاكا
هاشي باشي باسم كل الخلوق عارفاكا
خالد
| |
|
|
|
|
|
|
|
|
|
Re: مجادعات.. يا أهل المجادعات (Re: سمية الحسن طلحة)
|
Quote: يا كباشي سم العقرب النتاحة
سونا في الحجا لازيفة لاكتاحة
عوووك يالتوم حسن الماصد عشامتو قماحة
السدرت بكور تجي واردة في مرواحا |
سمية بنت الحسن فردة ما بتتجارا
في كل المتون حايزة العلوم بجدارا
في ساعة الفزع حاشاها ما بتتضارا
وان جيت للبوادي كضب البجيب مسدارا
| |
|
|
|
|
|
|
|
|
|
Re: مجادعات.. يا أهل المجادعات (Re: سمية الحسن طلحة)
|
سدرك ياعمر خالي من وسواس
وفعلك مو داب محبرة وكراس
هن قلنا الثبات نلقاك إت الساس
وإن قلنا الفزع لاشك تقود الراس
سمية الحسن طلحة
القول النجيض شكرتي بت الناس
ونظمك مو نقل عالي فوق نبراس
إن دارالكرم يلقاهو عاد إن كاس
وإن دار الدواس السم بيشربو كاس
جلال جبريل
أهلك ود حميم منك سلاما جاهم
نعم إنك لبيب خابر سمح معناهم
صفات البطانة البالفخر كاسياهم
تشملنا جميع نموت ونحيا معاهم
سمية
بتك يالحسن حافظاهو أهلك جاهن
لابسة الحشمةمقنع والشلوخ عارفاهن
أدركت الرجال سي بالدروب قاصاهن
ومن جنا راكبن في الصي يدفقو ماهن
جلال
| |
|
|
|
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
سعيك مشكور عمنا اسعد وربنا اديك العافية فعلا المرحوم ودعم سيدة الاعمال منى الجعلى وشقيقها المحامى كمال السيد الجعلى وشقيقتهم فريال الجعلى وخالى انا رحمه الله
معليش المرة دى مافى طريقة مجادعات
| |
|
|
|
|
|
|
|
|
|
Re: مجادعات.. يا أهل المجادعات (Re: almogira alemam)
|
Quote: يا زول الــباب ما ينقفل وحَطِم الترباس
وقِد السقِف أرمي المِرِق وشَتِتْ الرصاص
شان المنسي يدخُل بى نمُّو الخاتي نَقَاص
ونجالس الكريم الفـي الحاره جد عَمَّاس
أسعد العباسي |
بابكم ما إنقفل ناركم تجيب اللّم
ياالعباسي الفي الهينة بضبح دم
عامرين شاكرين فوق الخلوق من نجم
حاوين لي الهاملة حِداكم تلقى ملم
خالد
| |
|
|
|
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
| Quote: ذَكِرني بى الظبيه وقَوَامها هَا الممشُوق |
ظبية ناله ماجلبوها يوم السوق
وما بد(د)انى* صيادن شحيح ممحوق
ياعباسى دا العسل اللذيذ فى الضوق
مابننساهو لامن يشهق الواسوق
بلة
* بدلا عن الشدة فوق الدال.
| |
|
|
|
|
|
|
|
|
|
Re: مجادعات.. يا أهل المجادعات (Re: Hassan Makkawi)
|
Quote: ظبيةالنالةإتشالع بسيمه بروق
يبعدوا منها صيادين ركوبن نوق
ماها أمعضاموكمان ملانة شدوق
ضامرة متبرة والنص عقد ممشوق |
ودجبرين جلال الليله جابلو فروق
قال ظبيتنا جخسه وسوي فيها شدوق
ماشاف المرجرج والخصر مدقوق
والفاطر المزرقن والعسل مدفوق?
| |
|
|
|
|
|
|
|
|
|
Re: مجادعات.. يا أهل المجادعات (Re: Balla Musa)
|
Quote: Quote: ÙÈíÉÇáäÇáÉÅÊÔÇáÚ ÈÓíãå ÈÑæÞ
íÈÚÏæÇ ãäåÇ ÕíÇÏíä ÑßæÈä äæÞ
ãÇåÇ ÃãÚÖÇãæßãÇä ãáÇäÉ ÔÏæÞ
ÖÇãÑÉ ãÊÈÑÉ æÇáäÕ ÚÞÏ ããÔæÞ |
æÏÌÈÑíä ÌáÇá Çááíáå ÌÇÈáæ ÝÑæÞ
ÞÇá ÙÈíÊäÇ ÌÎÓå æÓæí ÝíåÇ ÔÏæÞ
ãÇÔÇÝ ÇáãÑÌÑÌ æÇáÎÕÑ ãÏÞæÞ
æÇáÝÇØÑ ÇáãÒÑÞä æÇáÚÓá ãÏÝæÞ?
