|
وضاحه. يا. كلام بالواضح
|
12:42 PM Jul, 15 2015 سودانيز اون لاين د.محمد حسن- مكتبتى فى سودانيزاونلاين
ودي هدية لي وضاحة كيتن في عزام الشين .. كل سنو وانت طيب يا عزام تضحكي وجوه الضحكة عوالم شنى من افراح ومن أحزان من احساس بالناس الشتى احساسا راقي نبيل يازوله بتشبه لون الضحكة الصافية صباح العيد بفرح لمن تضحكي بفرح لمن تحزني اصلا حزنك في جواي بيوقد كل قناديل الرؤيا وبعرف أنو الدنيا لسه يتحفل بالانسان الزاهي جميل فوحك دايما عبق الياسمين عبّق نسمه تترى تجينا تعطر لينا جوف الليل وليك اغني يا قنديل فرحتنا الداير يا مسدار الحزن الساير يا شدرا حته راجي خريف والدنيا اتكوم فيها الزيف انسان مطحون والدنيا تسخن عز الصيف وقليب متاوه بالحرمان غناي وشفيف يازوله عليك كان القمر الواله بيك اتنهد وراهن بيك نجمات ودعات ووليكي بيضا اكد وخت وانا في دربك يا مريوده مشيتو معاك موثقنا حروف ومفردة صافيه بتحمل طعم الالفه ولون الضحكة الصافية من حبوبه ومن خالات الضيق في ساعة الضيق والفرج المن القلب الصافي ووافي تعالي نغازل قيفة النيل والدنيا اصيل ونغسل جوة المودة الحانية للقدمين اصلا قيفنا حنين ما بجافي وانت حنينه وانت امينه وانت الامل العايش بيه وانت الفرح العايش ليه وانت العلقة الفي ارحام الكلمة وليها سنين وبس
|
|
|
|
|
|
|
|
|