|
|
|
 Re: والله يا كبر كلامك ده سيئ وكعععب شديد .. (Re: Munir)
|
هو أشار لي نجيب سرور إشارة واضحة وبائنة
أنا شايف مفروض يكون السؤال هل من حقه يستخدم كسميات نجيب سرور أم لأ
لكن قطعاً ما ممكن - بعد إشارته - نتهمه بي إنه تجاوز الناس لي أمهاتهم
مع العلم بي إني لا أؤيد اسلوب نجيب سرور في التضجر
| |
 
|
|
|
|
|
|
|
|
Re: والله يا كبر كلامك ده سيئ وكعععب شديد .. (Re: محمد حيدر المشرف)
|
| Quote: ياأخي أحمد محمد عمر منو البيعرف نجيب سرور أو أي من سفهاء الشعر؟ .. كبر ذكر أسماء ناس بنعرفهم .. ليس هناك أي مبرر لذكر أمهات يرقدن تحت التراب .. وفوق داك تصريح بسب الدين زاتو .. لزومو شنو؟؟ |
السؤال مفروض يكون منو الما بعرف نجيب سرور وكسمياته الأشهر من علم على رأسه نار ؟
التصريح بسب الدين أيضاً جاء في سياق الاستدلال بنجيب سرور
لو بتدين كبر في استخدامه لي كسميات نجيب سرور أنا معاك .. أنا برضو ما بستسيغها ولا شايفها وسيلة مناسبة لإعلان التضجر
لكن لو بتدينه بدون استصحاب نجيب سرور وماخد الموضوع إنه فعلاً قصد يقفز لي أمهات المذكورين أنا ما معاك .. لأنه الإشارة لي نجيب سرور أوضح من أن يتم التغافل عنها
| |
|
|
|
|
|
|
|
|
|
Re: والله يا كبر كلامك ده سيئ وكعععب شديد .. (Re: أحمد محمد عمر)
|
Quote: السؤال مفروض يكون منو الما بعرف نجيب سرور وكسمياته الأشهر من علم على رأسه نار ؟
|
والله كان علم ما بعرفو
قول واحد
اقسم بالله اول مرة اسمع بهذا المسخ
ولم اسمع بتفاهاته هذه من قبل و لله الحمد والمنة
حتي لو كانت نضالاته هذه ضد الشيطان
فأنا عندي الام مقدسة مقدسة
اي ام
حتي لو ام برمة
وحتي لو اتهمت بالجهل والغفلة والتغافل
زي بعضو ماتفرقش
هذا مع التحايا والاحترام اخ احمد محمد عمر
،،،،،،
تحياتي د منير وضيوفك الاكارم
معك ادين وأعيب علي الاخ كبر
ما ورد في مداخلته إياها
وهو ما مَس كل قراء المنبر الأفاضل بالسوء
وأطالبه بالاعتذار عن ذلك
وهذا من عشم وهو المرتجي
| |
|
|
|
|
|
|
|
|
|
Re: والله يا كبر كلامك ده سيئ وكعععب شديد .. (Re: أحمد محمد عمر)
|
| Quote: السؤال مفروض يكون منو الما بعرف نجيب سرور وكسمياته الأشهر من علم على رأسه نار ؟ |
سلآم للجميع .
يا الشغيل انا ما بعرفو ؤُ عرفتو بعد كبر إستشهد بوسخو، وبالمناسبة هذا كوم
أوساخ علي راسها شخص منحط . يا اخي وين المنحط دا ذكر اسماء زي
صديق الموج و ياسر عرمان والترابي في شعرو ؟. ثم يا اخي كبر غلطان،
يعني كبر ما لقى في باحة الشعر شعر يستشهد به غير هذا الغثاء ؟. يا الشغيل
في دي كبر تقلبو علي ايّ صفحة تلقاهو غلطان ؤُ غلطو الأكبر إنو إنساق خلف
دينق ومن اتى معه لتصفية حسابات شخصية، كان ممكن كبر يعتذر ؤُ يكتل
لدينق ورفاقه الدُش في يدهم . إستغربت في بوست دينق لطلعت الطيّب الذي
اتحفنا بقصيدة طويلة عريضة لهذا الشاعر السفيه، سبقها بنبذة عن كبر، ثم
وغض الطرف عن نبذ كبر !، ايضاً لا أخفي إستغرابي للأخ منصور المفتاح
الذي لبس نعلآت الحديد للإنتصار للذات والنيل من دينق .
