كتبها احمد شفيق كامل و كانت من ضمن اغنياته الأربعة التي كتبها للست على التوالي انت عمري ( اول لقاء فني بينه و بين عبدالوهاب مع الست ) امل حياتي أيضا الحان محمد عبد الوهاب و ليلة حب لعبد الوهاب ثم درة ام كلثوم الحب كله من الحان العبقري بليغ حمدي ...
كنت اذا اتيت للنوم ... اخفي جهاز التسجيل تحت لحافي و انام بعيداً من الكل في الحوش الخلفي للمنزل ..
و ابدأ في سماعها حتى تصل الي البيت القائل ( عمري ما ضقت حنان في حياتي زي حنانك )
و هي قصة لحالها ... فأنا ما زلت احتفظ بنفس الشريط ...
09-05-2015, 06:26 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
منتهى الروعة .... انا مش من عشاق كوكب الشرق وبس أنا مدمن تماما ... على سماع اغانيها من ايام الراديو وانا طفل لم ابلغ الحلم بعد ... وزى ما كنت بتعمل ... انا كنت بخت الرادى الترانزستر تحت المخدة ... خاصة فى حفلتها الشهرية.... أنا عضو مشترك فى مكتبة الأغانى السودانية .... ولاحظت انو مكتوب على الفيديو مكتبة الأغانى السودانية لكن ما لقيتها فى أى باب من أبواب المكتبة .... ممكن تورينى أغانى الست دى الاقيها وين فى المكتبة؟
.
09-05-2015, 09:00 AM
Mohamed Yassin Khalifa Mohamed Yassin Khalifa
تاريخ التسجيل: 01-14-2008
مجموع المشاركات: 6316
إنتشار الراديو في الوطن العربي يا سعادتك كان بفضل أم كلثوم...
وهي كانت تغني (لايف) كل أول خميس في الشهر... وكانت الملايين تسمع وتحفظ أغانيها الجديدة من على الهواء مباشرة.. فلا وقت عندهم لإنتظار خروج إسطوانتها!
يا قباني... نحن محظوظين لأننا آخر جيل إستمع للست وعشة الفلاتية.
وستبقى (ستنا) أم كلثوم أسطورة للغناء العربي لأنها أفضل من طوع الآهات... وستظل "هذة ليلتي" و"الأطلال" و"غداً ألقاك" و"للصبر حدود" باقية وخالدة إلى الأبد.
عشت يا سيدي وعاش عطاؤك الفني!
للتحميل أو الإستماع للست: http://www.farfesh.com/ViewSongs.asp؟CatId=1andSingerID=8 أم كلثوم
09-05-2015, 01:25 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
الله ....الله على طريقة كرومة برضو عارف يا يحي انت نقلتنا نقلة على صوت ام كلثوم او السوخوي الخارق لسرعة الصوت بليغ حمدي .. ومقام (بياتي) هزام وتنتقل الست بين المقامات مرتكزة على مساحة الصوت الفريد اجمل صوت نسائي على مر العصور .. هبة ربانية وتغني بمقام راحة الارواح (الهزام) بس على السي بيمول المقدمة الموسيقية تبدأ الوتريات الكمنجات على مقام الكرد ونسمع صولو الجيتار و الاكورديون والقانون تدخل الست بدون ايقاع صوتها فقط (نسيت النوم ... واحلامه)
09-05-2015, 01:27 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
وصوت الناي في الكوبليه الثاني يداعب مقام خاص بالحزن والحنية تبدأ الست الكوبليه بـ:ـ لا نوم ولا دمع بعيني ... وتستمر حتى تقول ماخلاش الفراق بيا وتنزل بسلاسة وعذوبة متناهية لمقام (البياتي – الشورى) ( نسيت النوم واحلامه .. نسيت لياليه وايامه) هنا بتحلي البياتي بمقام (الراست) وتستمر الست في ايقاظ أي خلية نائمة في النفس البشرية لتمتلىء حبا وحنانا وتحنانا الكوبليه الثالث يبدأ بمقام (النكريز) ودا حكاية لوحده بليغ يستعمل درجة واحدة اقل على .. الدو ولكن البداية تكون من النهاوند على الصول والايقاع يتسرع هنا ضرب 2 / 4 تدخل الست بثبات (افتكرلي لحظة حلوة عشنا فيها الهوى) وتستمر على النكريز وبكل احساس الدنيا تنتقل الى مقام (السيكا) مرتكزة على مقام راحة الارواح لتعبر بكل شفافية ورقة لامن تقول ( خذ من عمري ........ عمري كله) وتعود الست من (السيكا) ودا مقام الحزن والحنية والشوق الى اللحن المقام الاصلي (البياتي) في (الشوق .........وعمايلو) صراحة يا يحي قباني غلبني اكتب .. خليني استمتع فقط بما اهديتنا فات الميعاد
09-05-2015, 03:32 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: منتهى الروعة .... انا مش من عشاق كوكب الشرق وبس أنا مدمن تماما ... على سماع اغانيها من ايام الراديو وانا طفل لم ابلغ الحلم بعد ... وزى ما كنت بتعمل ... انا كنت بخت الرادى الترانزستر تحت المخدة ... خاصة فى حفلتها الشهرية.... أنا عضو مشترك فى مكتبة الأغانى السودانية .... ولاحظت انو مكتوب على الفيديو مكتبة الأغانى السودانية لكن ما لقيتها فى أى باب من أبواب المكتبة .... ممكن تورينى أغانى الست دى الاقيها وين فى المكتبة؟
الجميل عبد الحفيظ حسن ...
