العصر : شوفو السفارة بالرياض والقنصلية بجدة اليوم عملو شنو ... ( صورة )

Quote: القنصلية السودانية بالسعودية جدة تقع فى حي سكني فى النزهة . اذا بحثت بواسطه ال GPS وكتبت اسمها لن تجده , حتى تصل الى موقع القنصلية الا تستأجر ليموزين حتى لو عندك سيارة تخلي صاحب الليموزين يدلك على الطريق وتدفع له قيمة المشوار صعب جدا بل مستحيل ان تعرف مكانها اذا لم تكن من سكان جدة , حتى ساكنى جده يعرفوها بعد عناء شديد لان موقعها فى وسط حي سكنى لا يوجد قربها اى معلم بارز . رغم ان مبني القنصلية فيلا ضخمة لكن الصاله المخصصه لخدمات المغتربين السودانيين والاخرين (اى الجنسيات الاخرى التى تطلب تاشيرة للسودان او اى اجراءات اخري) عباره عن 10 * 10 متر تقريبا اى مساحتها 100 متر مربع بينما مساحه المبني كاملا اكثر من 2000 متر مربع \ الرقم الوطنى يستخرجوا فقط 150 رقم يوميا الناس تجى من 4 صباحا حتى تسجل اسمك \ بامكانهم استقبال طلبات كل المواطنين وتخليصهم بكل سهوله لان عدد مغتربي السودان بالسعودية مقارنة بالجاليات الاخري العدد بسيط . موظف فى الكاونتر يعطيك اورنيك وملف تدفع 2 ريال ولا يسلمك اى ايصال دفع , طالما المواطن بدفع رسوم 515 ريال للجواز لماذا يدفع رسوم اورنيك بل لا يعطيك ايصال !!!!!!!! مبنى القنصليه ضخم جدا للاسف مستاجر ايجاره فى السنه مبلغ كبير . المبني القديم فى منطقة الهنداوية قرب سوق الخيمة قطعة الارض ملك لدولة السودان لماذا لم يتم إنشاء مبني جديد عليها ؟؟؟؟؟؟؟؟؟؟؟؟؟؟؟؟ قيمة الجواز الالكتروني ب 515 ريال بينما فى السودان سعره اقل ما يعادل 150 ريال ظلم واضح للمغتربين قيمة جواز الزوجه 415 ريال والطالب 350 والطفل 210 ريال , استقلال للمغتربين بسبب الحوجه (رغم ان هنالك عمال ورعاة راتبهم الشهرى فقط 800 ريال ) وبعد ده تستلم الجواز الالكترونى بعد اسبوعين والرقم الوطنى بعد اسبوع تعامل موظفى القنصليه بجده مع السودانيين استحقار واذدراء . عدد مغتربي السودان بالسعودية ليس كثير ,الجاليه السودانيه فى السعوديه اقل من مليون شخص لو قارنتها بالجاليات الهنديه , الباكستانيه ,الفلبينيه , المصريه والبنغلاديش وغيرهم عددهم كبير وامشى سفاراتهم تجد النظام وسهوله الاجراءات وقيمة الاجراءات اقل تكلفة من سفارة وقنصلية السودان بالسعودية . الهنود والباكستان مده صلاحية الجواز 10 سنين وقيمة الجواز 115 ريال . هنالك مواطنين قادمين من جيزان وابها وتبوك وغيرها من المناطق يستاجروا شقق فى جده لعدة ايام حتى يظفروا باستلام اورنيك الرقم الوطنى او اورنيك الجواز الالكتروني بعدها التصديق والرسوم والتصوير والبصمه \ رقم وطنى او جواز سفر اجراء عادي لكن زحمه ومافى نظام رغم ان العدد بسيط لكن ازدحام وضوضاء واستحقار للمواطنين من القنصليه . توجد شاشات ارقام متسلسله معلقة على السقف ولا تستخدم وازدحام وتكدس على المكاتب بلا تنظيم من موظفي القنصلية . سوء خدمات مقدمه من قنصليه جده رغم ان السودانيين يعتبروا الاكثر تكلفه وقيمه فى الاجراءات رغم ذلك اساءة لهم وتأخر الاجراءات \ اى توثيق او تصديق ورقه فى اى جهة حكوميه سعوديه اعلى قيمه للتصديق 30 ريال بينما اقل قيمة لتصديق اى مستند فى القنصلية او السفارة السودانيه ب 115 ريال . الان تجديد الاقامه بالسعودية مربوط بتجديد جواز السفر واى تاخير يوم واحد عن تجديد الاقامه غرامة الف ريال واغلب التاخير بسبب تاخر استخراج الجواز السوداني. للاسف الناس كثيرا ما تمشي يقولوا ليك شبكة الانترنت فيها عطل وقاطعه بين جده والخرطوم واجراءات الجواز الالكترونى قالو الا يكون فى شبكة انترنت متصلة وعدد الموظفين الشغالين بسيط جدا \ كل الخدمات فى العالم اصبحت بالانترنت البنوك وكل المصالح نادرا ما يكون هنالك مشكلة شبكة انترنت (كل مطارات السعودية ادارة الجوازات تستخدم البصمة والصورة ونادار ما تجد عندهم مشكلة انترنت وشبكة ) الا فى القنصليه السودانية بجدة . مشاكل المغتربين وصعوبة الاجراءات فى قنصلية جدة هم ونكد ومآسي تورق المغتربين نسأل الله تعالى ان يولي علينا الاخيار لعزة وكرامة السودان ارض وشعب .