|
Re: هى الونسة دى بيتعلموها ؟ خفة وتقل الدم (Re: جلالدونا)
|
, 07:51 PM
محمد البشرى الخضر
تاريخ التسجيل: 14-11-2006 مجموع المشاركات: 21688 للتواصل معنا FaceBook تويتر Twitter YouTube Google Plus + SudaneseOnline at Google
Re: الونسة سودانية و بمزاااااااج (Re: محمد البشرى الخضر)
ونسة تكون مليانة بي نوع "شفت كيف؟" "يا سيدي ليك" "كويس معاك" للاستحواذ على انتباهك و بريك لمونسك يرتب افكاره و ياخد نفسه فترنا من ناس " واخد بال حضرتك " و ملينا " شفت إشلون " وكرهتها عديل بتاعة " زين ارباب " مع الهزة الشهيرة
| |
|
|
|
|
|
|
Re: هى الونسة دى بيتعلموها ؟ خفة وتقل الدم (Re: أيمن محمود)
|
اين محمود ياخ صباح الخير فى الاوال
اها يلا شوف اى بكا فى المنبر دلا وزاى تبيركات واى مناسبة تلقانى محشور فيهو ما حصل فوت مناسبة
يلا فى مسالة الكوراك دى انا ما بحبها ابدا اكان جو كشوها لى خشم الباب ولا بوقل بغم بعاين ليهو وبقوم بنظف المحل وخلاص
فى شنو ؟
هههههههههههههههههههههههههههههه
زيارتك اسعدتنى جدا
لكن بى جد يلا نحاول نعرف خفة الدم دى علم والا موهبة والا هبة ولا اكتساب
| |
|
|
|
|
|
|
Re: هى الونسة دى بيتعلموها ؟ خفة وتقل الدم (Re: ملهم كردفان)
|
صديقى الاجمل على الاطلاق ملهمنا الانيق ياخ تحياتى
وامنياتى
ودعواتى
يلا الونسة صحى زى ما انت قلت انواع
ويظل يشغلنى جدا هى موهبة والا هبة والا اكتساب
وليه بيمتازو بيها واحدين وواحدين ناشفين ؟
هههههههههههههههههههههه
ملهمنا الانيق صباحاتك يا صديقى الزمن الجميل
| |
|
|
|
|
|
|
Re: هى الونسة دى بيتعلموها ؟ خفة وتقل الدم (Re: محمد عبد الله حرسم)
|
يلا السؤال: هل قواعد الونسة واحدة فى كل حالات الونسة
ونسة الكورة ونسة الكوتشينة ونسة الجكس ونسة المسافرين ونسة الحجاج ونسة الحفلات (قبل واثناء وبعد) ونسة العامود ونسة ضل الشجرة ونسة الجبنة ونسة سوق الخضار ونسة المستشفى ونسة الباصات
هل القواعد واحدة ام ان الخصوصية تبقى سمة واضحة
| |
|
|
|
|
|
|
Re: هى الونسة دى بيتعلموها ؟ خفة وتقل الدم (Re: محمد عبد الله حرسم)
|
يلا السؤال: هل قواعد الونسة واحدة فى كل حالات الونسة
ونسة الكورة ونسة الكوتشينة ونسة الجكس ونسة المسافرين ونسة الحجاج ونسة الحفلات (قبل واثناء وبعد) ونسة العامود ونسة ضل الشجرة ونسة الجبنة ونسة سوق الخضار ونسة المستشفى ونسة الباصات
هل القواعد واحدة ام ان الخصوصية تبقى سمة واضحة
| |
|
|
|
|
|
|
Re: هى الونسة دى بيتعلموها ؟ خفة وتقل الدم (Re: محمد عبد الله حرسم)
|
ونسة الشتاء ونسة الادباء ونسة المثقافتية ونسة السياسييين ونسة الشعراء ونسة (المعاطين) ونسة الصحفيين ونسة الدكاترة ونسة الميكانكية ونسة المزارعين ونسة الطبة ونسة البنات ونسة الرجال ونسة الواقفين ونسة القاعدين ونسة المستعجلين ونسة الماهلين ونسة الطمبارة ونسة العازفين ونسة البواليس ونسة الضباط ونسة المساطيل ونسة السكارى ونسة الجيران ونسة المأجرين ونسة المستأجرين ونسة السواقين ونسة الكماسرة ونسة التكاسة ونسة الخضرجية ونسة الجزارين ونسة الناس اليمين ونسة اليساريين ونسة الدكتاوريين ونسة الديمفراطييين ونسة الحقوقييين ونسة المطلقات ونسة البايرات ونسة الحايريات ونسة المحطوبين ونسة المتزوجين ونسة المساجد ونسة الاندايات ونسة الليل ونسة النهار ونسة الفرحان ونسة المغبون ونسة الفراجة ....... ونمد
| |
|
|
|
|
|
|
Re: هى الونسة دى بيتعلموها ؟ خفة وتقل الدم (Re: محمد عبد الله حرسم)
|
الونسة ذاتا خشم بيوت، في ناس مونساتية درجة اولى، وفي ناس نص نص، وفي واحد من حلتنا حكى لي كلام عادي واعتبرو نكتة ومشيتا باعتباري مغترب، بعد خمسة سنين- ودرب الحكي معاه طول- حكى لي ذات الكلام العادي وما زال يعتبره نكتة، حكيت الحصل لواحد صديقي قال لي: والله دا لو انا كان لفيتا معا؛ في دفتر الخريجين كتب زميلنا في الجامعة ان هوايته الونسة، وبرضو يظل اخف وطاة من ذاك الذي كتب في منبر عام ان هوايته المضاجعة، والمغترب بالمناسبة لمن يرجع الحلة اي ونسة بتنفع معاه! في اسر كاملة مشهورة بالمؤانسة وخفة الدم، وفي اسر بتحاول، وفي ناس دمها تقيل خلقة وما زالت مصرة! واخونا المرحوم الباقر ود الجبل عندما يندمج في الايناس ورواد مجلسه العامر، وتاتي كلمة مطفرة من هنا ولا هنا؛ يلتفت في جميع ارجاء المجلس ويقول حكمته المعهودة: يا جماعة المجالس بالامانات! وبعضهم لمن يرى اندماجك، حكي ليك حكاية ويعربنك بالتانية؛ شفت كيف....