اكرر اعتذاري لرفع الفيديو ناقص آخر ربع ساعة و الحمد لله انتبهت و قمت بالتعديل ...
يا أخي الست حكاية لا تنتهي ...
رغم عصر السرعة و الزمن ... الا انني و حتى هذه الساعة ...
ذا ما جلست على مكتبي لإنجاز أي عمل طويل ... تجدني اسمع ام كلثوم ...
انا اسمع كل ما غنته الست ... و عشت نفس الزمن الذي كان تجتمع فيه الأسر حول الراديو
و اذكر تماما حفلاتها في اول يوم خميس من اول كل شهر ... تنقلها إذاعة صوت العرب ...
و كان لابد من وضع حجارة ( أبو كديس ) جديده على الراديو ... و أيضا جلب حجارة احتياطي ...
كانت جلسات مقدسة يغلب عليها الصمت و التركيز ...
الزمن داك يا عبد الحفيظ الساعة كان فيها 60 دقيقة ...
ساعتنا الان ممحوقة يا حبيب ... _______________________
سعيد انك عضو في مكتبة الأغنية ... هل مشترك بنفس الأسم ؟
لا توجد أغاني الست على المكتبة يا حفيظ ...
لكني تحت الأمر ... المسألة أصبحت سهلة ... فقط ارسل لي عنوانك و سأرسل لم USB به كل الدرر و النوادر ...
Quote: إنتشار الراديو في الوطن العربي يا سعادتك كان بفضل أم كلثوم...
وهي كانت تغني (لايف) كل أول خميس في الشهر... وكانت الملايين تسمع وتحفظ أغانيها الجديدة من على الهواء مباشرة.. فلا وقت عندهم لإنتظار خروج إسطوانتها!
يا قباني... نحن محظوظين لأننا آخر جيل إستمع للست وعشة الفلاتية.
وستبقى (ستنا) أم كلثوم أسطورة للغناء العربي لأنها أفضل من طوع الآهات... وستظل "هذة ليلتي" و"الأطلال" و"غداً ألقاك" و"للصبر حدود" باقية وخالدة إلى الأبد.
عشت يا سيدي وعاش عطاؤك الفني!
و الله صدقت يا محمد ...
شراء الراديو كان مرتبط بقوة التقاطه لإذاعة صوت العرب ولندن و غيرها ...
كان الراديو جزء من اثاث المنزل في دواوينه لكثير من الأسر ...
اما الروادي الصغيرة كان أشهرها الراديو المستطيل ذو الجلد البني الذى يوضع فوق ( السدر ) و انت راقد في العنقريب في الحوش ...
هناك مقولة تقول ان ام كلثوم هي الشخص الوحيد الذي استطاع ان يوحد الأمة العربية ...
09-05-2015, 03:53 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: الله ....الله على طريقة كرومة برضو عارف يا يحي انت نقلتنا نقلة على صوت ام كلثوم او السوخوي الخارق لسرعة الصوت بليغ حمدي .. ومقام (بياتي) هزام وتنتقل الست بين المقامات مرتكزة على مساحة الصوت الفريد اجمل صوت نسائي على مر العصور .. هبة ربانية وتغني بمقام راحة الارواح (الهزام) بس على السي بيمول المقدمة الموسيقية تبدأ الوتريات الكمنجات على مقام الكرد ونسمع صولو الجيتار و الاكورديون والقانون تدخل الست بدون ايقاع صوتها فقط (نسيت النوم ... واحلامه)
تعرف يا احمد ياسين ... رغم عدم درايتي بالمقامات ...
ولكنك امتعتني ايما متعة بشرحك و تنقلاتك الرشيقة مع اللحن ...
رجاء الا تتوقف ... فأخوك ( سيسرح ) كثيراً مع نوادر الست ...
