|
|
 حبايبنا الاحباش
|
09:44 AM Apr, 12 2015
سودانيز اون لاين
عماد كرار-السودان/الخرطوم
مكتبتى فى سودانيزاونلاين
شوية كده ويعلنو الانحاء الاتية علي الاقل مستعمرات حبشية:الديم- الصحافات -جبرة...
من جبرة وحتي الديم وانا اقود عربتي اتفرس في الوجوه حبش بس ههههه ياناس ياهو... حتي دعايات زين واللوحات الكبيرة بالشارع
موجهة للحبش و"بالامهرية"فقط
وبعض المحلات تعرض بضاعتها باللغة ذاتها
ده غير من تتعامل معه في حياتك اليومية:عامل السوبر ماركت حبشي،بتاع الكاشير... بتاع المخبز...
بتاع الخضار... الحلواني ... الحلاق ... بتاع الركشة
ماقلنا حاجة حلوين وسمحين لكن...
ياويلك وسهاد ليلك يكون جيرانك حبش ههههه وخاصة يكونو ساكنين في الشقة فوقك مباشرة..
في نص الليل تسمع صوت "الهون" او"الفندق" وكأنه فوق راسك كو كو لزوم قهوة نص الليل
العمارة معطرة طبيعي برائحة "الزقني" في اي وقت وفي اي حين:المغرب العشا نص الليل وقبل القهوة
مع اني كنت بموت في الاكلة الحبشية الصرفة"زقني"واهاجر مع الحبان حتي نحظي بهاايام بورتسودان
الا انني كرهتها وماعدت طايق ريحتها بعد الان ههههه
عربيتي بوقفها امام شقتي وبالطبع اسفل بلكونة حبايبنا الحبش وعينك ماتشوف الا النور
عادي بلقاها مليانة بشتي اصناف بقايا الطعام وحاجات تانية...
الغريبة انني عاشرتهم وزاملت كثير منهم في بورتسودان لكنني ما شفت متل الخمج ده
بدون مبالغة بقيت احس بسعادة لما القي الزول البباشرني سوداني كان في السوبر ماركت او في اي مكان اخر مما ذكرتهم
لانو بالجد لما تلقي الحولك كلهم اجانب من صبي البقالة وحتي الطاقم الطبي البعالجك كما في بعض المستشفيات بجيك احساس غريب كده
وكأنك في غربة وانت داخل بلدك....
واختم بنكتة: الحبشي قالو ليهو السودان كيف معاك ..؟
قال كلو تمام بس سودانيين كتييير في الديم
|
|
 
|
|
|
|
|
|
|
 Re: حبايبنا الاحباش (Re: عماد كرار)
|
الحبشي او الاجنبي عموماً ممكن يكون مزعج في بعض الاحيان لكن برضو عندهم اشراقات واشياء
جميلة في اماكن عملهم مثلاً عمال النظافة في المستشفيات اغلبهم خليط مابين البنغالة والحبش والصومال واخري...
عامل الاجنبي وانا راقبت بعضهم في المستشفي لايكل ولايمل طوال ساعات دوامه تجده يكنس ويمسح ولا يستحي ان يمسح الارضيات
من تحت قدميك وانت جالس وانت واقف وانت ماشي ودي بالذات اتحدي عامل نظافة سوداني يعملا...
| |
|
|
|
|
|
|
|
|
|
Re: حبايبنا الاحباش (Re: عماد كرار)
|
سلام يا عمدة
أمشى أديس وشوف السودانيين قدر شنو؟ بس في السودان الحبش يشتغلوا وينتجوا وما يعملوا مشاكل.
