|
|
 عذاب الريد.........
|
01:53 PM Mar, 09 2015
سودانيز أون لاين
Safa Fagiri -
مكتبتي في سودانيزاونلاين
-حبيت كتير
لكن أراك
إنتا....
أنا يا حبيب
لي فيك غرام....
إنتا المنى
ونتا المرام-
عشان حبك زعل
مني البحر أيام
هجر دربي
نتح في الروح
رماحو كلام
جرح خاطري
سّهر ليلي بالآلام
انا الوصيت عليك
القمرة يا مليان طراوة حن
تغطيك يا حبيب القلب
إذاما الليل بأسدالو
كحل قفر الروابي
ظلام
انا الأهديتك أحلى
غرام
هو ما عارف جنون الريد؟!
ولا عارف بما إنو الغرام سلطان ؟!
إذن يا عز لك الخاطر
قسم يا دنيا لا مقل الحديث
تتشابى في مسدار قزح
فارد جناحاتو على
مد الشعاع ميمون
إذا صار النهار ماطر
لأنو الحب
إذا مدد جناح الشوق
ما بقدر قليب رياد
يحب قمراً حلو بالحيل
لذيذ عوام
يداري الحب عن النّظار
عشان كاوي الوريد
بضرام
إذا خاطر الحنين فاطر
نمير من صاب
عسل منساب
إذا ضّجر مزاج الود
شقى الإرهاب
ولف خيوطو في
رهق الخوابي رباب
بزور طيفك صبابي
اللقيا في الأحلام
معاي إنتا..
هناك فوق غيمة وناسة
تفتش بين حنايا الليل
على قمراً سرح جواي
ملاني حنان سقاني
ودار سكن بدماي
تايه بين بروج وزحام..
بساهر بيك حبيبي انا
على همسة غناوي الريد
ورقصة شمعة ضواية
تآنس بالخيال أنغام
الاقيك فيني فارس حر
يحمي حبيبتو من لدغة
عناكب القول
أنا الإخترت دربي برآيا
لهيب شعلة
وسام رآية
حفظتك فيني ضو آية
ما بارح رؤاك ذهني.....
ولا إتحايلت مرة على
غرام طاهر نبع بي هيبة
جوآية
ألاقيك وين؟!
إذا أطمنيت عليك إنتا
منير متسامي
في سمآيا
قمر واضح عسل ناضح
يغازل في ليالي الشوق
مدار حضرة تسابيح ريد ومصلاية
عذااااااب الريد وآهاتو
هاطل بالرزاز ماطر
هتون وركام
فما بال السهاد سادل
بشباك الرنين أسمالو بعناية؟!
عليك الله وكتاب الله
حلفتك بأغلى العندي
مني إليك
وأغلى الجاني
منك لي..
بعزة حبي في لحظة
حنيني إليك....
متذكر؟!
كيف إنهار هواي
في لحظة
ذبت على وهج
إشراقك السامي
مليت أبنوسك الفاره
صحاري العشب بي
حس الوداد الوان؟!
وحات حبك وغلاوتك
يا حبيب الروح
تداوي قليبي من ريدك
وأكون فرحانة بالمرة..
الاقيك يا فرح مجنون
على ضي القمر
مرة....
إذا إتحكر عذاب الريد
وإذا كل الحباب
مدرار نزف عسلاً
حلو بالجد من الدرة ..
وأيه يعمل عليك الله
إذا فاض الحنين البي
مطر مدرار
وبي حبك نظمت
غناي عقد لازورد
وانا الزعل البحر مني
عشان حبك
كمان غرّق سفاين
الصيف
هجر مرساها
طلع موج الروابي الفاض
جرف مبهور الى برة
قلب نابض رفع شعلة
هواك نبراس
ملان هيبة ملان إحساس
كتب دفتر من الأشعار
ملى الدنيا قصايد
من حميم النار
بتتوهج إذا عاد الوله محتار
يفتش بين حروف الحب
على قمراً سقى الطرقات
بالأسفار
وهل تدري حبيب الصحية
والشهد اللذيذ
إرتاح..
- في عز الليل-
كان بيناتنا مد ومدار؟!
أيقظ في ثنايا القلب
حقل المسك والعنبر
سقا النوار
محاور بي عطر صندل
معسّل مكسي بالأسوار
عذاااااااب حبك
حبيب الروح
يا بهجة ندى الأزهار
يا صبحاً ملاني رحيق
يا أشهى الأماسي
الجاية من جوف المحنة منار
حبيبي الدنيا فرحة ريد
حكاية صحية
بالأسحاااااااار
دموع هيمانة تملا الخد
قلب تواق لي
للحظة ود.....
