|
|
|
 Re: المجتمع السوداني والموسيقيون بشرق الولايات المتحدة يكرمون الموسيقار يوسف الم (Re: Elmosley)
|
شكرا يحى قبانى
على قدر سعادتنا بالاحتفائية الرائعة دى على قدر الأسى إننا بعيدين وما جزء منها وإن كان (فى محاولة لتخفيف الأسى ده) شاعرين انه كل حواسنا وقلوبنا مغمورة ببهجة الاحتفاء وهى كذا شايلة المحتفى به فى قرة عين محبتها.
أستاذ الموصلى... لو بإيدنا لكنا كرمناك فى كل يوم وإحتفينا بك، بسيرة نضيرة، إنسانية فريدة،عطاء لا محدود، خبرات تتعدى الذات الى ما لا يحد، فكر وفن خلاق، إبداع رسم نفسه على الخاطر والوجدان، أجيال تتدرب على يديك ونحن على ذات الدرب نتعلم منك قدرات التجديد وقناعات التجاوز.
شكرا لكل المبدعين المشاركين ولكل فرد هو قائم على أو جزء من هذا الاحتفال.
شكرا جميلا الموصلى ولا أقل.
| |
 
|
|
|
|
|
|
|
|
Re: المجتمع السوداني والموسيقيون بشرق الولايات المتحدة يكرمون الموسيقار يوسف الم (Re: جورج بنيوتي)
|
انا على قدر الشوق الشوق ما يمد مدييييييييييييييييييييت .. لك كل الاشواق استاذي واستاذ الاجيال الموسيقار يوسف الموصلي وتكريم صادف اهله بلا شك ,, فانت من القلايل الذين وضعو بصماتهم الفريده في خارطة الفن السوداني لك التجلة ولك التقدير ,, واكيد الاخوه ما حا يقصرو فسيكون تكريم يليق بك وبمكانتك السامقة ,,,
التحية لكل من سيساهم او يشارك في هذا العمل الجميل فاستاذنا الموصلي يستحق ذلك عن جدارة ,,,, ويا ليتنا كنا هناك يا استاذ
تمنياتي لك بدوام التوفيق في حلك وترحالك وزي ما قال استاذنا صديق احمد ( مشاويرك عديلة عديلة عليك ,,, وعديلة عليك محل ما تمشي قبل يا عديلة عليك )
تحياتي : ياسر العيلفون
| |
|
|
|
|
|
|
|
|
|
Re: المجتمع السوداني والموسيقيون بشرق الولايات المتحدة يكرمون الموسيقار يوسف الم (Re: فيصل محمد خليل)
|
يا عزيزيى يحيى قبانى
طلب ورجاء خاص لك وللأستاذ الموصلى، كمساهمة فى تكريم الموصلى أن تقوم يا يحى
بكتابة سيرة ألأستاذ الموصلى الفنية .. ومن أهم مصادرها الموصلى نفيسه .. ورجائى للموصلى
الخروج عن تواضع السودانيين الذى يحول دون الكلام عن أنفسهم ولذلك ضاعت سير عطرة
لكثير من أبناء السودان برزوا فى مجالات مختلفة. وأيضا من المصادر مجموعة الفنانين السودانيين
الموجودين بأمريكا ومنهم المطربين الكابلى وهادية طلسم وموسيقيين كثر ..
الموصلى فى الموسيقى السودانية علامة فارقة تحتاج للتوثيق (العلمى التحليلى) وهو خير تكريم له!
| |
|
|
|
|
|
|
|
|
|
Re: المجتمع السوداني والموسيقيون بشرق الولايات المتحدة يكرمون الموسيقار يوسف الم (Re: Elmosley)
|
سلام...
اهتمام الأستاذ الموصلي لبراعم سوداننا يعجب، ونحن هنا في كندا تصلنا نفحاته، فقد كان وعلى الدوام راع لنشاط بنتنا فاطمه، ومدها بنوت الموسيقى والأغاني السودانيه مما أتاح لها عديد المشاركات المشرفه بآلة الفلوت.. نتمنى للأستاذ التوفيق أينما حل، ليستمر الابداع... ويبدو أن منطقة دي سي موعودة بليلة من بيت الكلاوي وهذه النخبة من العمالقه... وتحت تحت، كاليفورنيا أقرب لينا من شرق الولايات..
| |
|
|
|
|
|
|
|
|
|
Re: المجتمع السوداني والموسيقيون بشرق الولايات المتحدة يكرمون الموسيقار يوسف الم (Re: محمد الطيب محمد)
|
<
عـزيزنا الباشمندس يحى قبانى
أمانا ما أتولومتوأ ياخى. دكتور الموصلى دا أخ عزيز وقامة موسيقية باسقة
وأنا عرفته مما كان طالب فى معهد الموسيقى والمسرح مع صديقى أحمد
ربشه. وما بنسى ليهو فضلوا أبدا غنى لى فى عرسى وأبدع ياخى. بعدين
ياخى دا راجل نبيل جانا فى بوسطن عشان يشاركنا حفل إحياء ذكرى
محمد وردى وأمتع الجميع فى الحفل وبعد الحفل فى الجلسات الأسرية.
