|
|
|
 Re: خبر الشووووووووووووووم (Re: محمد البحر)
|
حكم مباراة المريخ ومازيمبي ( نينت الكاميروني )
هزم كل فرق الارض التي ادار لها مباريات مؤخرآ 😉😉
هزم العلمه امام المريخ 3/2
هزم الهلال امام التطواني 1/0
هزم الكنغو امام ساحل العاج 3/1
هزم اهلي بنغازي امام الصفاقصي 1/0
(ود الجبل )
| |
 
|
|
|
|
|
|
|
|
Re: خبر الشووووووووووووووم (Re: محمد البحر)
|
أفراد بعثة مازمبي يشاهدون مباراة المريخ والخرطوم الوطني من المدرجات
(ود الجبل )
التعليق /
رعب تقيل
زماااااااااااااااااااااان لمن قلنا مازمبى فريق ما ساهل عشان كدا ياخ دا فريق ريئسو بمشى اللعيبة ذى العساكر تقولى العارف عزو مستريح
| |
|
|
|
|
|
|
|
|
|
Re: خبر الشووووووووووووووم (Re: طلحة عبدالله)
|
وحجز طابقين بفندق الفاتح لمده عشره أيام
تم تأجير ارضيه فى مطار الخرطوم لطائرة مازيمبى ودفع 17 الف دولار حتى فجر الأحد القادم
( ود الجبل )
التعليق
اليييييييييييييييييييييييييييييييلا ولا اللييييييييييلا ترم ترم
| |
|
|
|
|
|
|
|
|
|
Re: خبر الشووووووووووووووم (Re: طلحة عبدالله)
|
Quote:
معقولة يا بحر ؟؟
يعني مجرد كدابة دا يقول برقص وبجيني مواسير
واللا الحكم أدار كل المباريات الإتغلب فيها أصحاب الأرض
دا معناهو أن المريخ مغلوب مغلوب ؟؟؟ |
الحبيب طلحة
والله ما تقدر تعرف غايتو
اهووووو نحن قاعدين ياخبر بفلوس بعد كم يوم كدا ببلاش
| |
|
|
|
|
|
|
|
|
|
Re: خبر الشووووووووووووووم (Re: محمد البحر)
|
بعثة مازمبي تدخل موقع ام تي ان وتشتري خمسين شريحه للبعثه
يا اخواني الناس ديل قاعدين عشره يوم اها الحلل شنو
(ود الجبل )
التعليق/
والعجب النت مجان فى البرج ترطيب جدا يا عمك دا كاتومى يا عزو
| |
|
|
|
|
|
|
|
|
|
Re: خبر الشووووووووووووووم (Re: محمد البحر)
|
تقرير شامل يا البحر
كااااامل التضامن مع المريخ في معركته الإمدرمانية رغم الهلالالبية القديمة المتجذرة في الواحد..
ونتمنى عيدية مفرحة لجماهير المريخ والكرة السودانية..
| |
|
|
|
|
|
|
|
|
|
Re: خبر الشووووووووووووووم (Re: سيف اليزل سعد عمر)
|
Quote: تقرير شامل يا البحر
كااااامل التضامن مع المريخ في معركته الإمدرمانية رغم الهلالالبية القديمة المتجذرة في الواحد..
ونتمنى عيدية مفرحة لجماهير المريخ والكرة السودانية.. |
الله فى غايتو
| |
|
|
|
|
|
|
|
|
|
Re: خبر الشووووووووووووووم (Re: Saifelyazal Elmaki)
|
ليه عندي أحساس أنو المريخ سيحقق نتيجة طيبة في مباراة الخرطوم ؟؟
اللاعب السوداني لا يقدم كل ما عنده ألا أذا تم إستفزازه ..
الهلال هزم الأهلي المصري و الترجي و مازمبي زات نفسو في ظروف مشابهة لهذه الظروف
المريخ زاتو لم يقدم مستوي جيد ألا بعد وقوعه في مجموعة صعبة و هو الذي كان يخرج من التمهيدي من فريق ضعيفة جداً ..
حذاري من أستفزاز اللاعب السوداني
أقول قولي هذا و أعلم أن المريخ حتى لو حقق نتيجة طيبة في الخرطوم فأنه لن يتأهل في مباراة الكنغو
| |
|
|
|
|
|
|
|
|
|
Re: خبر الشووووووووووووووم (Re: بهاء بكري)
|
الغريبة انو جماهير الهلال تشن حملة لم تحدث من قبل مركزة على مباراة المريخ و مازيمبي و كان فريقها لن يلعب مع اتحاد العاصمة!! يا جماعة انتو قنعتوا و ما عاوزين المريخ يحقق نتيجة كويسة؟
المريخ خزل جماهير الهلال و حتى مباراة العلمة التي احرز فيها العلمة هدفين قبل ان يتعادل المريخ و ينتصر تسرع جمهور الهلال و رسل رسائل استهزاء بالمريخ و لكن المريخ كعادته عاد و تعال و انتصر و مانشتات الجرائد الزرقاء المغرضة تم اعادة كتابتها.
الهلال و المريخ الى الآن لا يملكون لاعبين بمستوى نهائي الاندية الأفريقية رغم ان المريخ أفضل من الهلال و وصول الهلال لهذه المرحلة يؤكد ان المستديرة مجنونة و لكنها ليست مجنونة لدرجة ان يحقق الهلال البطولة بفريق مهلهل و تعباان!!!
تمنياتي للمريخ بنتيجة طيبة ليكون العيد عيدين
| |
|
|
|
|
|
|
|
|
Re: خبر الشووووووووووووووم (Re: الحاج حمد الحاج)
|
Quote: الغريبة انو جماهير الهلال تشن حملة لم تحدث من قبل مركزة على مباراة المريخ و مازيمبي و كان فريقها لن يلعب مع اتحاد العاصمة!! يا جماعة انتو قنعتوا و ما عاوزين المريخ يحقق نتيجة كويسة؟
المريخ خزل جماهير الهلال و حتى مباراة العلمة التي احرز فيها العلمة هدفين قبل ان يتعادل المريخ و ينتصر تسرع جمهور الهلال و رسل رسائل استهزاء بالمريخ و لكن المريخ كعادته عاد و تعال و انتصر و مانشتات الجرائد الزرقاء المغرضة تم اعادة كتابتها.