عذاب حبك
حبيب القلب
يلهلب ناااااار
إذا همس النهار صّرح
هواك في ضجة
الإبحاااار
يزامل الموج دفاع الريح
نواقيس الكرم ليلى
جمال آية
لجين من رقصة ضوآية
فما بال الحنين مني..
يناغم في لحون
أوتار
تسكب من مسارب الروح
ينابيع الهوى الحاني
عسل رافع
مسار العز وسام رآية
جمالك يا قمر نوّر
ليالينا الفرايحية
على مد الوصال
هيمان يغازل
موجة نيلية
مناظر لي علالي
البهجة في الومضة
اللجينية
أحبك يا صباح بشرانا
يا بدر العوافي
الصابية من هيبة
شجاع فارس
باسق من أماسي
الفرحة في ميسان
عليل النسمة صيفية
يا منية جنان الحب
من وين أبتديك يا الغالي
في نظم الكلام الحر؟!
إذا مرات يزور طيفك..
مدار ذهني؟!
.........
حبيب الريد
عذااااب اللهفة والأشواق
مساحات الهوى
الساطع ذي ضي الصباح
واضح وذي غيمة بكآية
تسامر في أفق حاني....
مشتاقون كتير يا غالي
لي بسمة لمى العسالي
حبيب البهجة الريد
الحميم دايماً على بالي
أحبك يا صبابي
النشوة لما الشهد
منك كان بباب الحب
يسامر في حلاوة الصحبة
في عز المطر كانت
أمانينا الملثمة بي
بي أمل مشدوه
على مد المدى يافع
من أماسي اللقيا
في مرسى المسا
الصابح شفق
نبراس مغاير
لي غيوم الإلفة
في نبع الهوى الترحالي
ذي ضي الشموس تكتب
على جبين النهر سطرين
على مرآيا
بحبك يا نضار وضاح
قمر بيعمر الدنيا
جمال عالي
نبآرس من
علالي السندس الغالي
نمارق من أنيس
سامق يصحي
الريد عذااااااب
ميمون على مد الصباح
رآيا
أسوي شنو؟!
ببحث يا حبيبي على
طريق بيودي لي قلبك.........
عشان أمسح من الأجفان
أرق ظلل عيون الجمع
بالأحزان
منك يبدا خاطر الشوق
براك في عزة واقف فوق
إذا غارت نجوم الدنيا من علياك
تصحى القمرة بي نورا
تمد أنوارا بي بحورا
تنادي بروجا بي سورة
تحاوطك يا حبيب البهجة
والأفراح....
مدد هتّان يحيك
بي مطر قد حان
يا حسن البدور
إستبرقاً مزدان
على مد الوصال آية
آه يا بلسم الجرح
النبض نااااااضح
من جوف غيمة بكآية
فوانيس الحباب ألوان
فرح مياس على أسوار
جدر منحوتة في سرآيا .........
|
|
  
|
|
|
|
|
|
|
 Re: عذاب الريد......... (Re: Safa Fagiri)
|
يا حبيب الروح
تداوي قليبي من ريدك
وأكون فرحانة بالمرة..
الاقيك يا فرح مجنون
على ضي القمر
مرة....
إذا إتحكر عذاب الريد
وإذا كل الحباب
مدرار نزف عسلاً
حلو بالجد من الدرة ..
وأيه يعمل عليك الله
إذا فاض الحنين البي
مطر مدرار
وبي حبك نظمت
غناي عقد لازورد
>>>>>>>>>>>>>>>><<<<<<<<<<<<<
صفاء
جعلتي يومنا يوما صافيا يا صفاء .. فدائما بحور الشعر ينساب في دمائنا وتعطينا الأمل في الحياة
فشكرا لكلماتك الصافية ودامئا الريد ليه عذاب ولكن عذابه يشتهيه المرء..
والفنان السوداني قبل كده غنى: واظنه فنان الطنبور النصري:
ما كنت قايل الشوق عذاب ما كنت قايل
الريدة شوق ما كنت قايل الدنيا عاد
محصور بين ايدي العشوق
لكن بعد سفر السنين والرحلة بين
اشق واتوه عرفت جبل الشوق ألم
والريدة في اعلاه فوق تلقاني في
الليل البهيج دائما افتش في الشروق
,, والله يديك الصحة والعافية
| |
|
|
|
|
|
|
|
|
|
Re: عذاب الريد......... (Re: Safa Fagiri)
|
نحلف قلبك
القاسي.........
بأشواقنا
وبأفراحنا..
أنا لما أشوفك
بلقا
منابع الهنا
تتمنننننننننى تحايل
الحيرة الفي
مقلك مالياها
حنان وإوار
لكن بس كيف
أقراها حوار؟!