اما بالنسبة للذين وجدوها فرصة لينالو من كبر وعلي رأسهم دينق ورفاقه اليجو
يسألونا نحن من كبر . كبر جواد كبأ وإستعصى عليه النهوض، وكبر اكبر بكتير
من الألفاظ التي نعتوه بها، وأنتم اصلاً لم تأتوا لإحقاق حق ولا لإنصاف احد
بل اتيتم لأشياء في نفوسكم لذلك طرحكم لا يُعتد به وبِضاعتكم مرودة لكم .
كبر إنزلق يا منير، فقط إنزل وأتمنى ان يعتذر ففي إعتذاره إعتدال له ...
| |
|
|
|
|
|
|
|
|
|
Re: والله يا كبر كلامك ده سيئ وكعععب شديد .. (Re: معاوية المدير)
|
Quote:
Hafiz Elemam Mohieldin
الأخ المحترم منير، أدين بشده ما كتبه الأخ كبر ولا أجد له أي مبرر سوى كان ذلك قصيده لنجيب سرور
أو غيره. تداخلنا في البوست المعني ولكن ركزنا على موضوع آخر وهو الترصد الذي يمارسه صاحب البوست
لأشخاص معينين. لفت نظرنا إلي ذلك أنه أتى بمداخلة كبر من بوست لهشام هباني الذي أعتبره أكثر من يجيد
هذه الأنواع من الشتائم ولم يفتح الله على صاحب البوست بكلمة إدانه واحده وكأن الذين يشتمهم هباني
مقطوعين من شجره طالما هم كيزان أو موالين للحكومه، وصاحب البوست أيضاً له سوابق عديده في المنبر
إستعمل فيها أساليب أقذر من الشتيمه .سب الدين وسب الأهل وحتى سب الأشخاص أو الأعضاء خطوط حمراء
ويجب التعامل معها بحزم ويجب التصدي لهذه الظاهره. أتمنى أن تأتي هذه المبادرات من أناس أصحاب مبادئ
حتى تجد من يسمعها وأنت أخي منير ومثلك قله من الأعضاء مثال جيد للمبادرين لأنكم أهل ثقه.
|
التحايا لك اخ حافظ
الحق احق ان يتبع
| |
|
|
|
|
|
|
|
|
|
Re: والله يا كبر كلامك ده سيئ وكعععب شديد .. (Re: Kabar)
|
لا أعتقد أننا يجب أن نحول منبر ثقافي وفكري متقدم ذي سودانيز أونلاين لمحكمة أخلاقية وإذا كنا عاجزين عن فهم إبداعات اللغة البلاغية حتي في أعنف حالاتها فلا يجب أن نتجرأ إلي محاولات إصدار أحكام أخلاقية على ما لم نوقن من إستيعابنا له
لا أعتقد أن ما قاله كبر يعبر عن سفاهة بل عن قرف نحى فيه طريقة كثير من الأدباء مثل أمل دنقل في التعبير عن القرف
| |
|
|
|
|
|
|
|
|
|
Re: والله يا كبر كلامك ده سيئ وكعععب شديد .. (Re: عبد الصمد محمد)
|
بالله، سيبوا الدغمسة والكلام الملولو، كلام كبر غير لائق، قالو شاعر، قالو المتنبي، إن شاء الله قالو المستنير، غير لائق غير لائق
سكاهو بيهو دينق
سكاهو بيهو منير
ما فارقا
غير لائق
هسع فرقك شنو يا كبر، من بعض كتاب الفيسبوك البكتبوا بحسابات وهمية مخصصة لسودانيز أون لاين؟
| |
|
|
|
|
|
|
|
|
|
Re: والله يا كبر كلامك ده سيئ وكعععب شديد .. (Re: أبوبكر عباس)
|
للبستعمل نضارة مقعرة ما ممكن يشوف ما كتبه كبر لايق أبداً
لكن حتي بالبلدي ما بقدر أصدق إنه كبر قاصد المعنى السفيه والمباشر وإلا لكان شخص غير الذي نعرف بأي الأقلام يكتب
وهناك الكتيرين من الأدباء والمبدعين البستعملوا نضارات ما نصوصية ولا مقعرة
| |
|
|
|
|
|
|
|
|
|
Re: والله يا كبر كلامك ده سيئ وكعععب شديد .. (Re: عبد الصمد محمد)
|
Quote: للبستعمل نضارة مقعرة ما ممكن يشوف ما كتبه كبر لايق أبداً
لكن حتي بالبلدي ما بقدر أصدق إنه كبر قاصد المعنى السفيه والمباشر وإلا لكان شخص غير الذي نعرف بأي الأقلام يكتب
وهناك الكتيرين من الأدباء والمبدعين البستعملوا نضارات ما نصوصية ولا مقعرة |
أها بعد الإعتذار صدقتا؟
مقعرة!!
