|
Re: اها سحب الصورة (Re: جلالدونا)
|
وحسنا فعل ياخي الصورة هزلية ولا تناسب رسول الإستنارة - مدفوع الأجر يا قولو - يحتاج صورة أكثر وقارا وأقل استلابا لتناسب دوره وكدا :)
| |
|
|
|
|
|
|
Re: اها سحب الصورة (Re: محمد البشرى الخضر)
|
أخ .. بالله سحبا ؟ أنا دابي فتحت المنبر وبطالع في العناوين ونازل .. نطالب بعودة الصورة بشماغ أو بدون بس يغير النضارة السودا .. تكون قمر هبشتو ياربي؟ التحية مقدما يا جلالادونا وود البشرى.
| |
|
|
|
|
|
|
Re: اها سحب الصورة (Re: محمد حيدر المشرف)
|
Quote: ياخي الصورة هزلية ولا تناسب رسول الإستنارة - مدفوع الأجر يا قولو - يحتاج صورة أكثر وقارا وأقل استلابا لتناسب دوره وكدا |
بالعكس يا ود البشرى الصورة تقول برغم قسوة و تخلف البيئة التى يعيشها المستنير الا ان للاستنارة مكان تنمو فيهو و تزدهر بعدين كيف فاتت عليك حتة تواضع العظماء دى و كمان تمثيل الواقع ليس استلابا انما تعريف بى معاناة المستنير
| |
|
|
|
|
|
|
Re: اها سحب الصورة (Re: جلالدونا)
|
اشمعنا الشيوعيين في بلاد برّة بلبسوا القمصان الافريقية كتعبير عن (الغابة)! ولو لبسنا الشماغ كتعبير عن ( الصحرا) نواجه بهجوم الاستلاب والتخلف؟! عموما هناك عنصرية وحساسية تجاه عرب الخليج من ضمن اسبابها انهم أغنياء جدا
معاي زول في المكتب شهدتو عليكم، وقلت ليهو شوف "المسالكين" ديل لو نزلت صورتي باللبس الباكستاني ح ياخدوا المسألة بلطافة، لكن لو نزلت صورة الشماغ تعال شوف بردموني كيف؟ من عينة "استلاب" واستعملت استلاب دي بالتحديد! الأيام دي المستنير بعد مشكلة قنبلة الطفل السوداني مهموم ب لو وتبعاتها
| |
|
|
|
|
|
|
Re: اها سحب الصورة (Re: muntasir)
|
وينو الشماغ دا فاتنى ! ما ياهو دا الراجل ذى الفل وبيشبه العميرى ! بس بصراحة الصورة المع كابلى ديك مجنقلة ما كانت بتعبر عن المنعطف التاريخى البتمر بيهو البلاد .. سير سير يا بكور !
------------- يابكوور .... قوليهم الاصل ما ببقى صورة الاصل ما ببقى صورة ،،، ليه صورتهم اخترت غيرها فيها أحلامنا وكلامنا فيها حاجتنا الصغيرة كيف تغطي الصورة صورة
ايه لقيت فيها الجديد هل قربت ليك اماني بينا ما قادر تطولا ؟ قول ... قول ! هل صحيح راقي ومهندم هل ببكي الريد عيونو هل عرفتو ما بتندم في الليالي القاسي طولا
انت بتبيع المشاعر ما البصر دون البصائر والاصل ما ببقى صورة.......
| |
|
|
|
|
|
|
Re: اها سحب الصورة (Re: دينا خالد)
|
اريت الخواجآت يتعشو حرآب ود النو .
يا جماعة الشماخ يعني شنو ؟.
انا غايتو البعرفو في شاعر جاهلي واللآ مخضرم ما عارف إسمو قريب للحاجة دي ...
