امبارح الليل كلو الواتص شغال طريط طريط الماني يتزوج مهندس سوداني مثلي والصور تتطاقش مع العلم بانو الصور قديمة شديد في نفس الوكت ده وفي اكثر من قناة تلفزيونية سوداني ينقذ طفلا من السيول في حائل السعودية والغريبة دي المرة التانية سوداني يقوم بنفس العمل ده في نفس المدينة سناتي بفيديوهات لتاكيد الواقعة حاجة غريبة جدا انو مواقع تواصل سودانية تنشر خبر مفبرك واكيد وراو المصرييين اكتر من اهتماما بخبر مهم جدا في الميديا الى متى نعجز عن الاستفادة من وسائل التواصل الاجتماعي في تسويق بضاعتنا وقيمنا ومنتجاتنا السمحة وجماعتنا في شمال الوادي احمد سيد الساعة عملو زولم والمهندس المثلي سوداني ومهندس كمان تبا لكم
11-25-2015, 10:26 AM
حامد بدري
حامد بدري
تاريخ التسجيل: 03-10-2013
مجموع المشاركات: 2749
Quote: أمير حائل يُكرِّم المقيم السوداني مُنقذ طفل "كرّم الأمير سعود بن عبدالمحسن بن عبدالعزيز؛ أمير منطقة حائل، مساء أمس خلال الجلسة الأسبوعية, المقيم السوداني "الزين بابكر علي"؛ الذي استطاع، بتوفيق الله، إنقاذ طفل من الغرق في الوادي الأسبوع الماضي.حضر التكريم محافظ الحائط عودة بن سليمان العودة، وسالم بن محمد الرشيدي؛ رئيس مركز بدع بن خلف، وأثنى أمير المنطقة، على تضحية المقيم السوداني وتفانيه في إنقاذ الطفل.من جهته، قدّم المقيم السوداني، شكره وتقديره لأمير المنطقة، على استقباله وتكريمه, مؤكداً أن ذلك ليس مستغرباً على ولاة أمر هذه البلاد الغالية, مشيراً إلى أن ما قام به واجبٌ إنساني, باعتبار أن أبناء شعب المملكة العربية السعودية إخوان له، وللوطن حق عليه مثلما عليهم من حقوق تجاه هذا الوطن المعطاء الذي ينعم المواطن والمقيم بأمنه وخيراتهسبق السعوديةكسره: لاحظوا لنظرات من يقف بيمينه يا تري هل كان يبحث عن الشجاعه والمروءه والنخوه في ملامح الزين احد سفرائنا واشباحنا المهاجره ...!!
كيف انا معااك ؟؟؟؟عالم بطااله .....
11-25-2015, 10:39 AM
حامد بدري
حامد بدري
تاريخ التسجيل: 03-10-2013
مجموع المشاركات: 2749
الاعتماد على حاجاتنا القديمة من نخوة وشهامة وشجاعة وكرم ، أصبحت تحتاج بشدة لبعض أرواق اللعب وتيكي تاكا وتكتيكات جديدة، وكشف أساليب اللعب المستحدثة... حتى تصل الرسالة لمن يريد النيل منا ... وتثبيط مخططاتهم الآثمة
11-25-2015, 10:52 AM
حامد بدري
حامد بدري
تاريخ التسجيل: 03-10-2013
مجموع المشاركات: 2749
Quote: الاعتماد على حاجاتنا القديمة من نخوة وشهامة وشجاعة وكرم ، أصبحت تحتاج بشدة لبعضأرواق اللعب وتيكي تاكا وتكتيكات جديدة، وكشف أساليب اللعب المستحدثة...حتى تصل الرسالة لمن يريد النيل منا ... وتثبيط مخططاتهم الآثمة
عزو مرحبيك ياحبيب قديمة كيف الموضوع ده اول امس دي وقبل سنتين برضو في سوداني ضيف في حائل دقش الوادي وطلع مقيم هندي وبجيب ليك الفديو العايزين ينالو مننا ماعندهم غير الفبركة والكضب والنفخ الفاضي كل كروتم محروقة بس كمان مفروض نساعدا بي جكة وحاجة تانية المروة والشهامة والنخوة والفزعة جارية فينا مع الدم لا عشان كمرة ولا تكريم حاجة فطرية يالله حبونا نحن سودانية مية مية
ليس قصدي أن الواقعة قديمة ...ما أعنيه هو أن اعتمادنا على ( حاجاتنا القديمة من نخوة وشهامة وشجاعة وووووو).. تحتاج إلى جهد أخر لإبرازها ، وإيصالها للمعنيين والمتربصين...الميديا الآن سلاح أكثر فتكا من السوخوي...
