Quote: العرض السوداني في سجون الجوف كم كنا نكابر ونعاند انفسنا وغرائزنا حين نسمع احد السعوديين وهو يقول ابقى خدامة سودانية نجاوب بكل ثقة وعزة وشموخ (حواء السودانية ﻻ تخدم بالبيوت). مرت اﻻيام واصبح بين الحين واﻻخر نسمع عن وجود خادمة تعمل بالبيت الفﻻني والكل منا بين مصدق ومكذب ﻻ مش ممكن مستحيل . الي ان اصبح اﻻمر واقعا حقيقا ليس بالسمع او الهمس خلف الكواليس بل مشهد حقيقي تمثل امام اعيننا خارت قوانا وارتجف الجسم وتصبب العرق وتعطلت حركة كل اﻻعضاء وجان المشهد محزن ومبكي . فتاة سودانية 22 عام خريجة جامعة السودان دخلت المملكة العربية السعودية بتاريخ 10 / رجب /1436 ه الموافق 29/4/2015 بجواز سوداني رقم p1708271 اصدار الخرطوم بتاريخ 2/4/2015 / برقم وطني 12068503565 .بتاشيرة خروج من مطار الخرطوم الدولي بتاريخ 25/4/2015 . ومعها في نفس الرحلة 4 سودانيات بنفس المهنة . تعمل المذكورة اعﻻه لسعودي خادمة له ولزوجته ولعياله عانت اشد انواع العذاب والضرب بل والتعدي والتحرش الجنسي وانواع من الذل والاهانة والشتائم البذئية لها ولجنسها ووطنها لقت انواع من الضرب حتى لجآت للشرطة ولم تنقذها ومره اخرى ولم تنقذها ليه؟ ؟؟؟؟ ﻻنها خادمة والخادمة تذل وتتهان وتضرب وتغتصب كما قال لها كفيلها ثم لجآت للشرطة للمرة الثالثة بعد ان تحطمت نفسياتها واصابها الذل والهوان وقالت بصوت رجالي والله لن ارجع لهم ولو ذبحتوني . ثم تاتي مرحلة التجارة والبيع بالربح والخسارة ياتي كفيلها لقسم الشرطة وبوجود سودانيين اتو للفزعة وستر العرض ولكن العرض اصبح يباع ويشترى امام اعيننا ويطلب مبلغ 14500 ريال خسارته لتلك السلعة وكانها شاة او بقرة او حاشي في سوق البهائم . ويقول اذا لم تدفعو المبلغ ارسلها لمكتب الخليف يعرضها عنده واستلم خسارتي ،سودانية حرة ياتي الرجال السعودييين للمكتب وهي معروضة تباع وتشترى تكاتف السودانيين بالمنطقة لنجدتها بالتعاطف ﻻنه ﻻجسم وﻻ كائن رسمي موجود يحمينا او يقف تجاه الظلم وهتك العرض . واخيرا بوقفة رجل واحد وبعد طرق ابواب العدالة والقانون تقاد السودانية الحرة مقيدة الي سجن الجوف ﻻنها خادمة رفضت العمل مع كفيلها هذه واحدة من مئات الحاﻻت بالجوف واقرب نموذج ثاني فتاتين سودانيات في نفس العمر بمستشفى دومة الجندل اصابهما المرض النفسي من سوء التعامل والذل والهوان واحدة ترحلت باﻻمس والثانية رجعت الي كفيلها واﻻن موجدات اكثر من 4 عامﻻت سودانيات ببيوت السعوديين يعانين ويﻻت العذاب والضرب والذل فماذا انتم فاعلون
08-15-2015, 03:25 PM
Hadeer Alzain
Hadeer Alzain
تاريخ التسجيل: 07-13-2008
مجموع المشاركات: 3530
اين الذين كانوا يدافعون عن سفر المرأة السودانية وعملها خادمة ؟؟؟؟ اين الذين كذبونا عندما قلنا راينا خادمات سودانيات يعملن بالسعودية ... ؟؟؟؟ اين سفارة السجم هذه من رعاياها .؟؟؟ ايظنون بان عمل السفارة هو فقط الجبايات ؟؟؟؟
08-15-2015, 07:43 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
ديل انحنا القالوا فتنا وقالوا متنا وقالوا للناس انتهينا تااااانى يا بابكر ؟ ومنو القال ليك انو المشهد دا كان غايب او مفاجى ء. ؟ يا بابكر الكلام العاطفى فى موضوع الخادمات دا لا بودى ولا بجيب .... للاسف كمان ما بغير من المبدا انه لاى شخص ذكر كان ام انثى الحق فى العمل والعمل الذى يقبله ويرتضيه مهما كانت مخاطرة ومهما كانت تفاهته فى نظر الاخرين .... حرية العمل حق حرية التنقل والسفر. حق حرية الاعتقاد حق .... ماهى كل اليوم البصات السفرية والناقلات بتتسبب فى موت الالاف. هل منعوا سيرها لانها قتلت الاطفال والنساء والعرايس والرجال ؟ ماهى الطيارات بتتوقع كل يوم بالالاف النسوة والرجال هل منعوا الطيران ؟ النساء فى اى وظيفة بتعرضن للتحرش والانتهاكات والابتزاز وهن سكرتيرات وهن موظفات وهى دكتورات ومهندسات وستات شاى ؟ هل دا سبب لوقفهن من العمل دى جرايم وتعدى ممكن يحصل فى اى مهنه هل دا سبب لمصادرة حق النساء فى العمل ؟ الكلام العاطفى ما بنفع ح ترجع لى بلدها دا كللللو بحصل ليها ومجانا بلا اى عايد يسد رمقها ...... مهنة الخادمة ليست اختيار وهواية ورغبة والاهم من كدا انو الكلامات دى ما تبقى سبب لسلب المراة حقوقها فى العيش والتفكير والخلاص ماهو الراجل برضو فى الاعمال الهامشية بكون عنده كفيل وبيتزل وبيتمرمط قلتو ما يشتغل ؟ استهدوا بالله. وقولوا بسسسم الله واطعنوا فى الفيل ماتطعنو فى ضلو الواهن ديل نسوان الفيهن مكفيهن كمان ناقصاتنكن تجردوهن من باقى حقوقها فى الحياة ؟ هى شافت دا كلو هى صاحبت القرار تمتنع او تواصل لااحد عليه ولاية ولا وصايا حتى ولو كانت تحت معسول الكلام من كرامة وقيمة وووووو حكى فرغان ..... استهدوا بالله واتركوا النساء ما تركوكم ....
08-15-2015, 07:50 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
Quote: أين قانون العمل السوداني الذي يمنع عمل السودانيات كخادمات ؟؟؟
وهو قانون عمل كيف لما بمنع العمل ؟ وبعدين لما هو قانون سودانى ما يمنع عملهن فى السودان ! ومايمنع الاثيوبيات والفلبينيات وكل الجنسيات من العمل كخادمات فى السودان مالن. ما نساء ؟؟ ولا ما بتعرضن لسوء المعاملة والتحرش والاتهامات الساهلة والكاذبة بالسرقة ؟ طيب لما هو قانون وسودانى ح يسرى فى السعودية كيف ؟ ولا سبحان الذى اسرى بقانون العمل من السودان الى السعودية
معلومة قانون العمل السودانى ولا اى قانون فى الدنيا يستطيع منع النساء من اى عمل مشروع ..، يعنى لفايدة الجميع المعلومة ما صحيحة .... شوفوا الخرمجة بتاعت المنع دى حصلت وبين جيبوها ....
