يمين يا ود أبو جبت آخركـ ..

ويشهد الله أفلست إفلاس ما بعده إفلاس ..

معقول لكين الكلام ده ..
ده إعتداء سافر على خصوصية الأسر ومن بالبيوت ..
وكل من يشاهد هذا الاسفاف ..
الذي قمت بنشره ..
ده ابتذال ما بعده ابتذال ..
الم يكن من الممكن التعبير بلغة مهذبة أكثر من هذي بارجل ..
ياربي الطف بنا ..
يطير البشير وتطير حكومتو ..
ماذنب من يرى هذا المنظر معلقاً أعلى المنتدى ..
ليصدم كل من يراه ..
هل تعتقد أن هذا المنتدى يراه فقط من يتقبل هذا المنظر المريع ..
يارجل معنا أطفال ونساء ..


غايتو تاني الواحد كان داير يفتح سودانيز قدام ناس البيت إلا يتخذ الساتر ..

يارجل أرحمنا رحم الله والديكـ ..

(عدل بواسطة جمال ود القوز on 04-17-2015, 07:47 PM)

Quote: ويشهد الله أفلست إفلاس ما بعده إفلاس .. معقول لكين الكلام ده .. ده إعتداء سافر على خصوصية الأسر ومن بالبيوت .. وكل من يشاهد هذا الاسفاف .. الذي قمت بنشره .. ده ابتذال ما بعده ابتذال .. الم يكن من الممكن التعبير بلغة مهذبة أكثر من هذي بارجل .. ياربي الطف بنا .. يطير البشير وتطير حكومتو .. ماذنب من يرى هذا المنظر معلقاً أعلى المنتدى .. ليصدم كل من يراه .. هل تعتقد أن هذا المنتدى يراه فقط من يتقبل هذا المنظر المريع .. يارجل معنا أطفال ونساء .. غايتو تاني الواحد كان داير يفتح سودانيز قدام ناس البيت إلا يتخذ الساتر .. يارجل أرحمنا رحم الله والديكـ ..

(عدل بواسطة جمال ود القوز on 04-17-2015, 07:48 PM)

Quote: عمل مؤسف ومقرف صوت لوم للأخ بكري أبوبكر هل يشرفك ( حقاً ) أن يكون على صدارة موقعك مثل هذا الإسفاف ؟؟؟ جزيل الشكر عزيزنا جمال

Quote: ليس كل تعبير عن الرفض يجب ان يكون بذيئاَ يا ود أبو اذا كان البشير منحطاّ لماذا تنزل لمستوى انحطاطه لك التحيه ياجيمي ..تحليه كتر خيرك يامان .. أصيل ياحبيب ... بنحلم بيهو وطن إنسانو كريـم وعزيز وطن رائع بى قيمتوالفيهو شرف أيثاروكفاح ونضاره زى ضحكة يارا وطن زى ضحكة يارا.

Quote: حقيقةً شئ مُحزن وعمل غير مقبول.

Quote: سلام جمال يا ريت ود أبو كان جاب وداد تنظف فيه من إسهال الانتخابات ههههههها تحية خاصة للرجل الفنان الموهوب ود أبو سر والكل من حولك أيها الفارس أحرق دم الكيزان بأكثر من طريقة

صديق مهدي يا حبيب ..
ليته فعل يأخ ..
ليته والله ..
على الأقل كان استعان بحفاظة ( بامبرز ) ..
ولستر لينا الشغلانة المبذولة في السهلة دي ..
ليته سمعكـ يا حبيب ..
والله لأتت الفكرة أكثر عمقاُ ..
وأكثر معقولية وقبولا ..
لكين بالطريقة الشايفنها دي ..
شيء يندى له الجبين ..
وتشمئز من رؤية الأنفس السوية ..
مهما كان إختلافها مع هذا النظام القميء ..
فالخطوط الحمراء أولى بها بديل يعلق عليه الكثيرين الأمل ..
فنربأ به أن يندلق هكذا في السهله ساي ..
ويفقد المسوغ الأخلاقي الذي قد يؤهله يوما لاعتلاء سدة حكم هذا الوطن ..
البعيد شنو علي الله ..
فكل نواصي الخلق بيده سبحانه ..
يؤتي الملك من يشاء وينزع الملك من من يشاء ..

شاكر مروركـ وفكرتكـ النيرة يا صديق يأخ ..

Quote: كاركتير معبر جداً عورة النظام التي فشلت الإنتخابات الكاذبة في تغطيتها أقبح و أكثر بذاءة من التي رسمها ود ابو

Quote: ما فعله البشير بالشعب السودانى.. وما فعله كلاب الأمن بالشرفاء في السجون وما فعله مجرمي اﻹنقاذ نساء السودان.. هو الأسوأ والذي يستحق اﻹدانة...