الهلال و المريخ الى الآن لا يملكون لاعبين بمستوى نهائي الاندية الأفريقية رغم ان المريخ أفضل من الهلال و وصول الهلال لهذه المرحلة يؤكد ان المستديرة مجنونة و لكنها ليست مجنونة لدرجة ان يحقق الهلال البطولة بفريق مهلهل و تعباان!!!
تمنياتي للمريخ بنتيجة طيبة ليكون العيد عيدين |
سلمات يا حاج ايو كدا نحب الروح المتفائلة دى اضرب الهم بالفرح وخليها محل ما تمشى تمشى شنو يعنى كديابا يرقص ولا كاتومى يجى بطيارة خاصه موش قبل كدا جاء للهلال بنفس الطيارة واتهزم واحد ذى السهم
المريخ برضو قادر يعمل كدا ونحن معاكم ولا حنقول فريقكم مهلهل وبتاع حنشجعكم لمن الكورة تنتهى وتمشو لومباشى محل الطين الجد هناك بتظهر الحقيقه الجميلة ............... انا غايتو كلمتكم .............. غايتو الله فى
| |
|
|
|
|
|
|
|
|
|
Re: خبر الشووووووووووووووم (Re: محمد البحر)
|
قال ليك كاتومى
خصص واحد يكون مع الحكام من لحظة الوصول الى الفندق على حسابه الخاص عشان يكون جو الجك وما فى اى طريق عشان العارف عزو مستريح ما ينفرد بالجناح الشمال او لاعب الوسط عمك دا عندو مزارع ( ماس) تشترى برشلونه خلى حياتو
وقال الاهو كاتومى نحن منسقين مع الاتحاد فى موضوع الحكام والعجب الشديد انو الحكم مشهور بغلب ناس الارض وهناك فى الطين اقصد لومباشى الحكام هجين يعنى ....................هاهاهاها احسن نسكت بس
| |
|
|
|
|
|
|
|
|
|
Re: خبر الشووووووووووووووم (Re: محمد البحر)
|
مقال الصحفى القدير
مزمل ابوالقاسم
مريخ الخرطوم..الغيث الفرج الهموم
************************
* برغم التعب والإرهاق البدني.. الزعيم قهر (الوطني).. والدور على مازيمبي.
* فريق الخرطوم الجميل.. يستحق التهنئة والتقدير.
* لو لعب بالأمس مع أي فريق سوداني آخر بخلاف المريخ لفاز عليه بنتيجة عريضة.
* فريق متكامل، يلعب بثقة، وينقل الكرة بخفة ورشاقة وإتقان، ويضغط على الخصم
بشراسة، ويهاجم بجرأة تدير الرؤوس، ويؤدي بطموح وشجاعة وتركيز.
* لقاء نصف النهائي الأجمل بلا منازع في الموسم الحالي.
* عسل صافي، وإبداع سوداني أصيل بين مريخ الأدغال، وخرطوم الصمود، الذي نافح
وقاتل أمام الزعيم بشراسة، وخسر بشرف.
* هزيمة الخرطوم أمام المريخ لا تعيب عيال (أبياه).
* يكفيهم فخراً أنهم لعبوا بشجاعة، ورفضوا الخندقة، وكادوا أن يبلغوا مرمى جمال سالم
في عدة مناسبات على مدار الشوطين.
* شخصياً استمتعت باللقاء حتى الثمالة، وتمنيت استمراره، لأنه حوى كل جماليات كرة
القدم، وآخر فنونها.
* لقاء ممتع جمع فريقاً خطيراً ومتمرساً جندل كبار القارة، وأذل الترجي، ومسح ببطل
سيكافا الأرض، وجرد بطل إفريقيا من لقبه، ودمر الكماشة الجزائرية، وأجبر النقاد
والمحللين على التنويه بقدراته.
* وفريق سوداني شرس وطموح، امتلك مواهب شابة، ومزودة بمهارات عالية،
وشخصية قوية داخل المستطيل الأخضر.
* لقاء الأمس يشبه مباريات الكؤوس.
* قدم فريق الخرطوم تجربة لا تقدر بثمن للمريخ قبل لقاء الأحمر مع مازيمبي.
* بكل ثقة أقول إن مازيمبي لن يكون أخطر على المريخ من الخرطوم الوطني، الذي
قاسم الزعيم الندية، وبادله الهجمة بالهجمة.
* مازيمبي سيلعب بحذر، وخرطوم أبياه لا يعرف الخوف ولا الحذر.
* الغربان ستجتهد للحصول على التعادل في أم درمان، والكوماندوز سعوا للفوز منذ
الدقيقة الأولى.
* الخرطوم صمد ونافح حتى الدقيقة الأخيرة مع أنه تلقى هدفاً مبكراً.
* ولو تعرض مازيمبي لما حدث للوطني (ربع الدستة) ما بتحوشو!
* مريخ الخرطوم.. الغيث الفرج الهموم.
* المهم في الأمر أن الزعيم بلغ نهائي البطولة المحببة سعياً لتحقيق (السوبر هاتريك)
للمرة الرابعة.
* ذكرت أمس أن المريخ سيحقق إنجازاً غير مسبوقاً في مسابقة كأس السودان لو فاز
باللقب للمرة الرابعة.
* الصحيح أن الزعيم حقق ذلك الإنجاز من قبل ثلاث مرات.
* نال كأس السودان أربع مرات متتالية في أعوام (70/71/72/1974) ولم تنظم
البطولة في العام 1973.
* حدث ذلك بأقدام جيل (الدوري المقفل والمقفل ناقص نقطة) بقيادة دكتور الكرة
السودانية كمال عبد الوهاب.