تفتكر الهيبة الفيها
الصاحية بتسمح لي
أسرح مرات؟!
أو بتحرك في ذهني
قرار؟!
أنا مش بس أتوه
بتحول ذاتي إلى كوكب
ثابت في مدار!
مين قال إنك
ما جبتي صباح الولف
المافاضي؟!
مليان بي بهجة أفراحك؟!
إنتي المانحة الدنيا
عذاب الريد
دون عمدِ
إذا طليتي
بحسنك
صاحي ومنساب
أداني صليلك كم
إطمئنان
ملاني محنة
وفك القيد حسيت
بأمان
يا حبيبة بتنسج من
دمع الحزن الفارض
ألوان القزح الميمون
مدخل
من غير تقصد
حبيبة بتفتح في السما
للشوق بيبان
فرحان بيك الشفق
الصاحي الباين
في عينيك
ضجة روح وسماحة
ريد
وإحساس
ولهان
بتشرق منك شمس
الفال
الناصع وماخد منك
سطرين من رقصة
شمعة بضو ثملان
ماثل يترنح في الحيطان
أنا بنده ليك
ما سامعاني؟!
أقيفي معاي
لي لحظة إذا
سمحت بي ذلك
أعراف المجد الصامد
فيني وفيك
ما إنتي الأمل الما ضارم
للزيف نيران
كيف بس يا غالية
أداري الشوق
وأصمد بي لهفة
أوصابي؟!
إذا إتحكر في قلبي
الريد؟!
لما عيونك تملاني
براح ؟!
أو لما حبابك يفرض
براااحة مزاريبو
بخطوط الوله
الصادح هيمان؟!
-يا جرح
عزة هوانا-
يانا النحنا
من رشفة شاي الفجرية
بي نظرة حن من أماتنا
جرى في أعماقنا
حنان طربان
علمنا الضفة أهازيجا
بالطمي بيداعب
الموج واقف
بمراسي القيف
بنجد للريح
خطواتو حران
اتربينا على الإلفة
وكرم الجايين في الضهرية
ووكت الآذان من غير ميعاد
نفتح للمرح أبواب
البسمة الما زايفة
قسراً مرات
ونرحب دايماً بالحبان
يلا تعالي
نمدد في ظل الشجر
الحب مرتع
نرسم في الرمل
قاموس بشرح
للناس الريد
سكة وتبيان
منك بنصالح إحساسنا
منك بنزامل في المسا إيناس
تربيتة طبلة ولمة حيران
كان صيفك بيدفي
نهاراتنا
تطلع من ليل الشتا
أقمارك
من نوراً آسر للأحزان
فالنفرض إنتي إتغيرتي؟؟؟؟!
مين غير حالك و الوجدان؟!
خلاني أحس إنك كنتي
بتجاملي نهار الشوق
الكان متسكع وما رويان
يتشابى على جدر الحيرة
ذي اللبلاب
بي إسفنجو
الشابي وعطشان
يمتص الدهشة المبتورة
ويرسم للعالم بلّورة
صابح من لونا ألق حيران
تلمع ذي صحوك في
تحنان
تتذكري كيف؟!
منك كان يطلع
حس الكلمة الطاااااعمة
تخش جواي؟!
لما تقولي
وبالك رايق ؟!
يا إنتا يا حوبة
الزمن العامر
وما عكران
فارس عدنان
كان طل على
شاطي المقرن
تدسى عروش الظل
الفان؟!
وأنا بيك هيمان
حارسني قليبك
يا قاسية
بي
حنو زمان!
كان يكتب فيني
أساطيرو
وأنا بيهو بفك شفرة
ريدك
أسلب..
من فاهك شهد رحيق
بسكون مزدان
يملاني مروءة وإحساسين
إحساس بيزامل نشوة شوق
ممزوج الوان
من نبض الحب الكان
صحيان
إحساس من سبحة
من توراة
من إنجيل
من لا دين
من فرقان
الله الله الله الله يا
قديسة حبي المجنون
بلقاك..
في ذاتي قيامة شوق
جامع دا مهند
في الوديان
بيصحي يقين منظور
لعيان
مشرق بل باسق
بتمدد
منفك من قيد التيه
نشوان
مرات يجرح إحساس الفرح
الكامن ذي طوفان
مرات من عسلو الدنيا
تدور
والشوق يرتاح
والفجر الصابي بييبقى
براح
من جن الريد
الكان صادح فيني بعاتر
إلزامي بإني إذا
ضاريت بين وهج اللهفة
ونبض الشوق
حبي المنساب
في فهمك لي
لما سكون الكلمة بيصبح
فرض عناية
بس نتكالم برموش العين
يبدا الآذان
ونصلى نوافل الحب السرمد
ينسرب الفرح الما نائي
يغرق في بحر الود طربان
بشتاق
ليك موووووووووت
مش لما أفوت
لا ....