11-25-2015, 11:18 AM
حامد بدري
حامد بدري
تاريخ التسجيل: 03-10-2013
مجموع المشاركات: 2749
Quote: ليس قصدي أن الواقعة قديمة ...ما أعنيه هو أن اعتمادنا على ( حاجاتنا القديمة من نخوة وشهامة وشجاعة وووووو).. تحتاج إلىجهد أخر لإبرازها ، وإيصالها للمعنيين والمتربصين...الميديا الآن سلاح أكثر فتكا من السوخوي...
بالظبت اخوي وهذا مادعاني لفتح البوست
11-25-2015, 11:22 AM
حامد بدري
حامد بدري
تاريخ التسجيل: 03-10-2013
مجموع المشاركات: 2749
في بوست الاخ صديق بتاع المهندس المثلي اشارت الاخت زينب انو موقع مشهور بالعداء والفبركة للسودانيين عندي شكوك كبيرة لحدت اتاكد انو الموقع ده عندو علاقة بالاخوة المصريين ولو فرضا انو سوداني اتزوج ومثلي شنو يعني
11-25-2015, 11:25 AM
حامد بدري
حامد بدري
تاريخ التسجيل: 03-10-2013
مجموع المشاركات: 2749
يستاهل التكريم....وزرق من الله مبالغه وسيارة ولانو انقذ حياة طفلبعدين ما تنسي يا حامد السوداني سواق الترحيل الذي دافع عن البنات من التحرش والاختطاف ,واصيب في يده وكاد ان يموت ايضا تم تكريمهمع انو حاجات زي دي داخل السودانيه عاااااااااااادي ... مرقنا طفل من الغرق اكتر من حالهوشهادنا ناس تمرق اطفال من الغرق عاديالناس المفروض تنشر الشئ الايجابي
11-25-2015, 11:44 AM
حامد بدري
حامد بدري
تاريخ التسجيل: 03-10-2013
مجموع المشاركات: 2749
Quote: يستاهل التكريم....وزرق من الله مبالغه وسيارة ولانو انقذ حياة طفلمع انو حاجات زي دي داخل السودانيه عاااااااااااادي ... مرقنا طفل من الغرق اكتر من حالهوشهادنا ناس تمرق اطفال من الغرق عاديالناس المفروض تنشر الشئ الايجابي
حبيبنا ابو ذر لعلك عافية فاشلين جدا في ايصال القيم الايجابية دي وفي ناس بتشكر الراكوبة في الخريف معاي اتا
Quote: بعدين ما تنسي يا حامد السوداني سواق الترحيل الذي دافع عن البنات من التحرش والاختطاف ,واصيب في يده وكاد ان يموتايضا تم تكريمه
تصدق وتامن بالله في قروب في الفيس في واحد شكك في قصة مهند دي وقعدنا تلاتة يوم غلاط انو الخبر مشتول للاسف موقع سوداني صرف ووصلنا للراجل واتصللنا عليو وحكى الواقعة وتم تكريمو من قبل جمعية ابن باز للقران الكريم وللان ماوصل الميديا ش بخصوص مهند ود المعيلق من هنا التحية ليو والقومة لامثالو
11-25-2015, 11:26 AM
قرشـــو
قرشـــو
تاريخ التسجيل: 02-05-2002
مجموع المشاركات: 11385
شكرا الاخ حامد بدري لفتح هذه النافذة حقيقة السوداني في الخارج فهو انسان شهم وكريم وصاحب واجب ولا يتملق ولا يتزلف ولا ينتظر شئياً من اي كائن كانومن عجب ان كل النماذج التي تمت الاشارة اليها من السودانيين هم اشخاص عاديين ومن العوام وليسوا من النخب علامة استفهام ؟؟؟مثل اولئك يقدمون ما يعتمل بداخلهم دون توقع لميديا تنشر اسماءهم او نفع يعود عليهم لانهم يعملون على سجيتهموعموما هي جينات مغروسة في كل سوداني تظهر حينما تتم الحاجة اليها ..
