|
|
 أوعك تقول للسوداني "don't waste my time" !!!
|
02:17 PM Feb, 23 2015
سودانيز أون لاين
walid taha - الرياض ، السعودية
مكتبتي في سودانيزاونلاين
أمبارح واحد صاحبنا لاقيتو ليك زهجان وقافلة معاهو بشكل غير طبيعي !
- أنا : مالك فى شنو ؟
- والله فى واحد فلبيني كده قربت أكسرو
- يا راجل ؟ ليه حصل شنو ؟
- بتكلم معاهو كده قال لى شنو "do not waste my time"
- بالله ! هو الموضوع كان شنو من أساسو ؟
- مشيت عندى موعد مع مدير الشركة لقيتو مشغول قلت أقعد مع الفلبيني السكرتير أدردش معاهو شوية
- شكلك طولت معاهو زهج منك
- طولت شنو ياخ كلها 10 دقايق
- يا راجل 10 دقايق دى عند الفلبيني كتيرة بعدين بتكون عطلتو من شغلو
- يا خ بالله عطلتو شنو ، متعنظز ، و الله قربت أنط ليهو فى راسو
حكيت لواحد معانا فى الشغل الكلام ده وقال والله بصراحة نحن فعلا بنضيع زمن الناس وبرضو ما نقبل لو إضايقو مننا !.
وبس !
|
|
 
|
|
|
|
|
|
|
|
Re: أوعك تقول للسوداني andquot;don't waste my timeandquot; !!! (Re: عوض محمد احمد)
|
بحكم طبيعة عملي، اقابل موظفين كثر،
بعض السودانيين يبدأ استقباله باهتا،
سرعان ما يفتح، من وين الاخ، جنسك شنو؟ ليك هنا كم سنة، قبال ما اجاوب،اها ان شاء الله سويتلك قطعة ارض، لو ما عندك تخف الونسة شوية...
لو عندك اها وين ما بنيتا، اولادك معاك بقرو وين ، والله صغار، مع انو شكلك كبير، كبير ولَّ كحفرة!
معليش ياخ، والغريبة موضوعك الاصلي ما يقدم ليك فيهو اي خدمات،
وهكذا تضيع ساعة او نحوها بلا اي فايدة، هذا من بعض السودانيين، وبعض السودانيين يوريك سريعا، اين الكتف ومن اين توكل وكيف توكل، وتغادره وكلاكما عاوز شوية ونسة...
الاسويين تل مي، هاو كان اي هلب يو؟ لو جرجرت القصة كسوداني اصيل، سوري ايام سو بيذي، ا طونت هاف مور تايم،
سانكس...
| |
|
|
|
|
|
|
|
|
|
Re: أوعك تقول للسوداني andquot;don't waste my timeandquot; !!! (Re: عوض محمد احمد)
|
الاخ عوض سلام عليكم
Quote: هذه هي طبيعة الاسيويين
لا يردون حتى التحية
يعنى ممكن يكون جارك و تشتري منه في البقالة عشرات السنين
و بعد دا من الصعب ان تخلق معه حتى ادنى حد من العلاقة الشخصية
و لو في حدود رد التحية
و من الافضل عدم التعامل او الكلام معهم الا في الضرورة القصوى |
لكن الراجل رد عليهو التحية و إستقبلو وكل حاجة ، بس حكاية إنو يقعد يتونس معاهو دى إتعارضت مع زمنو وشغلو وصارحو بعدم الرغبة فى الونسة
البزعٍّل زولنا شنو ؟!