| |
|
|
|
|
|
|
Re: هى الونسة دى بيتعلموها ؟ خفة وتقل الدم (Re: محمد عبد الله حرسم)
|
ونسة السودانيين اكتر ونسة عجيبة
كل زول بيكون عارف كل حاجة فى اى حاجة
ياخ الحرب شغالة والناس قاعدة فى مطعم فى جدة وبى صوت عالى بيناقشو السودان يشارك والا ما يشارك مع الجماعة والحوثيين وبى صوت عالى
ياخ السياسة وونستها دى
عجيبة
مش؟
هو منو هو الما سياسى بالفطرة
| |
|
|
|
|
|
|
Re: هى الونسة دى بيتعلموها ؟ خفة وتقل الدم (Re: عبدالعزيز الفاضلابى)
|
Quote: ونسة الشتاء ونسة الادباء ونسة المثقافتية ونسة السياسييين ونسة الشعراء ونسة (المعاطين) ونسة الصحفيين ونسة الدكاترة ونسة الميكانكية ونسة المزارعين ونسة الطبة ونسة البنات ونسة الرجال ونسة الواقفين ونسة القاعدين ونسة المستعجلين ونسة الماهلين ونسة الطمبارة ونسة العازفين ونسة البواليس ونسة الضباط ونسة المساطيل ونسة السكارى ونسة الجيران ونسة المأجرين ونسة المستأجرين ونسة السواقين ونسة الكماسرة ونسة التكاسة ونسة الخضرجية ونسة الجزارين ونسة الناس اليمين ونسة اليساريين ونسة الدكتاوريين ونسة الديمفراطييين ونسة الحقوقييين ونسة المطلقات ونسة البايرات ونسة الحايريات ونسة المحطوبين ونسة المتزوجين ونسة المساجد ونسة الاندايات ونسة الليل ونسة النهار ونسة الفرحان ونسة المغبون ونسة الفراجة |
بعد دا كلللللو، تنسى ونسة الضِكيّر للضِكيّر .
سلآم ؤُ تحايا ...
| |
|
|
|
|
|
|
Re: هى الونسة دى بيتعلموها ؟ خفة وتقل الدم (Re: Kabar)
|
Quote: الضِكيّر للضِكيّر . |
عقب نهاية الدوام المرهق؛ يستكين زملاءنا السودانيين في مكاتبهم- المتجاورة اصلا- يستانسون؛ قليلا... قبيل رحلة العودة للمنازل؛ صديقنا عبدالفتاح؛اول المغادرين من البشكة؛ يردد من تلات سنوات؛ رغم قولنا له للمرة الاف ربما المثل بصيغته الصحيحة؛ ما زال مصرا ان يردد: ونسة ضكير لضكير اخير منو النوم؛ ................... سلام معاوية وحرسم
| |
|
|
|
|
|
|
Re: هى الونسة دى بيتعلموها ؟ خفة وتقل الدم (Re: Kabar)
|
ول ابا Kabar
اجمل الامسيات لقلمك وحرفك العميق اينما حضر
اتعجب جدا مرات تلقى بت طول اليوم تتكلم اكثر من سبع وعشرين ساعة فى اليوم يا تلفونها فى اضانها يا ملخومة مع صاحبتها فى قطيعة وما احلى القطيعة بين البنات فى معظم ونساتهم
خلسة خلسة
وما اجمل هذا المصطلح خلسة نظر او معلومة او عجب
الحياة كلها اعاجيب يا صديقى
سعدت بك اينما وجدتك
| |
|
|
|
|
|
|
Re: هى الونسة دى بيتعلموها ؟ خفة وتقل الدم (Re: معاوية المدير)
|
معاوية المدير
ياخ كل سنة وانت طيب اها يلا عندنا زول كان معانا زمان فى بيت العزابة اول ما الساعة تفوت اتناشر او مواعيده تجى يقوم يتنفض من القعدة الطويلة بتاعت التلفزيون دى
وياخد ليهو نفس كويل المهم يتمحرق كدا لغاية ما يلفت نظرك وتسألو يا حميدة ياخ ما بدرى ؟ طوالى يرسل ليك مرسالو المفضل (ونسة الضكير للضكير النوم اخير )
ثم يضحك ويقدل الى سريره
وعلى فكرة له امثال كنت اشك فى انو هو ناجرها براهو من راسو
مثلا فى صينية الغدا تقول ليهو زح جاى يا حميدة يقوليك بسرعة (سفرا بالايد مو بعيد)
كتر خيرك اخوى معاوية
| |
|
|
|
|
|
|
|