* تكرر الإنجاز التاريخي في عهد جيل سيكافا ومانديلا في أعوام
(83/84/85/1986) بقيادة المرحوم سامي عز الدين رحمة الله عليه وبقية
الأساطير التي لعبت بجوار سيزر.
* السوبر هاتريك الثالث تحقق في بطولة الكأس في أعوام
(2005/2006/2007/2008) بقيادة الملك فيصل.
* جيل الباشا وراجي وعلاء والأمير والعجب الصغير والعقرب الخطير وديديه المكير
على خطى جيل الدوري المقفل وسيكافا ومانديلا وعجبكو.
* المريخ يريد تحقيق (سوبر هاتريك) في (السوبر هاتريك)!
* يريد تحقيق الفوز بلقب كأس السودان أربع مرات متتالية للمرة الرابعة في تاريخه.
* فرق يا إبراهيم.
* عندما يتعلق الأمر بكأس السودان.. الزعيم ينافس نفسه!
* علماً أن كل أندية السودان بما فيها الهلال عجزت عن تحقيق لقب الكأس مرتين
متتاليتين.
* البطولة الأقدم.. للنادي الأعرق.
* لقب درع الوطن.. للنادي الأكثر تشريفاً للوطن.
* بلغ المريخ نهائي الكأس.. يبقى (الكلام انتهى)!
* عندما يتعلق الأمر بالكأس التي تحمل اسم (السودان).. الموضوع محسوم.
* أجمل ما في البطولة المحببة أن التتويج بها يتم على حساب الوصيف الدائم!
* وصل المريخ إلى نهائي الكأس.. ذلك يعني أن اللقب أحمر فاقع لونه يسر الناظرين.
* دقر يا عين.
* لقاء التتويج شرفي.. (تسليم وتسلم)!
* خاص صفحة الأحمر الوهاج
آخر الحقائق
* تعظيم سلام لعلي جعفر الهمام.
* اللاعب قوي الشكيمة، أثبت جدارته، ورد على منتقديه بالمزيد من التألق.
* أمس كرر تميزه أمام الخرطوم بعد أن قدم أروع مستوىً أمام هلال الأبيض.
* ديديه ما شاء الله عليه.. إن لم يسجل يصنع.
* تمريرته لكوفي التي أنتجت الهدف الأول لوحة فنان وجمال رسمة.. تدرس في أكبر
المعاهد الكروية.
* (كعب) ديديه (سمح).
* علاء الدين الفارس الجميل.
* عندما يعود إلى قلب الدفاع يصبح (التأمين شامل)!
* علاء وأمير.. ضد التدمير.
* أفلح علاء الدين في إنهاء أسطورة المرمى الجنوبي الذي عذب المريخاب في الموسم
الحالي.
* لم يسبق للمريخ أن سجل أي ركلة جزاء في المرمى المذكور منذ بداية الموسم..
إفريقيا ومحلياً.
* بكري المدينة، أوكراه، وانغا، مصعب، علاء وعبده جابر كلهم أهدروا ركلات جزاء
في المرمى المذكور.
* فييرا الفنان.. قدَّ عين الشيطان.
* كوفي لعاب.. وراجي دباب.
* ورمضان في الطرف.. إبداع يا حفيد كرف.
* حاج موت دفاع ووسط.. (محل ما يسري يمري).
* جمال المرمى سالم.. وأيمن سعيد غانم.
* عبده جابر.. البديل الفاخر.
* عد إلينا سريعاً يا شيبون.
* المعلم في.. عوجة مافي.
* غاب العقرب واللدغ حاضر.. والضرب مستمر!
* اختيار طاقم تحكيم جنوب إفريقي لمباراة الإياب بين اتحاد العاصمة والهلال بقيادة
الدولي غوميز يعني أن الأزرق سيبقى بمأمن من ظلم التحكيم في الجزائر.
* اختارت لجنة حكام الكاف طاقمين من جنوب إفريقيا لمباراتي الهلال أمام سموحة
واتحاد العاصمة.
* حكام جنوب إفريقيا مشهورون بالنزاهة والصرامة وبعيدون عن الشبهات.
* على العكس، سيقع المريخ تحت خطر الحكم الغامبي باكاري بابا في مباراة الإياب
بين الأحمر والغربان.
* حتى في الخرطوم الخطر قائم على المريخ باختيار الحكم الكاميروني نيانت أليوم،
بينما ستكون مهمة الهلال أيسر بعد اختيار الحكم الزامبي جاني سيكازوي للقاء الذهاب
مع اتحاد العاصمة.
* مازيمبي مشهور باستمالته للحكام، لذلك توقعنا اختيار طاقمين بعيدين عن الشبهات
لمباراتيه مع المريخ.
* لا نخشى على المريخ من مازيمبي، بقدر ما نخاف عليه من سطوة التحكيم
الكاميروني والغامبي.
* على المريخ أن يجهز نفسه لخوض مباراتين شرستين، يواجه فيهما الحكام قبل
الغربان.
* لو كنت في مكان مجلس المريخ لتقدمت باحتجاج مكتوب للجنة حكام الكاف، للمطالبة
بتغيير الحكمين.
* محصلة الطلب ستكون إيجابية في الحالتين.
* إما أن يتم استبدال الحكام المشبوهين بآخرين أفضل أداءً وأنقى سيرة.
* أو يشكل الطلب ضغطاً عليهم كي يمنعهم من الانحياز للغربان.
* حضور الغربان للخرطوم قبل أسبوع يؤكد علمهم بصعوبة مهمتهم أمام الزعيم، وما
بحلكم!
* لو جيتوا بي طيارة، ولا جيتوا بي حمارة.. الدرش محمدكم.
* وزلزال الملاعب حاضر في العيد.. يا بعيد!!
* جهزوا البصات.. يا صفوة الولايات.
* التحية لقناة الخضراء التي نقلت مباراتي نصف نهائي كأس السودان بمنتهى التميز.
* تألق الخضراء أنسانا معاناتنا مع (خضراء الدمن)!