يادينا كلامك ده غريب شديد! مافي زول عايز يسلب النساء حقوقهن في العمل وهن حرات تماما في اختيار الطريق العايزاتنو الفكرة كلها في اننا نعلم مالاتعلمون، وعايزين نوريكم العارفنو ده عشان ماتمشو ساي علي عماكم الخادمة في السعودية عبارة عن رقيق بمفهوم العصر الجاهلي تباع وتشترى وتنتهك كل انواع الانتهاكات وماحايدوها مرتبها، يعني حتنتهك مجانا وماحيخلوها ترجع اهلها لو مانفع معاها الكلام ده والخادمة متهمة باي ديفولت ومن السهولة تلفيق اي تهمة لها مثل السرقة والاخطر تهمة ممارسة السحر ودي عقوبتها قطع الرقبة بالسيف يادينا خالد انا متأكد انو اي بنت سودانية تعرف واقع الحال زي ماعارفو ناس اسامة ديل ماحتمشي ابدا ابدا السعودية وتشتغل خادمة مهما كان يادينا حقو تساعدي الناس بانك تخلي اكبر كمية من الخادمات المحتملات الماشات السعودية يعرفن الحايحصل ليهن لانو كلامك ده وعلى الرغم من صحتو لكن حايضر ناس كتيرين
وانا خيرتك بين الشهد وبين اللبن الفطرة
08-15-2015, 09:49 PM
ABDALLAH ABDALLAH
ABDALLAH ABDALLAH
تاريخ التسجيل: 08-26-2007
مجموع المشاركات: 7628
Quote: الخادمة في السعودية عبارة عن رقيق بمفهوم العصر الجاهلي تباع وتشترى وتنتهك كل انواع الانتهاكات وماحايدوها مرتبها، يعني حتنتهك مجانا وماحيخلوها ترجع اهلها لو مانفع معاها الكلام ده والخادمة متهمة باي ديفولت ومن السهولة تلفيق اي تهمة لها مثل السرقة والاخطر تهمة ممارسة السحر ودي عقوبتها قطع الرقبة بالسيف
لا حول ولا قوة إلا بالله الأخ خالد عبدالوهاب أيحدث كل هذا فى بلاد مهبط الوحى؟ أتعنى أن الناس هناك يمكرون ؟ و لا يخافون الله ولا يهتمون بمنهجه الذى يرتضيه فى أن الدين المعامله !!! أوافق الأخت دينا فى كثيرٍ من النقاط التى أثارتها لأننى أعرف معرفه شخصيه أن عدد من أخواتنا السودانيات يعملن مع أُسر سعوديه منذ سنين طويله وفى زيارتهن المتكرره للسودان لا يذكرن إلا طيبة وحُسن معاملة من يعملن معهن . ما يجب أن يُثار الحديث عنه هو قانون التخديم واستغرب أخى خالد لقولك عن قانون تخديم من يعملن بالمنازل فى بلد الحرمين الشريفين ومهبط الوحى عندما أقارنه بقانون من يعملن فى المنازل فى أميركا والتى يعتبرها غلاة المتطرفين أنها بلد الكفر . فى أميركا مافيش حاجه إسمها خدم منازل بل من يقم بهذه الأعمال المنزليه بقولوا عليه :- House Keeper أو Baby Sitter بترخيص وعقد عمل ولساعات محدده خلال اليوم تأتى المرأه لبيت من يريد خدمتها لإنجاز عمل معين زيها وزى أى موظف تغادر لمسكنها عند نهاية ساعات الدوام . مع ملاحظة مافيش حاجه إسمها سكن ومبيت مع من يطلب الخدمه وهنالك قانون صارم لحماية المرأه العامله من المعتدين أياً كان sexcial Harasment sexcial Abuse طبعاً كلكم سمعتوا بما حدث للرئيس بيل كلينتون ومونيكا ليونسكى . ورحم الله الشيخ محمد عبده عندما سألوه عقب عودته من زياره لإنجلترا كيف وجدت بلاد الإنجليز ؟ قال :- وجدت مسلمين بلا إسلام . التحيه لصاحب البوست الأخ أسامه بابكر .
08-15-2015, 08:21 PM
محمد حيدر المشرف
محمد حيدر المشرف
تاريخ التسجيل: 06-20-2007
مجموع المشاركات: 20359
يااا عبد الوهاب اول حاجة خلونا نتفق انو مافى زول مغالطكم وابعد من كدا خلونا نفترض انو ابعد واكتر من كدا حاصل .... دى ماقصتنا .... قصتنا فى العايزين يعملوا مندا سبوبه لمصادرة حق المراة فى عملها كخادمة منزلية ... ايوة المراة عندها كامل الحق تختار المهنة دى وتشتغلها واذا لقتها عبودية وماقدرت عليها فدا قرارها لوحدها مافى كاين من كان يستطيع ان يقرر نيابة عنها ..... فى رجال كتاااار بعولوا اسر سنه كاملة ما بيدوهم رواتب ! فرقوا بين حاجتين التبصير والتوعية ومصادرة الحقوق .... يحصل ليها البحصل ليها مافى زول ياخد القرار بدلا عنها ... يعنى انتو دايرين تعرفوا احسن منهن هن البواجهن فى المشكلة ؟ اما باقى الكلام ليه هى ذاتها بتشتغل خدامة ؟ ولييه ما بتمتنع من تلقا نفسها. وليه وليه فدا كلام تانى متعلق بى قصصتانية
يادينا قلنا ليك لمن تمشي هناك وتلقى الكلام ده مانافع معاها ماحيكون عندها اي طريقة تتفكفك منهم ماحيخلوها تمشي لانو هم دفعو فيها قروش (اشتروها) ولانهم مابيقدرو يعيشو ولايوم بدون خدامة عشان كده حايستخدمو معاها كل انواع الابتزاز عشان ماتمشي وهي كما تعلمي مافي اي جهة ممكن تقدر تلجأ ليها او تدافع عنها عشان كده قلنا الاحسن تعرف الحاصل ده قبل تمشي، ولو مشت بعد ماعرفت الحايحصل ده معاناها اما انها ماعرفت او انها مجنونة وفي الحالتين علينا مسؤولية اننا لازم نتكلم زيادة مع العلم باننا ماعندنا اي مانع انو المرأة تشتغل كعاملة منزل او تشتغل اي حاجة علي كيفها، لكن قاعد نحاول نوريها يعني شنو عاملة منزل في السعودية انتي ذاتك حقو توريهن معانا! بالمناسبة انتي عارفة يعني شنو عاملة منزل في السعودية ولا ماعارفة؟ بالجد
08-15-2015, 09:30 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
التبصير مافى مشكلة توعية مافى مشكلة وبالجد؟ ..... انا عارفة اكتر من العارفو انت عارفة كمان فى ناس ممتازين وبقدروا الشغالات وعارفة انو ما بتقدر تصم شعب بحالوا. بانو سىء وماعنده اخلاق دا ببقى كلام جزافى ساى .... نفسسسس الرجال البيشتغلو معاهن خدم المنازل فى المنازل. هم ياهم ذااااتهم الرجال البتشتغلو معاهم فى المكاتب صاح ؟ يعنى ديل ما رجال صنعوهم لخدم المنازل حصريا ...... واى مهنه عندها نسبة مخاطر بتنخفض وترتفع حسب ظروف المهنة نفسها ..... والنسوان البشتغلن خادمات ديل ما ظروفهن ذى وزيك عندهم اسر تعمل ليهم سبورت وعندهن بيوت مستقرات فيها وبالتالى عندهن خيارات .....لا طبعا ديل نسوان ضهرن مع الحيطة كدا ميتين وكدا ميتين وخلاص ماعاد عندهن بصيص امل بشقن الطريق على علاته ماشفت السفن المحملة والمراكب بالالاف المهاجرين وبى اطفالهم مركب انت لو قاةو ليك عدي بيها خور ابو تنجة ما بجيك قلب تركب فيها خلى تعدى بيها المحيط لكن الالاف دى بتركب شعارهم خلاص يا غرق يا جيت حازمها ..... الله لا وراكم الدنيا لما تعدمك الخيارات التوعية دى هم بشوفوها ترف .... وعوا لكن حريش للحكومة بان افعلى وافعلى ما معانا .....
08-15-2015, 10:31 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
انت اشتغلت خادمة منازل ؟ لا ما اشتغلت ..... طيب شن عرفك بالبحصل للحريم جوة بيوت مقفولة ؟
ح يجوا سبعين متداخل هنا يحكوا لينا عن بشاعة الانتهاكات .... عشان تقنعونا بى شنو ؟ احسن كلللل زول يكون واضح بعدين يااااطيب ما تلخبطوا شغل الدعارة البى وش الباب مع مهنة خادمة المنزل ..... عشان ما تشتتوا الكورة استدرار العواطف وكلام العرض والحكايات دى ما بقسسم هنا فشنو خليك واضح يا جميل ... الجرايم فى اى مكان وفى اى زمان موجودة عندها طرق بكافحوها بيها .،،،، عمره ما كان معالجة الجريمة بترك الناس لاشغالها .. ولا بتركوا ليها الحياة والامل .،،
08-15-2015, 09:31 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10212
وشكراً لايراد هذه الحادثة حتى تعرف كل من تفكر في العمل في هذه المهنة في السعودية ما سيحدث لها من اساءة و مضايقات وربما تفقد روحها و شرفها و اقل شئ حقوقها كعاملة وبعدها تقرر , فلو وافقت على كل هذا فهي حرة وليس لأحد الحق في التدخل.