تمنيت في حياتي شيء و لم أحققه حتى الآن ... وهو العزف على القانون ... وما زال على Bucket List
سأضيف الآن لتلك اللستة دراسة المقامات ولو بالبلدي ... :)
09-05-2015, 07:58 PM
دينا خالد دينا خالد
تاريخ التسجيل: 06-26-2006
مجموع المشاركات: 8736
ههههههه يا قبانى يعنى مرقتنا بره الشبكة لووووووب .... وعايز تكتب مافى زول يجى يغالتك ؟ 😂 مطمطة الف ... الست وما ادراك ما الست الاسطورة العربية ... التى اكدت ان اصل الغناء النساء والرجال ديل بيجو يتعولقوا ساى .... طبعا الست دى تمثل كل غنا الحقيبه فى مصر يعنى اجمع اغانى الحقيبة وتعلق الناس بيها فى السودان بمختلف الاصوات والفنانيين .... دا كلو وبصوت واحد هو صوت الست الحصل فى مصر .. والى الان ..... لكن بى دا كلو نحن او معظم السودانيين ما بقدروا عليها فشنو ما تاكلونا حنك ... خلونا نشوف الكتيرين ما بقدروها ليه ؟
------------ بتتذكر سنة 1968 ؟ اصله اصله ياقبانى .....
09-05-2015, 09:08 PM
زهير عثمان حمد زهير عثمان حمد
تاريخ التسجيل: 08-07-2006
مجموع المشاركات: 8273
يحي (القانونجي) أذا نزلت شوية للتشيلو او كمنجة كان جيتك محلك لكن (قانون) حتة واحدة ..عارف ديل كم وتر ياخوي؟ 78 وتر وكل 3 اوتار بطلعوا صوت واحد يعني 26 نوتة ومع ذلك جاني احساس ان انحن زرناك في بيتك العامر ذات مساء خريفي وانت ترتدي جلابية فضفاضة وطاقية وبعد السلام بالاحضان (احساس عميق ورباني الواحد ياخدك بالحضن يايحي) تقوم انت وتجيب الة القانون وتبدأ تعمل تقاسيمك وانت تلبس(كشتبانة) في سبابتيك اليمنين والشمال ....طبعا الكشتبانة مفتوحة من الجانبين ومباشرة تبدأ تترنم لينا بى ..حكم علينا الهوى او ..كل ليلة وكل يوم .او الحب كلو والتلاتة الفوق ديل مقام ..راست وبعدين تدخل على .حب ايه او ظلمنا الحب .او بعيد عنك والتلاتة ديل ..مقام بياتي وتاني تجي لى.. فات الميعاد ...سيرة الحب ..الف ليلة وليلة والتلاتة ديل مقام راحة اﻻرواح مع ملاحظة ان الف ليلة وليلة..مقام درجة فرح فزا وديل كلهم التسعة لحنهم بليغ
09-07-2015, 00:29 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: يا يحي قباني ، يا خي رجعتنا لزمن جميل مرة مرة بلقى توزيعات جديدة لبعض أغاني الست كدي أسمع سيرة الحب دي وقول لينا
يا الأمين ...
سيرة الحب كمان بقولوا فوقها رأي ؟
دي اسمها The Jewel of the Crown يا صديقي ...
سيرة الحب هي اجمل ما غنت كوكب الشرق بلا منافس ...
كتبها مرسي جميل عزيز شاعر الألف أغنية ...
و لحنها أيضا العبقري بليغ حمدي ... و احبها بليغ حبا جما ...
فات من عمرى سنين وسنين شفت كتير و قليل عاشقين اللى بيشكى حاله لحاله واللى بيبكى على مواله
أهل الحب صحيح مساكين ياما الحب نده على قلبى ما ردش قلبى جواب ياما الشوق حاول يحايلنى واقول له روح يا عذاب ياما عيون شاغلونى لكن ولا شغلونى إلا عيونك انت دول بس اللى خدونى وبحبك أمرونى أمرونى احب لقيتنى باحب وأدوب فى الحب وصبح وليل على بابه
09-06-2015, 01:03 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: ههههههه يا قبانى يعنى مرقتنا بره الشبكة لووووووب .... وعايز تكتب مافى زول يجى يغالتك ؟ 😂 مطمطة الف ... الست وما ادراك ما الست الاسطورة العربية ... التى اكدت ان اصل الغناء النساء والرجال ديل بيجو يتعولقوا ساى .... طبعا الست دى تمثل كل غنا الحقيبه فى مصر يعنى اجمع اغانى الحقيبة وتعلق الناس بيها فى السودان بمختلف الاصوات والفنانيين .... دا كلو وبصوت واحد هو صوت الست الحصل فى مصر .. والى الان ..... لكن بى دا كلو نحن او معظم السودانيين ما بقدروا عليها فشنو ما تاكلونا حنك ... خلونا نشوف الكتيرين ما بقدروها ليه ؟
------------ بتتذكر سنة 1968 ؟ اصله اصله ياقبانى .....
آى يا دينا ... جيت شايل درقتي المرة دي ... و مغالطة مع الست ما عندكم ليها سكة ...
بعدين ياخي مش اصل الغناء هو النساء ...
اصل الحياة و ما فيها هم النساء ...
ما سمعتي المقولة التي تقول مافي احلى من قعدة الرجال ..