بعدين الإحساس الغريب دا برضو يجى لما تشوف مطعم وللا حلوانى شامى أو مصرى؟
| |
|
|
|
|
|
|
|
|
|
Re: حبايبنا الاحباش (Re: Abureesh)
|
مرحبا ابوالريش
الشوام والمصريين يمكن بكونو محصورين علي نطاق ضيق يعني نشاطهم مابتعدي المطاعم ومحلات الحلويات
لكن حبايبنا الاحباش تقريبا تلقاهم في اي ملف في العاصمة"مشرورين" وطبعاً بشبهونا من ناحية "السحنة" واللون وده ساعدنهم كتير
كسرة::الشوام حلوين جدا وراقين لكن المصريين اوعك تأكل عندهم خاصة ناس "جاد"
| |
|
|
|
|
|
|
|
|
|
Re: حبايبنا الاحباش (Re: عماد كرار)
|
اوعك تأكل عندهم خاصة ناس "جاد"
ديل هنا ما بناكل عندهم، خلى في السودان.. شوف عينى قطعة الأكل تقع في الأرض يشيلوها يرجعوها الصحن.. وأول امس بس، رصـة كبابى الورق وقعت اتشتت في الدكان، لقطوها واحدة واحدة
واعادوا الرصـة وختوها في محلها جنب الة القهوة.
| |
|
|
|
|
|
|
|
|
|
Re: حبايبنا الاحباش (Re: Abureesh)
|
للاسف لسة في ناس كتير متغشين فيهم مع انو واضح جداً استخفافهم بالزبون
وحتي اكلهم لا تتوفر فيه ابسط مقومات الجودة
علي الاقل كان من المفترض ان يكونوا معروفين بان لديهم افضل "الفلافل" فول وطعمية واللذا منو...بحكم انهم مشهورين بها
لكن فولهم يتكون من:10% فول و90% عدسية .. اي والله العدسية الواحدة دي مفرومة واكتر من الفول
عايزين يضحكوا علينا اولاد بمبة...
| |
|
|
|
|
|
|
|
|
|
Re: حبايبنا الاحباش (Re: عماد كرار)
|
Quote: واختم بنكتة: الحبشي قالو ليهو السودان كيف معاك ..؟
قال كلو تمام بس سودانيين كتييير في الديم |
سلامات
الأخ الكريم
عماد كرار
الحبشي كلامو صحيح
لأنو الحبشي بطلع الرقم الوطني السوداني وهو في الحبشة
في حين السودانيين في حلفا ومنصوركوتي والجبلين والطينة والقدمبلية وأمدخن وودالحيليو وطوكر وأمبرو والزيداب والجزيرة يذهبون الي الخرطوم لإستخراج الرقم الوطني والمحظوظ فيهم يحصل علي الرقم الوطني بعد إهانة ومكابسة ووقوف في الصفوف ودفع الرشوة واوا وا....
تحياتي
| |
|
|
|
|
|
|
|
|
|
Re: حبايبنا الاحباش (Re: محمد نور عودو)
|
الاحباش احبابنا والله اكتر من المصاروة وبقية العرب
هم يحبوننا ونحن نحبهم
رغم ان عدد سكانها ثلاثة اضعاف سكان السودان
الا انهم لا يشكون مثلنا من فساد الحكم
الكثافة السكانية لديهم جعلت من المعيشة صعبة عليهم
الا انهم عند دهوة الداعي من حكومتهم فانهم لا يترددون
وستنراهم عما قريب في بلادهم بعد سد النهضة العظيم وسنركض خلفهم
| |
|
|
|
|
|
|
|
|
|
Re: حبايبنا الاحباش (Re: محمد نور عودو)
|
تسلم اخي محمد عودو
الحبشي اظنو عمل بمبدأ الاغلبية هي المسيطرة وده حالهم في الديم والمناطق المجاورة
انا خايف نصحي يوم ونلقاهم مطالبين بتحديد المصير هههههه
| |
|
|
|
|
|
|
|
|
|
Re: حبايبنا الاحباش (Re: عماد كرار)
|
يا سلاااااااام عماد كرار
يا خي فتحت موضوع مهم يا خي جزاك الله خير
الايجارات في اركويت و الصحافة و الجريف و غيرها اصبحت غير متاحة للسودانيين ..اكتر من 20 حبشي يسكنوا في منزل (رجال نساء
لا توجد بينهم اي صلة قرابة) و يتقاسموا قروش الايجار ....