11-25-2015, 11:37 AM
حامد بدري
حامد بدري
تاريخ التسجيل: 03-10-2013
مجموع المشاركات: 2749
Quote: حقيقة السوداني في الخارج فهو انسان شهم وكريم وصاحب واجب ولا يتملق ولا يتزلف ولا ينتظر شئياً من اي كائن كانومن عجب ان كل النماذج التي تمت الاشارة اليها من السودانيين هم اشخاص عاديين ومن العوام وليسوا من النخبعلامة استفهام ؟؟؟ ..
مسا الخير قرشو كل الناس البنو سمعتنا هنا في الخليج ناس بسيطة في كل شئ وعادية وتختها في يمينك وبعدهم جو المدرسين والمهندسين والاطباء ابناء الجيل التاني والتالت من الاغتراب واكدت انو هذا الشبل وابشرك الان في اتجاه في وزارة الصحة والبلديات الاعتماد على الكادر السوداني باعتبارو رقم اول في ترتيب الجاليات الاجنبية ويخيل لي ده اكبر سبب بخلي اخوتنا في شمال الوادي انو يبادلونا العداء بدون سبب
Quote: مثل اولئك يقدمون ما يعتمل بداخلهم دون توقع لميديا تنشر اسماءهم او نفع يعود عليهم لانهم يعملون على سجيتهموعموما هي جينات مغروسة في كل سوداني تظهر حينما تتم الحاجة اليها
فعلا جينات وراثية مهما حاول المغرضون اشكر مرورك
11-25-2015, 11:46 AM
محمد علي البصير
محمد علي البصير
تاريخ التسجيل: 06-24-2011
مجموع المشاركات: 5367
Quote: خلال اليومين الماضيين انشغلت مواقع التواصل الاجتماعي بالسعودية بكيل المدح والثناء والتبجيل والتقدير والافتخار والرجولة الحقيقية لسائق حافلة سوداني يعمل في ترحيل الطالبات .وتعود تفاصيل القصة إلى أن السائق السوداني (مهند بسيوني عمر) من آهالي المعيلق بولاية الجزيرة كان يقود حافلة ترحيل طالبات بحي النسيم بالرياض في السعودية، في منتصف الطريق أوقفت عصابة الحافلة وحاولت انزال الفتيات بالقوة والتحرش بهن، كان عددهم كبير لكن (مهند) تصدى لهم بجسارة وقاومهم جميعا بيد العفريتة وكان يصرخ (ما حتقدروا تنزلوا اي بنت الا على جثتي) وهاجمهم بقوة وهاجموه وضربوه بالساطور على يده، وفروا هاربين،وهو الأن طريح الفراش بالمستشفى الملكي بالرياض، الطالبات قمن بتصويره، وهن يشعرن بالأمان والسرور لأن ثمة من دافع عن شرفهن حتى الموت وليس بينهن وبينه اي صلة رحم او قرابة سوى انه مؤتمن على توصليهن لمدارسهن، لكم هو مدهش مهند السوداني في زمن فقدت تفاصيله القدرة على الادهاش.بقلم: تهاني عوض
الزول دا برضو تم تكريمو من قبل أهل الطالبات
11-25-2015, 12:09 PM
حامد بدري
حامد بدري
تاريخ التسجيل: 03-10-2013
مجموع المشاركات: 2749
وقصة السوداني الكان منوم في المستشفىوادى روشتة الادوية لواحد مصريقال ليه .. امشي الشارع وادي الروشتة دي لاي سوداني عشان يصرفها ليك ...ولما الادوية اتصرف ...المصري .. ما مصدق .. انو في ناس كده ....والسعودي لما تعطلت سيارتو في الخطوما لقى واحد يقيف يساعدو ...وجاء سوداني حاول يساعدو .. وما كان عندو عدة ..وقال للسعودي هاك العمه دي البسها ... واي سوداني حيقيف يساعدك ..وفعلا ... تم مساعدة السعودي باسرع وقت ممكن .. وهو ما مصدق نفسو ..وتقول لي ... اولاد بمبه ... وما عارف شنو .... عالم بطااله .....