| |
|
|
|
|
|
|
|
|
|
Re: والله يا كبر كلامك ده سيئ وكعععب شديد .. (Re: أبوبكر عباس)
|
أيام حرب الخليج الثانية 1991 والطائرات تدك المدن العراقية دكاً دكا
والأمة تشظى والدنيا تتدلهم
نشرت مجلة الناقد قصيدة لشاعر عراقي اسمه علي عبد الواحد قصيدة بعنوان (أنخاب)
في نخب .. (كذا وكذا)
في نخب.. (كذا وكذا)
وأخيرا يختمها بالبيت الوحيد الذي أتذكره منها يقول:
في نخب الله وهو يصنع في المرة القادمة عالَما أفضل
في تلك الأجواء لم أقرأ لأحد يستنكر هذا البيت
حتى صاحبي في ذلك الوقت والذي أشهد له بالتزمت وجد العذر للشاعر
فقد كان (المتزمت) يفهم في التداعي وتقدير المواقف
ويا مستنير (قوم ارجع) لي بوستك بتاع حنتوب الجميلة ولّ شنو كدا ما عارف
---
ازيك يا منير
| |
|
|
|
|
|
|
|
|
|
Re: والله يا كبر كلامك ده سيئ وكعععب شديد .. (Re: معاوية الزبير)
|
كبر اختار أن ينحني للعاصفة وهذا خياره
أسامة الإمام
بالتأكيد ما ممكن تعرف كل الأدباء الفي الدنيا .. كل ما في الموضوع أن نجيب سرور جعل قصيدته صادمة لكي تجذب الانتباه وقد فعلت
معاوية الزبير
بالطبع لم أدخل بوست دينق حول كبر كما لم أدخل بوست كبر حول دينق ولا أميل لدخول البوستات الكيدية المراد بها ترصد شخص معين لعداوة مسبقة .. ولولا أني لم أجد ما يفيد بعداوة منير لكبر لما تداخلت هنا
أما عن سؤالك حول هل أتى نجيب سرور بسيرة صديق الموج وعرمان لا أملك إلا أن اتكي ذقني على راحتي متمحناً
Quote: يا الشغيل انا ما بعرفو ؤُ عرفتو بعد كبر إستشهد بوسخو، وبالمناسبة هذا كوم
أوساخ علي راسها شخص منحط . يا اخي وين المنحط دا ذكر اسماء زي
صديق الموج و ياسر عرمان والترابي في شعرو ؟ |
| |
|
|
|
|
|
|
|
|
|
Re: والله يا كبر كلامك ده سيئ وكعععب شديد .. (Re: امجد الجميعابى)
|
شكراً للجميع بدون فرز وبما أنو الكبير كبر إعتذر تاني الواحد يقول شنو .. مافي داعي تاني ألوك الكلام مش كده .. ؟؟
وأنا بالجد ما كنت حأشتغل بالكلام لو صدر من السفهاء .. ولكني تألمت لأني ما كنت أظن كبر يقول الكلام ويدي فرصة لليسوي والمايسواش ينال منه ..
شايف الأشتر تبارك شيخ الدين فتح بوست عني ويتهمني بالإنتهازية .. هههه .. إنتهازية علي كبر؟؟ والله هانت ..
المهم طبعاً معروف أن تبارك لا يؤخذ مأخذ الجد .. زول هيليهلي زي ما المصريين بيقولوا في المسلسلات ..
وأظن كبر فاهمني وفاهم أن البوست ده من باب أنصر أخاك ظالماً أو مظلوماً .. والنصرة هنا بتوبيخه علي ألفاظ نالت أمهات راقدات تحت التراب .. والنصرة هنا لتذكيره بأن عواقب سب الدين وخيمة أقلها إحباط العمل .. والنصرة هنا لأعطي كبر فرصة للإنفكاك من العزة بالنفس وركوب الرأس من باب المعاندة لليسوي والمايسواش .. وكنت أحس بأنه يريد أن يتراجع ولكن ليس من أجل اليسوي والمايسواش ..
وشايف تبارك مزعلاهو التذكير بسب الدين وده طبعاَ عشان يعكس صورة إنه زوول ليبرالي متحرر ممكن يسب الدين بحرية التعبير .. يازول سب زي ماداير في حد حايشك ؟؟ ..
| |
|
|
|
|
|
|
|
 Re: والله يا كبر كلامك ده سيئ وكعععب شديد .. (Re: Munir)
|
Quote:
غايتو يا معاوية .... البرد نزل قبل موعده ولا شنو
المتداخل معاك دا زميل البورد ( أحمد محمد عمر ).... |
والله انا زاتو من قبيل بفكر انه ياربي احمد وعبد العزيز ديل اخوان!!