سوق العمل للشباب السوداني في الاعمال البسيطة (سواقيين ركشات و سباكة .....) اصبحت غير متاحة الا للاثيوبين
....
ازمة الموصلات و خاصة في اركويت و الصحافة سببها الحبش اي زول ساكن بعد محطة معاوية (اركويت)صعب يركب مواصلات ....
.....
بالنسبة لاخونا ابوالريش و قوله ( بس في السودان الحبش يشتغلوا وينتجوا وما يعملوا مشاكل)
ياخي كان زمان ....حسي الحبش الرجال معظهم عطالة عاملين سماسرة ...يجيبوا ليك حبشية عشان تشتغل معاك و ياخدوا 100 جنية
و بعد يوم يطلعهوا من الشغل و يشغوا في مكان تاني و هكذا ...
و اذا ساقت الظروف لاحد اقسام الشرطة في مناطق الحبش حاتشوف مشاكل الحبش كيف ....
| |
|
|
|
|
|
|
|
|
|
Re: حبايبنا الاحباش (Re: مدثر صديق)
|
مرحب اخوي مدثر
ما ادس عليك انا اترددت كتي قبل ماافتح الموضوع ده لانو عارف معزة الحبش عند للسودانيين والعكس والود المتبادل
بين الطرفين، بس كمان الحكاية كبرت واستفحلت طبعا في حاجات كتيرة تانية ماحبيت اقولها ومتحفظ لكن حاشير ليها في النقاط دي:-
يعني مثلا زمان حاجاتهم التانية دييك كانو بمارسوها في اماكن معروفة ومغلقة وبعيدة من الاحياء السكنية
مثال في بورتسودان كانت هناك اماكن بعينها زي معسكر "اسوتربا"... يعرفه ابناء البورت
لكن الان اصبحت حاجاتهم دي بمارسوها في نص الاحياء السكنية والرواد خاشين وطالعين
تحت انظار الجيران وود الجيران وبت الجيران..وده فيهو خطورة شديدة يعني الجيل الجاي ده
لما يلقي الحاجات دي بتحصل قدام عينو حيكون تاثيرها عليهو كيف مستقبلا
| |
|
|
|
|
|
|
|
|
|
Re: حبايبنا الاحباش (Re: عماد كرار)
|
يبقى دائما تساؤل: حول الصفة/الوضع القانوني لهذا التواجد الكثيف.
إن كانوا لاجؤون: من يخول له إلغاء الصفة اللجوئية ويسمح بانخراطهم داخل المجتمع
إعتبارات :النواحي الصحية- العقلية- وقد أقول الخلقية...ماذا يتم بشأنها؟
حقوق العمل؟ والكثير المكفول للمواطن الأصل....والتي يتمتعون بها حسب ما ذكر في مداخلة سابقة أعلاه
أين معسكرات اللاجئين؟
ثم: انتشار الجريمة: السرقة..ونفادهم من القبض والعقاب.ز-..حكمة الأسماء المستعارة...إلخ
إنها فوضى إدارية لا يعرف متى يتم ترتيبها بحيث ينقل كل هؤلاء إلى معسكرات لجوء مغلقةتحت رعاية الدولة ووفق ضوابطها.
مرة كلمني سمسار سوداني عن منزل للإيجار ..إلتقينا للذهاب إلى المالك، إتصل به السمسار وكان رده:ماداير سودانيين كان عندك حبش جيبهم وتعال!!!!!!!
| |
|
|
|
|
|
|
|
|
|
Re: حبايبنا الاحباش (Re: جورج بنيوتي)
|
مرحبا اخي جورج
مصداقا لحديثك صادفت سابقا وكيل لعمارة كاملة وهو اجنبي"جيبوتي" في اشارة واضحة
من صاحب العمارة انه يفضل الاجانب علي السودانيين وبالفعل العمارة كلها احباش...
| |
|
|
|
|
|
|
|
|
|
Re: حبايبنا الاحباش (Re: عماد كرار)
|
تحياتي لك أخي عماد...
أغلب الأحباش في السودان مقيمون بصورة غير شرعية...مع ما يجره هذا من ويلات اجتماعية وانتشار للجرائم...