| |
|
|
|
|
|
|
|
|
|
Re: أوعك تقول للسوداني andquot;don't waste my timeandquot; !!! (Re: walid taha)
|
Quote: - طولت شنو ياخ كلها 10 دقايق
|
Quote:
- يا خ بالله عطلتو شنو ، متعنظز ، و الله قربت أنط ليهو فى راسو |
ولسه بنسأل ليه السودان بقى في أسفل سافلين؟
الشخصية السودانية (أصبحت) تحتوي على كل مساوئ الأخلاق:
-عدم احترام للزمن (قصة البوست فوق أقرب مثال)
-العطلة (بفتح العين والطاء) وعدم الموضوع والجلوس في الدكاكين
-الكسل وعشق (الإجازات)
-الكبر والغرور (امشي لأي سوداني شغال مدير)
-التعامل القبيح والعدوانية(السودانيين أخلاقهم ضيقة ومستعدين للمشاجرة في أي لحظة...أبسط مثال التجار وكماسرة الحافلات)
-كلمات (لو سمحت) و(شكرا) غير موجودة في قاموس السودانيين...اخدم ليك سوداني وأتحداك لو سمعت كلمة (شكرا) إلا من رحم ربي
والقائمة تطول...
الشخصية السودانية بحاجة لإعادة صياغة وإعادة تربية من أول وجديد....الحل: نظام تعليمي جديد يعلم
الأطفال من الحضانة كيفية التعامل مع الناس والحياة بشكل (محترم) و(حضاري)...حتى في أبسط المواقف..
ده التعليم الصاح....موش شوية مناهج كلها حشو وكلام فارغ
| |
|
|
|
|
|
|
|
|
|
Re: أوعك تقول للسوداني andquot;don't waste my timeandquot; !!! (Re: walid taha)
|
التحية لكم جميعا
جملة don't waste my time خصوصا لو جاءت قبلها please جملة صريحة فالرجل يرجوك أن لا تضيع زمنه لأن لديه ما يقوم به
إن نظرنا لها فقط من هذه الزاوية نجدها طلب عادي جدا ومشروع ، لكنها إن قيلت للسوداني تتحول الى جملة مستفزة ومثيرة للغضب !
غريبة أن نطلب من غير بنى جلدتنا أن يتشربو بما ليس فى ثقافتهم ويراعوا مشاعرنا على حساب أشياؤهم فقط لأننا نريد ذلك !
سلوك!
| |
|
|
|
|
|
|
|
|
|
Re: أوعك تقول للسوداني andquot;don't waste my timeandquot; !!! (Re: الفاتح شلبي)
|
| Quote: مشيت عندى موعد مع مدير الشركة لقيتو مشغول قلت أقعد مع الفلبيني السكرتير أدردش معاهو شوية |
لو كان هذا الفلبيني في امريكا ..ممكن يتم رفده من عمله ,,,السوداني لم يضيع وقت ( السكرتير) لان واحده من وظائف السكرتير ( الحديث مع الزبون او الزائر ) ودي كستمر سيرفس
ومش اضاعه زمن ..
قبل فتره كان عندي موعد مع مديره عمل والسكرتيره تبعه كانت في قمه الادب وهي دوما كانت متفاعله وهي التي تقوم بافتعال الاحاديث معي حتي لا اشعر من ملل الانتظار لاني زائر وهي تعرف قيمه الزائر بغض النظر
عن سبب الزياره وهذه مهمه جدا في دائره الاعمال في الولايات المتحده
و
جمله
don't waste my time
لا تقال من سكرتير لشخص يود زياره مدير السكرتير وفيها مخالفه كبيره وايضا عدم احترام
بغض النظر غن جنسية القائل
| |
|
|
|
|
|
|
|
|
 Re: أوعك تقول للسوداني andquot;don't waste my timeandquot; !!! (Re: عثمان رضوان)
|
تحياتي وليد وعوض والمشاركين
Quote: هذه هي طبيعة الاسيويين
لا يردون حتى التحية
يعنى ممكن يكون جارك و تشتري منه في البقالة عشرات السنين
و بعد دا من الصعب ان تخلق معه حتى ادنى حد من العلاقة الشخصية
و لو في حدود رد التحية
و من الافضل عدم التعامل او الكلام معهم الا في الضرورة القصوى |
| Quote: غريبة أن نطلب من غير بنى جلدتنا أن يتشربو بما ليس فى ثقافتهم ويراعوا مشاعرنا على حساب أشياؤهم فقط لأننا نريد ذلك ! |
طيب نكلمكم عن تعامل الأسيويين معانا ومع الأوربيين هنا في أوربا
نفس البني آدم الأسيوي بكون ما فاضي لينا ولمن يجي واحد من أوربي بكون مؤدب و عندو زمن لخدمة الأوربي
بجي أنا داخل بسلم ما بردو السلام ولمن الأوربي يدخل بدون ما يسلم يبادروهو بالسلام
يعني المسألة في رأيي عدم إحترام لينا
| |
|
|
|
|
|
|
|
|
|
Re: أوعك تقول للسوداني andquot;don't waste my timeandquot; !!! (Re: أيمن الفاضل)
|
وليدنا
تعرف عندي واحد يمني، لمن يمسكك بالجوال ولا بالتلفون العادي، الله لا وراك ياااخ
يشهد الله في كثير من الأوقات بختو على الأسبيكر واواصل شغلي
واشبكه ليك نعم .. اهااا .. صاح .. بالله ... وبعدين ... الخ
وكلمته قلت ليهو انا بختك في الاسبيكر طوالي لأنك زول لغلاغ ساكت
ولا هاميهو ...
ويجى آخر الشهر ينقنق يقول الفاتورة مالها كتيرة كدا
| |
|
|
|
|
|
|
|
|
 Re: أوعك تقول للسوداني andquot;don't waste my timeandquot; !!! (Re: walid taha)
|
نحن شعب اجتماعي راقي وخدوم وكريم ,
ليس كل الشعوب اهل فزعة وذوق وضيافة ..
هذه عينه عن اختلاف الحضارات ..
او عينة عن مستوى حضارتنا و رقيها و شبه حضارة الاخرين .. او هكذا اظن ,, تحياتي
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
Re: أوعك تقول للسوداني andquot;don't waste my timeandquot; !!! (Re: walid taha)
|
وافر التحايا صاحب البوست والمشاركين ...
ماشين بعيد ليه نحنا السودانيين ذاتنا في واحدين شايفين روحهم ...
موقف مرّ بي :-
منتظر المدير المالي في شركة لأخذ مستحقاتنا ووجدته مشغول وتفضل وقال لي أخلص المعاي وأدخل طوالي ...
فوجدت في المكتب الخارجي سوداني وهو أخو زوجة مدير هذه الشركة ... عرفتها مؤخراً ...
وإتعرفت عليهو والونسة جرت وفجأة قال لي بدون مقدمات ممكن تمشي وتجيهو وقت تاني يكون فاضي ...
وأردف إنتو الأسبوع الفات أخدتو شيك تاني الأسبوع دا عايزين شيك برضو ؟؟؟
طوالي قبلت عليهو وأديتو وش الككو وقلت ليهو أول شيء أنا ما جايي أشحدك أنا جايي أخد حقوق متأخرة ...
ولمن إتونست معاك ما عشان تجيء تفتي لي في شغلي وأخد ولا ما أخد ...
ببساطة قال لي وإنت مسخن كدا ليه؟
قلت ليهو من القهر منك إذا كان المدير المالي ما نكر حقي وجنسيتو يمني تجيء إنت بكل بساطة تقرفني ...
المهم قلت ليهو حصل خير يا زول وتشرفتا بمعرفتك وطوالي للمدير المالي ولقيتو الحمد لله خلص الشيك ...
ومريت من عند السوداني وودعتو بطرف لساني ...
ومن ديك بقيت بس السلام عليكم وكفى ...
أها أخير الآسيويين ولا بني جلدتنا ؟؟؟
| |
|
|
|
|
|
|
| |
walid taha
ismeil abbas
عبدالمنعم الطيب حسن
ودقاسم
مجاهد محمد الهادي
أحمد عمر
Osama Mirghani
الفاتح شلبي
Muhib
saidahmed shami
عزالدين عباس الفحل
ابو جهينة
عثمان رضوان
أيمن الفاضل
شهاب الفاتح عثمان
نزار عبد الوهاب
فيس بوك
تويتر
انستقرام
يوتيوب
بنتيريست