| |
|
|
|
|
|
|
Re: اها سحب الصورة (Re: معاوية المدير)
|
تصدق !!!!! يااخ لما شفتها هبط على شيطان اللعب بالحروف وكان مقطع شعر مع انو البوست قومة لفاتو كتيرة قلت انزل الحديقة تحت و وسط الزهور و الشاى برائحة الكولونيا الفاخرة صار المقطع قصيدة جيت جارى عشان اكتبا لقيت الصورة مافى صدمة ألجمت وقع الحوافر انهارت حروف القصيدة كما البرجين غبار و رماد و ركام يغطى دروب النفس الشفيفة بقيت قى يالله اتذكر حاجة جاءنى ما يشبه المقطع صورتك المنقوش جانبها بالشماغ الثمين هل كان صدقا ما ارى ام كان وهم الحالمين غايتو المكتبة الشعرية السودانية اتحرمت من قصيدة يشار لها بى اى حاجة من الاّى شنو داكا
| |
|
|
|
|
|
|
Re: اها سحب الصورة (Re: معاوية المدير)
|
Quote: انا غايتو البعرفو في شاعر جاهلي واللآ مخضرم ما عارف إسمو قريب للحاجة دي ... |
قصدكـ مروان الشماخ .. ده شاعر جاهلي من أصول مغربية كان بلعب في توتنهام الإنجليزي
يا تدخلونا الفلم ده يا تقومو تلفو كلكم
| |
|
|
|
|
|
|
Re: اها سحب الصورة (Re: خالد عبد الله محمود)
|
Quote: اذا لبس الشماغ اضاء نورا ونبراساً اذا خلع الشماغ |
إذا لبس الشماغ أفاض (كاشاً) و(شيكاتاً) إذا وضع الشماغ مال العقال إلى اليمين تشبباً (مالت عليكم) يا ذوى الأصباغ بل(الكشمة) السوداء جاكم (كاشخاً) و بسحب الصورة ينشطب البلاغ
__________
ما عليك منهم حاسدين وبس
| |
|
|
|
|
|
|
Re: اها سحب الصورة (Re: Moawia Mohammed)
|
عليك الله، يا معاوية محمد، تم جميلك وجيب حقت صلاح ادريس خلي الناس تقارن. أنا وصلاح دا نتفق في تعدد المواهب، بس لكن الأستاذ صلاح يتفوق علي بانو ملحن! التلحين دا أنا لو قعدت ليهو بعملو
| |
|
|
|
|
|
|
Re: اها سحب الصورة (Re: أبوبكر عباس)
|
صلاح إدريس بتاع شنو البتقارن نفسك بيهو دا راجل نرجسي و موهوم و الحانه كلها دائرية و ما منها نكهة و كمان داير يضيع علينا هلالنا البنحبه الله لا تريحه دنيا و آخرة بإذن الله تاني كراعو ما بدقها في الهلال و لو مشجع
لحن يا زول القشة ما تعتر ليك
| |
|
|
|
|
|
|
بعد الغياب (Re: جلالدونا)
|
طالت غيبتي عن المنبر لزمن طويل. نسيت فيه أسماء ونستي فيه ظروف غريبة. قلت قد يكون ذلك العنوان بعد الغياب كيف حال الغياب؟ تعود لأهك وتجد أن باب المنزل الذي كان يتجه شرقاً، قد تحوّل لإتجاه الغرب تعرف حتماً أن غيبتك قد طالت وأستطال ظل الحروف التي تكتب بها فكان ظلا أبديا تحياتي لكم جميعاً
مصطفى بشار
| |
|
|
|
|
|
|
Re: بعد الغياب (Re: أبوبكر عباس)
|
خسارة والله ياجلالدونا الغيرانين ناس ود المشرف وود البشرى يحرمونا من مشروعك الشعري .. بس نفسي أعرف الملجا الواقف وسطا دي وانعكست على قلاسات النضارة .. تكون دي الدافنة يا دينا؟ البركة فيكم يابكور.
| |
|
|
|
|
|
|
Re: بعد الغياب (Re: محمد على طه الملك)
|
بالله إتـــــو حتى قلاسات النضارة وصلتوها ياملك .. وده حالتك جيت متأخر وماحضرت التدشين .. حاله ( سعبه ) والله .. عالم مابتطمر فيهم إستنارة ولابنفع معاهم ( استلاب ) ..
يابكور صورتكـ روعة والله .. فهي لاتخلو من موائمة لوقائع .. ولا من مواكبة لواقع ..
هي الاستنارة دي نان كيفنها ماياها جنس الفلتات دي .. مش بقولوا ليكـ فلان داكـ فلته .. فهكذا مستنير المنبر .. ولانامت اعين سخط لاتبدئ إلا مساوئا ...
صلاح إدريس شنو كمان ....
| |
|
|
|
|
|
|
Re: بعد الغياب (Re: جمال ود القوز)
|
يا جمال النضارة دي أسألني من قيمتا .. ما طالبني حليفة بيتا براهو غرفة نوم بفرش مخملي .. تفضح الحولك محل ما تقبل .. ياريت لوكانت معا في رحلة اللوري.
| |
|
|
|
|
|
|
Re: بعد الغياب (Re: جمال ود القوز)
|
في منتدى سودانيات بتاع المرحوم خالد الحاج -حاليا المنتدى متوقف لأنو مستضاف في الراكوبة- رأفت ميلاد دا كان بشكل منافس خطير لي في كسب قلوب الجكس. هنا أقول ليك يا رأفت: دينا خالد خط أحمر
| |
|
|
|
|
|
|
Re: بعد الغياب (Re: جلالدونا)
|
Quote: اشمعنا الشيوعيين في بلاد برّة بلبسوا القمصان الافريقية كتعبير عن (الغابة)! ولو لبسنا الشماغ كتعبير عن ( الصحرا) نواجه بهجوم الاستلاب والتخلف؟! |
نقول شنو عاد هما ذاتن لم لبسو الشارلستون بالتريفيرا و الكرمبلين و الجزمة بالكعب العالى و قميص تمبل باى داكا ال من غير لياقة فى زول جاب ليهم سيرة الاستلاب كامل تضامنى معاك و ليس لى الا ان اتمثل بالقول المأثور يعيبون اديبهم و العيب فيهم و ما لاديبهم عيب سواهم
| |
|
|
|
|
|
|
Re: بعد الغياب (Re: جلالدونا)
|
Quote: انت زاتك غلطان يا بكه تدفق استنارتك على زي ديل |
يا ود الزبير المستنير ما دفّق و لا حاجة دى كانت بس رشة يعنى بخة صغينونة كدى و ركبتكم حالة تعسف اسفيرى و بقيتو تهضربو معقولة ياخ حبة استنارة تهد حيلكم
| |
|
|
|
|
|
|
Re: بعد الغياب (Re: جلالدونا)
|
Quote: ياريت لوكانت معا في رحلة اللوري. |
كاااااااااكـ .....