والله يا دينا لو جينا للحقيقة .. العطالة في السودان ولا العمل خادمة في السعودية دي وجهة نظري , ومافيها وصاية على مرا ولا غيرا , اي زول ينوم على الجنب البريحو لانو هنا غير المعاملة اللا انسانية ما بدوها راتب و حيفضلو يماطلوها ويقرفوها لحدي ما تقول ليهم انا ما عاوزة منكم شئ بس سفروني , وما حيسفروها لو اتكرمو عليها برجعوها للمكتب الجابا عشان يرجعو قروشم والمكتب ما عندو ليها قروش, ولو هربت بتلم فيها الشرطة و على السجن وبعد المرمطة الترحيل و شن عرفك بسجن الترحيل اما موضوع الاغتصاب دا عادي ذي شراب الموية لو ما رب الاسرة قام بيهو (البزارين ) ما بقصرو, بلد بنتشر فيها زنا المحارم بعيد عنهم الاغتصاب؟
بالمناسبة انتي اشتغلتي في السعودية قبل كده ؟
لا ما اشتغلتا
طيب شن عرفك بالبحصل هناك !!!
قبل ان اغادر السعودية , نشأت تجارة رقيق بين الهنود والبنغالة , لما تهرب الشغالة من كفيلا عن طريق السواق الهندي او السيرلانكي او البنغلاديشي بجيبا ببيعا لواحد من جماعتو , بفتح ليها بيت وبجيب جماعتو نص الساعة ب50 _ 100ريال و طبعاً ممنوع انها تطلع من البيت لانها لو طلعت ممكن تقع في يد الشرطة , المهم تجارة رقيق ذي ما سمعنا بيها شفناها
.
08-15-2015, 10:10 PM
خالد المبارك
خالد المبارك
تاريخ التسجيل: 03-20-2014
مجموع المشاركات: 571
عشان هذه الانتهاكات اللا انسانية في حقوق الخادمات (في السعودية تحديدا) أوقفت اندونيسيا والفلبين ارسال خادمات ما لم يتوصلوا لتفاهمات مع الحكومة السعودية تحفظ لهن حقوقهن وكرامتهن ..
أكثر دولتين تنتهك فيها كرامة الخادمات هي السعودية ولبنان
08-15-2015, 10:39 PM
ABDALLAH ABDALLAH
ABDALLAH ABDALLAH
تاريخ التسجيل: 08-26-2007
مجموع المشاركات: 7628
Quote: الخادمة في السعودية عبارة عن رقيق بمفهوم العصر الجاهلي تباع وتشترى وتنتهك كل انواع الانتهاكات وماحايدوها مرتبها، يعني حتنتهك مجانا وماحيخلوها ترجع اهلها لو مانفع معاها الكلام ده والخادمة متهمة باي ديفولت ومن السهولة تلفيق اي تهمة لها مثل السرقة والاخطر تهمة ممارسة السحر ودي عقوبتها قطع الرقبة بالسيف
لا حول ولا قوة إلا بالله الأخ خالد عبدالوهاب أيحدث كل هذا فى بلاد مهبط الوحى؟ أتعنى أن الناس هناك يمكرون ؟ و لا يخافون الله ولا يهتمون بمنهجه الذى يرتضيه فى أن الدين المعامله !!! أوافق الأخت دينا فى كثيرٍ من النقاط التى أثارتها لأننى أعرف معرفه شخصيه أن عدد من أخواتنا السودانيات يعملن مع أُسر سعوديه منذ سنين طويله وفى زيارتهن المتكرره للسودان لا يذكرن إلا طيبة وحُسن معاملة من يعملن معهن . ما يجب أن يُثار الحديث عنه هو قانون التخديم واستغرب أخى خالد لقولك عن قانون تخديم من يعملن بالمنازل فى بلد الحرمين الشريفين ومهبط الوحى عندما أقارنه بقانون من يعملن فى المنازل فى أميركا والتى يعتبرها غلاة المتطرفين أنها بلد الكفر . فى أميركا مافيش حاجه إسمها خدم منازل بل من يقم بهذه الأعمال المنزليه بقولوا عليه :- House Keeper أو Baby Sitter بترخيص وعقد عمل ولساعات محدده خلال اليوم تأتى المرأه لبيت من يريد خدمتها لإنجاز عمل معين زيها وزى أى موظف تغادر لمسكنها عند نهاية ساعات الدوام . مع ملاحظة مافيش حاجه إسمها سكن ومبيت مع من يطلب الخدمه وهنالك قانون صارم لحماية المرأه العامله من المعتدين أياً كان sexcial Harasment sexcial Abuse طبعاً كلكم سمعتوا بما حدث للرئيس بيل كلينتون ومونيكا ليونسكى . ورحم الله الشيخ محمد عبده عندما سألوه عقب عودته من زياره لإنجلترا كيف وجدت بلاد الإنجليز ؟ قال :- وجدت مسلمين بلا إسلام . التحيه لصاحب البوست الأخ أسامه بابكر . إعاده لمداخلتى الفوق , عشان ما تروح
08-15-2015, 10:59 PM
خالد المبارك
خالد المبارك
تاريخ التسجيل: 03-20-2014
مجموع المشاركات: 571
Quote: انت اشتغلت خادمة منازل ؟ لا ما اشتغلت ..... طيب شن عرفك بالبحصل للحريم جوة بيوت مقفولة ؟
ح يجوا سبعين متداخل هنا يحكوا لينا عن بشاعة الانتهاكات .... عشان تقنعونا بى شنو ؟ احسن كلللل زول يكون واضح بعدين يااااطيب ما تلخبطوا شغل الدعارة البى وش الباب مع مهنة خادمة المنزل ..... عشان ما تشتتوا الكورة استدرار العواطف وكلام العرض والحكايات دى ما بقسسم هنا فشنو خليك واضح يا جميل ... الجرايم فى اى مكان وفى اى زمان موجودة عندها طرق بكافحوها بيها .،،،، عمره ما كان معالجة الجريمة بترك الناس لاشغالها .. ولا بتركوا ليها الحياة والامل .،،
لا ااااااع
اللعب بالكلمات عمرو ما بهزم قناعة يا دينا انا ما قلت ليك اشتغلتي شغالة في السعودية عشان تسأليني نفس السؤال , وما كان ممكن اسألك سؤال ذي دا برضو انا عندي طايوق :) انا قلت ليك حصل اشتغلتي في السعودية قبل كدة ؟ المنطق بقول تقومي طوالي تقولي لي انت اشتغلتا قبل كده في السعودية ؟ بقول ليك بالحيييييل .... وعشان كنت في السعودية شفتا وعرفتا الحاصل و البحصل للشغالات بجيبوهن في المستشفيات محرقات بالنار و مضروبات و مذهللات شفتا يا دينا والله الشفتو لو سمعتي بيهو بس ما كنتي كتبتي الكتبتيهو دا انا ذي ما قلت ليك فوق ما عندي مشكلة في انو اي زول يشتغل كان مرا ولا راجل والشغل البعجبو هو البقرر ما انا لكن دوري انا كبني ادم اولاً وكاعلامي اوضح الحقائق للناس واتمنى انو الشرفاء و الشريفات من الصحفيين يوضحو الجوانب دي للبنات البفكرو في انهن يجن السعودية في مهنة شغالة المسألة ما وصاية ذكورية .. عشان كدة ما تجندريها , انت ذاتك ممكن تساهمي في التوعية بمخاطر العمل بالنسبة لخدم المنازل في السعودية. هناك مافي حاجة اسمها قانون ولا بطيخ البحصل ليهن الله لا وراك ليهو ما تقولي لي اصابع اليد الواحدة ما ذي بعض , العرفك شنو انها تقع مع خنصر ولا بنصر ولا سبابة ولا ابهام ؟ هي في النهاية مخاطرة وخيمة العواقب انا شخصياً ما برضاها لبني آدم , لكن كان هن رضنها ...... ما ببقى ذي اهل الميت صبرو والجيران كفرو ... الله معاها رسمي..
.الشي التاني الفيديو الفوق دا العملوهو ناس عندهم جهل كبير بشغل الاعلام لانو دعارة الشغالات في السعودية ماهي القضية الاساسية دي مجرد افرازات لقضيايا كبيرة ما بقدرو يعرضوهو في الاعلام ولا بقدرويحاسبو المتسببين فيها وهم الاسر السعودية البتعامل الخدامات بطريقة تدفعن للهرب ويكونن لقمة سائغة لتجار الرقيق من الهنود والبنقالة الفيديو دا افراز طبيعي ونتيجة متوقعة لوضع غير طبيعي بتعاني منو الشغالااااااااااااااااااات.
.