وبالطبع فإنهم يلجؤون للتستر على بعضهم البعض...
ثقافتهم الصحية في الحضيض بدرجة مقرفة....
كثيرون منهم قد أتوا حاملين معهم الإيدز والتهاب الكبد الوبائي...مما يشكل تهديدا صحيا خطيرا
للشعب السوداني...ومع هذا تجدهم يعملون في المطاعم والمستشفيات بلا كشف طبي تحت سمع وبصر السلطات الصحية!!
قد تجد 10 أو 15 شخصا منهم مقيمين في منزل ضيق بلا تهوية وبعضهم مصاب بالسل الرئوي مما يعني مصدر عدوى
لكل من يتعامل معه!!
ملاحظة: أنا لا أقصد التعميم على (كل) الأحباش....بالطبع ستجد فيهم المثقف والمحترم والمتحضر...
من المؤلم حقا تشدد وزارة الداخلية مع أبناء الجنوب (الذين هم سودانيون أولا وأخيرا) وتساهلها مع الحبش وتركهم بلا
حسيب ولا رقيب...
| |
|
|
|
|
|
|
|
|
|
Re: حبايبنا الاحباش (Re: سيف اليزل سعد عمر)
|
مرحب بيك اخي سيف
حجم الاستثمار السوداني كبير ومفاجئ بالفعل في اثيوبياواعتقد ده نتاج طبيعي
للبئية الاسثمارية الجاذبة باثيوبيا والعوامل المساعدة من ايادي عاملة رخيصة واشياء اخري
اثيوبيا الان تمثل اكبر مورد افريقي "للزهوروالورد" لاوربا وتجد فيها اكبر الاستثمارات العربية"الامارات" كمصنع جلفار للادوية
مع ذلك لديهم حتي الان فائض في عدد الايدي العاملة وانفجار سكاني
| |
|
|
|
|
|
|
|
|
|
Re: حبايبنا الاحباش (Re: أحمد عمر)
|
تسلم اخي احمد علي تسليطك للضوء علي الاثر الصحي الذي يتركه هؤلاء وهو الاهم
والدليل هو اذدياد حالات التهاب الكبد الوبائي والسل الرئوي بصورة ملحوظة
اتخيل هم الان داخل الاحياء السكنية ويختلطون مع الاهالي
غايتو ربنا يستر بس...
| |
|
|
|
|
|
|
|
|
|
Re: حبايبنا الاحباش (Re: عماد كرار)
|
عماد كرار
تحياتي
هي فعلاً مشكلة ومشكلة كبيرة جداً تخيل لو أنك كنت غير سوداني هل سوف تفكر في يوم من الأيام أن تزور السودان ناهيك عن الإغتراب لدواعي العمل.
الموضوع يا عمده ممكن ينطبق عليه المثل القائل كالمستجير من الرمضاء بالنار ، فبلاد الحبشة أرتيريا أو أثيوبيا فيها الكثير من المشاكل الأولي حكم ديكتاتوري سلطوي أكعب من الإنقاذ أفقر الإنسان وجعل ثلاثة أرباع السكان يهيمون على وجوههم في بلاد الله الواسعة والربع الفضل يعيش في دولة بوليسية تخاف من مرتك وصاحبتك وأخوك وأمك وأبوك ممكن يطلعوا مخابرات والأخيرة – وإن كانت أحسن حالاً - بلد فيها إنفجار سكاني فظيع لا يوازيه توفر فرص العمل وإنه كلما بعدت عن المركز كلما صعبت عليك الحياة.
عليه فإن كافة المهاجرين للسودان هم في الأصل ليس لديهم ما يخسرونه ، صحيح أن إقتصاد السودان عرف مراحل جذب في فترات سابقة وحتى في حقبة الإنقاذ وقبل إنفصال الجنوب وخروج سلعة البترول من سلة الدخل القومي ، جل من يتواجد على أرض السودان الآن هم عمالة هشة إن صح التعبير لا تمثل أي إضافة للإقتصاد الوطني المتهالك وبعض البعض يمثل له السودان نقطة عبور لجهات أخرى.
