|
Re: طيب ما ياهو السودان آخر حلاوة و المشروع ال (Re: HAYDER GASIM)
|
Quote: أجمل ما فيه إختراق ساحات مستفحلة وكأنها {للرجال فقط}... فلتهنأ تلك البنية بواصد قلبها على أن تكون
|
إختراق ساحات مستفحلة دي يا حيدر يا صديقي
زمان كان اسمها قلة حيا ...
بعدين الكلام الايحائي الفي الحاجة القالتها ريهام دي ... داخل ضمن الساحات نفسها ؟
هي دي ساحة الفدا البقولوا عليها ؟
| |
|
|
|
|
|
|
Re: طيب ما ياهو السودان آخر حلاوة و المشروع ال (Re: محمد المرتضى حامد)
|
Quote: يا يحيى سلام، الزوله دي أنا مبسوط منها جد، كثير من السودانيات كتبن وتدفقن وبُحن بما في القلب ، وخاطبن حبيب الروح مباشرة ودون مواربة وقلن في تصريح لأجهزة الإعلام (زولن سمح صوره بالفاتحه بندوره) ، بل ذهبن في الغزل مذهبا عجيبا فأسكرهن سلاف العشق حتى ألحقن المعشوق بحلاوة القرطاس الفي الخشيم تتماص ، باتشي على حافة الشفاه أوماكنتوش ضلت طريقها إلى القميص ، ولو ما كلام الناس برحل معاك خمَّاس ، يا سلام على خماس والنهود وكل ديار حَمَر,,
|
مولانا السمح ...
بالمناسبة و أبو الريش بتذكر الكلام ده ( في الخرطوم القديمة ) كان عندنا استاذين تربية إسلامية نفس اللبس و المشية اللهم واحد قيافة و وجيه و التاني شين :) فكنا معرفنهم بمولانا السمح و مولانا الشين ... )
وانت يا مرتضى سمح جوة و بره ... _______________________________________ اجيك لي حلاوة القرطاس الفي الخشيم تنماص ...
الكلام من شدة ما كان مستغرب ... ثبت في ذاكرة التاريخ ... و المؤرخين و الموثقين عاشوا فيهو دهور ...
انا ما اختلافي ابداً البنية تقول شنو ... انت عارفني ... انا لو علي ... الناس تركب عمود ستينلس ستيل في مخادعها ...
اما مشكلتي التلفزيون و توجهاته الكوزواسلامية ...
يا رجل الفنانين عشان يعيشوا في بلد كانت كلها بهجة بقوا مداحين !!!
كيف و التوجه ( حضاري ) ... و الدنيا ( مهدية ) !!! ____________________________________________ في انتظارك بالمناسبة ...
| |
|
|
|
|
|
|
Re: طيب ما ياهو السودان آخر حلاوة و المشروع ال (Re: يحي قباني)
|
Quote: امكن ( الشباب ) يفهمونا ... |
ياخ ( العواجيز ) ديل دائماً محرجننا مع الصحافة العالمية وبوصفي أحد ( الشباب ) الذين تعني أقول ياعمك خيالك مالو مشى بعيد دا إسمو إندياح إنديااااااح برئ
زماااااان أعمامك ناس عمر البنا وعتيق وأبوصلاح إنداحو لمن تموها ( الليلة هوى ياليل ) فـ ( جيلنا ) دا إندياحو كدا
معليش يا عمك راجع طبيبك خليهو يعمل فحص الـ ( إندياح تست ) تلقاهو نيقاتيف
____________
سي سي أبو الريش
| |
|
|
|
|
|
|
Re: طيب ما ياهو السودان آخر حلاوة و المشروع ال (Re: عاطف عمر)
|
Quote: ياخ ( العواجيز ) ديل دائماً محرجننا مع الصحافة العالمية وبوصفي أحد ( الشباب ) الذين تعني أقول ياعمك خيالك مالو مشى بعيد دا إسمو إندياح إنديااااااح برئ
زماااااان أعمامك ناس عمر البنا وعتيق وأبوصلاح إنداحو لمن تموها ( الليلة هوى ياليل ) فـ ( جيلنا ) دا إندياحو كدا
معليش يا عمك راجع طبيبك خليهو يعمل فحص الـ ( إندياح تست ) تلقاهو نيقاتيف
____________
سي سي أبو الريش |
بركة الجابت لينا ريهام يا صديق ...