والله كنت أتمنى أنى أشارك بأى صورة إكراما لهذا الرجل الجميل.
عليك الله يا يوسف ما تتوسط لينا عشان نشارك بمساهمة بوسطونية!
والله فاجأتونا يا باشمهندس. كدى شوفو لينا فرقة
مودتى لكما أبدا
| |
|
|
|
|
|
|
|
|
Re: المجتمع السوداني والموسيقيون بشرق الولايات المتحدة يكرمون الموسيقار يوسف الم (Re: يحي قباني)
|
Quote:
سلامات قباني
والتحية عبرك للفنان الجميل الموصلي
ونتمني له حياة سعيدة في كل ترحاله
وحقيقة وقبل ان اتم البوست فرحت
جدا لاني تخيلت انو الموصلي سيعود
الي السودان علي الاقل الواحد يسمع
اغاني جميلة والحان اجمل بدل الغث
الموجود في الساحة الان .
تسلم حبيبنا قباني |
الاخ .. قباني ... سلام
وسلام خاص للموسيقار الفنان يوسف الموصلي ..
لقد شاهدت سهره من قبل في قناة النيل الازرق
وكانت تضم كوكبة من ابناء حي الصحافه بالخرطوم
وكان من ضمنهم الاستاذ الموصلي ..
واذكر انه وعد بالعوده والاستقرار في السودان قريبا ..
وعندما قرأت عنوان البوست فرحت - كما فرح صديقي ود القرشي -
بان هذا الاحتفال لوداع الاستاذ لعودته النهائية ...
أتمنى للدكتور الموسيقار الموصلي التوفيق والسداد و طولة العمر
ويرجع للوطن بالسلامه بعد ان يحقق كل امنياته واحلامه
وذلك لسد الفراغ الكبير الحاصل في الساحه الفنيه السودانيه في الوقت الحاضر..
والتي تحتاج لامثال الموصلي وغيرهم ..
تحياتي ودمتم بخير ,,,
| |
|
|
|
|
|
|
|
|
|
Re: المجتمع السوداني والموسيقيون بشرق الولايات المتحدة يكرمون الموسيقار يوسف الم (Re: طاهر بدر)
|
شكرا يحى على هذا البوست الجميل..
وفعلا المبدعين في عالم الفن والذين يدخلون البهجة والسرور في نفوسنا جديرون بالتكريم
وان نحتفل بهم....والفنان الموصلي قامة في الفن..ونتمنى له اقامة سعيدة في غرب الولايات
المتحدة....كاليفورنيا....
ويا دوبك يا الموصلي حتشوف امريكا ..فولاية كاليفورنيا عالم جديد ومثير..لكنك حتشعر بالغربة
اكثر...على الاقل كان هذا احساسي عندما زرت كاليفورنيا اول مرة..وعندما عدت الى نيويورك
شعرت وكاني راجعة للسودان....يمكن ده شعور واحدة زائرة..وان شاء الله نتمنى لك كل الخير
ولولا ظروف قاهرة لكنا حضرنا حفل تكريمكم ..ولكن ايضا سنحاول نطوع الظروف..
والله يديكم الصحة والعافية
| |
|
|
|
|
|
|
|
|
|
Re: المجتمع السوداني والموسيقيون بشرق الولايات المتحدة يكرمون الموسيقار يوسف الم (Re: Elmosley)
|
Quote: كاليفورنيا جميله يا أميرة ولكنني سافتقد اصدقائي الكثيرين في الشرق
وتلاميذي وتلميذاتي في الموسيقى وزملائي الموسيقيين
ولكنني ساستمتع بالجو المعتدل والسودانيين في الغرب
نرحب بحضورك ونحتفى به ونتمنى الظروف تساعدك
كل الود |
فنانا العظيم .. الموصلي ..
صدقني أنتو مروقين .. كالفورنيا .. بوسطن ..
نحن من جدة الى دنقلا مباشرة حتى الخرطوم ترانزيت
حبيبنا المبدع لا بد أن أذكر لك أنه
في ندوة عن الفن النوبي .. تطرقنا الى المبدعين من الأصول النوبية ..