11-25-2015, 12:11 PM
حامد بدري
حامد بدري
تاريخ التسجيل: 03-10-2013
مجموع المشاركات: 2749
شكرا يا حامد على البوست دامشكلتنا ما بنعرف "نسوق" روجنا وصفاتنا وقيمنايا ريت البوست دا يكون مستمر ومتجدد عشان الواتسابيين يغرفوا من هنابدل الغرف من مواقع اولاد بمبة المشبوهةوما حتعدم كل اسبوع اسبوعين وقائع تسر الناظرين
11-25-2015, 02:51 PM
Hatim Alhwary
Hatim Alhwary
تاريخ التسجيل: 01-23-2013
مجموع المشاركات: 2418
الهواري ريحة الصندل وموية النيل وتمر النخيل ماحكه جلدك مثل ظفرك واذا فهمتا قصدك صح الوضع الان يشبه نهايات اغلب الحكومات السابقة وديل بالذات اتمسحو من خارطة الوجود بي يدهم براهم وعمر الشعوب مابيقاس بي ستة وعشرين او تلتين نحن نستطيع وسنحتفل يوما ما بالحرية اهم ش نحافظ على الانسان جوهر التنمية والحضارة ولسة انسان السودان بي خير شكرا كتيرا لك
11-25-2015, 04:04 PM
ismeil abbas
ismeil abbas
تاريخ التسجيل: 02-17-2007
مجموع المشاركات: 10789
Quote: شكرا يا حامد على البوست دامشكلتنا ما بنعرف "نسوق" روحنا وصفاتنا وقيمنايا ريت البوست دا يكون مستمر ومتجدد عشان الواتسابيين يغرفوا من هنابدل الغرف من مواقع اولاد بمبة المشبوهةوما حتعدم كل اسبوع اسبوعين وقائع تسر الناظرين
ود الشيخ تسلم ياعشا الضيفان التواضع والسكوت بتاعنا وعدم الاهتمام بالاعلام هو السبب يعلم الله جرابنا مليان مواقف ومحاولات التشويه والرمي بالكضب كلها مكشوفة ومعروفة
11-26-2015, 09:22 AM
حامد بدري
حامد بدري
تاريخ التسجيل: 03-10-2013
مجموع المشاركات: 2749
Quote: نشر أيضًا على فيسبوكYohann Gad · يعمل لدى University of Phoenixنعم ان الشعب السوداني يشتهر بالكرم والاخلاق العالية والمروؤة والشجاعة انه شعب لم يخلق مثله وجامعة الخرطوم تاني جامعة في العالمأعجبني · رد · 16 ساعة
ابقدوم يوحنا البي تحت جننا المرة دي حاكون محترم معاك ومهذب في ردودي اديني نموذج زي ده وجابو في الجزيرة كمان بالنسبة للجامعات عندنا دكاترة الدكتور عشميق ابكريق زي مجدي يعقوب واحد بس اعلامنا للاسف ماقايم بي دورو وفي وكالة ناسا عندنا عقول سودانية تعمل بصمت واهم شئ انسانا متواضع وكريم وشهم ونبيل المرحوم مرسال بتاع العظام من اكبر اختصاصي العظام كل مستشفيات الخليج مليانة بالكفاءات السودانية ولو داير الشتيمة ياابقدوم برجع ليها بس اوعا تسرررررررخ او تشرد
11-26-2015, 09:34 AM
حامد بدري
حامد بدري
تاريخ التسجيل: 03-10-2013
مجموع المشاركات: 2749
Quote: ابومؤيد المؤيد بالله · يعمل لدى كسلاوالله ..رغم أنف كل حاقد وحاسد.......السودانين فى كل مكان يكثرون عند الفزع ويَقِلُّون عند الطمع....,وبالرغم من التطورات والتغيرات التى حدثت ..والمدنية التى هجمت على البشر كله .....لازال السوداانيين يتصدرون المكارم
ابو مؤيد من ايام وانا في الابتدائي بقرا الاهرام المصرية صفحة الحوادث قسم بالله ادي ربك العجب لو اشتريت ليك جزمة ريبوك جديدة ممكن جدا صديقك يكتتلك عشانا والجضاضة دي ممكن تعمل مشكلة نابي ونابك يضاربوا فوقا ويطلقوا نساوين البيت كلهن زي ماقال الشوبلي فحل البطانة