* صورة زاهية، إخراج عصري، تصوير متقن، وإعادة من كل الزوايا، حتى لحالات
التسلل.
* التحية لإدارة القناة الفتية، ولمخرج الروائع محمد سليمان.
* غداً بحول الله نكتب لكم قصة الغراب (البليد)!
* خبر مفرح: البلد جايبة ليها (عقرب)!
* خير اليوم: خبر (مؤلم) جداً لقلبي دفاع مازيمبي جويل كيمواكي وساليف كوليبالي.. (
الفيراري) راجع الليلة!
* آآآآخر خبر: في العيد.. عندنا (تفحيط) شديد!
| |
|
|
|
|
|
|
|
|
|
Re: خبر الشووووووووووووووم (Re: الصادق عز الدين)
|
Quote:
قالوا ظهرت حالات ناسة ماشة تووووش على وصف سمير غانم ماكلة فول
بتخش الزلط مقهية
ديل يا ربي ما لم |
قالو مريخاب ام درمان اول من الحافلة تجى قدام برج الفاتح يقروا الفاتحه والمعوزتين
الناس امنة زاتووووووووووو
بس مازمبى زاتوووووووو بالغ جاي بدرى ياخ
| |
|
|
|
|
|
|
|
|
|
Re: خبر الشووووووووووووووم (Re: نصر الدين ابو القاسم)
|
| Quote: يابحر شويه شويه عليهم الدنيا عيد....طبعا بعد فوزالهلال على مازمبى قالوا ماذمبى ضعيف اها ربنا اداهم دردق ليهم الغربان سيب الحساده دى امنيه من امنياتهم تحققت |
داااااااا كلو فى اطار التضامن مع اخوتنا فى المريخ
طبعا هم لومباشى دى ما حصل مشو عليها فشنو بنوريهم الحاجات يعنى ( بعدين الحتاته كلها باعوها ) عشان كدا عملو حتاته جديدة وهناك فى طين شديد هم قابلو مازمبى دا قبل كم سنه فى دورة كدا شنو ما عارف جاء فيها مازمبى سياحه عشان كدا عايز نوريهم دروب لومباشى والطين الفيها من زمن حبيب القلب سادمبا ( ساسا ) .....
نحن عارفين المريخ هنا ممكن يغلب وعلى الاقل اثنين صفر كماااااااااااااااااااااااااااان اها قصرنا
بس المشكلة الطين هناك كيف ؟؟؟؟؟؟؟؟؟؟
غايتو الله فى
| |
|
|
|
|
|
|
|
|
|
Re: خبر الشووووووووووووووم (Re: محمد البحر)
|
وان طال السفر | محمد عبدالماجد
°°°°°°°°°°°°°°°°°°°°°°°°°°°°
يا وليّه انتي جنيتي مازيمبي وخروف في اسبوع واحد
°°°°°°°°°°°°°°°°°°°°°°°°°°°°°°°°°
- حاج كسبرة كان بركب حافلات الكدرو وبمنطق ليك (الكمساري) يرجع ليه (الباقى) بدون ما يكون اعطاه شي
- الواحد فيهم من تجيب ليه سيرة (مازيمبي) في السخانة دي بقوم يجري على (البطانية)
- نحن الما عندنا قضية بالمباراة وقت قالوا لينا مازيمبي وصل شعرنا ليك بي (لفة رأس)
- هناك فارق كبير بين مستوى الاهلي شندي والخرطوم الوطني لصالح الاهلي شندي
· ناس مازيمبي ديل جنّوا وإلّا شنو؟...جايين قبل اسبوع للمباراة.
· جايننا قبل اسبوع ...انتوا ماشيين الدهب؟.
· سماية هي.
· اسبوع عندكم شنو؟.
· الاستعجال ليه؟.
· ناس علي جعفر ديل لو جيتوهم من المطار للملعب بتغلبوهم.
· ما محتاجين للتعب دا.
· وكمان وصلوا بي (طيارة خاصة).
· دا شغل جهجهة ساكت.
· مركب ..بتجيب ليك خبرهم.
· طيارة خاصة لي شنو؟.
· الموضوع ما بيستاهل.
· انتوا يا ناس مازيمبي ما عارفين في ناس كدا قلوبهم كعبة – وما بيستحملوا (الصدمات) دي.
· الواحد فيهم من تجيب ليه سيرة (مازيمبي) في السخانة دي بقوم يجري على (البطانية).
· ويقول ليك في الحقيقة انا ..ومن هذا المنطلق ..وحيث ان.
· نحن الما عندنا قضية بالمباراة وقت قالوا لينا مازيمبي وصل شعرنا ليك بي (لفة رأس).
· لجنة الاستئنافات وين؟.
· مريخابي قالوا ليه مازيمبي وصل.
· قال ليهم : لا عليكم اللـه قولوا حاجة غير دي.
· مالكم انتوا عاوزين تمسخوا لينا (اللحمة).
· قبل شهر رمضان ..عادي جدا تلقى ليك زول شايل ليه (لوح تلج) ما تستغرب من الموضوع دا.
· التلج في رمضان منطقي.
· التلج لو ما جابوه في رمضان – يجيبوه متين يعني؟.
· ما في انسب لي رمضان من (التلج).
· ولا بنقدر نقول شيء.
· وطبيعي وما غريب في شهر رمضان تشوف ليك زول رابط ليه (مكيّف) في (السبت) بتاع تاكسي.
· حاجة مألوفة في رمضان.
· ما في احسن من (المكيفات) في رمضان.
· عندنا قريبنا ربط ليه (مكيّف) في الصالون في رمضان – بقى وقت يقوموه للسحور بقوم يشغل (المكيّف) ويرجع ينوم تاني ..بقول ليهم انا (المكيّف) دا كفاي..ما عاوز لي سحور اكتر منو.
· وفي عيد الضحية عادي وما غريب تشوف ليك زول بجر ليه في (خروف).