Quote: ود القوز يا صديقي ... مثل هذا الكاريكاتير لو نشر في أي دولة متقدمة .. و اعني أوروبا و أمريكا و غيرهم و حتى بعض الدول العربية يعتبر معبر جداً ... بل بالعكس لمس كبد الحقيقة ... و لكن نحن كسودانيين تعودنا على الإختشا ... ليس إلا ... في نظري ود أبو كفنان له الحرية في التعبير ... و قد عبر عن الوضع تماماً ... اما كحياء و خدش و غيره ... فلاننا سودانيين ... _________________________________________________________________ اذكر في زمن بعيد ... رسم كاتب الكرا كتير الفلسطيني الأشهر ناجي العلي بعد اتفاقية غزة و اريحا رسم صورة عرفات راكعاً خلف شارون ... و يشتم من خلفه ... و كتب على الكراكتير ( يا حلو هالريحة من أريحا ) ووجد ذلك الكراكاتير رواجاً كبيرا ... ولم يستحي منه أحدا ... لان من وقع على تلك الاتفاقية لم يستحي في المقام الأول ...

Quote: ودالقوز الشهير عندي ب ودعكر لو ما كلامك دة حرم ما عارفو ..ياخ كستو جنس كواسة .. اتعبتني زاتو هل هو خادش ؟ ليس اكثر خدوشا من بعض التعابير والالفاظ التي يزخر بها الواقع . وليس اقل بذاءة من التصريحات من بعض المسؤولين .. الحكومة والمعارضة كلهم سواء الرسم لم يستفز حارسي الاخلاقي الداخلي ! اجتهد الرسام في اخفاء كثير من المنظر ولم يبدو منه الا ما يدل عليه

مرحبتين يا حفيظ ..
إجتهد !!؟..
ده منو ده الاجتهد ده .. ود أبو .. ؟؟!! ..
بتبالغ يأخ .. يمين حبة ( جهودية ) ما شفناها منو ..
يأخ ده جابها لينا كده على الصاجة ..
بعدين إنت قطع شكـ شفت الصورة ( المحسّنة ) وبعد أن تمت صياغتها ..
وإعادة فلترة وحجب الجزء الذي تم استنكاره ..
الصورة قاعده يأخ في النت ومبذولة في غير مكان كيفن ما لقيتها .. ؟ ..
والاتنين كمان .. العكرانة والمفلترة ..
( النسبية ) يا حفيظ .. هي ماتحكم ..
بعض مايقوله البعض من أقوال او أفعال غير متفق عليها بصورة قاطعة .. ..
لكن أن يأتي الأمر صادماً وجلياً وبصورة لاينكرها الا مكابر ..
ورغم ذلكـ تتم محاولات من البعض لجعل الأمر سائغاً ومقبولاً .. وبأي عذر كان ..
فهذا والله شيء يُذهب ماء الوجه .. ويدعو للحياء والحيرة معاً ..
أيوه خادش بأخ .. كيفن ما خادش ! ..
هي ( الخدوشية ) دي كيفنها يعني ..
ياسيدي حارسكـ الأخلاقي قطعاً في مامن ..
لأن ماتم تقديمه له من ( داتا ) مخالف تماماً ..
لما هو معرض حديثنا الآن ..

شاكر مروركـ ومطايبتكـ ..

Quote: لإنقاذ عورتها في السهلة... وغير مستنجية من بولها... ولكن كون يستوى من يعارضها في ذات الحوض، فهذا أمر غير مقبول البتة... لتذهب الإنقاذ إلى الجحيم ولتبقى لنا قيمنا ....

Quote: جمال ود القوز تحياتي ياخي و الله شككتني في روحي،، دا منو دا الصاحب أطروحات مميزة و جداً كمان؟ قطع شك إنت ملخبتني مع زول تاني لكين برضو شكراً ليك كتير جداً إنك لخبتني مع زول جميل بالأوصاف دي و شكراً ليك كتير علي حسن ظنك بي أنا متفهم جداً لغرضك من البوست و متفهم لوجهة نظرك و دواعيها لم أنفي صفة البذاءة عن الكراكتير و لكن لا ارى تعارض بين ذلك و تعبيريته هنالك الكثير من الأعمال الإبداعية التي لو حاكمناها بما إحتوته من كلمات بذيئة و جارحة لسقطت أتفق معك في عدم مناسبة الكراكتير في واجهة المنبر و لكن لا اتفق معك في وصفه بالإبتذال