Quote: نحن أهـل العوض، والعـزة ما بنكوسـاأصحاب سمتة.. وأصحاب فرسـةً موروثةنحن أنعامنـا....بتعاف ترتـع المعفوسـةونحن جدودنا عادي بطيِّعـوا الجاموسـة*****إيانا أهل العوض..أهل النحاس أب رنّـةأهل البَدرة والمهيـوب، وأهـل الشنّـةأهل عـزة، وأهل سمتة... وعروض ومحنةناس الباديـة.. ناسـاً عشـرتن تتمـنى******نحن أهـل العوض حافظين عهـود ما خنَّاللجـار والعشـير بي شينـة ما تعجلنـابيوتنا مسيد ضيوف،زمن العـدم ما بَخَلْنَاوما بصـح الوليد.. في أعرافنا يتْجاهلنـا*****ونحن أهـل العوض لا تقينـا، لا تبدلنـاواثبين كالأسـود...من واجبـة ما اتماهنَّافي البر، في البحـر... تلقانـا وين ما كنّافي قمم الرجـال كضب البمِسـو حِصِنّا******نحن أهل العوض في الحـالي والفـات كُنَّاكـج شـرك الكلام في سيرنا ما بعطلنـابوْعِيـكْ كان دَقَسْ في أصولنا مِتْجاهلنـابنحسب في الجـدود ستين.. ومن غير إنََّ*****ربّونا الشيـاب.. فوق مامـا ما اتعجنـاحافظين اللسان... حافظين كرامـة أهلناأشبال من أسود... في ضبعـة ما اتهجـنَّاسايرين سير كرام ..لامـن نلاقي أجلنـا*****يا ود موسي، ما بواخـذونا بي بنـولِّـدوالمـا عنـدو رأي حقـو يتبـع ويقلَّدلو مـا مخَّك المخمـور.. صحيـح متبلِّدجامعـة موسكو ما جـابت دكاترة تولِّد*****ما راعيت شعـور الناس شعـورك فاترةبتسيء للعـزاز.. أهل السيـوف الباترةأَمَانة تَدخِّنك شطـة..ودموعك قاطـرةما سمعـت الولادة أتخصصـولا دكاترة؟******نحن أولاد عرب لينـا الشـرف والعـزبنسرح بالرزق نحلـب، نصـُر، ونجـزيوم الحـارة، والعركـة السلاحهـا يرزثابتين كالجبـال الشامخــة.. ما بنفـز*****المخسوفـة، والمرقوعــة.. ياها لباسناوالمجلـوبـة، والـمقنيَّـة من ميراثنـاالجـار والعشير.. من الكتـف لى راسنافي المال والعروض تخشى الملوك من باسنا*****ليـه يا إبني بتـذم الرجـال بالعايلـة؟ما بعشُّوا الضيوف تحت السحابة الشايلةما سْمِعْ في أم همج كاكوم عقيد الزايلة؟ما سْمِـعْ بالنمر حرق الخديوي القايلة؟*****لسـانك فكَّ.. يا ود موسى مابتستامنتشحن في النفوس من الغبينـة مُدامـاًما سمِعْ بالحرَايْر الفي البحـر بترامـن؟العربي إن رقص ؛ألبـل قرونن قامـن******رغم الغطرسـة.. النافخاها حبة كاشـكتلقى أصفـارنا أكبر من مساحـة داشكشبعانين طحـين.. من الفطير ودراشـكأخير تبعد بخاف من شوكنا يخرب شاشك*****ومهما زعمـت من عزة ونفـخ فشفاشكأعلم طينّا أنصـح من تراب خشخاشـكشوف ليك ناس رخاس تاخد عليهم فاشكأول غلطـة؛ كان تنيتها بنعـل خاشـك*****أولاد العـرب... والغير عرب أخـوانكإحذر واكترث... حاسب قوافي لسـانكوالرمي فوق جماعـتك... بالتعابير خانكفي نص البحـر بتدور تكـج صيوانك؟!