|
|
 لامانا (أيّة) .....وأيّة ماتت
|
07:33 PM Feb, 23 2015
سودانيز أون لاين
Dahab Telbo -
مكتبتي في سودانيزاونلاين
تقول الطرفة
مره مزواجة جابت ليها ستة اولاد كل واحد من راجل وكانت بتجبرهم على التواصل
حتى ظن الناس انهم متحابين للدرجة البتخلليهم ما يطيقوا البعاد عن بعض ، لامن ماتت اظهروا جفاء واضح
و بقو ماف واحد شغال بالتاني ، ناس الحلة سألوا اكبرهم عن سبب الجفا المفاجئ ، جاوبهم بسلاطة
( كان لامانا أيّة وأيّة ماتت)
و أيّه او إيّة بلغة اهل الغرب الدارجية يعني (أمي )
مناسبة الطرفة دي هي خاصية (المكنسة) التي سوف تقتل أيّة الاختلاف
الذي عرف به هذا الحوش فبعد كدة كل واحد قبل ما يكتب مداخلتو
حيخت في الاعتبار صاحب البوست قبل كل شي
تلبو
|
|
 
|
|
|
|
|
|
|
|
Re: لامانا (أيّة) .....وأيّة ماتت (Re: Dahab Telbo)
|
وبما انو الموضوع بقى محكوم بواسطة صاحب البوست فسوف يتوقف
دوري ابطال المنبر لعدم وجود ارض محايدة
ستغيب بوستات المناقرات بين قوى (السلفية) وقوى (التقدمية)
ستتوقف تذكيرات السيد (ابوحسين) للقراء بهبل (معاوية عبيد)
ستتوقف المساككة ويتوقف البلع لعدم الحوجة لانه اذا رأى
صاحب البوست ان الوضع بات حرج سيعلن انتهاء مراسمه
ويدفنه .
تلبو
| |
|
|
|
|
|
|
|
|
|
Re: لامانا (أيّة) .....وأيّة ماتت (Re: Dahab Telbo)
|
ا
اكثر المستفيدين من الوضع الجديد هم الطرابدة
اذ انه بات بإمكانهم السير في الطريق اوان كان خطأ
طالما انهم يستطيعون تحييد من يرفدون البوست
بحقائق الامور وعليه سوف نلاحظ غياب دائم
لمشاركات السادة الصادق اسماعيل وعادل الباهي
عن بوستات الاستاذ صلاح جادات للسبب اعلاه
او بسبب المساككة ، وايضا ستغيب دعوات السيد دينق
بالاختشاء لكثير من الكيزان
يلا اربطوا الاحزمة وكل واحد يعلي صريفو منعا للمتاوقة
ملحوظة
لو في اي واحد عايز يبدى امتعاضو من من معطة البوست
دا خلي يكتب لانو هنا المكنسة معطة وستبقى معطلة بأذن الله
تلبو
| |
|
|
|
|
|
|
|
|
|
Re: لامانا (أيّة) .....وأيّة ماتت (Re: Dahab Telbo)
|
وبمناسبة ملاحظتي الاخيرة دي تحكي الطرفه
انو المطرة صبت ووقفت لكن في شوية شكشاكة
فطيرة (ام دنيدلو ) وهي الطيرة البتبني عشها مدقن
ذي بيت البروش وبتوجه بابو عكس تجاه الهوا منعا للشلال وكدة
المهم استغلت الظروف وعايزة تقشر على القميرية ببيتها (تعالي وكدة)
و القميرية معروف عنها الرقاد في صقيع الشجروتحتها عيدان لحفظ بيضها
المهم قالت ليها يا القميرية المطرة سكتت ولا لسة
القميرية اجابتها بكل تنطع
يابت امي بسمعها كُنتشة كُنتشة
كل طيراً بعشو
ياتو البمرق للألمي يرشو
والطرفة دي ذكرتها مخصوص للناس الممكن يقولو
هو انت الجاييك منو عشان تكنسوا 
تلبو
________________
ألمي يعني موية
| |
|
|
|
|
|
|
| |
Dahab Telbo
فيس بوك
تويتر
انستقرام
يوتيوب
بنتيريست