08-15-2015, 11:18 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10212
طبعاً ماقادر أصدق الكلام ده والاغرب الاخت البتقول حرية وماحرية اعلم تماماً إنو السودان قاسي لمن بهناك وأنا شخصياً واحد من الناس الهربو السنه دي بعد إستنفاذ كل السبل الممكنه للحياة تحت سماء وطني وبين أهلي وأحبابي لكن برضو ماتصل لمرحلة إنو سودانية تمرق تشتغل شغاله
08-16-2015, 06:36 AM
حسين عبد المجيد
حسين عبد المجيد
تاريخ التسجيل: 03-28-2013
مجموع المشاركات: 1782
المشكلة وين في المهنة كخادمة ول في المعاملة السيئة من اهل البيت الشغاله فيهو ؟؟ يعني ما عندكم مشكلة ممكن تطلع تشتغل مهندسة وطبيبة اهو في النهاية مصنفة عاملة في وزارة العمل يعني خدامة مع صاحب العمل مهنة خادمة مهنة شريفة عندكم فيها شك يا اسامه وفي بلدنا دي شغالات في البيوت وفوق ده مستعبدات عب شايقية وعب جعليه المرا دي السفرها بره شنو وعشان شنو اتا ده عملت ليها شنو عشان ما تسافر وتذل هناك الرجال هنا شغالين خدم والخادم تعريفه ظاتو شنو بالله خليكم من النفخة الكدابة دي بلا نحنا السودانيين بلا قيم معاكم شوف الخرطوم بس خليك من السعودية والامارات وضع المرا مكرمة فيها
هذا ما كنت تخافه !!!!!!!!!! طيب وفرت لهن حياة شريفة داخل الوطن ول كلام في كلام
08-16-2015, 08:58 AM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
دندون الشيء ده فوق طاقة البشر العاديين التخيليه صدقيني داعش مفهومه اكثر يا دندن ده رق محروس بالدِّين والعرف والقانون ومتواطيء علي كتمانه أمريكا وحقوق الانسان والمتأسلمين وارث عربي قديم وارث انساني غير متانسن انسي الكتب وانسي المنطق والعقل وإحساس أسوأ كوابيسك اضربيها في اكبر رقم الانفينتف ذاتو
08-16-2015, 09:16 AM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
Quote: ح يجوا سبعين متداخل هنا يحكوا لينا عن بشاعة الانتهاكات .... عشان تقنعونا بى شنو ؟ احسن كلللل زول يكون واضح بعدين يااااطيب ما تلخبطوا شغل الدعارة البى وش الباب مع مهنة خادمة المنزل ..... عشان ما تشتتوا الكورة استدرار العواطف وكلام العرض والحكايات دى ما بقسسم هنا فشنو خليك واضح يا جميل ...
يادينا في سودانيات جو من السودان للدعارة وشغالات عاهرات في جده والرياض والدمام وماجينا كتبنا عنهن ليه .؟؟؟ لانهن لم ياتين مكرهات ديل جو عديل للشغلانه دي من السودان ... اما الخادمة المنزلية هي عمل شريف مافي شك لكن البنات الجايات من السودان اغلبهن جايات على اساس انه عمل شريف في الحقيقة والواقع غير ... هنا الخادمة تستخدم كجارية هل انتي يادينا مؤمنة بالرق ؟؟؟ واقول لك حاجة الخادمة تعامل معاملة ما ملكت ايمانكم ... يعني عادي ممكن يبيعها زي الترتيب لكفيل اخر وممكن يربح فيها .. العمالة المنزلية يا سيدتي لا تخضع لقوانين مكتب العمل لذلك لا تجد اي حماية وفي النهاية الكفيل هو الذي لديه كامل التصرف في سفرها او بيعها او رميها في اقرب سجن ... الشئ التاني الموضوع ما موضوع جندر نهائي وهاك دي رسالة جاءت لاحد الشباب المهتمين بهذا الموضوع من خادمة منزلية سودانية واليوم ...
Quote: (وتتوالي المصائب) بما انو القروب مفتوح لطرح وحل قضايا إخواننا المقيمين هنا وبما انو المصائب لا تاتي فراده وبما انه الكل تابع القصه الواقعيه لحاله اختنا التي تعرضت لويلات العذاب من مكفوليها اكبر عليهم..وصدقوا أولا تصدقوا من خلال طرح الموضوع أعلاه تعرفت علي اخت كريمه واجهت نفس ما واجهته اختنا السابقه وتشتغل نفس شغلتها مش كدا وبس بتحكي لي عن انو تم (بيعها) ركزوا في الكلمه دي لكفيل اخر بمبلغ وقدره10 الف ريال وذلك لسؤ معامله من كانت تشتغل معه أولآ.. مش كدا وبس حاليا مستعده ترجع السودان بس لا تملك سوي تلاته ريال ومش كدا وبس قالت ابوها متوفي وتعيل في اسرتها وانها ليها تلاته اشهر م رسلت ليهم مصاريف بسبب (سرقه) مكفوليها ماجنته من مهنتها رغم انها لا تليق بها.. والاشد وقعآ علي النفس عن سؤالي لها لماذا لا تشتغل بالسودان وتستر نفسها قالت لي أي عمل امشي ليه المقابل وعشان اشتغل فيه ابيع شرفي.. والله لا خير فينا ان م ساعدناها كل معلوماتها بطرفي.. فقط ما اتمناه عدم السب والشتيمه ومحاوله ايحاد حل جذري.. يلا كترو شيركم عشان نساعد اختنا..ولا حولا ولا قوه الا بالله العلي العظيم.. ما يؤسف له قالت لي الأخت من قبل كان هناك مكتب (بالحساء) واتي ب52 من اخواتنا من السودان بمهنه عامله وحاليآ كلهم ذهبو بعد قفله تبقت هي ومعها اخري) مصيرهم بيد رب العالمين.. في اخر حديثها قالت لي( اقعد في السودان عشان ابيع شرفي ولا اشتغل هنا واهان واضرب خير لي من الاولي) لم استطيع ان ارد لها صراحه..
ودي صفحته في الفيس وكل معلومات المذكورة معه https://http://http://www.facebook.com/profile.php?id=100004126216335andfref=nfwww.facebook.com/profile.php?id=100004126216335andfref=nf
08-16-2015, 10:30 AM
دينا خالد
دينا خالد
تاريخ التسجيل: 06-26-2006
مجموع المشاركات: 8736
مافيش فايدة !!!! غطينى ياصفية وصوووووطى ! او كما قال الزعيم سعد زغلول وجعنى كلامك بالحيل يا اخلاص المشرف اكتر من الباقيين .... لانك ست وجعة .... الانتهاكات دى اضربيها فى ترليووون تناقش كانتهاكات بتتعرض ليها المراة العاملة فى عمل معين تناقش ذى ما قال ليك استاذ عبدالله فى شروط الخدمة والتخديم ذى ما عملت دول كتيرة ،،،،، تناقش فى اطار مشاكل عمل المراة وايجاد حلول .... لكن مافى اطار هيييييييهع بناتنا ما بشتغلن خدامات ..... امنعوا السفر لمهنة خدامة ..... امنعوا امنعوا. امنعوا .،، كنوع من الحلول الساهلة للمشكلة دى حلول بتصادر. حقوق اصيلة للمراة قصة انو بتحدث فيها انتهاكات او حتى. موت. لا يبرر. مصادرة تلك الحقوق وانا كلامى. خلاص فى الموضوع دا قلتو ماعندى حاجة تانى والعفو والعافية. اتمعنوا كويس وحاولوا. اتفهموه حتى لو ضدو
الطيب الطريقة الخلتنى اعرف بدون ما اكون اشتغلت فى السعودية هى نفس طريقتك العرفت بيها دون ما تشتغل انت خادمة منازل يعنى الوسايل بتاعت نقل المعلومات حقتى وحقتك واحدة مافرق المكان الاتلقينا فيهو المعلومة ..... انا برضو من خلال عملى كنت بطلع على انتهاكات واسعة على النساء فى مختلف المهن وشفت .... ما تهمل رايي العلاج. طريقو تانى. ... ودى مشاكل تتعالج كمشاكل .... بدون ماتمس بحقوق اساسية للمراة تحت اى دعاوى .... حتى لو كانت مغلفة بالنوايا الطيبة ودورت الخير للنسوان وحمايتهن. واللاذى منو ......
08-16-2015, 10:35 AM
حسين عبد المجيد
حسين عبد المجيد
تاريخ التسجيل: 03-28-2013
مجموع المشاركات: 1782
Quote: يادينا في سودانيات جو من السودان للدعارة وشغالات عاهرات في جده والرياض والدمام وماجينا كتبنا عنهن ليه .؟؟؟ لانهن لم ياتين مكرهات ديل جو عديل للشغلانه دي من السودان ... اما الخادمة المنزلية هي عمل شريف مافي شك لكن البنات الجايات من السودان اغلبهن جايات على اساس انه عمل شريف في الحقيقة والواقع غير ...