*****نحن نضافنـا، يا ود موسي مو صـابوننحن نضافنا فى عروض، والشرف مصيوننحن نضـاف ضُراع بالدُّكـري المسنونطيبين عُشـرة ... لكن للخصيم طاعون*****نحن سماحنـا مو كريمـات، ولمعـة لوننحـن ولدنا عاشميـق عَكْسِ للعرجـونلينـا عروض وسمتة بيحكمـن قانـونسماحـة الزول يفرّج كربـة الممحـون*****نحـن دفعنـا يا ود موسـى ما جركانوما بْنَتْسمَّـى بالجبنـة، وحليب الكاننحن دفعنـا نوق.. أمَّـات سنامـاً بانونحن ضربنـا للعـوق انفجـار بركان*****نحـن إن قلنـا؛ بنقـول الكلام حقانيوكان غنينـا، بنخت الشعـر فى معانيعزيزين فى النسب.. من ذلة ما بنعـانينحسب فى الجدود ستين.. ومن غير عاني*****غبار الكبريـاء المـن المعـالم حاجـبأحذر منّـو، لا ينَسِّيك حقوق الواجبمن أمثال تراثنا الفي العُـرُف والواجبمهما العين تطول ما بتعلى فوق الحاجب*****عشان ما نغلط ونشيل النقط من شينكأوعى تعضعض الناس البوضحوا شينكهسَّه وقعت في الحَلَّة، ووجب تكشينكشن ودّاكا لي شعـرا البطانـة تشينك*****الطامـع في كثيرة الغير قليلتو تضيـعوسيد بيت القـزاز ما بيبدأ بالجدّيـعبولاد الحديـد القاسـي في القطّيـعالعربي إن حرن؛ وسط المحاص ما بطيع******نحن أصلنا لا بنخـاف، ولا بنتهـددولا بنكـل، ولا بنمـل، ولا بنترددللزول البخـون عُشرتنـا ما بنتوددبنبقالو البلا الفي كل فِجَـة مَمَـدَّد***********************
ياربي ابقدوم بفهم الكلام ده ول بدورلو ترجمة يوحنا يايوحنا بتعرف كج شرك الكلام ياهو نضميك الاعوج فينا
11-26-2015, 03:57 PM
حامد بدري
حامد بدري
تاريخ التسجيل: 03-10-2013
مجموع المشاركات: 2749
Quote: أعجبني · رد · 26 نوفمبر، 2015 11:11 صSamet ALsametالأخ حامد بدري وضيوفهسلام عليكم وعلى كل أهل السودان الطيبين .تعلمنا ــ ولا زلنا نتعلم ــ منكم الكثير .. ومع ذلك اسمحوا لي أن أقول :أنتم لا تحتاجون أن تظهروا أو تسوقوا أي شيء .. لأنكم لا تعرضون بضاعة ، بل تمارسون طبعكم وأخلاقكم ، وهذا لا يحتاج غير أن تعيشوا كما أنتم ..كثير من المجتمعات العربية ، وبعض الفئات ــ عندنا وعندكم ــ يظنون أن التحضر هو منتجات ومعارف وأدوات .. ومع هذا لم يمتلكوها ، ولم يحافظوا على طباعهم الأصلية " الأصيلة ".. فأي شيء حصلوا ؟ وكم من جمال فوّتوا ..!!............................ربنا سبحانه وتعالى سمى هذه الحياة بـ " الحياة الدنيا " ، ولو كانت تساوي عند الله شيئا لكانت " الحياة العليا " بالأسم على الأقل !!فكلنا سيمضي منها ، ولن يبق لأحدنا غير الذكر الطيب ، والعمل الصالح .. أسأل الله ألا يحرمنا فضله في الدنيا ، وثوابه في الآخرة .ولكم وافر الاحترام ، وعظيم التقدير .
الجميل اخونا صامت بالجد وجودك هنا يسعدني جدا كتر الله خيرك فعلا طبيعتنا وسجيتنا واخلاقنا مامحتاجة تسويق ولكن اذا كان هناك من يتربص بنا ويفبرك الاخبار ويجند اجهزة الاعلام للنيل منا ويتغطرس علينا ماذا نفعل خلال وجودي بالسعودية وجدت الاحترام والتعامل الحسن من مواطنيها وكل الجاليات هنا عدا اخوتنا في شمال الوادي مسبقا يتعامل معك بخبث ومكر ودهاء بدون سبب
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة