|
Re: ماذا قالت ابنتى شاهندا فى قبول ابناء المغ� (Re: عادل عبدالعزيز عبد الرحيم)
|
Quote: 04:50 PM Aug, 26 2015 سودانيز اون لاين عادل عبدالعزيز عبد الرحيم- مكتبتى فى سودانيزاونلاين
السلام عليكم اوﻻ : موضوع مهم للمناقشه ، واسئله تطرح نفسها ، وحوار يدور كل سنه ،و للاسف الموضوع مافيه اي تطور بالعكس الموضوع ماشي للاسواء الموضوع كالاتي والاسئله كمان كالاتى ليه التعليم في السودان اصبح معقد ليه التعليم في السودان بقى بالشكل دا الطالب بجي من بره لي بلدو عشان يتعلم بندم السبب الجامعات ليه التقديم حالو بقى كدا انا لو ما بعاني من النقطه دي ما كان اتكلمتا في الموضوع دا بصراحه في ناس كتيره غيري بتعاني من نفس المشكله بس يمكن تكون ما قادره تعبر عن الموضوع دا بالنسبه للشهادات العربيه او اي شهاده من خارج السودان ليه بتعامل بالطريقه دي احنا جايين نتعلم بس دا قصدنا كله(( التعليم )) ليه التصعيبات قالو يشيلو درجات قلنا اوك قالو يدخلو بقروش قلنا اوك وفي القروش تدفعو بالدوﻻر قلنا برضو اوك لكنن بعد دا كله ما لاقين جامعات .. التسجيل قفل التسجل فتح التسجيل فيه شواغر لالا قفل من داخل الجامعه من خارج الجامعه تقديم اللكتروني ومحفظه اللكترونيه ؟؟؟ ممكن سوال وين رغبة الطالب بالنسبه للتعليم كدا ح تجيبو ليه عقده كدا بدل ما الطالب يكون فرحان حيدخل جامعه بالعكس ح يكون شايل هم بدل ما يجي يدرس في بلدو وسط اهلو ويتعرف علي مجتمعو المفروض يعيش فيه من هوا صغير بس في ظروف اجبرتو يتغرب ما ح يلقى الحاجه دي ح يضطر تاني يتغرب يمشي الصين .. ماليزيا ..الهند اي مكان ليه ؟ عشان يلاقي رغبته عشان هناك ما عندهم تعقيد عشان هناك ماف حاجه اسمها تقديم اللكتروني عشان هناك بتقدر تقرا الانت عاوزه وبقروشك وباحترامك وتبقى احسن دكتور ومهندس ليه ما يكون عندنا حاجه زي دي في السودان ليه مانتطور من ناحية التعليم ونرجع زي زمان ليه التعقيد ليه الضد مقابل الشهادات العربيه انا جايه اقراء احبطت بصراحه الاسعار خرافيه وبعد الاسعار الخرافيه احنا راضيين نتعلم بس برغبتك ما بتلقى يا يكون عندك واسطه يا تدخل اي مجال وتقرا وخلاص اسم انك قريت لكن اجي اسالك عن مجالك القريته ماحتكون فاهم فيه اي شئ ليه لانك ماراغبه ما حابيهه ماحتطور فيه اسم انك قريت جامعه وخلاص لو كل انسان قرارغبته ماكان حصل بالحصل حاليا كان الدكتور نجح وبقى احسن طبيب والمهندس بقى احسن شئ والمحاسب بقى اكبر شئ لكن وين من تعقيد الجامعات ومقابتلهم للشهادات العربيه كفايه تشيلو من نسبه الطالب وكفايه تشيلو قروش بس بعد كدا ادهو حق في حاجه وحده يقدم الحاجه الراغبه هو عشان لو حصلت ليه اي حاجه يكون هو متحمل مسؤولية نفسه و احنا ماعايزين غير انو السودان يتطور غير انو نحس انو احنا عملنا حاجه نرفع بيها راس اهلنا غير انو احنا نكون فايده للمجتمع ماضرر غير انو نرفع بلدنا فوق احنا شباب البلد اذا ماف غيرنا اتحرك وطور ماف غيرنا حيطورها ساعدونا عشان نقدر نساعد نفسنا
بقلمي؛`
#شاهندا _ عادل |
ابنتي شاهندا بت اخونا الكلس عادل عبدالعزيز ,,, لك التقدير عن الإفصاح ودي كبيرة ومقدرة ان نعبر عما يجيش في خواطرنا , انتي كتبتي بالدارجة وده جميل كخاطرة خاصة اقدرها انها اءت ربما على الفيس واوصلت المطلوب بنفس صادق جداً , وذات القطعة لو حولتيها الى فصحى هي موضوع في غاية الاهمية ويحتاج نقاش طويل , على العموم الاسباب في تردي وضعنا عموما والتعليم كخصوصية حسب رسالتك اسبابها كثيرة وتحتاج مختصين امناء لا منحازون للسياسة بل تحتاج الى تربويين مؤهلين صادقين , وهيهات فسودان اليوم اليوم اللاهث وراء لقمة العيش ليحيا لا مساحة فيه حتى لتحسس آلام الاخر الا من رحمه الرحمن بالعيش خارج السودان وعند العودة يحدث ما جرى معك , الطريقة الممارسة الان هي شراكة الدولة في نظامها الرسمي مع الراسمالية المنحازة للنزام الحاكم بمعنى ان هذه الجامعات لوزراء وتجار تبع النظام والقسمة بينهم بالرأس لذلك تجدين الصورة الشائئئهة تلك كما اسلفتي يا بنتي ( تقديم إلكتروني موحد , ثم شواغر ثم تقديم من داخل الكلية ) عشت هذه التفاصيل مع ابناء شقيقتي وكم الحسرة وسمعت عبارة من زوج شقيقتي قال سبحان الله تكرم بنتي في السعودية لتفوقها ثم في السودان يتحول كل الفرح الى حزن مواز او كما قال , القسمة بين ارباب الجامعات التجارية والحكومة وتجارها مثالها واضح ارجعي لملاك الجامعات اغلبهم وزراء للانقاذ ومتنفذين في النظام , اذا الموضوع تجارة وليس تعليم وتحصيل لصالح بناء اجيال تنهض بالمستقبل ونسأل الله ان يرخمنا من هه الطغمة التي لا تخاف رب ولا تخشى ضمير , والما بخاف الله خافو او كما قال مثلنا الموضوع كبير عموما اهنيك على الوعي المتقدم وعلى التعبير عن مشكلتك وطلبك للحوار واسأل الله ان يكتب لك في خطوة نجاح وتحققي امنياتك كلها ويسعد بك اهلك .
...........................................................................حجر.
|
|
|
|
|
|
|
العنوان |
الكاتب |
Date |
ماذا قالت ابنتى شاهندا فى قبول ابناء المغتربين فى الجامعات السودانيه ؟ | عادل عبدالعزيز عبد الرحيم | 08-26-15, 04:50 PM |
Re: ماذا قالت ابنتى شاهندا فى قبول ابناء المغ� | عادل عبدالعزيز عبد الرحيم | 08-26-15, 06:00 PM |
Re: ماذا قالت ابنتى شاهندا فى قبول ابناء المغ� | Basamat Alsheikh | 08-26-15, 06:21 PM |
Re: ماذا قالت ابنتى شاهندا فى قبول ابناء المغ� | Esam Nouh Osman | 08-27-15, 07:21 AM |
Re: ماذا قالت ابنتى شاهندا فى قبول ابناء المغ� | عادل عبدالعزيز عبد الرحيم | 08-27-15, 08:12 AM |
Re: ماذا قالت ابنتى شاهندا فى قبول ابناء المغ� | abubakr salih | 08-27-15, 08:17 AM |
Re: ماذا قالت ابنتى شاهندا فى قبول ابناء المغ� | محمد علي البصير | 08-27-15, 08:26 AM |
Re: ماذا قالت ابنتى شاهندا فى قبول ابناء المغ� | عادل عبدالعزيز عبد الرحيم | 08-27-15, 08:37 AM |
Re: ماذا قالت ابنتى شاهندا فى قبول ابناء المغ� | عادل عبدالعزيز عبد الرحيم | 08-27-15, 08:41 AM |
Re: ماذا قالت ابنتى شاهندا فى قبول ابناء المغ� | عبد الوهاب المليك | 08-27-15, 08:51 AM |
Re: ماذا قالت ابنتى شاهندا فى قبول ابناء المغ� | عادل عبدالعزيز عبد الرحيم | 08-27-15, 08:55 AM |
Re: ماذا قالت ابنتى شاهندا فى قبول ابناء المغ� | ismeil abbas | 08-27-15, 09:07 AM |
Re: ماذا قالت ابنتى شاهندا فى قبول ابناء المغ� | عبد الوهاب المليك | 08-27-15, 10:44 AM |
Re: ماذا قالت ابنتى شاهندا فى قبول ابناء المغ� | محمد عبد الله الامين | 08-27-15, 11:19 AM |
Re: ماذا قالت ابنتى شاهندا فى قبول ابناء المغ� | Yousuf Taha | 08-27-15, 11:23 AM |
Re: ماذا قالت ابنتى شاهندا فى قبول ابناء المغ� | Adil Isaac | 08-27-15, 11:28 AM |
Re: ماذا قالت ابنتى شاهندا فى قبول ابناء المغ� | عادل عبدالعزيز عبد الرحيم | 08-27-15, 04:33 PM |
Re: ماذا قالت ابنتى شاهندا فى قبول ابناء المغ� | عادل عبدالعزيز عبد الرحيم | 08-27-15, 05:28 PM |
Re: ماذا قالت ابنتى شاهندا فى قبول ابناء المغ� | ALWALEED ALSHEIKH | 08-27-15, 05:57 PM |
Re: ماذا قالت ابنتى شاهندا فى قبول ابناء المغ� | عادل عبدالعزيز عبد الرحيم | 08-29-15, 10:35 AM |
Re: ماذا قالت ابنتى شاهندا فى قبول ابناء المغ� | عادل عبدالعزيز عبد الرحيم | 09-05-15, 08:37 AM |
Re: ماذا قالت ابنتى شاهندا فى قبول ابناء المغ� | الرفاعي عبدالعاطي حجر | 09-06-15, 11:28 AM |
Re: ماذا قالت ابنتى شاهندا فى قبول ابناء المغ� | أحمد محمد عمر | 09-06-15, 12:11 PM |
|
|
|