لكن ما باين او ظاهر انهم الاتنين ولاد الشغيل..
ود المدير بقيت تجليها واحدة بعد الاحتراف :)
ــــــــــــــــــــــــــــ..
* زول يديني مثل بليغ لنوع مداخلتي المنصرفة دي في ضوء موضوع البوست والقضية 
مع التحية والاحترام طبعاً يا منير
| |
|
|
|
|
|
|
|
|
|
Re: والله يا كبر كلامك ده سيئ وكعععب شديد .. (Re: Munir)
|
| Quote: كبر غلطان و اقر بغلطو اها الناس البيدغمسوا ديل موقفهم شنو؟ |
بحسب ما فهمتو من كلامك يا امجد الجميعابي إنه أنا داخل ادافع عن كبر قام كبر اعترف بي غلطو بالتالي أنا أوقف دفاع
كدي ولا مو كدي !
منطقك بكون صاح لو أنا داخل فعلاً أدافع عن كبر .. بس دة ما حاصل
__________
عبد العزيز محمد عمر .. كلو عند العرب صابون .. مشيها ياخ
| |
|
|
|
|
|
|
|
|
 Re: والله يا كبر كلامك ده سيئ وكعععب شديد .. (Re: أحمد محمد عمر)
|
Quote: والله انا زاتو من قبيل بفكر انه ياربي احمد وعبد العزيز ديل اخوان!!
لكن ما باين او ظاهر انهم الاتنين ولاد الشغيل..
ود المدير بقيت تجليها واحدة بعد الاحتراف :) |
أنا من البداية عرفتو ملخبط بيني وبين زول تاني .. لكن لأنه ما قريت حاجة كعبة للشغيل قلت والله لينا الشرف
لكن عبد العزيز اتبرى مني من قولة تيت
يا ربي أنا كعب قدر دة !!
| |
|
|
|
|
|
|
|
|
|
Re: والله يا كبر كلامك ده سيئ وكعععب شديد .. (Re: Munir)
|
Quote: والله انا زاتو من قبيل بفكر انه ياربي احمد وعبد العزيز ديل اخوان!!
لكن ما باين او ظاهر انهم الاتنين ولاد الشغيل..
ود المدير بقيت تجليها واحدة بعد الاحتراف :)
|
Quote: أنا من البداية عرفتو ملخبط بيني وبين زول تاني .. لكن لأنه ما قريت حاجة كعبة للشغيل قلت والله لينا الشرف
لكن عبد العزيز اتبرى مني من قولة تيت
يا ربي أنا كعب قدر دة !!
|
حباب ود الزين ...وحباب أحمد
ود المدير دا مش بقى يصرجها واقف... هو زات نفسه شايت على ياتو قون ما هو عارف
ويا أحمد ود محمد ود عمر.. أنت اخوي لم تلده أمي ولا أبي ... ومفخرة لنا والله
وكلامك سمح تب ... إلا ود المدير دا هاجمني في شخصك
هههههه
ومرحب بيك ألف والله
| |
|
|
|
|
|
|
|
|
 Re: والله يا كبر كلامك ده سيئ وكعععب شديد .. (Re: عبد العزيز محمد عمر)
|
| Quote: إلا ود المدير دا هاجمني في شخصك |
ههههههههههههههههه،
يا عبد العزيز الشغيل انا في شخصك إحترم اشخاص،
اما إنت يا احمد محمد عمر فعندي احترامك خاص،
سامحني غلطان بعتذر .
يا حيدر الزين اصبر سااااااكت انا ماسكني (مايقرين) بس خليهو اليفكني
كان ما اخرِبّك بوست منير دا عبد العزيز الشغيل يبقى ما ود اتبرا ...
| |
|
|
|
|
|
|
|
|
|
Re: والله يا كبر كلامك ده سيئ وكعععب شديد .. (Re: معاوية المدير)
|
Quote: يا حيدر الزين اصبر سااااااكت انا ماسكني (مايقرين) بس خليهو اليفكني
كان ما اخرِبّك بوست منير دا عبد العزيز الشغيل يبقى ما ود اتبرا ...
|
ههههههههه
صباحاتو ... بتوقيتنا يا مدير
الكناري دا ما ح ييفوتها ليك بالسااااهل كدا.. انا حدثتك غايتو .....
| |
|
|
|
|
|
|
| |
Munir
محمد حيدر المشرف
اسامة الامام
معاوية المدير
Kabar
قسم الفضيل مضوي محمد
معاوية الزبير
طلحة عبدالله
امجد الجميعابى
HAIDER ALZAIN
فيس بوك
تويتر
انستقرام
يوتيوب
بنتيريست