يعني البنات ديل الخادمات ما كن يعرفن انهن ماشات يشتغلن في البيوت كخدم منازل ؟؟ ومكتوب شنو في عقودهن اللات العمل في السعودية ؟
Quote: هنا الخادمة تستخدم كجارية هل انتي يادينا مؤمنة بالرق ؟؟؟ واقول لك حاجة الخادمة تعامل معاملة ما ملكت ايمانكم ... يعني عادي ممكن يبيعها زي الترتيب لكفيل اخر وممكن يربح فيها .. العمالة المنزلية يا سيدتي لا تخضع لقوانين مكتب العمل لذلك لا تجد اي حماية وفي النهاية الكفيل هو الذي لديه كامل التصرف في سفرها او بيعها او رميها في اقرب سجن ... الشئ التاني الموضوع ما موضوع جندر نهائي وهاك دي رسالة جاءت لاحد الشباب المهتمين بهذا الموضوع من خادمة منزلية سودانية واليوم ...
يا اسامة الحكاية ما حكاية خادمة فقط اي زول مقيم تحت بند الكفالة يطبق عليه نفس شروط نقل الخدمات كان بقى خادم ول دكتور يعني تباع وتشترى في سوق العمل حسب الاوفر الكويس ليك في الراتب والمزايا التانية وممكن عادي تشتري نقل كفالتك منه بفلوس للكفيل الجديد .. اهه دي فرقت شنو من الخادمة
ما تكبروا المواضيع ساي مهنة خادمة مهنة شريفة للمراة طالما تاكل من خدمة يمينها وعرق جبينها مش احسن ليها من بيع العرقي والمتاجرة بفخذها ومن كشات الحكومة لستات الشاي والاكل ومن يفترشن بضاعتهن في الشوارع عشان لقمة شريفة
موضوع السجينات ما عنده اي علاقة بمهنة الخادمة هن تعرضن لظلم وسوء معاملة ليس الا
08-16-2015, 03:47 PM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
لا يا دندون ما كدي والعايشين في السعودية ح يفهمو انا بقول في شنو واحده سودانيه لفقو لها تهمة سحر والعقوبة الاعدام في القانون ال بتعرفوا في وفتنا الحاضر التهمة دي في يأتو دولة في العالم في , ولو نفيتي انها في ح يجوك بقصة السيدة حفصة ولو اعترضتي ح يصفوك بالكفر والرده يا دندن ده شئ الله لا يوقع فيهو بني ادم ولا بنت من بنات حواء , السودانيات ح يجو وح يجربو زي ما الاندونسيات جربو وهي تجربة مريرة والي ان تقتنع السعودية الدولة ووزارة العمل بها بما تقولين فكلام الاخوة المتداخلين صحيح وليس هنالك اي اعتراض علي عمل المرأة السودانية كخادمة اما التحايل علي القانون بعد وضعه فهو متوقع ببساظة ال بتقولي ده معناه السعودية الدولة والشعب يتغيرو
08-16-2015, 04:10 PM
الطيب رحمه قريمان
الطيب رحمه قريمان
تاريخ التسجيل: 03-21-2008
مجموع المشاركات: 12377
موضوع العاملات المنزليات يطول شرحه و تناوله من وجهات نظر مختلفة ..
الذى اريد ان اقوله .. هناك دول تمنع رعياها من العمل فى مهن بعينها .. من ذلك الخادمة المنزلية بصرف النظر فى اى دولة .. من تلك الدول تونس على سبيل المثال .. و هنا دور الدولة ياتى لحماية مواطنيها من اى نوع من التعدى .. كلام الاخت دينا خالد وجدت فيه غربة شديدية .. و لك يا اختى دينا ان تنظرى الى الامور من باب وسيع ..
08-16-2015, 04:38 PM
usama Babiker
usama Babiker
تاريخ التسجيل: 01-07-2013
مجموع المشاركات: 2285
الحمد لله من خلال الحملة التي اطلقناها اجتمع نفر كريم من السودانيين بالجوف لسداد المبلغ المطلوب من الكفيل لخروج الاخت السودانية من السجن وجاري العمل على قدم وساق لحل مشكلة الاخوات الاخريات ...
08-16-2015, 05:29 PM
الطيب رحمه قريمان
الطيب رحمه قريمان
تاريخ التسجيل: 03-21-2008
مجموع المشاركات: 12377
الجبايات هم اسيادها , ولقف المال هم الاوئل اما التواطوء علي بيع الشعب ومقدراتو وممتلكاتو وحقوقو ف الكل يري , هؤلاء الكيزان لا يستحون من يستطيع اجبار شعب رفض لنسائه حق قيادة السيارة ان يراعي حقوق نسائنا هم مخيرين في قوانينهم وعلي نسائه يقع عبء المطالبه او عدم المطالبه بحقه اما نحن فعلينا المحافظة علي حقوقنا ولما كان ميزان القوي ليس لصالحنا كدولة و شعبنا يعاني اشد المعاناة فستتواصل الانتهاكات
08-17-2015, 01:09 AM
مرتضي عبد الجليل
مرتضي عبد الجليل
تاريخ التسجيل: 10-04-2010
مجموع المشاركات: 3097
هل المشكلة إنو السودانية تشتغل كعاملة منزلية فى الاساس ؟أم إنها شغالة فى دولة مثل السعودية ؟ لا تحترم حقوق الإنسان وتتعامل مع البشر بدونية وإحتقار؟ حتى الرجال يتم قهرهم التهديد والوعيد بالمغادرة النهائية ! فى كثتير من السودانيات شغالات فى دول المهجر فى المهن دى ومعززات مكرمات ولا يستطيع اعلى مسوؤل من النيل من حقوقهم . الى متى تظل هذه الدول تستعبد فى البشر؟
08-17-2015, 01:21 AM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
الدول تتعامل بمنطق القوة والمصالح وما دام الدولة السودانية في حالة ضعف نتيجة لسوء وفشل الحكم المتأسلم ف ياها دي الحالة عدونا هو الحكم الفاشل ايها الفشله متي ستغادرون فشله ولا يستحون وقيل في الاثر اذا لم تستح ف اصنع ما تشاء بيع ثم بيع ثم بيع حتي تسمي باع ...
نعمل رصد ملاسي للبوست المشكلة ما في انو السودانية تشتغل شغالة المشكلة انو السعوديين ما بخافوا الله يا مولانا عبدالله ياخ شوف ربنا نزل ليهم كم نبي ولي هسع ما دايرين يتصلحوا
08-17-2015, 04:16 AM
يوسف أبو صالح
يوسف أبو صالح
تاريخ التسجيل: 03-03-2014
مجموع المشاركات: 635
السلام عليكم ورحمة الله بصراحة ما قريت الا جزء من اعتراض الاخت دينا على الاخوة فى مداخلتها الاولى لكن حبيت اقول عبارة واحدة من خلال معايشتى : العمل فى ( بيوت ) الخليجيين جحيم
وأزيدكم في الرصد بيتين وما تسمعوا كلام احمد الطيب الهاشميون قادمون لولا آل سعود والله عتبان وعجمان بس ما كان في نفر واحد بقدر يحج ولا يعمر ولا ما اشتغلت مطوف قبل كدة
08-17-2015, 05:58 AM
الشفيع وراق عبد الرحمن
الشفيع وراق عبد الرحمن
تاريخ التسجيل: 04-27-2009
مجموع المشاركات: 11406
لا اجد اضر على المجتمع السوداني من تبني قيم مطلقة من وجهة نظر ليبرالية كحرية المرأة
اقسى ما سيدمر المجتمع السوداني هو التبني السافر للمثقفاتية السودانية لما يسمى بحرية المرأة
كل من يؤمن بحرية المرأة لا يؤمن بالله المرأة قلنا لا يمكن لها ان تسافر بمفردها قالو ده كلام كتب صفراء و متخلفين قلنا خروج المرأة من خدرها بحجة العمل و الدراسة سيفسد الاخلاق قالو انكم اتيتم من المتاحف و الان بدأ الناس يتباكون
Quote: اقعد في السودان عشان ابيع شرفي ولا اشتغل هنا واهان واضرب خير لي من الاولي
لا زلت اؤمن بأن خروج المرأة من محيطها بحجة العمل او التعليم فيه مخاطرة كبيرة بعض هذه المخاطر نراه امام اعيننا و البعض الاخر خفي و لا يستطيع احد ان يراه الا المرأة كما في المقتبس اعلاه و برضو تقولو لينا حريات ؟ !! امثال دينا هذه هم من سيهلكون القيم و المتبقي من الاخلاق فينا دون وعي و يحسبون انهم مصلحون
انا متأكد بأن الناس و في القريب العاجل سيعودون و يتبنون ما اقول بل و سيدافعون عن فكرتي هذي و لكن بعد فوات الاوان
08-17-2015, 07:41 AM
usama Babiker
usama Babiker
تاريخ التسجيل: 01-07-2013
مجموع المشاركات: 2285
يا اخلاص يا اسامة يا الطيب يا مرتضى منتصر ود، امين بالواضح المافاضح نحن نقر بان هناك انتهاكات مريعه تكتنف هذه المهنة فى السعودية انتو بتفتكروا المطلوب شنو ؟ ماهو الحل ؟ كل زول يقول لينا حلو لانو نحن مشكلتنا معاكم فى الحلول مافى انه الانتهاكات دى فى ولا مافى ،،،، خلاس ؟ انا عن نفسى ممكن اناقش كل زول فى حلو والكلام يكون مفيد لانو ذى بقت فى جغمسة وحوار طرشان .... انت ماشى السوق ؟ انا ماشى السوق طيب ما تغشى معاك السوق ....