· سايق ليك (الخروف) – واي زول يلاقيه في الشارع يقول ليه : (عليك اللـه الخروف دا لقيتو بي كم؟).
· وفي ناس كمان بمشوا على (الضنب).
· تخابر شديد.
· وعادي برضو تشوف ليك زول شايل ليه (برسيم) او كيس (قش) ناشف...ودافر مع (المغربية) على البيت.
· طبعا موضوع (القش) دا عذاب عديل كدا.
· اصعب من الخروف.
· لكن الما طبيعي والغريب جدا تشوف ليك زول شايل ليه (قفة).
· قفة كبيرة كدا.
· تقول ليه يا زول الحاصل شنو؟..(القفة) شنو كمان؟ ..القفة ما عندها اي علاقة بالعيد...ما تقعدوا تشرعوا لينا ساكت.
· الزول بتاع (القفة) بقول ليك (مازيمبي) وصل.
· جمال سالم دا - جهزوا ليه (القفف).
· الموضوع دا يمكن يجر.
· ويمكن يدخل ليكم في جدول سبعة.
· في حلتنا في زول بتاع (منطق)...بمنطقك بمنطقك.
· لو بقيت (ابليس) بمنطقك.
· الزول دا اسمو (حاج كسبرة).
· صعب عديل كدا في المنطق.
· حاج كسبرة كان بركب حافلات الكدرو وبمنطق ليك (الكمساري) يرجع ليه (الباقى) بدون ما يكون اعطاه شيء.
· وما استنكاح منو؟...منطق بس.
· حاج كسبرة مرة جاب ليه (ربع كيلو) لحمة – كلو (عضام) – ربع كيلو زي (الامضاء) ما فيه شيء.
· حاج كسبرة جاء البيت لقى ليك (المرا) في الواتس اب ..قال ليها يا وليّه عليك اللـه اعملي لينا (ربع الكيلو) دا – واتقطعي لينا فيه ...عشان السنة دي (الخروف) مجهجه.
· السنة دي مع (مازيمبي) يمكن ما نطلع بي شيء غير (ربع الكيلو) دا – عليك اللـه اخلصي لينا فيه ..وكتري ليه (البهارات).
· المرا قالت ليه : (سجمي) – كمان مازيمبي عاوز يدخل لينا في حلة الملاح.
· حاج كسبرة بتاع منطق – الحاجات دي ما بوصوه عليها.
· ولا بتلفت.
· منطق ليك (ربع الكيلو) زي الما حصل حاجة.
· حاج كسبرة يوم جاء راجع البيت بدري شوية – ما زي العادة.
· الوليّه قالت احسن احسم معاه حاجات العيد.
· الوليّه دخلت عليه شمال ..وقالت ليه : يا حاج كسبرة عملت لينا شنو في (الستائر)؟..واللـه ستائرنا دي من شرف الدين بانقا وزير التخطيط والشئون الهندسية ما غيرناها.
· الراجل قال ليها شرف الدين بانقا الدخلو شنو في الموضوع؟..يا وليّه اوعك تلخبطي لينا في الحاجات ...العيد دا ما عيد (ستائر).
· ستائر شنو؟.
· الوليّه ما قالت حاجة ...حاج كسبرة برضو بتاع منطق ..والعيد دا بي صراحة ما عيد (ستائر).
· الوليّه قالت تجاوز حتة (الستائر) دي وتقلب الصفحة.
· سكتت شوية كدا وقالت ليه : يا حاج كسبرة (الملايات)!!.
· حاج كسبرة ولا اتلفت ..قال ليها : الملايات مالها يا وليّه؟.
· المرا قالت ليه : واللـه (ملاياتنا) دي من زمن صبري الحاج بلعب في الهلال ما غيرناها...الملايات لمن قلبناها (اكياس مخدة) ..وانت يا حاج ما عاوز تجيب لينا ملايات.
· حاج كسبرة ما كضب وقال ليها : يا وليّه العيد دا ما عيد (ملايات).
· ملايات شنو كمان ؟..دا وقت يجيبوا فيه (ملايات).
· الوليّه دخلت في البند الثالث ..وقالت ليه : طيب الشفع ديل ..عملت ليهم شنو في (هدوم) العيد – واللـه ولدك (تميتري) لمن ينوم دموعو في عينو.
· حاج كسبرة قال ليها يا (مرا) بقول ليك العيد دا ما عيد (ملايات) – تقولوا لي هدوم الشفع..(تميتري) خليه ينوم بي دموعو ..انا اجيب ليه من وين؟..اكوي ليه (جلابيتو) وخلاص.
· الوليّه قالت ليه : واللـه تميتري بيلبس في الجلابية دا لمن بقى زي (المأذون).
· الوليّه صبرت شوية ..ودخلت في البند الرابع وقالت لي حاج كسبرة : (والحلاوة).
· حاج كسبرة قال ليها : (الحلاوة) مالها؟.
· الوليّه قالت ليه : عاوزين لينا حلاوة ..الناس بيجونا.
· حاج كسبرة قال ليها يا وليّه انتي جنيتي ...العيد دا ما عيد (حلاوة) – حلاوة شنو كمان؟ ..انتي عاوزة تعملي للناس تسمم.
· اوعك تجيب لي سيرة (الحلاوة) دي تاني هنا – العيد دا ما عيد حلاوة.
· الوليّه قالت ليه : طيب والشربوت.
· حاج كسبرة قال ليها (شربوت) شنو كمان؟..انتي ما شفتي (المشروع الحضاري)..انا بيتي دا ما بدخل فيه (شربوت).
· الوليّه قالت ليه : يا راجل انت (الشربوت) بتطلبو براك ..السنة دي عاوز تعمل لي (المشروع الحضاري)...اها ابقى علي مشروعك الحضاري ..اوعك تاني يوم في العيد تسأل منو؟.
· الوليّه قالت تتجاوز (ملفات) الحرب ..وتدخل في البند العاشر طوالي.