بس لو جات ( ست ) واحده ... طُظ في كل الرجال القاعدين معاك ... ______________________________________________ بعدين نعم بتذكر 68 و نص و خمسة ...
و كمان كنت بقاوح داير يسوقوني معاهم المسرح و ما مقتنع انو ما في شفع هناك ...
09-05-2015, 10:46 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
اما اذا اتجهنا صوب ..اﻻطلال ما اظن حنتحمل اهات الست ومنو غيرها يقدر يعبر عن الشجن من المقدمة والدخول في اﻻغنية لغاية ما تختمها بى مفاجاة ...غريبة انها ختمت الاغنية وهي بتغني في المناطق العالية في اعلى درجات الجواب مع ان عمرها كان 69 سنة
09-06-2015, 01:20 AM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
أول شريط إشتريته من حر مالي كنسخة أصلية وأنا بعد في الثانوية العامة كان أغنية (هذه ليلتي) وكنت أحرص على إعادة بيت جورج جرداق (فادن مني وخذ إليك حناني ثم اغمض عينيك حتى تراني) يا البطاريه خلصت يا الكهربا قطعت.. الغريبه لو غمَّدت شديد بتشوفا بوضوح وهذا ضرب من الجلاء البصري clairvoyance حتة (أغمض عينيك حتى تراني ) دي تاني مافي زول بجيبا كلو كلو ، وأداء السيده لتلك الأغنية أحد إنجازات البشريه في حقبة ما بعد الثورة الصناعية ..
Quote: التى اكدت ان اصل الغناء النساء والرجال ديل بيجو يتعولقوا ساى ....
طبعا ما بتحتاج أوصيك بعدم الرد على كلام دونادوني الغير مؤسس دا.. هو يا دينا البيكتب الكلام السمح منو؟ حكِّمي ضميرك مره..
09-06-2015, 11:40 AM
عبدالحفيظ حسن عبدالحفيظ حسن
تاريخ التسجيل: 05-05-2009
مجموع المشاركات: 1436
يا قباني نحن من جيل لم نعشق كوكبة الشرق ، جيل الأغنية السريعة والهابطة ، جيل 60 ثانية للأغنية ، لكن عندما زرت مصر المؤمنة ، عرفت قدر أم كلثوم ، عند الشعب المصري ، بل والشرق العربي ، بحق فنانة رائعة لم نحظي برؤيتها ، أغنية أغدا ألقاك ، يا خوف فؤادي من غد ، للشاعر الفحل السوداني الهادي آدم ، هي قيثارة اللهفة باللقاء ، تحياتي ، ،،،، ...
Quote: يا قباني نحن من جيل لم نعشق كوكبة الشرق ، جيل الأغنية السريعة والهابطة ، جيل 60 ثانية للأغنية ، لكن عندما زرت مصر المؤمنة ، عرفت قدر أم كلثوم ، عند الشعب المصري ، بل والشرق العربي ، بحق فنانة رائعة لم نحظي برؤيتها ، أغنية أغدا ألقاك ، يا خوف فؤادي من غد ، للشاعر الفحل السوداني الهادي آدم ، هي قيثارة اللهفة باللقاء ،
تسلم يا فحل ...
ما فاتك شيء ... فام كلثوم صالحة لكل مكان و كل زمان ...
بس اسمع بي رواقه ... و كان ما انجذبت ... اضحك علي ...
09-06-2015, 12:09 PM
عبدالحفيظ حسن عبدالحفيظ حسن
تاريخ التسجيل: 05-05-2009
مجموع المشاركات: 1436
. مولانا..... من أيام (ناسنا) وانت دايما تسبقنا بالتعبير عن دواخلنا .... لأنك منحت قوة البصيرة ....