08-17-2015, 09:19 AM
دينا خالد
دينا خالد
تاريخ التسجيل: 06-26-2006
مجموع المشاركات: 8736
عموما والخطوط العريضة لكلامى انو من وين بجيب شخص بالغ عاقل مكلف سلطة على شخص بالغ عاقل مكلف زيو ؟
الانتهاكات خشم بيوت وكل ميسر لما خلق له الناس البتشتغل عمل ذهنى دايما اقصى طبيعة الانتهاكات الممكن تقع عليها بتكون معنوية اى فى حتة شغلها البتاكل منها عيش .... الراس .... الناس الطبيعة شغلها بدنية الانتهاكات البتقع عليها دايما بدنية فى حتة شغلها .... البدن .... كل انسان ربنا جعل ليه طاقة وقدرة للتكيف مع مايتعرض ليهو حسب طبيعته .... الطبيب المهندس الموظف ال خ. ظروف الكفيل والعمل كثيرا ما تفرض عليهم يكونوا بعيدين من زوجاتهم سنة ... سنتين ... تلاته دى قمة الانتهاك والقهر لشخص فى وضعه مافى بعدها ،،،، وقد تنتهك حقوق اخرى معنوية كتيرة تاذيهو اذية لا شفاء منها طول العمر ... فى ذات السعودية دى .. العتال او الحمال الراعى النادل الخادمة بيتعرضو لانتهاكات مختلفة .. الكل منتهك ما العمل ؟ الحلول مشتركة .. قطعا ما فيهم ترك العمل .... خليك من السعودية البعيدة والكعبة ديك ... المراة فى المعسكرات فى دارفورنا دى بتطلع عشان تجيب الحطب لازم تطلع عشان تاكل اطفالها امها وجدها المسنين ومعاها فى معظم الاحيان مرضى على شفا حفرة لازم تمرق مافى طريقة ... لكن المرقة دى فيها تجى وفيها ماتجى ... هى مارقة وعارفه انها مشروع شهيد ولو رجعت ح تجى بعد خضوعها لعملية نهب لثيابها الممزقة اصلا ولشوية الحطب الشايلاهم لورجعت ظافرة ح ترجع منهوبة ومغتصبة من مجموعة كبيرة من المجرمين المعروفين عندهم حتى باسماؤهم ....وفى اغلب الاحيان لا تعود .. ولكن هذا لا ولن يوقف نساء المعسكر من الخروج غدا ... لازم تاكل انت واطفالك تعرف يعنى شنو ضهرك والحيط ؟ تعرف يعنى شنو لما يقولوا ليك تهتك النسيج الاجتماعى ؟ دا ذى ما وصفتو الايه الكريمة .. يوم يفر المرء من اخيه امه وابيه وصاحبته وبنيه تانى مافى زول عنده سلطة على زول .... الارضية البتمارس فيها السلطات دى انهارت ... لو عرف لو تقاليد لو قانون مافى .. ببح .. الناس قاعدة فى السهله ساى .... يجى زول شغال مهندس ساكن فى فيلا يقول ليك لالالا ما يجوا هنا يشتغلوا لينا خدامات. لانو بعذبوهن ....؟ انتو شفتو عذاب ؟ الاهم من دا وضحوا لينا مصدر سلطة الحميان دا !!!
------- الصديق العزيز وراق .. انا طول عمرى مؤمنه بان الولاء السياسى للتنظيمات ما بغير وجدان الزول ... الزول بنتمى للتنظيمات دى ناضج ووجدانو مكتمل الكعب كعب عند اليسار والسمح سمح عند اليمين لك ودى الذى تعرفه 💪👍👍👍👍
تحياتي أخي أسامة وكل المتداخلين والمتداخلات أتفق مع دينا خالد في كثير من جوانب آرائها حول الموضوع.
يقول المثل : إيه ال رماك على المُر ؟ قال : ال أمرّ منو
بمعنى أن هذه السودانيو لو وجدتْ الكفاف بالوطن ما كانت لتجازف بأن ترضى و تعمل بمهنة تعلم مخاطرها حتى لو كان في عقر دارها الوطن.
دولة آسيوية أوقفت إستقدام خادمات من بلادها لمجرد أن تمت معاملة خادمة بنفس طريقة هذه السودانية. ولم توافق على الإستقدام من بلادها إلا بشروطها هي.
فأين سفارتنا ؟ بل وأين القائمين على أمر سفر النساء للعمل بالخليج وهم يعرفون البير وغطاه ؟؟؟؟ هنا بيت القصيد.
هذا من ناحية ، ومن ناحية أخرى ، وحسب إغترابي بالسعودية لأكثر من ثلاثين عاما ، فإن معظم الذين يعاملون الخادمة بهذا الأسلوب هم فئة معروفة حتى بالنسبة للسلطات السعودية. ومقارنة بالذين يعاملون الخادمات بإنسانية فإن الفئة المذكورة نسبتها قليلة.
في إعتقادي الجازم ، بأن سودانية ترضى بالإغتراب ، وفي الإغتراب ترضى بالعمل كخادمة ، فهذا يعني بأن الروح وصلتْ الحلقوم وأن أي شيء يحدث لها بالغربة مقارنة بما تعانيه وأسرتها بالوطن هو أمر محتمل. و يالقسوة الإختيار.
لا توجد حلول مباشرة .. بمعنى لا يملك أحد أن يغير من طبيعة وخصائص المجتمع السعودي ونظرة وتعامل قطاع مقدر منه للعاملة المنزلية .. ولا يمكن تقديم البدائل المناسبة لهذه العمالة في وطنها .. وطن عاد لا يصدر الا المهاجرين علي متن قوارب الصيد وعبر الانفاق لاوروبا ..
السؤال الحقيقي .. في مثل هذه الظروف ووفق المعطيات .. ما التعامل الامثل مع هذه المسألة؟!!
08-17-2015, 10:04 AM
usama Babiker
usama Babiker
تاريخ التسجيل: 01-07-2013
مجموع المشاركات: 2285
العزيز حيدر طيب نشوف مقترحات للحلول المثلى ،،، اعلى طموحنا وقمة امالنا ان لاتمس هذه المقترحات حقوقنا المكتسبة بعد لاى ،،،، الحقوق التى انفق العالم الكثير من الوقت والاموال والجهود والارواح .... ليتوصل اليها وما زلنا نكابد ونتجشم الصعاب لاقتلاع باقيها .. انتو قايلين الحقوب دى جات بى اخوى واخوك ؟ ما كانت اقل من جهاد ابراهام لونكن .،، عشان ما عندنا تمثال ؟ 😈😈👊👊👊
08-17-2015, 10:59 AM
usama Babiker
usama Babiker
تاريخ التسجيل: 01-07-2013
مجموع المشاركات: 2285
للاسف انتي يادينا تغردي خارج السرب ... وكلامك ده بكون منطقي لو نحن رافضين عمل المرأة ... الموضوع ما عندو اي علاقة بي كتابتك دي كلها ... الموضوع هو زاته انساني في المقام الاول بنات لا يعرفن الواقع في السعودية ومكاتب سودانية لعبت بعقولهن من اجل المال وكذبت عليهن بانهن سوف يعملن مربيات ومدرسات اطفال والبنت البنتحدث عنها دي عمرة 21 سنة وخريجة تربية وبعد وصولها السعودية علمت ان عملها خادمة تنظف وتغسل وتنام في قبو حسب كلامها مع القطط ... ونحن كلامنا ده كله عايزين نشرح للناس وللبنات الاخريات طبيعة عمل الخادمة في السعودية تجي تعمليها لينا جندر وليبرالية وحقوق مرأة ... واحدة من البنات ديل الان في مستشفى الامراض النفسية بسبب الاغتصاب اليومي ومن جميع افراد الاسرة الكفيل واولاده ... تقولي لي حقوق واقتلعناها ؟؟؟ ان بقيت دي ليبراليتكم التي تجعلنا تموت فينا المروءة والشهامة بحجة حقوق المرأة ان شاء الله لا تعود علينا ولا عايزنها ... احير منها نكون ظلاميين ومدافعين عن عاداتنا وتقاليدنا ...