سؤالين يا دفعه:
1- وكت الكلام الزي ده مباح في الهوائيات كده ... لبنى جلدوها في بنطلونها لي شنو ؟
2- إندياح يعني شنو ؟ بالله صَرِّفها لي عشان اعرف اصل الكلمة شنو ؟ كتب زمان ما قرينا فيها كلمة اندياح دي ... و برامج الإذاعة و التلفزيون زمان ما كانو بقولوا للضيف تسلم على هذا الاندياح الجميل ...
اها ... اندياح دي جات مع ناس حكي طاعم و الحاجات ديك ولا قصتها شنو ؟
| |
|
|
|
|
|
|
Re: طيب ما ياهو السودان آخر حلاوة و المشروع ال (Re: يحي قباني)
|
الأديب قباني .. صباحاتك سودان
تعرف الفيديو دا ما حصل نهائي كملت فيهو اكتر من عشرة ثواني مع إنو مر علي كتير جدا.. والزولة دي وكمان في واحدة تانية ديك صعبة عدييييل.. ما اتحملت مشهد وقفتها قدام الكاميرا بس والله ما انتظرت تبدا في قراءة الشعر ذاتو.. غايتو ما عارف نحن حساسين ولا موضة قديمة ولا شنو كسرة: لو داير اسم الزول التانية الصلاة فيها سر وجهر عشان ما يبقى تشهير
| |
|
|
|
|
|
|
Re: طيب ما ياهو السودان آخر حلاوة و المشروع ال (Re: نادر النور آدم)
|
Quote: الأديب قباني .. صباحاتك سودان
تعرف الفيديو دا ما حصل نهائي كملت فيهو اكتر من عشرة ثواني مع إنو مر علي كتير جدا.. والزولة دي وكمان في واحدة تانية ديك صعبة عدييييل.. ما اتحملت مشهد وقفتها قدام الكاميرا بس والله ما انتظرت تبدا في قراءة الشعر ذاتو.. غايتو ما عارف نحن حساسين ولا موضة قديمة ولا شنو كسرة: لو داير اسم الزول التانية الصلاة فيها سر وجهر عشان ما يبقى تشهير |
ههههه ... كبرنا و بقينا موضة قديمة يا نادر ...
زولتك التانية عرفتها ... ( سبحان ) الخالق في من خلق ...
| |
|
|
|
|
|
|
00 (Re: يحي قباني)
|
الأستاذ/ قباني ..
أزيك يا قباني وأريتك طيب .. متابع جيد أنا لما تكتب هنا ويعجبني طابعك الرشيق في تناول المواضيع ..
ودعني اختلف معك قليلاً حول هذه البنية الكاربة رهام .. يا قباني يا عزيزي البنوتة كتابة قد يجوز أن
تكون قد أكثرت من التدفق الأنثوي خلال إلقاء النص أو قد سميه نوبات حنين لحالة تخصها .. والبنية
متكيفة ياخ ..
تحياتي أستاذ قباني وكن كما أشتهي لك من أمنيات
| |
|
|
|
|
|
|
Re: 00 (Re: مجاهد السوباوي)
|
Quote: الأستاذ/ قباني ..
أزيك يا قباني وأريتك طيب .. متابع جيد أنا لما تكتب هنا ويعجبني طابعك الرشيق في تناول المواضيع ..
ودعني اختلف معك قليلاً حول هذه البنية الكاربة رهام .. يا قباني يا عزيزي البنوتة كتابة قد يجوز أن
تكون قد أكثرت من التدفق الأنثوي خلال إلقاء النص أو قد سميه نوبات حنين لحالة تخصها .. والبنية
متكيفة ياخ ..
تحياتي أستاذ قباني وكن كما أشتهي لك من أمنيات |
عزيزنا سوباوي ...
كربتها ما اختلفنا فيها ...
بس الحكومة دي كتلت مجدي محجوب في حلالو ...
و جلدت لبنى و غيرها في بناطلينهن ...
و اطلقوا الدقون و قالوا الله و أكبر على المتبرجات ...
الحصل شنو ؟ ما قالوا الحلال بين و الحرام بين ...