· الوليّه اتلفتت كدا ..ودخلت في الموضوع..وقالت لي حاج كسبرة : اها يا حاج الخروف عملت لينا فيه شنو؟.
· حاج كسبرة عمل فيها اول حاجة ما سامع.
· لكن الوليّه تاني كررت كلامها وقالت : يا حاج الخرووووووووف عملت فيه شنو؟.
· حاج كسبرة قال ليها : خروف شنو؟.
· الوليّه قالت ليه : خروف العيد...يعني ح يكون (خروف اسمك).
· حاج كسبرة ما قال حاجة.
· الوليّه ..قالت ليه : كمان عاوز تقول لي دا ما عيد (الخروف)..شوف نحن ممكن نقبل اي حاجة ...إلّا الخروف.
· حاج كسبرة اتعدل في قعدتو كدا وقال ليها : انتي عاوزني اجيب لي خروف مع (مازيمبي) دا...انتي جنيتي يا وليّه ...البياكل ليك الخروف منو مع (مازيمبي)..يا وليّه انتي ما سمعتي كمال رزق قال شنو؟.
· عاوز يمنطقها.
· قالت ليه : كمال رزق قال شنو؟..كمان عاوز تدخل لينا (كمال رزق) في مازيمبي.
· قالها : يا وليّه ..كمال رزق قال الما عندو قدرة ما عليه ضحية ...وانا واللـه مع (مازيمبي) قدرة لي (ربع كيلو لحمة) ما عندي.
· الوليّه اتمنطقت ..قالت ليه ان بقى كدا ..شوف لينا (عدس) من بدري ..يوم العيد ما بتلقى ليك (دكان) فاتح.
· ...........
· ملحوظة : المنطق دا كيف؟.
هوامش
· لجنة الاستئنافات ..ولجنة الحكام.
· تاني شنو؟.
· اصلو ما قاعدين يقصروا مع المريخ.
· لولا هذه اللجان – الجماعة ديل كانوا (العطش) كتلهم.
· البتشربهم موية ما كان بلقوها.
· ضربة جزاء في كل مباراة.
· صرفة ثابتة.
· ضربات جزاء المريخ من مازيمبي من هسع طلعت.
· هناك فارق كبير بين مستوى الاهلي شندي والخرطوم الوطني لصالح الاهلي شندي.
· رغم ان الخرطوم الوطني امس قدم مستوىً كبيرا.
· لكن يظل مستوى الاهلي شندي افضل.
· اتحاد العاصمة الجزائري امس انتصر 2 / صفر في الدوري الجزائري.
· اتحاد العاصمة الجزائري يمتلك هجوما خطيرا جدا.
· لكن الهلال عليه ان يركز على ضعف دفاعه.
· لا بد من الانتصار بعدد كبير من الاهداف في ام درمان – عشان هجوم الاتحاد على الهلال في الجزائر سوف يكون خطيرا.
· احسموه بي تلاتة اهداف على الاقل ..لو عاوزين تصلوا النهائي.
· مع الحفاظ على شباك الهلال نظيفة.
· الحمدلله الاتحاد بيصل بعد العيد.
· الكلام الناس الوصلو من الآن.
· ...........
· عاجل : طلب رسمي عاوزين نشوف (علي جعفر) امام مازيمبي...عشان نهضم اللحمة!!..احسن لينا من (الشربوت).
| |
|
|
|
|
|
|
|
|
|
Re: خبر الشووووووووووووووم (Re: محمد البحر)
|
آآلَشّـــــــــرَيّآآنٌ آآلَـــرَيّـــآآضـــــــــيّ
♻♻♻♻♻♻
آآلَـــرَشّـيّدُ عَــلَيّ عَـــمِــــرَ
ضجت الخرطوم بالامس على ناحية شارع المطار ..
• فلول تجري هنا وهناك وتصيح بعبارات جرسه سودانية غير لائقة ولا تناسب هذا المكان ..
• اتصلنا بمعارفنا في تلك المنطقة فوجدناهم اشد ذهولا منا ...
• ماذا يجري ..؟ هل اشيع ان قنبلة توشك على الانفجار ..؟ او هل هنالك سرب كائنات غريبة يفتك بالانسان هبط في تلك الساحات ..؟ لم كل هذا الهلع ..؟ نمرة اتنين قام فيها زلزال ولا عبقتها دخاخين بركان ..؟
• بحثنا .. نقبنا .. استقصينا .. وفي النهاية اتقطعت مصارينا بالضحك ..
• واليكم القصة ..
• فئة جانحه ذهبت الى مطار الخرطوم تحمل اعلام الوصايفه ..
• هدفها استقبال وحش افريقيا مازيمبي لبث الرعب في اوصاله ..
• حملوا الرايات التي تتوسدها النجمة الحمراء وعبارات عبيطة المضمون شاكلة انحنا الزعيم وانتو لازم تاكلو النيم ..
• مكبرات الصوت تسمع في اخر السوق المركزي ..
• حلاقيم تفجرت عطاء وصدعت اجواء المطار ..
• الغريبة الاصوات كانت فيها رجفة وااااضحه وما محتاجه لقارىء اصوات ...
• الطيارة وصلت .. الجماعه بلقوا ريقهم وبدات البحه واضحه في الاصوات ...
• اللعيبة دخلوا الصالة .. الحلاقيم بدات توهن ..
• اللعيبة وقفوا في ماكينة سير الحقائب ..الاصوات بقت مشروخه ...
• اللعيبة شالوا الشنط واتجهوا نحو بوابة الخروج ..ما تسمع الا همهمات ..
• لعيبة في مشيتهم ينططوا زي الكدايس فوق الحيطان .. حشرجات الموتى بدات اكثر وضوحا بين الجماعه ..
• اللعيبة وقفوا صفا واحدا وادوا قسم مازيمبي ..عاد هو ما قسم .. الشي شنو زئير اسود الغاب ..؟ تسونامي كنغولي جديد ...؟ ديل جايين يلعبوا كورة ولا يعملوا انقلاب في السودان ...؟ بيني بينكم انحنا الما عندنا بيهم شغله ركبنا الخوف من فوق لي تحت .. ركبنا سابت .. صدورنا تعلو وتهبط زي كورة التنس في ميدان بلاط ... اممممممك اريتو عاد ما انضبح فريق .. ضبح الضبح الما شافو خروف ضحية ..