Quote: وكنت أحرص على إعادة بيت جورج جرداق (فادن مني وخذ إليك حناني ثم اغمض عينيك حتى تراني) يا البطاريه خلصت يا الكهربا قطعت.. الغريبه لو غمَّدت شديد بتشوفا بوضوح وهذا ضرب من الجلاء البصري clairvoyance حتة (أغمض عينيك حتى تراني ) دي تاني مافي زول بجيبا كلو كلو
واغمض عينيك حتى ترانى ..... مما سمعتها اول مرة .... قبل اكتر من اربعين سنة ..... ولحدى هسه كلما اسمعها بكتشف فيها معانى جديدة ......و زى ما بقولوا حبوباتنا ( العين ما بتشوف .... بشوف القلب)
وشوف الكاتب ده قال شنو فيها : -
Quote: ثم أغمض عينيك حتى تراني فهد عامر الأحمدي هناك فرق كبير بين "السمع" و"الاستماع" و"الإصغاء" و"الإنصات".. ف"السمع" حاسة التقاط الصوت عفويا بدون قصد المستمع (مثل سماعك صوت موسيقى تنبعث من السيارة بقربك). أما "الاستماع" ففعل يقصد منه استراق السمع وتمييزه جيدا (كأن تفتح نافذة سيارتك كي تستمع للموسيقى السابقة). وفي حال أعجبك الصوت ستدخل مرحلة "الإصغاء" حيث التركيز وتفاعل القلب والمشاعر.. أما "الإنصات" فشرط للإصغاء الجيد يتطلب إلغاء الضوضاء وإسكات بقية الأصوات (كأن تطلب من الأطفال السكوت حتى تستمع بشكل أفضل)! ... وهذه الحالات الأربع فرق بينها القرآن بطريقة بليغة ودقيقة ومناسبة للموقف... فحالة السمع العفوي مثالها (وإذا سمعوا اللغو أعرضوا عنه) وحالة الاستماع بقصد (وإذ صرفنا إليك نفرا من الجن يستمعون القرآن) أما الإصغاء التام فمثاله (وإن تتوبا إلى الله فقد صغت قلوبكما) أما طلب الصمت بغرض الاستماع والإصغاء فمثاله (وإذا قرئ القرآن فاستمعوا له وأنصتوا لعلكم ترحمون)! ... وإذا تأملت هذه الحالات الأربع تجد أن "السمع" هو الحالة العفوية الوحيدة بينها كون ذبذبات الصوت تدخل أذنك بلا استئذان وتهز طبلتك بلا مقدمات.. أما الحالات الثلاث المتبقية فأفعال إرادية مقصودة يمكن التحكم بها أو كسر ترتيبها (بإغلاق نافذة السيارة مثلا).. ... وما يدهشني بحق هو أن الكفيف تغلب عليه حالة "الإصغاء" ويصبح لديه "الاستماع" حالة عفوية دائمة (بعكس المبصر الذي يبقى في دائرة الاختيار).. بل يمكن القول إن الكفيف تتطور لديه حاسة السمع بمرور الزمن (وتتحول الى إصغاء مستمر) فيرى من خلال الصوت مالا يراه معظم البشر.. وأنا شخصيا مررت قبل أيام بموقف أكد لي هذه الحقيقة مجددا؛ فأثناء تقليبي لقنوات التلفزيون لفت انتباهي رجل كفيف لايغني.. لم أعرف في البداية أنه الموسيقار المشهور عمار الشريعي الذي كان يشرح للمشاهدين كيفية الاستماع والإنصات (ويطلب منهم إغماض أعينهم لرؤية الصوت على حقيقته).. وما أدهشني بحق أنه قدم نماذج صوتية سبق لي سماعها - ولكنه شرحها بطريقة مميزة - وأنا مغمض العينين - فشعرت أنني أراها بالفعل (لدرجة قلت لنفسي : إحنا العُمي ياشيخ)! .. ويكمن السر هنا في أن حاسة الإبصار تشترك مع حاسة السمع في تقديم صورة مجسمة لما يحدث حولنا. ولكن حين تختفي حاسة الإبصار - بمجرد إغماض العينين - يتحمل السمع كامل العبء ويستعين بالخيال لتعويض فقد البصر.. وتستطيع التأكد من هذه الحقيقة بنفسك إن أغلقت عينيك في شارع مزدحم وحاولت (الإنصات) لحركة السيارات والمارة فيه.. ففي هذه الحالة لن تسمع فقط بشكل أفضل؛ بل سيتدخل خيالك ليعطيك صورة أعمق لما يجري حولك.. وحين يصبح إغماض العينين قدرا دائما (لدى الأعمى) تتطور لديه حالة الإصغاء لدرجة قدرته على تحديد وجهات الصوت وحركة السيارات ومعرفة الأشخاص من وقع أقدامهم.. وبمرور الزمن يتمكن الكفيف فعليا من (رؤية) ما حوله من خلال مزج الصوت بالخيال، والإصغاء بالخبرة.. وهذا المزيج الرائع يفسر كيف أن أشهر "بيت" في وصف الحرب قاله شاعر أعمى لم يشاهد معركة في حياته: كأن مثار النقع فوق رؤوسنا وأسيافنا ليل تهاوى كواكبه (لبشار بن بُرد، ومثار النقع العاصفة الهوجاء).. وحين يغلب على الشاعر المبصر كثرة الإغماض والتخيل لا يعجز عن إبداع بيت مماثل : فادنُ مني وخذ إليك حناني ثم أغمض عينيك حتى تراني (للشاعر اللبناني جورج جرداق) - أيها السادة لنتعلم كيف نغمض أعيننا ونرى العالم بشكل مختلف..
.
