|
Re: عودة شداد.. (Re: محمد قسم الله محمد)
|
والله يامحمد يا أخوي .. صدق فينا المثل القائل .. تاباها مملحة تجي تكوسها قروضه ..
أبينا شداد وهاجمنا اتحاده واستفزازه .. وشغل العنجهية والعنقلة الكان بيسوي فيها .. فجانا السم القدر عشانا .. يأخ والله أبداً ماكنا نتخيل .. هذا الانحطاط الحصل في وسطنا الرياضي .. بفضل سوء الاتحاد الحالي .. كل البلاوي الحاصلة دي سببها .. اتحاد معتصم والجاكومي .. فقد افرز كل هذا القيح الذي تعج به ساحتنا الرياضية .. الآن صرنا نتباكى على شداد .. الذي هاجمنا اتحاده بالأمس القريب ..
وزي ماقال أخونا الفهّامة طلحة .. كلام القصير مابنسمع .. كان ليهو حق طلحة يدافع عن اتحاد شداد .. المسانيح القاعدين هسه ديل .. فاقوا كل توقعاتنا .. وجونا بكل ماهو مستقبح .. عليك الله مره أسمع لي ملاججة الجاكومي ده .. والله مره بسمع في محاججة وملاججة ليهو .. في التلفزيون قلت لمن معي ياجماعة .. مافي زول يوديني للزول ده أجضمو .. وأعضيهو في نص صنقورو الماكن ده .. يأخ يستفزك لامن تقول الروب .. وفوق كده مافاهمين كورة .. وتحس كأنك داخل ملجة خضار .. من شدة تدني العبارات المتداولة ..
مع عميق اعتذارنا لي ناس الملجة ..
البجيب شداد تاني شنو !! .. ياخ ديل بيستخدمو لعبة الانتخابات .. بطريقة تجعلها عملية سطو ليس إلا .. شداد شن بيقدروا على شغلة الجماعة بتاعين المؤامرات ديل .. فماحدث في الانتخابات الفاتت .. شي عجيب .. بيع وشراء ذمم وأصوات راسو عديل .. شداد عنده قروش لي زي ده .. بعدين حكومتنا وفقاً لمنهجها بجلب كل مستقبح .. مباركة قعاد الجماعة ديل .. والعاجبو عاجبو والماعاجبو .. يحلق حواجبو ..
|
|
|
|
|
|
|
|
|