حولا ولاقوة .. والله كان ساعتئذ ياملكـ تشوف ملجا زي الملجة ...
الله لينا الماقرينا .. ولا جنصصنا بي نضارات ذااتو .. أعفا لينا يابكور يأخ ..
| |
|
|
|
|
|
|
Re: بعد الغياب (Re: جمال ود القوز)
|
بصراحة.. صورة جميلة!
والإنسان وليد بيئته.. وأهو نحنا في أمريكتنا دي، بعد حوامتنا في الحلة بالفنايل الحمالات المقددة وشباشب نقلتي جزر سوق أربعة في بري، لبسنا هنا الجينز والأردية والبدل والكرفتات، وحتى المايوه. وأهو ناس طارق جبرين لبسوا الجبدور والقفطان والدشداش.. وناسنا في القارة الهندية لبسوا السلوار والكرتا والقرطق مع البالازو. وحبايبنا ببريطانيا لبسوا الكاروهات... ودواعشنا لبسوا العراقي الكمافلاش والسفنجات وتموت تخلي.
هي يعني خلاس بقت على لبسة أبوبكر للشماغ... حتى لو كان مشنقو؟
| |
|
|
|
|
|
|
Re: بعد الغياب (Re: Mohamed Yassin Khalifa)
|
يا ملك، كدي ركز شوية بتقدر تشوف شنو الفي النظارة وممكن تخليك تحكي مناسبة الصورة.
في فيلم Taken الخيط الاول للبطل عشان يلقى بنتو المخطوفة كان صورة زول إلتقط ليها صورة هي وصاحبتها في أسبانيا بالموبايل حقها وكانت صورتو منعكسة في حاجز لامع خلفها
| |
|
|
|
|
|
|
Re: بعد الغياب (Re: أبوبكر عباس)
|
Quote: هي يعني خلاس بقت على لبسة أبوبكر للشماغ... حتى لو كان مشنقو؟ محمد ياسين خليفة |
Quote: هههه لكن الصراحة ميلة العقال كلام ثاني .. صامت الصامت من الفيسبوك |
أبدا يا اخوانا، المشكلة انو فاخورتي مدوقسة فيها دومة بالجنبة أنا مسميها دومة الإستنارة أها العقال دا من شلتو ختيتو في راسي نزل مباشرة في الدومة الأمور ليست دائما كما تبدو
| |
|
|
|
|
|
|
Re: بعد الغياب (Re: محمد على طه الملك)
|
كان كدا إتّا بعيد يا ملك! الصورة في البر الباكستاني لو عينك نجيضة (نجيضة وين وإتّا صاحب أمير خالي بتكون كركبتا) بتشوف بدوي إمارات يالس قصادي وأخد الصورة. الزول دا كنا بنتونس وقمت شلت عقالو وشماغو ختيتن في رأسي، طوالي شال التلفون وصورني.
والله، لو ما خائفكم تصنفوني سفيه كنت حكيت ليكم كل يوم حكاية من حكاوي البدوي المطموس دا.
| |
|
|
|
|
|
|
Re: بعد الغياب (Re: جلالدونا)
|
Quote: اذا لبس الشماغ اضاء نورا ونبراساً اذا خلع الشماغ |
خليت الشنب اللبرال و مسكتا فى الشماغ يا خاقد يا دولى اها قلعوا .. ارجو الراجيكم
| |
|
|
|
|
|
|
Re: بعد الغياب (Re: جلالدونا)
|
Quote: ما ياهو دا الراجل ذى الفل وبيشبه العميرى ! |
بالغتى يا دينا يااااخ فى الصورة التانية بيشبه تايسون قبل ما يحلق شنبو و يعضى الزول داك فى اضانو الغريبة برضو سحبا اها تقبلى وين يا دينا
| |
|
|
|
|
|
|
Re: بعد الغياب (Re: جلالدونا)
|
Quote: طالت غيبتي عن المنبر لزمن طويل. |
يا الف مرحب بى عودتك و سعيد جدا بتواجدك فى هذا الخيط و نتمناك تواصل بلا انقطاع و لو داير نغير ليك العنوان الرئيسى ما عندنا مانع تب
| |
|
|
|
|
|
|
|