لما تكوني حقيقة
معآيا.........
| |
|
|
|
|
|
|
|
|
|
Re: عذاب الريد......... (Re: Safa Fagiri)
|
-ليه غبتي يا القمرة؟!-
مشتاقة ليك....
كل النواحي الكنتي فيها
وإنتي فيها مليانة
بالشدن السديم
الله عليك يا ربة البِشر
المقيم
يا نفحة الحب القويم
كيف غبتي خليتي الديار؟!
ورحلتي من بعد السنين؟!
مشتاقة ليك
مشتاقة للبسمة المليحة
وهمسك البطرب
الروح الحميمة
يصحي نيران الحنين
وأنا بين سراجك والأفق
نسمة أمل طرباااااانة
بي لهف الأنين
ساعة يهل شرف الدعاش
وأنا بين نميرك والمطر
خاطر حزن من
غيمة تعبت من متاهات
الضنين
صارت تباري أواصر
الوجع الممدد في
براري الروح ترف
تظل جبين المرهقين
صَلَّيْتَ فجر حبك حضور
ورويت مسام الريد ِوِردْ
كالم حنانك يا حبيبة
أسى الضنين
يحتاج غرامك كم شعاع؟!
من مشرق الشمس
الرزين؟!
شان يرتحل بيناتنا
كمين من صبآيا الأمنيات
باللقيا عند النيل هناك
ممزوجة بي الحب المتين؟!
آه ..
من هواك يا صاحية
بي أطياف مناي
جواي
في سهد الرنين
ضاع الكلام
إتحكر
آلام بتكتب في الوريد
زمن الرحيل
بي جرعة ظنيت قد
تكون شفا لي تباريح
من أسى الظلم الحزين
القاكي وين؟!
كلمة براح ؟!
لاذت تواري حديثا
لي همس الصراح
مكلومة بالريد الدفين
يا ريت زمانك يا حبيبة
من تاني يرجع
وأقوى بيك
لمن صراع الريح
يهد حيل الزوارق
الما رست في الضفة
ماجت بين مجال الموج
وبين حيرة الشواطي
المدت الاحساس
تسابيح تحكي ليك
عن شوقا في عز الفجر
كان زامل المدح البديع
ترويضة يانعة ونوح حزين
أديني يا حبي المجّرد
من سلاف الإحتمال
ِوردا يزيل من قلبي
أحزان الفراق
نسيني آلام المحال
أمليني منك بي وصال
آه..
قولي بس القاكي وين؟!
إنشاء الله في جنة عدن
يا غالية في وضح النهار
أبرار تحفك يا حبيبة
بكل أوراد النمارق
والبيادر يا آية عالية
وحن بنادي بدور
ملايك الريد
من أعلى المنار
بتجيكي مني النجوى
إستبراق بريق
يملاك يقين
يا غالية يا درة بدين
وانا بيني لا بينك
فيافي بتلتهب..
طالع ضراما من جوة
أغوار الدوار
ماجت تباريح
القلوب الناصعة
تكتب على سطر الودار
كلمة مياسر مدهشة
نابع بريقا يصحي
في الليل القماري
الفارهة تديني المحنة
الإنبهار!....
| |
|
|
|
|
|
|
|
|
|
Re: عذاب الريد......... (Re: محمد خضر بشير)
|
صراحة شي بديع ينساب في دواخل الروح وينعش اشياء كانت قد ماتت بسبب الجفاف والظمأ الذي اصاب نفسي من مده طويلة ,,, كلام جميل جدا يا استاذة صفاء وفعلا كما قالت الاخت الاستاذه اميرة السيد جعلتي يومنا صافيا بهذا الحكي الجميل الرقيق الشفيف ,, واهجتي فيها دواعج اندملت بس بقول ليك ( مين فكرك يا حبيب ومين الهداك اليا ,,, انا جرحي قرب يطيب جدتو تاااني تاااني عليا )
واصلي ومن غير فواصل فنحن في انتزار انسياب كلامك الرقيق ,, ومتابعين بشقف شديد ,, متعك الله بالصحة والعافية وامد في ايامك ...
تحياتي : ياسر العيلفون
| |
|
|
|
|
|
|
| |
Safa Fagiri
محمد خضر بشير
ياسر السر
محمد فضل الله المكى
فيس بوك
تويتر
انستقرام
يوتيوب
بنتيريست