09-06-2015, 02:10 PM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
Quote: و لكن اتفق كل ( الدراويش ) على ان اجمل أداء لبعيد عنك هو حفلة بني غازي 1969
كنت اعتقد ان تسجيل أغنية بعيد عنك من حفل تونس 68 يعتبر الاجمل خاصة في حتة افتكر لي لحظة حلوة عشنا فيها للهوى افتكر لي مرة غنوة يوما سمعناها سوا وتحديدا الإعادة لهذا المقطع والآهات التي تأتي بعد سوا من الدقيقة 39-46
https://http://http://www.youtube.com/watch؟v=GLg4Pc5ePI0www.youtube.com/watch؟v=GLg4Pc5ePI0 لكن بصراحة فعلا حفل بني غازي أجمل وان كانت اصوات الموسيقى اكثر ظهورا من صوت الست طبعا في اليوتيوب هنالك اختيارات موفقة لاجمل المقاطع من اغنيات ام كلثوم وكانها أغنيات قصيرة وهي ممتعة بطابع العصر الحالي
Quote: أ ما بليغ حمدي ...انا في نظري انه نقل كوكب الشرق الي مرحلة مختلفة في تاريخها الفني
صحيح ولكن وبكل اسف ظهرت الموهبة أكثر وضاعت مع فنانان شمال افريقيا وباقي القصة .........
هاهاهاهاهاهاها دا شغل عجائز ساااي منكم لكن نسكت عاد نقول شنو لو نضمنا بتشغلوا فينا شغل السناجك كاااااااااااك لكن ام كلتوم دي غلبتني و غلبني معاها عبد الحليم كلو كلو و الله بس اغاني ام كلتوم عند جورج وسوف حاجة تانية .
------------- خلي بالك انت يا قبا باكر باكر تجي تقول لينا كاظم الساهر عبقري الاغنية العربية .
09-08-2015, 09:28 PM
سيف الدين عوض سيف الدين عوض
تاريخ التسجيل: 05-06-2009
مجموع المشاركات: 487
عارف يا يحي، كنا أنا وصديقي "ماهر سليمان" عندنا طقوس خاصة لسماع أغاني أم كلثوم. كان عندي كمية من التسجيلات على أسطوانات، وماهر يعشق شيئين: أم كلثوم والشاي الأحمر. يجي عندي ويكون الشاي حاضر ونقعد نتسلطن مع الأسطوانات وبعض التسجيلات على الكاسيت. لحدي ما قررنا إنو تسجيلات الأسطوانات دي لازم نعمل ليها حملة إنقاذ وننقلها لي كاسيت، لأنو بعد شوية ما حنلقى جهاز نشغل عليهو الأسطوانة، وبدأنا في نقل كل التسجيلات في كاسيت (لازم يكون TDK عشان الجودة)، نقوم نجيب أشرطة مشكلة حسب الزمن، بعضها ساعة وأخرى 45 دقيقة حسب الأغنية. كان عندي مشكلة مع أسطوانة (فكروني) لأنو الأسطوانة قلبة وعدلة بتعمل أكتر من ساعة بشوية.
يا ربي لو مشيت هسي المخزن في البيت حالاقي الأسطوانات دي؟ وحيكون حالها شنو.
09-09-2015, 05:36 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: واغمض عينيك حتى ترانى ..... مما سمعتها اول مرة .... قبل اكتر من اربعين سنة ..... ولحدى هسه كلما اسمعها بكتشف فيها معانى جديدة ......و زى ما بقولوا حبوباتنا ( العين ما بتشوف .... بشوف القلب)
مرة كفروني يا عبد الحفيظ ... لما قلت ليهم غُنا ام كلثوم زي القرآن ...
كل ما مر بنا الزمان تكشفنا فيه اسرار جديدة ... __________________________________________________ البروف علي المك رحمه الله ... كان مسمي غنا أبو داؤود ( التلاوة ) ...
09-09-2015, 00:39 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
أول شريط إشتريته من حر مالي كنسخة أصلية وأنا بعد في الثانوية العامة كان أغنية (هذه ليلتي) وكنت أحرص على إعادة بيت جورج جرداق (فادن مني وخذ إليك حناني ثم اغمض عينيك حتى تراني) يا البطاريه خلصت يا الكهربا قطعت.. الغريبه لو غمَّدت شديد بتشوفا بوضوح وهذا ضرب من الجلاء البصري clairvoyance حتة (أغمض عينيك حتى تراني ) دي تاني مافي زول بجيبا كلو كلو ، وأداء السيده لتلك الأغنية أحد إنجازات البشريه في حقبة ما بعد الثورة الصناعية
أصلا يا مولانا الما ( عشق ) على انغام الست ...
بكون فيهو حاجة غلط somewhere
يا سيدي الست غنت بيت شعر كتبه أحمد رامي في واحده من أروع اغانيها و اجمل ما لحن السنباطي ...
أغنية هجرتك ...
انا يا مولانا بلاغة و ( جرسة ) زي دي اصلو ما شفت ... زي قصة الجلاء البصري دي ... بس حالة تانية ...