تمسك الكثير من غير السودانيين بالمهن الهامشية التي ذكرتها هو تعضيد وتأكيد للقول بأننا شعب رخو أو توووش كده كسول أو نسوف الأمور وهي حالة زيدانوية كما قال عنها أديبنا الفاضل وعضو هذا المنتدى الدكتور أبكر آدم إسماعيل "حشاش بي دقينتو" في أكثر من مقال له.
الإنسان في النهاية إبن بيئته يؤثر فيها ويتأثر بها ولتدني الثقافة والمعرفة يبقى الأثر سالب لأنه لا يستقيم الظل والعود أعوج ، والحال كذلك عليك تحمل جيرانك بكل روائح الزقني والكي ووات وأستعين على ذلك برائحة البنه فهي دائماً ما تقف في الإتجاه المعاكس
| |
|
|
|
|
|
|
|
 Re: حبايبنا الاحباش (Re: almulaomar)
|
مرحبا بك اخي الملا عمر
الكسل ماخاتينا تب لما تلقي الشباب السوداني نصة نهارمن ضل لي ضل والحبشي " جاري الشارع" ههههه
ده مصطلح عند "الجوكية" يعني سايق الركشة وشغال " رزق ابنص" هههههه
| |
|
|
|
|
|
|
|
|
|
Re: حبايبنا الاحباش (Re: عماد كرار)
|
سلام صاحب البوست والضيوف الكرام ..
بصراحة الحبش فى السنين الاخيرة كتروا بصورة مخيفه جداً فى ولايه الخرطوم
وبعض منهم حرامية عديييل بينطوا البيوت ، وفى منهم عصابات تخصصت فى كسر زجاج العربات
وسرقه محتوياته وخاصة اجهره اللابتوب .. وانا شخصياً تعرضت لسرقه لابتوب من العربية .. وهم بيتواجدوا بكثره
فى الشوارع المزدحمه بالعربات فى شارع المشتل وشارع الستين وشارع المعمورة حيث البقالات الكبيره ..
وسبق وعملت كمين فى شارع لفه جوبا بى جهاز لابتوب وفعلا وقعوا فى الكمين بعد ما فتحوا العربيه وشالوا الجهاز
وتمت محاكمتهم بى سته شهور سجن .. وحكايات كتتتتيره عن سرقات الحبش لا تحصى ولا تعد
بس للامانه فيهم ناس كويسين وبيخافوا الله .. ومشكلتنا فى السودان ما بنفرق بين الاريترى والاثيوبى كلهم بيقولوا
ليهم حبش .!
| |
|
|
|
|
|
|
|
|
|
Re: حبايبنا الاحباش (Re: مزمل خيرى)
|
Quote: اوعك تأكل عندهم خاصة ناس "جاد"
ديل هنا ما بناكل عندهم، خلى في السودان.. شوف عينى قطعة الأكل تقع في الأرض يشيلوها يرجعوها الصحن.. وأول امس بس، رصـة كبابى الورق وقعت اتشتت في الدكان، لقطوها واحدة واحدة
واعادوا الرصـة وختوها في محلها جنب الة القهوة. |
يا ابو الريش مالك مكتم علي المعلومة دي ؟؟؟
بعد عيد رمضان السنه قبل الماضية مشيت اتعشيت عندهم حوالي حداشر بالليل ( اخر زبون دخل المطعم ) والصباح كنت منوم في مستشفي جرش
| |
|
|
|
|
|
|
|
|
|
Re: حبايبنا الاحباش (Re: مزمل خيرى)
|
الاخ صاحب البوست وضيوفه الاكارم سلام
الحديث عن الاحباش والحبشه يطول
هنا في الحبشه توجد تنمية متوازنه ليس علي نطاق اديس بل كل الاقاليم ويوجد تعايش اجتماعي وديني محل فخر ونفتقده هنا في السودان
كما توجد بالحبشه طفرة اقتصادية ومعدل النمو الاقتصادي من اعلي معدلات النمو في الدول غير البترولية حيث البنية التحتية الشوارع الكباري