ريهام دي نظام و بينهما أمور متشابهات ولا شنو ؟
بعدين انحن طبعاً لازم نستغرب ...
انحنا من زمن النساء ( الكاضمات ) يا صديقي ...
زمان البت لو ضحكت ساي ... يقولوا بالله شوف البت دي خفيفة كيف ؟
اها تجي على الهواء و تعمل جنس سواتها دي ... !!!
دي لو زمان يا مجاهد .. يكون علينا قضا و كفارة ...
| |
|
|
|
|
|
|
Re: 00 (Re: يحي قباني)
|
Quote: Quote: وين ده ؟
في السودان |
يا سعادتك ...
جمال الباقر ما بسأل كيف ...
جمال بسأل داير العنوان ...
| |
|
|
|
|
|
|
Re: 00 (Re: يحي قباني)
|
قبة يا حبنا
Quote: بركة الجابت لينا ريهام يا صديق ...
سؤالين يا دفعه:
1- وكت الكلام الزي ده مباح في الهوائيات كده ... لبنى جلدوها في بنطلونها لي شنو ؟
2- إندياح يعني شنو ؟ بالله صَرِّفها لي عشان اعرف اصل الكلمة شنو ؟ كتب زمان ما قرينا فيها كلمة اندياح دي ... و برامج الإذاعة و التلفزيون زمان ما كانو بقولوا للضيف تسلم على هذا الاندياح الجميل ...
اها ... اندياح دي جات مع ناس حكي طاعم و الحاجات ديك ولا قصتها شنو ؟ |
رهام مين الجابتنا ؟؟ .... جبتنا إنت دا
كنت في السودان وعندما يكون المرؤ في السودان فتكون المواقع الإسفيرية هى آخر محطات إهتمامه مرات بستغرب بورداب الخرطوم ديل بيلقوا وكت وين ؟؟
كان جاتك عشراقة الأيام الفاتت أعرف أنها بسببنا وأننا كنا في سيرتك صاحبك أبو صالح وذكريات ذلك الزمان ....
حضرت كريمتي من الجامعة ومعها زميلاتها قالت تعرفهن على ونستهم وضحكتهم لمن عرفوا حاجة جاءت كريمتي تاني من الجامعة تضحك وهى تخبرنس
" بابا... صاحباتي قالوا عليك كسار ... " تغير وجهي وصوتي وقلت لها " وسكتي ليهم .. ؟ إزداد ضحكها وهى تشرح
" بالعكس أنا شكرتهم .... كسار يعني جذاب ..... بيخلي البنات يتكسروا فيهو ... " جاء دوري لأضحك ودور الفضلى ( بعلتنا ) لتصر وجهها .....
أها يا عمك تقولي صرف لى إندياح وأعربها ليك ؟؟؟ ......
_____________
والله مشتاقين
| |
|
|
|
|
|
|
Re: 00 (Re: عاطف عمر)
|
آها يا قباني يا صديقي .. يعني من تالا مجدي له الرحمة ولبنى .. برضو كمان يقوموا يجلدوا رهام دي عشرين جلدة حد الكيف حتى أنت تتكيف .. ولا كيف يا كيف ..
قلت لي يا قباني .. دي لو سمعتوها في زمنكم يكون عليكم قضاء وكفارة عديل كدة .. إن لله منكم يا عجايز ..
أحكي ليك حاجة طريفة .. في العام 99 بدينا الدراسات العليا في جامعة النيلين كلية القانون وكنا بنعبر النشاط المفتوح في اتجاه الباب الشمالي وندخل عن طريق إدارة الكهرباء ..
كان في شجرة كبيرة كدة على السور بتاع العمادة وضلها بيرمي على الشارع ويوجد على السياج تروتوار مغري للقعدة والخلط .. وكان طوالي في جوز كدة طالب وطالبة
متخصصين في الجلوس على التروتوار وهم في حالة خلط من تصبح لغاية الساعة أثنين ظهر .. وكان الملاحظ أن الشاب بيكون في حالة نقة طوالي والبنت تومئ برأسها فقط ..