احمد رامي كتب و الست قالت:
هجرتك يمكن أنسى هـــــواك وأودع قلبك القاســـــــــي وقلت أقدر في يوم أنســــــاك وأفضي من الهوى كأســـي لقيت روحي في عز جفـــــاك بفكر فيك و أنا ناســـــــي ____________________________________ تخيل البلاغة الفي البيت ده !!!
لقيت روحي في عز جفاك ... بفكر فيك و انا ناسي ...
انا لله ياخي ... ده حب و لا موت أصلو ... __________________________ اما دونادوني فعندي معاها تار بايت من زماااان على الست دي ذات نفسها ...
من وقتها بنوم قافل عين و فاتح عين .... :)
09-09-2015, 04:17 AM
Mohamed Yassin Khalifa Mohamed Yassin Khalifa
تاريخ التسجيل: 01-14-2008
مجموع المشاركات: 6316
Quote: يا ربي لو مشيت هسي المخزن في البيت حالاقي الأسطوانات دي؟ وحيكون حالها شنو.
الله يا أبوالريش ود أبو العزايم....
ياخي ولعتا فيني نيران وشوشوتا أفكاري!
أخوك عندو ثروة وهي مجموعة من الإسطوانات، كبيرة وصغيرة، وشرايط الرييل Reel المدموغة وشرايط الكاسيت... لكامل أغنيات أم كلثوم وعبدالحليم وكرومة وأولاد الماحي والكاشف وعدد كبير من الفنانين العظام. ومعاهم غرامفون كبير (موبليا) وأصيل، بالرادي ومسجل رييل ألماني ومسجل كاسيت كان آخر ما نزل في الأسواق... جابو صاحبك صابر أحمد الزبير من لندن.
وتتصور آخر تسجيل لي بالرييل كان لقعدة بـ عظيمنا عبدالعظيم حركة في بري.. وهو إستغرب من وجود المسجل الرييل، ولكن بعد ما سمع التسجيل قال لي سجلو لي في كاسيت وأديني ليهو.
حسع بعد كلامك ده قلبي قرب يقيف... وقلتا يا ربي بعد 25 سنة غربة الثروة دي باقي ليك بتكون قاعدة ومحفوظة من الزمن الغدار ده ولا بتكون راحت مع الراحوا؟
إتخيل بالله عليك أخوك بيسمع في الغرامفون في عز الليل قبل 40 سنة والست بتقول:
قد إيه من عمري قبلك راح وعدّى يا حبيبي قد إيه من عمري راح ولا شاف القلب قبلك فرحة واحدة ولا داق في الدنيا غير طعم الجراح . . . إلي قولها:
إنت عمـــــــــــــري اللي ابتدي بنورك صباحه!
*****
أو تخيل صاحبك سارح مع حليم وهو يمدح في القمر ويقول فيهو:
قدك المياس يـا عمــــــــــــري أيقظ الإحساس فـي صـــــــدري أنت أحلى الناس في نظـــــري جل من سـواك يا عمــــــــــــري!
فهل في كلام إتقال أو إتغنى أحلى أو أطعم من ده؟
غايتو الله يسامحك إنتا وقباني القال أم كلثوم تغني بمزاج فوق العادة...
ونان نحنا ما سمعناهو وكتها بمزاج خارق للعادة!
09-09-2015, 06:05 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
يمين الله يا قباني.. وماك طالبني حليفة عشان أقول ليك إتوقعتا كلامك ده... إلا فضلتا إنتظاروا عشان أقول ليك إنو الرائع صباح فخري عنده موقع خاص عندي في دنيا الطرب والتطريب بحال لطفي بوشناق وعجائب مغناهما!
بس حليم ده أنا بسمعو بجوارحي كلها إن لم أبالغ وأقول أن شعري بيتمايل مع غناهو وإحساسي بكلماتو وألحانو الدافئة بيصل عندي عن طريق الجلد...
صوته يأتي من الأرض ويرتد من السماء وتقذفه الرياح فيأتي كالضوء في جنح الظلام وكالونيس في غياهب الصحارى وكالبلسم على القلب العليل!
تعرف بطرابلس الغرب كانت هناك مقهى عامرة في حوش كبير.. وكنا نرتادها في العصريات لأنو عنهم مسجل خطير أظن ماركتو (بووس) لحلاوة صوته... وكان بيبدأ لينا بالحليم وبيختم لينا بالست بعد ما ننسطل بالشاي الليبي التقيل لدرجة لو عاوز تصوتو... الملعقة بتقيف في نصه بزاوية 90 درجة.. والأغرب من ده كلو... بيدوك ليهو شوية في قعر الكاس متل الشيري!
الليبيين إستضافونا معاهم لفترة.. وكان الحرس بيخرجوني أشرب معاهم الشاي داك وكنتا بقول ليهم شاييكم مسيخ بدون حليم... تعرف واحد منهم لطيف جاني يوم وقال لي عندي ليك تلاتة مفاجآت. الأولى كانت كيس تماك ماكن من أشهر زول بيبيع السعوط في طرابلس، يعني تقول الوطنية طرابلس. والتانية كانت معجون أسنان سيجنال، والفرشة كانت ممنوعة. أما المفاجأة التالتة فكانت شريط لمداح القمر، حليم. وتصدق وتؤمن بالله أخوك من الفرحة نسى هو وين وبيعمل في شنو!