08-17-2015, 11:35 AM
دينا خالد
دينا خالد
تاريخ التسجيل: 06-26-2006
مجموع المشاركات: 8736
Quote: . تقولي لي حقوق واقتلعناها ؟؟؟ ان بقيت دي ليبراليتكم التي تجعلنا تموت فينا المروءة والشهامة بحجة حقوق المرأة ان شاء الله لا تعود علينا ولا عايزنها ... احير منها نكون ظلاميين ومدافعين عن عاداتنا وتقاليدنا ...
شكرا اسامة ،،،،، انت كدا. رايك بقا واضح وما فيهو غباش ولا لولوة. شكرا جزيلا .... الباقى نعرف. انت حدود المروة والشهامة البتدعو ليها ياها التوعية والتبصير. .؟ .... ولا انت بتفتكر انو مفروض تكون فى اجراءات لوقف العبث دا عشان نحمى بيها المراة عدوة نفسها دى ؟ والاجراءات دى. شنو ؟ كدا نقاشنا بكون اثمر. وبوستيك بكون قد اتى اكله. ...
08-17-2015, 01:16 PM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
دندون ممكن بشتغلو عاملات لحراسة المدارس وفراشات في المدارس وعاملات نظافة بالمستشفيات نفس المرتب والسكن مضمون اما ان يكون الكفيل فرد ف ربنا يعين من تقع في قبضة الكفيل الفرد
08-17-2015, 01:31 PM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
اعتباراً من تاريخ 1/1/1437هـ سيتم البدء في إصدار(هوية مقيم ) وتعتبر بديلاً عن رخصة الإقامة , تسمح للمقيم استخدامها لمدة خمس سنوات مع وجوب تجديدها إلكترونياً سنوياً وفقاً لتعليمات نظامي الإقامة والعمل .
08-17-2015, 03:01 PM
عبدالله ود البوش
عبدالله ود البوش
تاريخ التسجيل: 08-12-2009
مجموع المشاركات: 6700
تعليم المرأة وعملها يجب ان يكون في بيئة تتناسب وطبيعتها وفطرتها المرة لو شافت فار بتصرخ جااااك .... اها لو شافت حرامي ؟ اها لو شافت وحش بشري خبيث لايرحم ؟ تخيل الرعب الذي يصيبها وهي في غرفة تلاتة متر في تلاتة متر ويدخل عليها تلاتة صبية مراهقين جدهم ابو جهل المسئولية كبيرة اخوتي واخواتي مسئولية الدولة ومسئولتنا جميعا تجاه بناتنا واخواتنا في هذا المقام ووسط هذا الركام الحزين تحضرني طرفة واحد طلب من زول بخيل اسلفو قروش قام البخيل قاليهو قروشي في جيبي خايف عليهن من روحي اقوم اختهن في جيب تاني ؟ بناتنا واخواتنا واماتنا العاملات داخل وطنا وفي بيئة عمل منها المعقول ومنها غيره يتعرضن للمضايقات والمتاعب فمابالك في بيئة وطبيعة مهنة نعلم تماما ماذا يواجهن فيها من متاعب حد الموت وتا الله الموت اهون ..... الواحد لو قال عندو تحفظ في عمل المرأة (في بعض المهن التي لا تتناسب وطبيعتها ) القيامة بتقوم طيب خلاص رضينا غسب لكن كمان نختار المكان الامن لعملها ويتناسب مع فطرتها وراحتها ياخي انا مرة دخلت بيت عزابة لقيت مكتوب بالبنط العريض السعودية امراض نفسية اها ديل الرجال البياكلو النار موقدة فما بالك ببنت عشرينية رقيقة ضعيفة تواجه ناس ابوجهل ديل وبرضو تحضرني حكاية الاولاد العاملين فيها شفوت في مكة وما دايرين ادفعوا الايجار ولا اطلعوا من البيت قالوا لصاحب العقار امش المحكمة ما دافعين ليك قرش احمر فرد عليهم نحن طلعنا النبي من مكة تغلبونا اتوا يا سوادنة ما نطلعكم من بيتنا ؟ انقر ناموا فيهو ديل شفوت مدني فما بالكم بفرع البان اليسوح نديان اخخخخخخخخخخخخخخ استغفر الله العظيم تبا لكم يا كيزان ويا حليلك يا جدي بامسيكا
08-17-2015, 03:07 PM
عرفات حسين
عرفات حسين
تاريخ التسجيل: 02-22-2013
مجموع المشاركات: 2783
نهتبل هذه المناسبة وكل مناسبة ونشكر حواء السودانية ( أما وزوجة وبنتا) ونعيد صياغةالعبارة بما يلي: ( فالبيت لا بيت بدون حواء السودانية). والكلام في قضية الخادمات السودانيات لا يخلو من شجون، خاصة أن عمل المرأة السودانية بشكل عام شئ طيب وغير مستنكر، ففي البودادي والقري والفرقان تعمل النساء ولم يستغرب أو يتهكم في ذلك أحد وبالمدن تعمل النساء، بل وأكثر من بالخدمة المدنية في المكاتب من النساء وربما كان الأداء والمواظبة خير من كثير من الرجال، بل حتى ( الخدامات) بالسودان نساء يعملن بعرق الجبين ويجدن دورهن كاملا ولا يظلمهن أحد، كل ذلك موجود ومشاهد، ثم نأتي لعمل المرأة السودانية خادمة في منطقة الخليج والله وتالله وبالله لن يرضي ذلك سوداني إلا مكابر أو جاهل أو ديوث، فالجاهل يلزمنا تعليمه وإخباره بما لا يعرف، و المكابر فليجرب ببنته/ أخته/ زوجته أو حتى بنفسه فلا يهمنا أمره، أما الديوث فهو لا تهمه أي تفاصيل مهما قلنا وحتى نقاش هذا الأمر مر على حلوقنا، والجاني يلزم محاسبته طال الزمن أو قصر فالتلاعب بأعراض الناس لا يسقط بالتقادم والديان لا يموت، وما حدث للحبشيات وظهر للناس ما هو إلا ما برز من رأس جبل الجليد العائم، فالأولي لكل السودانيات الخادمات العودة فورا للسودان والعمل في كل مهنة، شت شاي هناك أفضل من خادمة في الخليج، و من لا يصدق هذا الكلام فليجرب بنفسه، طبعا هذا الكلام لا ينفي وجود أسر كريمة متدينة بالخليج كقاعدة شاذة وهي ربما تكون أقلية إن لم تكن مستحيلة...ووين حظ الخادمات السودانيات الذين يرميهن مع مثل تلك الأسر النادرة؟
08-17-2015, 04:06 PM
ALWALEED ALSHEIKH
ALWALEED ALSHEIKH
تاريخ التسجيل: 01-11-2013
مجموع المشاركات: 884
Quote: ونحن كلامنا ده كله عايزين نشرح للناس وللبنات الاخريات طبيعة عمل الخادمة في السعودية تجي تعمليها لينا جندر وليبرالية وحقوق مرأة ... واحدة من البنات ديل الان في مستشفى الامراض النفسية بسبب الاغتصاب اليومي ومن جميع افراد الاسرة الكفيل واولاده ... تقولي لي حقوق واقتلعناها ؟؟؟ ان بقيت دي ليبراليتكم التي تجعلنا تموت فينا المروءة والشهامة بحجة حقوق المرأة ان شاء الله لا تعود علينا ولا عايزنها ... احير منها نكون ظلاميين ومدافعين عن عاداتنا وتقاليدنا ...
تحياتي يا أسامة أتفق معك في كل كلمة كتبتها و أقول أن الموضوع لا علاقة له بالجندرة أو حقوق المرأة أو الوصاية عليها. الموضوع الرئيسي هو تبصير أخواتنا ببئة العمل في المنازل في السعودية بكل وضوح و بعد ذلك من اختارت العمل فهذا رأيها و خيارها و لا حجر عليها و لك الشكر على طرح هذا الموضوع الهام
08-17-2015, 04:31 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
Quote: دندون ممكن بشتغلو عاملات لحراسة المدارس وفراشات في المدارس وعاملات نظافة بالمستشفيات نفس المرتب والسكن مضمون اما ان يكون الكفيل فرد ف ربنا يعين من تقع في قبضة الكفيل الفرد
لوووووووب دى سبقتك عليها مارى انطوانيت زماااااان مدت راسها من نافذة القصر لقت الجوعى بتدافروا مظاهرات قالت ليهم ديل مالهم .... قالوا ليها بظاهروا مطالبين بالخبز ! قالت بالله شوف الماعندهم شغلة ديل ما ياكلو كيك 😂😂
08-17-2015, 04:58 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
العاملة السودانية التي تم دفع المبلغ لها هناك محاولات لنقل كفالتها على دكتور سوداني لتعمل معه ... والتزم بان يعطيها راتب جيد وان يعاملها كما اطفاله ... وكان للدكتور موقف مشرف في حلول هذه المشكلة .. وبعد ان تم حلحلة المشاكل والمساعي جارية لحل مشكلة الاختين الاخرتين ... سمعنا ان السفارة ارسلت مندوبيها لتقصي الامر ... سفارة السجم التي اتصل عليها الضابط السعودي عدة مرات ليخبرهم بهذه الماساه ولم يردوا عليه وعندما ردوا تجاهلوا الامر وبعد ان اصبح الامر حدث على الوسائط وقضية راي عام صحى السفير الهمام من نومه العميق ليدخل المولد ... وموقف مشرف ايضا من كنداكات السودان بالجوف وذهاب اغلبهن لزيارة السجينات حتى امتلأ السجن على اخره وسط حزن ودموع علي انتهاك كرامتنا من حكومة تافهة .. منظر محزن من اخت دكتورة سودانية دخلت علي السجينه وبحماس ودموع قالت لها اوعك تنزلي راسك تحت ارفعي راسك فوق انتي سودانية ولو يسفروننا كلنا معك لن ندعك ان ترجعي لهؤلاء الوحوش .. وبعد ذلك جلسن مع السجينات ورفعن من معنويات بناتنا الشريفات والامور باذن الله الي الحل التام ... وسنوافيكم بكل جديد ..