• مازيمبي تهدر وتزمجر وتهتف بنشيد القسم وصالة الوصول اتقلبت نقطة بداية ماراثون مطار ..
• جري زي الجري .. جري زي جري الزول البسكه اسد ليه شهر ما اكل .. جري قال لكاكي انت سلحفاة ...
• الفصاحة ديك واللسان الطويل والناس القالوا بتاعين الزعيم طلعوا من فصيلة ارنب نط ساي ..
• زعيم شنو ... ديل اهل النعامة .... لانهم ما بجروا .... بطيروا طيران ..
• من المطار العقل طار ..
• من المطار حصل الانهيار ..
• من المطار ولعوا النار ..
• وبهناك غارزيتو ببلع في ريقه ويقول ليهم لو غلبت هنا اتنين بنتاهل من هناك ..
• غارزيتو اما عوير او فاكر انو المريخاب ديل عوره ساي ..
• المصيبة العوارة تكون قاسم مشترك بين الطرفين ..
• مازيمبي اتوا بطائرة كاتومبي الخاصة بتاعت العيلة ..
• وتم حجز طابقين في برج الفاتح بمطابخهم والطباخين صحبة بعثة ..
• الاكل جابوه معاهم عشان حاحا ما يستخدم طباخ يلحقهم امات طه ..
• والحافلتين بسواقين تبعهم جابوهم من السفارة ..
• طبعا الحافلتين مظللتين .. الجوه منو ما في زول بشوفه ..
• من برج الفاتح للميدان وبالعكس ..
• يعني لو خاتين في بالكم تصطادوهم في شارع عشان تعملوا ليهم بلاوي رجفه مافي زول بشوفكم فما تتعبو ساي ..
• الغريبة مدرب مازيمبي قال عايز يتاهل من هنا بينما غارزيتو قال التاهل من هناك .. وجع دا ..
| |
|
|
|
|
|
|
|
|
|
Re: خبر الشووووووووووووووم (Re: محمد البحر)
|
فضيحة البلايلي ستجعل الآخرين الابتعاد عن استعمال المنشطات و هذا ينطبق علي جميع الفرق . ما يعني انخفاض مستوي هؤلاء اللاعبين.
(ود الجبل )
التعليق /
الكلام ليك يا المنطط عينيك
| |
|
|
|
|
|
|
|
|
|
Re: خبر الشووووووووووووووم (Re: محمد البحر)
|
من نواحى الفيس بوك
(بمناسبة سماتا دا.. فى واحد عندو حبشية شغالة فى بيتو قال ليها يا امينة دكتور يوسف جاء؟ قالت ليهو ساماتا قالو جاء....
طوالى طردة من البيت .. طبعا المسكينة قالت: سمعت قالو جاء)
التعليق/
طبعا ساماتا دا لاعب فريق مازمبى الكنغولى
الزول دا يكون مالو؟؟؟؟
| |
|
|
|
|
|
|
|
|
|
Re: خبر الشووووووووووووووم (Re: محمد البحر)
|
كتمت شديد .................
هام
في تطور غريب لﻻحداث الكاف يرسل 3 اطباء من تونس والمانيا للكشف علي لعيبة المريخ قبل المباراه ب 48 ساعه ومع بداية الشوط اﻻول وبداية الشوط التاني وعند نهاية المباراه وتحدث شخص من اﻻتحاد اﻻفريقي فضل عدم زكر اسمه بان شخصيه نافذه ورجل اعمال اصرت علي الكاف بهذا اﻻجراء وتتهم بعض الجهات رئيس مازمبي انه خلف هذا اﻻمر وسيصل تيم اﻻضباء غدا صباحا علي طيران اﻻثيوبيه
(ود الجبل )
| |
|
|
|
|
|
|
|
|
|
Re: خبر الشووووووووووووووم (Re: محمد البحر)
|
من نواحى حلة ناس الولد مارك قبائل الفيس بوك
أمبارح شفت (كالابا) خالط في حدائق حبيبي مفلس و(سامتا) لافى في (سوق 6) وكديابا سايق (ركشه في السبيل) ..
* بقو يأكلو (الخدره والفشار وملاح النعيمه) ..
* وعليه .. أنا اقترح ان نمنح الجنسيه السودانيه لنجوم فريق مازيمبي ..
* بقترح كده ..
* واى زول طبعا حر في (مقترحاتو) ..
* ما في زول بيقدر يقول لي : ليه اقترحت كده ..
* قبل كده قالو (عزو) منح الجنسية للاعب (مخستك كده) في الطياره فوق ..
* حسب ما تردد ادوهو الجنسيه قبل ما الطياره تنزل ..
* يبقى في حاله زي دى من حقي اطالب بمنح الجنسية لنجوم مازيمبي لانو طيارتهم نزلت من يوم السبت ..
* داك ادوهو الجنسية قبل الطياره تنزل وحبايبنا ديل طيارتهم نزلت من السبت الفات ..
* هسه عليكم الله بالذمة البيستاهل الجنسيه منو ؟؟ اللاعب بتاع عزو داك ولا ناس مازيمبي ديل ؟؟
| |
|
|
|
|
|
|
|
|
|
Re: خبر الشووووووووووووووم (Re: اخلاص عبدالرحمن المشرف)
|
Quote:
مازيمبي ......الليلة يوم الضبح ..... وجه شرير ومعاهو عيون حمر
بس عليكم الله ناسنا ديل ما يشربو شربوت كفاهم الشية والمرارة النية
التعديل لتعديل الوجه حتي تكون المبارة قانونية حيث ان الوجه الاخر يجعل عدد لاعبي المريخ 22 |
بت المشرف غايتو فى لومباشى هناك حيكون فى طين شديد انا كلمتهم غايتو
| |
|
|
|
|
|
|
|
|
|
Re: خبر الشووووووووووووووم (Re: محمد البحر)
|
أخي محمد نتمنى فوز المريخ على مازمبي ..