|
شبت شافتك ياخويا طير بي فوق
وأبعد من هني ماتنشنق في السوق
معروف الغزال لحمو القليل مابحوق
أرجعو للجداد وضكر الدباس أبطوق
| |
|
|
|
|
|
|
|
|
|
Re: مجادعات.. يا أهل المجادعات (Re: omar altom)
|
Quote: Íí ÇáÇäÌáíÒ ÇááíáÉ åæí ÌíÏ áíßÇ
ÏæßÊß æáÚæåÇ æÍÖÑæáÇ ÇáÑíßÉ
ÇáÔÑãæØ ãÏÞÞ æÊÑÊÑæáæ ÇáæíßÉ
ÞÇáæÇ Çáãß ÇÎæí ÇááíáÉ ÚÇÒãæÇ ÔÈíßÉ |
ودالتوم عمر نضمنا بكمل بيكا
دفقلي الشعر وأنظم قوافيك ديكا
وكت العرك والناس جميع لبيكا
بتثبت ياصقر ودهج خصيمك ليكا
| |
|
|
|
|
|
|
|
|
|
Re: مجادعات.. يا أهل المجادعات (Re: الحبر عبدالوهاب الكباشي)
|
ودجبريل اظنك ناسي كيف القبسة
وكوتاتك بتظهر في الحروف منطمسة
ظلل وكوبي قبال ما تدوس اللمسة
وواكي بعد داك تجيك الحروف مرصة
الحبر
يالكباشي ماربوني بي ها اللمسه
زولك زول قرى نقح القشوش والخسه
من فارقتها أعضاي بقت مترفسة
وإتدروش بخاف من الشواطين مسه
| |
|
|
|
|
|
|
|
|
|
Re: مجادعات.. يا أهل المجادعات (Re: محمد البشرى الخضر)
|
Quote: حباب سمح الغُنا و طيب القصيد و النمة
من سجـم عـجاج البورد بـدور انجمَ
جيتكم بي مزاج كـايس الشعر و اللمة
سامحوني ان نسيت فتحة كان او ضمة |
الفتحة والضمة ما بتشكلك الراسي والسمتان
تقابة الفريف عشاي في الهجعا لي الضيفان
أخو الأخوان في الفال السمح والقسيّان
ود البشرى تسلم يا الراسي ماك ضهبان
خالد
| |
|
|
|
|
|
|
|
|
|
Re: مجادعات.. يا أهل المجادعات (Re: خالد علي محجوب المنسي)
|
Quote:
الفتحة والضمة ما بتشكلك الراسي والسمتان
تقابة الفريف عشاي في الهجعا لي الضيفان
أخو الأخوان في الفال السمح والقسيّان
ود البشرى تسلم يا الراسي ماك ضهبان |
المنسي الكريم الحر اخو الأخوان
طيب الخصال و العفة إيد ولسان
صاحب الإنجمامة العامرة بالحبان
بوجودك تكتمل فرحـتنا يا فنان
| |
|
|
|
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
عاد وكتين تقوم مـــن بيتا لــي جاراتا
تمــشي وتنفدع تقـطع كبيدتي أنـا زاتا
ناجضة الناس جميـع مو بي كلام وصواطا
بي الكــرم الـرغيد والقـوم عليهاكفاتا
جلال جبريل
وكــان رقصت بـى قِديمَا ده البتاتا
ومالـت وانــتنت بى فدعتا الكَّفاتا
وختت في قَفَاها دِيسا الغلَّب المشَّاطه
بتخَلي دِمَانا في الساحه تجري شتاتا
أسعد العباسي
| |
|
|
|
|
|
|
|
|
|
Re: مجادعات.. يا أهل المجادعات (Re: Asaad Alabbasi)
|
Quote: شبت شافتك ياخويا طير بي فوق
وأبعد من هني ماتنشنق في السوق
معروف الغزال لحمو القليل مابحوق
أرجعو للجداد وضكر الدباس أبطوق |
ود جبرين اظنك ياحبيب مشروق
هاك الموية عقبان النضم ملحوق
الكييف يخلى البكرى لامن يروق
وياخد رشفه رشفه ومره كرفه نشوق
**********
ماتضيق ياجلال اصبر علينا وروق
وازرع شتلة الريد كان تسيلا عروق
بى جدول محنه تزيد تطول لافوق
وفايح كرفها يستعدل الطايوق
**********
ودجبرين حلاوتنا اللبت لاتحوق
حالى طعمها,غالى تمنها خلقه وذوق
شتله لتيبه بتفك زنقة المشنوق
الرفدور سقاها والفرير ماروق
| |
|
|
|
|
|
|
|
|
|
Re: مجادعات.. يا أهل المجادعات (Re: Balla Musa)
|
يا أسعد الحبوب يا سيد الجلد والراس
يا قدح الحراز البطعم الفراس
شوقار ضيوفك عاجب الخلق والناس
حاكمين النضم ظابطين العلوم والساس
.............................................
متابع بكامل الأريحية
كل الود
ابوعبيدة
| |
|
|
|
|
|
|
|
Asaad Alabbasi
محمد البشرى الخضر
إسماعيل حميم
almogira alemam
عمر صديق
Hassan Makkawi
المكاشفي خضر بشير
Mohamed Abdelgaleel
سلمى الشيخ سلامة
جلال جبريل
الطيب بشير
rosemen osman
خالد علي محجوب المنسي
مدثر ابراهيم سعيد
omar altom
Abuelgassim Gor
Abuobeida Ali Abdullah
فيس بوك
تويتر
انستقرام
يوتيوب
بنتيريست