بلادي أنا بلاد ناسا في أول شئ مواريثهم كتاب الله وخيل مشدود وسيف مسنون حداه درع وتقاقيبهم تسرج الليل مع الحيران وشيخا في الخلاوي ورع وكم نخلات تهبهب فوق جروف الساب وبقرة حلوبة تتضرع وليها ضرع وساقية تصحّي الليل مع الفجراوى يبكى الليل ويدلق في جداولو دمع يخدر في بلادي سلام خدرة شاربي موية النيل تزرد في البوادي زرع بلادي أنا بتشيل الناس وكل الناس وساع بخيرها لينا يسع وتدفق مياه النيل علي الوديان بياض الفضة في وهج الهجير بيشع بلادي سهول بلادي حقول بلادي الجنة للشـافوها أو للبرة بيها سمع بلادي أنا بلاد ناساً تكرم الضيف وحتى الطير يجيها جيعان ومن أطراف تقيها شبع بلادي بلادي أمان بلادي حنان وناسها حنان يكفكفوا دمعة المفجوع يبدوا الغير علي ذاتهم يقسموا اللقمة بيناتهم ويدوا الزاد حتى إن كان مصيرهم جوع يحبوا الدار يموتوا عشان حقوق الجار ويخوضوا النار عشان فد دمعة وكيف الحال كان شافوها سايلة دموع ؟؟ ديل أهلى البقيف في الداره وسط الداره وأتنبر وأقول للدنيا ديل أهلي عرب ممزوجة بي دم الزنوج الحارة ديل أهلي ديل قبيلتي لما أدور أفصل للبدور فصلي أسياد قلبي والإحساس وسافر في بحار شوقم زمان عقلي أقول بعضى ألاقيهم تسربوا فى مسارب الروح بقو كلي محل قبلت ألقاهم معايا معايا زي ضلى لو ما جيت من زي ديل كان أسفاي وآ مأساتي وآ ذلي تصور كيف يكون الحال لو ما كنت سوداني وأهل الحارة ما أهلي تصور كيف يكون الحال؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdelrahim Mansour
فيس بوك
تويتر
انستقرام
يوتيوب
بنتيريست