أها جماعتنا بعد الليل ليل ولعوا المنقد وشغلوا الشريط في عربية واحد منهم وجلسنا نمدح مع عبدالحليم لغاية الصباح. والواحد لولا القناعة، لكان طلب منهم لقيمات!
شفتا الحب يا يحيى.. وسيرة الحب وأمرو بيعملوا شنو في الزول؟
أتمنى إنو صاحبة ذلك القد المياس تقرأ كلامي ده وتعرف إنو إحساسي لسع صاحي... ومساهر أسبح لله عز وعلى لأنو خلقك بأحلى صورة وقفت أمامها.. محلك سر!
Quote: يا ربي لو مشيت هسي المخزن في البيت حالاقي الأسطوانات دي؟ وحيكون حالها شنو.
شى عجيب .... نفس الحكاية ..... كمية من اسطوانات الست موجودة عندى .... لكن وين موقعها فى التخزين .... ما عارف .... لأنو الشى الكنت بشغلها فيها ضاع مع الزمن... ومعاها كم من اسطوانات بوب مارلى.... والبونى إم ... والخ..
.
10-05-2015, 04:34 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
رجاء ..بعد الانتهاء من الست وفنها ..افتحوا بوست عن عبد الحليم .. كم نعشقكم .. شكرا قباني ..بوست اوسكار هل شاهدتم المسلسل المصري ( ام كلثوم ) ..في ظني تم اخراجه بصوره جيده ..
11-16-2015, 01:14 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
كلمات الشاعر الهادي آدم ولحن الموسيقار محمد عبدالوهاب
أغدا ألقاك ؟ يا خوف فؤادى من غدِ يالشوقى واحتراقى فى انتظار الموعد آه كم أخشى غدي هذا وأرجوه إقترابا كنت أستدنيه لكن هبتهُ لما أهابَ وأهلت فرحة القرب به حين إستجابَ هكذا أحتمل العمر نعيماً وعذابا مهجة حرى وقلباً مسه الشوق فذابَ أغداً ألقاك؟ * أنت يا جنة حبى واشتياقى وجنونى أنت يا قبلة روحى وإنطلاقى وشجونى أغداً تشرق أضواؤك فى ليل عيونى ؟ آه من فرحة أحلامى ومن خوف ظنونى كم أناديك وفى لحنى حنينُ ودعاء يا رجائى أنا كم عذبنى طول الرجاء أنا لولا أنت أنت لم أحفل بمن راح وجاء أنا أحيا بغدى ألآن بأحلام اللقاء فأتِ أو لا تأتِ أو فافعل بقلبى ما تشاء هكذا أحتمل العمر نعيماً وعذابا مهجة حرى وقلباً مسه الشوق فذابَ أغداً ألقاك؟ * هذه الدنيا كتاب أنت فيه الفِكَرُ هذه الدنيا ليالٍ أنت فيها العمر هذه الدنيا عيون أنت فيها البصر هذه الدنيا سماء أنت فيها القمر فارحم القلب الذى يصبو إليك فغداً تملكه بين يديك وغداً تأتلق الجنة أنهارا وظلا وغدا ننسى فلا نأسى على ماضٍ تولى وغداً نسموا فلا نعرف للغيب محلا وغداً للحاضر الزاهر نحيا ليس إلا قد يكون الغيب حلوا إنما الحاضر أحلى هكذا أحتمل العمر نعيماً وعذابا مهجة حرى وقلباً مسه الشوق فذابَ أغداً ألقاك
Quote: رجاء ..بعد الانتهاء من الست وفنها ..افتحوا بوست عن عبد الحليم .. كم نعشقكم .. شكرا قباني ..بوست اوسكار هل شاهدتم المسلسل المصري ( ام كلثوم ) ..في ظني تم اخراجه بصوره جيده ..
محب يا جميل ...
حُلُم ده كان معشوق العذارى زمان ...
لك الوعد ان اجيب لك احلى اغنياته ...
اما مسلسل م كلثوم فصابرين تفوقت على نفسها و أيضا كمال أبو ريا في دور رامي ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
يحي قباني
عبدالحفيظ حسن
Mohamed Yassin Khalifa
Ahmed Yassin
دينا خالد
زهير عثمان حمد
الأمين عبد الرحمن عيسى
نادر الفضلى
محمد المرتضى حامد
عزالدين عباس الفحل
محمد أبوالعزائم أبوالريش
سفيان بشير نابرى
سيف الدين عوض
زينب محمد عبدالله
Muhib
فيس بوك
تويتر
انستقرام
يوتيوب
بنتيريست