السكك الحديدية والميترو وخطوط الطيران
كما توجد كثافة سكانية عالية قرابة 100 مليون نسمه مما يجعل الفقر مشهدا مالوفا ولكن
اذا تحدثنا عن هجرة الحبش الي السودان وانعكاساتها السالبه يجب ان نضع في الاعتبار الاتي
المهاجرين الي السودان هم الفاقد التربوي وساكن الارياف وقلة من المتعلمين يعتبرون ان السودان بوابة للعبور لاروبا ليس الا
اما بخصوص الوجود غير القانوني هذا ليست مشكلة الاحباش انمامشكلة حكومتكم الراشدة(اما اذا انت سوداني واتيت اثبوبيا زائرا اذا القيزا انتهت عليك بالذهاب
لمكاتب الهجرة ودقع غرامة قدرها 100 دولار وقابلة للزيادة 5 دولار عن كل يوم كما انك لن ولم تستطيع استخراج اي اوراق ثبوتبة اثيوبية لانها دولة لا نقول
ينعدم فيها القساد لكن معدلاته ضئيلة جدا وهنا القانون فوق الجميع وحتي اذا كنت مستثمر وانتهت الاقامة الخاصه بك لن تستطيغ تجديدها مالم تجدد الرخصة
وبمناسبة الاستثمار السوداني باثبوبيا فالارقام المزكوره غير حقيقية وليس بالحجم الذي نتحدث عنه ونحن موجودن هنا نعرف الاستثمارات السودانية وحجم المستثمرين)
حلاصة الثول ان بلادنا تعيش في فوضي وكل شي جائز وهنا دولة تحترم القانون وختام قولي ليس طرقة انما حقيقة اذا تاخر الزائر كذا شهر لابد من السجن والغرامة
والذهاب للمحكمة وبعد ان يحاكمك القاضي يطلب منك الاعتذار للعلم الاثبوبيى بسبب كسرك للقانون تلك مشاهدة قصيرة جدا عن المجتمع الاثبوبي اخي عماد
| |
|
|
|
|
|
|
|
|
|
Re: حبايبنا الاحباش (Re: حسن ادم محمد العالم)
|
عليكم السلام اخي حسن
الاحباش كاي مجتمع فيهم الصالح وفيهم الطالح،ولو لاحظت انا ذكرت اني زاملتهم واختلط بهم
كثيرا سابقاً ووجدت منهم الخيرين، لكن يبدوا ان الزمن والظروف أثرت في طباع الحبشي
والصورة المعروفة عنه برغم ان الشخصية الحبشية ماذالت محل تقدير عند كثير السودانيين
| |
|
|
|
|
|
|
|
|
|
Re: حبايبنا الاحباش (Re: مزمل خيرى)
|
مرحب مزمل
جابتلها سرقة كمان ده تطور خطير..
بمناسبة عدم التفريق بين الحبش والارتريين هنالك اعتقاد جازم عند الذين يتعاملون بصورة دائمة
مع الجنسيتين بحكم عملهم ان الحبش افضل من الارتريين بكثير ويمتازون بالصدق والامانة
عكس الاخيرين
| |
|
|
|
|
|
|
|
|
|
Re: حبايبنا الاحباش (Re: عماد كرار)
|
الحبشي بطبيعتوا مسالم جداً ولا يحب المشاكل او الدخول فيها
لكن مؤخراً شايف ذكرهم اصبح متكرر ومرتبط ببعض الحوادث
الحبشي مسالم صاح لكن اذا استثير عندو نقطة كده اذا وصلها بصبح
بعد ده صعب السيطرة عليه ، واعتقد انهم مشهورين "بالروسية"
او الضرب بجبهة الراس
| |
|
|
|
|
|
|
| |
عماد كرار
اسامة عثمان السيد
Abureesh
محمد نور عودو
Zomrawi Alweli
مدثر صديق
سيف اليزل سعد عمر
مزمل خيرى
الزبير صالح الزبير
فيس بوك
تويتر
انستقرام
يوتيوب
بنتيريست