اولاً ليعرف أن الله حق مع الفرق السودانية.
ثانيا ليكون النهائي بطعم نهر النيل.
ثالثاً ليكون كاس الهلال بطعم مزدوج دبل كك يعني.
| |
|
|
|
|
|
|
|
|
|
Re: خبر الشووووووووووووووم (Re: عبدالعظيم عثمان)
|
| Quote: بعد تسجيل مازمبي هدفا في شباك المريخ على ملعبه ، وضع مازمبي قدميه على النهائي وحظا أوفر المريخ في المشاركات القادمة |
يعنى كدا الموضوع استحم خلاص يا عظمة
الناس يقنعو يعنى ولا رائك شنو خلى عندك شويه تفاول ياخ
يعنى حسى المريخ دا ما ممكن يطلع من علبو كدا ويغلب مازمبى دا فى لومباشى هناك ويكون حقق الامل ويكون الكاس من نصيب فريق سودانى ؟؟ مثلا يعنى
الله فى غايتو
| |
|
|
|
|
|
|
|
|
|
Re: خبر الشووووووووووووووم (Re: عبدالعظيم عثمان)
|
عبدالعظيم عثمان
بعد تسجيل مازمبي هدفا في شباك المريخ على ملعبه ، وضع مازمبي قدميه على النهائي وحظا أوفر المريخ في المشاركات القادمة
---------------------------------------------------------------------------------------------------------------------------------------
بعد تسجيل مازمبي (تقرأ الااتحاد) هدفا (تقرأ هدفين) في شباك المريخ (تقرأ الهلال) على ملعبه ، وضع مازمبي (تقرأ الاتحاد) قدميه على النهائي وحظا أوفر المريخ (تقرأ الهلال) في المشاركات القادمة
مع العلم ان الاتحاد لم يضع قدميه فقط!!!!!
| |
|
|
|
|
|
|
|
|
|
Re: خبر الشووووووووووووووم (Re: طارق حرسي)
|
Quote: صفوتنا قباني
قنب ساي ياخ
ـــــــــــــــــ
|
يا حرسي ... يا زعيم ...
معقول ياخي بعد الكف الناولوا ليهم الاتحاد ...
بدل ما يقولوا نرتب اوراقنا و نمشي نغلبهم هناك 2 صفر ... *
لسة غاية امالهم انو المريخ ينهزم في الإياب ؟؟
* صحي هو الحساب ماشي كيف ؟ هم محتاجين اتنين بس و لا كم في الخط ؟
| |
|
|
|
|
|
|
|
|
|
Re: خبر الشووووووووووووووم (Re: امجد الجميعابى)
|
Quote: حمد لله ع السلامة
بركة الظهرت طفشت وين
بالله كلمنا عن الجوز اللوز بتاع اتحاد الجزائر
و يا ريت تطنب في ذلك |
الهلال حيقابل مازمبى فى النهايه اسمع كلامى دا كويس وانت ارجا الطين المنتظرك يوم الاحد فى لومباشى ههههههههههه
| |
|
|
|
|
|
|
|
|
|
Re: خبر الشووووووووووووووم (Re: امجد الجميعابى)
|
المريخ الان يعاني الامرين ويؤدي تمرينه الختامي بمكان اشبهه بالخلاء وتضجر وسط اللاعبين وروح نفسيه متدنيه بسبب تعامل ادارة مازيمبي الغير لائق...
(ود الجبل )
التعليق / جارزيتو باااااااااااااااااااااااااااااااااااااع
| |
|
|
|
|
|
|
|
|
|
Re: خبر الشووووووووووووووم (Re: محمد البحر)
|
| Quote: باكر بس نشوف الكلام دا خلى الشركة بتاعة القوات الخاصه تدخل الملعب تمسك الاقوان مع جمال سالم |
ههههههه
باكر خلها النشوف الليلة ارض الجزائر كيف
قلت ليك
رشح في الاخبار انو رئيسكم كفت السيخ حق النادي
ما مدي صحة هذه الاخبار؟
| |
|
|
|
|
|
|
|
|
|
Re: خبر الشووووووووووووووم (Re: محمد البحر)
|
Quote: رشح في الاخبار انو رئيسكم كفت السيخ حق النادي
ما مدي صحة هذه الاخبار؟ |
الجميعابي
سلام
ياخي في داعي للكلام ده 
يلقوها من وين وللا من وين ؟؟
من مازمبي الفي الخرطوم الاخد المعلوم
وللا من الاتحاد الجزائري الحماهم النوم
وللا من السيخ الشالوهو من المعبرة بالكوم
ــــــــــــــــــــــــــــــــــــــــــ
خلهم يهتموا بالمريخ لحدي ما يلقوا ملعبهم في الصقيعة ساااااااااااي
| |
|
|
|
|
|
|
|
|
|
Re: خبر الشووووووووووووووم (Re: طارق حرسي)
|
مسطول عيان مشى لي فكي ...
الفكي قال ليه علاجك عندي..
بس جيب لي نملة عورا
وضبانة حامل
وديك يتيم
المسطول قال ليه مادايرني كمان اجيب ليك الهلال متأهل من الجزائر 😂😂😂😂
| |
|
|
|
|
|
|
| |
محمد البحر
طلحة عبدالله
خالد عبد الله محمود
Ahmed musa
aosman
بهاء بكري
khaleel
الحاج حمد الحاج
نصر الدين ابو القاسم
علاء سيداحمد
مازن الجمّال
Fatima Alhaj
طارق حرسي
عبدالعظيم عثمان
Zakaria Fadel
جلالدونا
عباس محمود
يحي قباني
صديق عيسى صالح
امجد الجميعابى
سفيان بشير نابرى
فيس بوك
تويتر
انستقرام
يوتيوب
بنتيريست