في البعض وخاصة الشباب اندهشوا كثيراَ عندما ذكر إسمك فنحن في المنتدى الثقافي لدينا مهمة توثيق لابناء المنطقة
من حلفا حتى دنقلا .. لك التحية ..
| |
|
|
|
|
|
|
|
|
|
Re: المجتمع السوداني والموسيقيون بشرق الولايات المتحدة يكرمون الموسيقار يوسف الم (Re: Elmosley)
|
سلام د. الموصلي وباشمهندس قباني،
طبعاً نحن بالنسبة لينا المكان الماشي منو، والمكان الماشي ليهو كلهم بلاد العم سام ...... عشان كده، ما عندنا غير الأمنيات الطيبات وطلب بالتوثيق.
____
خارج النص، | Quote: الفتان الخلوق محمد خليفه |
من زمان بسمع الإسم ... وشاكّي، وأول مرة أشوف الصورة،،، لقيتو ياهو زولي.
ود الخليفة ما شفتو من زمن الخرطوم القديمة وفرقة الموسيقى بقيادة العم رابح عليه رحمة الله.
السلام أمانة لصديق الزمن البعيد ود الخليفة.
| |
|
|
|
|
|
|
|
|
|
Re: المجتمع السوداني والموسيقيون بشرق الولايات المتحدة يكرمون الموسيقار يوسف الم (Re: Osman Musa)
|
فنانا العظيم .. الموصلي ..
صدقني أنتو مروقين .. كالفورنيا .. بوسطن ..
نحن من جدة الى دنقلا مباشرة حتى الخرطوم ترانزيت
......................
......................
الأعزاء الافاضل الموصلي ، وعلي عبد الوهاب:
استاذ علي:
لا .. انتو المروقين وبتمشوا من جدة للخرطوم في ساعتين وممكن كل اسبوع تزوروا الأهل في الخرطوم ز. لكن نحن
في الغربة البعيدة القساية دي بنفكر مرتين قبل اتخاذ قرار لزيارة السودان.....
وشكرا علي للمعلومة الجديدة دي ان الاستاذ الموسيقار الموصلي بقى من :" عندينا:"..
استاذ موصلي:
يعني بقيت من اقربانا... وزدنا فرحا على فرح والله.. والله يديك الصحة والعافية وامياتنا لك بدوام الإستقرار وراحة البال في الجزء الغربي من بلاد العم سام
وحتى يهئ الله امرنا لنعود للوطن الحبيب...
| |
|
|
|
|
|
|
|
|
|
Re: المجتمع السوداني والموسيقيون بشرق الولايات المتحدة يكرمون الموسيقار يوسف الم (Re: اميرة السيد)
|
Quote: كنا نود ان تشاركنا الابنة اريج بكمنجتها الرائعة ولكن
الامتحانات في سنتها الاخيرة قبل البكلاريوس تمنع
|
....................
كنا ايضا نود ان تشارك صديقتنا الصدوقة امتثال، وهي بالمناسبة عازفة سكسفون ماهرة جدا في العزف وتعزف جميع الأغاني السودانية .. وقالت بأنها
تبعت اثر عازفة السكسفون السودانية هند الطاهر والتي تدربت على يد عازف السكسفون الفرنسي الشهير تيتري فورنيه ،، وبعد ذلك تزوجت هذا العازف الفرنسي
وهي قابلته في فرنسا عندما كانت تدرس هناك في مهرجان الربيع الذي اقيم في فرنسا ...ولها اغاني في اليوتوب..
والمهم ان امتثال اصبحت ماهرة في العزف على آلة السكسفون .. وعندما هاتفتها كي تشارك في حفل تكريمك قالت ان هذا شرف كبير لها ان تشارك في حفل تكريم موسيقار راقي ورائع
كالموصلي ولكنها الآن في لوس انجلوس ...يعني في كاليفورنيا في اجازة طارئة ..
وان شاء الله يحي القباني ينزل لينا تفاصيل الحفل في المنبر..
والله يديك الصحة والعافية
| |
|
|
|
|
|
|
| |
يحي قباني
Elmosley
سليمان القرشي
فتح العليم محمد أبوالقاسم
Yasir Elsharif
إبراهيم عبد الحليم
Mohamed Foto7li
محمد النيل
علي عبدالوهاب عثمان
ياسمين ابراهيم
عبد الدائم سيد أحمد
ياسر السر
النذير حجازي
فيصل محمد خليل
هاشم الادريسى
Khalid Elmahdi
عمر عبد الكريم علي
مبيوع
محمد الطيب محمد
عبدالرحمن إبراهيم محمد
محمد مجيدو
فقيرى جاويش طه
طاهر بدر
الفاتح ميرغني
محمد أبوالعزائم أبوالريش
Osman Musa
فيس بوك
تويتر
انستقرام
يوتيوب
بنتيريست