|
|
|
 Re: زمرة زمراوي.. (Re: محمد المرتضى حامد)
|
السلام عليكم و رحمة الله و بركاته..
اما بعد ...
حمدا لله على السلامة ياخ ...
ان شاء الله كل الامور سالكة و الامن مستتب ....
الزول الجبتو مع زمرته دا غناي لكن بعمل ليهو حركات كدا ما حلوة ...
الله يرحمو و يغفر ليه الجابري بدون الحركات دي كان مبدع ...
قباني دا ما تتصل عليه ....
تحياتي و احترامي
| |
 
|
|
|
|
|
|
|
|
Re: زمرة زمراوي.. (Re: ABUHUSSEIN)
|
| Quote: الزول الجبتو مع زمرته دا غناي لكن بعمل ليهو حركات كدا ما حلوة ... |
(غَمِّد) واسمع يا أبا حسين..
عارف يا شاب، أصلو لا أميل للإستماع لأغنيات الجابري من حنجرة غير تلك التي غابت
عنا برحيله ، لكن الشباب ديل - بمن فيهم زمراوي - بنريدم لأنهم بريدوا الجابري
ولأنهم يجيدون الغناء وعشان كدا قصدت أجيب (تيه واتاكا) نموذجا، محمد زمراوي عندما
يغني للجابري بيطلع من هدومو ، دا مجذوب يُدعى له بالثبات وليس العِتاب، والحمدلله
وقفت على كدا..
سبق ورددت هنا ، حد الملل، أنه روي عن م.ع (عليه الرحمة) وهو صديق لصيق بعبدالعزيز
داؤود وكان يلازمه في جلسات الطرب، روي أنه ما أن يبلغ به الطرب مداه ويحلق في
حيث لاكائنات تمر يقوم يشرِّط جلابيتو سيما في أغنية مساء الخير وتحديدا عند(بحنانك أنا
مستجير)، أها قالوا في إحدى القعدات واحد طلب من عبدالعزيز يغني مساء الخير وكان م.ع
حاضرا ، ابوداؤود قال ليهو والله أنا ما عندي مانع لكن قبال ما نغني م.ع دا شوفوا ليهو عراقي قديم.. 
| |
|
|
|
|
|
|
|
|
Re: زمرة زمراوي.. (Re: محمد المرتضى حامد)
|
| Quote: ود يا أبو حسين احمد الجابري الأصل .. وهو المبدع بدون أي حركات كما تقول |
يا بسمات الجابري دا لا بتكرر و لا بتقلد ....
ياهو دا صوتو بدون تعب و بدون اي جهد فنان مبدع قدم اغاني خالدة ...
تحياتي و احترامي
يا ود حامد دفعتك عبد العزيز محمد داوؤد دا كان بقعد في تومو شيك ...
انا و ابن عمي كنا بنفتش لي صاحبنا لي جزمة مقاسو ..
صاحبنا كراعو ما شاء الله ...😂😂😂
يازول بدينا من باتا و بعدو ابو سلامة و ااااخر فرصة لينا كانت تومو شيك ...
دخلنا قلنا لي الراجل جيب جزمة اكبر مقاس عندك ...
الراجل طلع جابا من المخزن شكلها كدا بتاخد مساحة كبيرة في المحل ..
يازول انا و ابن عمي بنشاكل في الجزمة عشان صاحبنا يلبسها ...
اسمع ليك واحد بي وراي قال لي :-
اسمع صاحبكم دا ودوهو المصنع ...
اتلفت عايز اشاكلو ....
لقيتو ابو داود ...
راجل كان نكتة الله يرحمو و يغفر ليه ...
| |
|
|
|
|
|
|
|
|
|
Re: زمرة زمراوي.. (Re: حمد عبد الغفار عمر)
|
| Quote: زمراوي دا ما عندك طريقة غير إنك تسمعو لو عينك وقعت فيهو |
وما عندك طريقة غير إنك تعاين ليهو لو تغنى للجابري..
ثمة مغنين تضيف لغة الجسد الكثير إلى أصواتهم كخضر بشير وزمراوي منهم ،
وثمة مغنين ومغنيات تجري عليهم مقولة ( أن تسمع بالمعيدي..)
| |
|
|
|
|
|
|
|
|
|
Re: زمرة زمراوي.. (Re: محمد المرتضى حامد)
|
| Quote: * قلت لي تومو شيك؟ |
اي قلت ليك تومو شيك ... الختيت قبلها النجمة بتاعة يا شاب .. 😂
غايتو الحياة معاكم بقت قلع ... 😂😂😂
بعدين شايفك كررت لي يا شاب مرتين في مداخلتين مجاملة لطيفة
و ل
طمع في اني ارد ليك المجاملة اللطيفة دي ...
غايتو مني ما بتلقاها ....
ياخي زمراوي دا غناي نعم لكن بذكرني اسماعيل ياسين ... 😂😂😂😂
اسمع انت ما بتنوم و ل شنو ... ؟؟؟؟
ياخي تصبح على خير ...
| |
|
|
|
|
|
|
|
|
|
Re: زمرة زمراوي.. (Re: ABUHUSSEIN)
|
Quote: قباني دا ما تتصل عليه ....
|
ده حض و استنفار و لا تحذير ؟ عشان نفهم ...
_________________________________________________________
يا ود المرتضى ياخي زمراوي زول لطيف ... لكن مكتر القصة حبتين بي كلوجته الكتيرة ...
| |
|
|
|
|
|
|
|
|
|
Re: زمرة زمراوي.. (Re: يحي قباني)
|
حكى لي واحد قال لي زمان معاهم واحد خطب بعد غيبة
وفكر بسرعة في العرس والتجهيزات قال لي مرة كنا (قاعدين) وبنغني في أغنية سيد الاسم دي
لما جات حتة أنا في العيون ببنيلو دارين دي
قال صاحبك دا صوتو جميل وفي الحتة دي وباجماع سكوتي غير مقصود سكتنا عشان نخليهو يقولها هو
قال قال ليهم
أنا في العيون ببنيلو غرفتين وبرنده من غنا
| |
|
|
|
|
|
|
| |
محمد المرتضى حامد
يحي قباني
وضاحة
ABUHUSSEIN
حمد عبد الغفار عمر
فيس بوك
تويتر
انستقرام
يوتيوب
بنتيريست