آها يا قباني في واحد من أعمامك الشغالين في إدارة الكهرباء النوع البيكون لابس مركوب وقميص لونه لبني أشبه بالسفاري وبنطلون ظهري والطاقية العادية دي في الرأس
وبياض شعره يغلب على سواده .. الظاهر كل يوم بمر بالمنظر بتاع الشباب ديل وهم خالطين والحكاية دي ما عجباه فيوم وقف أمامهم ووجهه حديثه للولد قال ليه والله يا ولدي
نحن زمان إن قعدنا معاهن وناضمناهن قدر نضميك ده كان حملناهن بلا نقربن .. يلا يا بت قومي إنعل أبو أدبكم لأبو الجامعات معاكم .. وسار في طريقه ومن يومها لم نرى هذا الثنائي في ذلك المكان ..
شفته كيف يا قباني .. يا عجوز .. برضو تقول لي قضاء وكفارة ..
يا زول نحن مع رهام ونشد من أزرها ومتكيفين منها كمان حد الكيف ..
سامق التحيات يا قباني بما يوازي قامتك الجميلة وكن بخير أبداً
تخريمة .. أزيك يا عاطف يا زول يا جميل .. قتل لي كسار وكده ومنداح كمان .. بالله كلم العجوز قباني يرفع يده من رهام .. أو يتكيف زينا .. أو ينداح ..
تحياتي،،،
| |
|
|
|
|
|
|
Re: 00 (Re: مجاهد السوباوي)
|
Quote: شفته كيف يا قباني .. يا عجوز .. برضو تقول لي قضاء وكفارة ..
يا زول نحن مع رهام ونشد من أزرها ومتكيفين منها كمان حد الكيف ..
سامق التحيات يا قباني بما يوازي قامتك الجميلة وكن بخير أبداً |
يجلدوها كيف يا سوباوي ...
اجلدوني انا ده ...
لكن بس داير اعرف ... هل هو انفراج من التزمت الديني ...
ام تخدير للشعب انو الدنيا حرية ... ولا شنو بالضبط ... ___________________________________ زولك زول الترتوار حالته صعيبة ... :)
| |
|
|
|
|
|
|
Re: 00 (Re: عاطف عمر)
|
Quote: " بابا... صاحباتي قالوا عليك كسار ... "
|
لما تسمع كلام زي ده طواااالي تقوم ( تشتت ) ... يا حبة ... __________________________________ و الله بختك اللقيت الونسة مع حمادة ... و الله مشتاق ليهو جنس شوق ...
انت عارف انا و أبو صالح ده كان عندنا مقابر حقتنا برانا ... دافنين فوقها جنس حاجات سوا ... ______________________________________________ قلت لي بنيتك بعد نعومة الخليج و الدلع بقت تقول كسار و يا حبة !!!
تستاهل عشان تاني تقعد 100 سنة في الخليج ...
| |
|
|
|
|
|
|
Re: 00 (Re: يحي قباني)
|
سلامات ياقبانى
Quote: بس الحكومة دي كتلت مجدي محجوب في حلالو ...
و جلدت لبنى و غيرها في بناطلينهن ...
و اطلقوا الدقون و قالوا الله و أكبر على المتبرجات ...
الحصل شنو ؟ ما قالوا الحلال بين و الحرام بين ...
ريهام دي نظام و بينهما أمور متشابهات ولا شنو ؟
|
وكمان هى نفس الحكومة المنعت أغنيات الحقيبة
وأعدمت كثير من أشرطة الأغانى فى الاذاعة والتلفزيون
أو حكمت عليها بالسجن المؤبد حتى أطلق سراحها السر قدورفى أغانى وأغانى
والبلو نايل فى نجوم الغد
يكون دة النظام الخالف ياود قبانى!!!
تحياتى
| |
|
|
|
|
|
|
Re: 00 (Re: مهيرة)
|
Quote: وكمان هى نفس الحكومة المنعت أغنيات الحقيبة
وأعدمت كثير من أشرطة الأغانى فى الاذاعة والتلفزيون
أو حكمت عليها بالسجن المؤبد حتى أطلق سراحها السر قدورفى أغانى وأغانى
والبلو نايل فى نجوم الغد
يكون دة النظام الخالف ياود قبانى!!!
تحياتى |
المهيرة عقد الجلاد يا زينتنا ...
مشتاقون كثيراً يا دكتورة ...
ده نظام ناسوا عجينتهم براها ... ابليس لما يقولوا ليهو اغشاهم ... يتضاير عشان يرسلوا غيره ...
| |
|
|
|
|
|
|
|