عموما يا دينا انا غايتو عن نفسي لا امانع انو المرأة السودانية تشتغل خادمة وهي حرة تماما في اختياراتها بطبيعة الحال كل العايز اقولو انو الواجب علينا تجاه اخواتنا ديل انو نوريهن حايتعرضن ليشنو لمن يمشن هناك وعلى هذا الاساس بطالب كل الناس انو يقومو بحملة تنوير واسعة عسى ان تصل المعلومة لاكبر عدد من النساء العازمات على السفر للسعودية للعمل كخادمات
ايتها السيدة السودانية المحترمة فالتعلمي انك اذا مشيتي السعودية عشان تشتغلي خادمة في المنازل سوف تتعرضين للآتي العمل لساعات طويلة جدا وغير محددة قد تمتد لاكثر من 25 ساعة في اليوم المعاملة السيئة جدا والغير انسانية الضرب التحرش الجنسي الاهانة عدم السماح لك باستخدام التلفون او الخروج عدم السماح لك باي يوم راحة او اي اجازة لن تستلمي ريالا واحدا مقابل عملك اذا رفضتي العمل سوف تتعرضين للسجن اذا حصل لاي احد في البيت اي مشكلة نفسية او جنون او اي ضرر من اي نوع سوف تتهمين بالسحر وسوف يقطع رأسك
الا هل بلغت... اللهم فاشهد
08-17-2015, 06:23 PM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
وللحقيقة والتاريخ والتوثيق لقد قام اسامة بابكر بعمل ممنهج لمصادرة حق العاملة المنزلية فى العمل والتنقل بداهو فى هذا البوست رغم انى بفتكر انو البوست الاول كانت فيهو مداخلات ثرة وجميلة من رجال مستنيرين شكرا لهم اقرا. مداخلة هشام المجمر فى البوست الاولانى داك وشيل شيلتك .... وكمان ربنا يردوا بالسلامة شهاب كرار عامل مداخلة راقية ومسءولة .... http://sudaneseonline.com/board/480/msg/1421044549
يا عبد الوهاب مجهودى دا كله. ليس لجعل عمل خادمة المنازل عمل جاذب هو عمل ذى الزفت وحتى لو كانو ارباب البيوت ديل ملايكة هو ليس عمل جاذب ... قالوا ايه رماك على المر قال الامر منو .. انا بس كنت عايز اعرف الناس البتقول ما بنخلى النساء الطاهرات العفيفات ما بنخليهن ما بنخلى ما يتمرمطن ما بخلوهن بياتو سلطة ؟ لكن اصللللو مافى زول جاوب على ..... بس يجروا ويلصقوا فى ديك حصل ليها ولمينا القروش وووووو مافى زول جاوبنى 😢😢😢 لما جاتهن السفارة جارية بما يشفى غليلهم وقربت تكتب ليهم شكرا لكم لا تقلقوا .... بقية الاجراءات ستتكفل بيها حكومة الخرطوم ... وللناس البتقول السعوديين بهايم .. السعوديين فى ى ى عديلهم وذى ماقال الشاعر الساخر نجم لما كلب الست كما يلقبها جمهورها (ام كلثوم ) .. عض الغلبان اسماعين وقد رمته الصدفه قاطعا الزمالك امام قصرها ..... راح اشتكى ... ادانوه قال امام دا كلب الست انت ابن مين ! .. الشاويش قعد يغنى
انت فين والكلب فين
انت قدة يا اسماعين؟
طب دا كلب الست يا ابني
وانت تطلع ابن مين؟
بشري لصحاب الديول
واللى له اربع رجول
بشرى لسيادنا البهايم
من جمايس او عجول
اللى صاحبه يا جماعه
له غناوي
فى الاذاعه
راح يدوس فوق الغلابه
والنيابه .. بالبتاعه..... الله برحمك يا محمد فؤاد نجم
08-17-2015, 08:37 PM
خضر الطيب
خضر الطيب
تاريخ التسجيل: 06-24-2004
مجموع المشاركات: 10212
بعد مفاوضات مارثونيه بين وزارة العمل السعودية والحكومة الاندونسية اوقفت اندونسيا استقدام الشغالات وبكل صلف قال المفاوض السعودي هناك دول اخر علي استعداد لسد حوجة السوق السعودي وككل جاهل لم يعرف قيمة الشغالة الاندونسيا ويومها خرجت المظاهرة تحاصر الحكومة الاندونسيا وقد فرحت لانعتاق الاندونسيات .....
08-18-2015, 07:06 AM
أشرف الرحال
أشرف الرحال
تاريخ التسجيل: 01-02-2013
مجموع المشاركات: 1927
ما هو اسم الكفيل وهل هو متجاوب معكم؟ اسمه عيد سالم وهو متجاوب جداً فقط ينتظر استلام المبلغ وسوف نقوم بإرساله له خلال اليوم (أمس الإثنين) هذه إجراءات وإتفاقيات تمت مع الكفيل ونحن ملتزمون بها وإذا أخللنا بها لن تستطيع الفتاة الرجوع، لأن الكفيل يجب أن ياذن بذلك
بئس الدبلوماسية وبئس سفراء المؤتمر الوطني بالله ما فضل ليه غير ينادي بإنعقاد قمة عربية مع كفيل ربما لا يعرف حتي معني سفارة (بس ظاهر السفير ذاته ما عارف المعني)
سؤال لناس السعودية مين يدفع للكفيل؟ مكتب الإستقدام الذي قبض رسوم الخدمة من الكفيل ويمكن تعويضه بخادمة أخري ربما من أي جنسية أخري _ أم الخادمة التي ربما تكون قد دفعت هي الأخري لمكتب الإستقدام للحصول علي الفيزا
08-18-2015, 08:20 PM
Deng
Deng
تاريخ التسجيل: 11-28-2002
مجموع المشاركات: 52553
علشان كده الفلبين وضعت قوانين صارمة جدا للعمالة الخارجية بدول الخليج، ولها في كل دولة محامي يعمل مع سفاراتها من أجل الدفاع على حقوق المواطنين الفلبينين، حتى رواتبتهم يتم الأتفاق عليها مسبقا وبتكون متطابقة مع المبلغ المكتوب في العقد الأصلي. والهند الأن في طريقها أيضا لسن قوانين تحمي بها مواطنيها الذين يعملون بالخليج.
08-18-2015, 08:31 PM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
قطع الاعناق ولا قطع الارزاق , هذا المثل صحيح تمامآ وما دام الحكومة مدت رأسها -- والذي ستندم علية -- فهل في استطاعتها ان تفعل مثل الفلبين ؟ كان هنالك مسئول عن مشاكل العمل ثم سحب
08-19-2015, 08:16 AM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
لست عليهم بمسيطر النبي المعصوم ليس له حق السيطرة ورغم ان الدافع لي كان ما رايته الا أني أقر بوجاهة منطق دينا الماساة ان تري سودانية تنتحر من الفقر دم الجميع في رقبة الحاكم
08-19-2015, 08:16 AM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
لست عليهم بمسيطر النبي المعصوم ليس له حق السيطرة ورغم ان الدافع لي كان ما رايته الا أني أقر بوجاهة منطق دينا الماساة ان تري سودانية تنتحر من الفقر دم الجميع في رقبة الحاكم
08-19-2015, 08:16 AM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
لست عليهم بمسيطر النبي المعصوم ليس له حق السيطرة ورغم ان الدافع لي كان ما رايته الا أني أقر بوجاهة منطق دينا الماساة ان تري سودانية تنتحر من الفقر دم الجميع في رقبة الحاكم
08-19-2015, 08:17 AM
اخلاص عبدالرحمن المشرف
اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة