|
|
|
 Re: يا خازن الأحزان (Re: أبوذر بابكر)
|
وانتِ ياالسُرَه:
توبك مقدقد
نهدك شردْ منو اللبنْ
بتِكْ حطام، ولَدِكْ سِجِنْ
توبك معطن بالوهنْ ....
... منك بررررررررررررراااااااااااك !!
أباذر الصديق:
سعيدة الحروف بيك يا ترزي الحروف ..
أكتب نشوف..
غيمتك نهار ألقا ولوف
سلامي لك، للأحبة(وأن تعرفهم )
ولأموووونة : إيش أخبارها؟؟؟
| |
 
|
|
|
|
|
|
|
 Re: يا خازن الأحزان (Re: جورج بنيوتي)
|
الصديق ابوذر
دايرة ليها قعدة وقهوة ورجعة ليك من تاني
بس اسي عجبتني دخلت جورج (زول من زمن : الكتابة الماخدة منك ومننا تعب الرحبل من صوتنا للاحلام)
جورج منووور
ليك ولي كتاباتك وحشة
تحياتي
عبد الله جعفر
| |
|
|
|
|
|
|
|
|
Re: يا خازن الأحزان (Re: Abdalla Gaafar)
|
القهوة
زينة مجلس النفوس
ومرسال هميم بين بداية اللحظة ونهاية النشوة
تشيل مكاتيب القلب وتوصلا لعموم جهات الفرح
جورج ده يا عبد الله
بقينا الا نبرك ليهو الفقرا حتين يجى ويقلع
ياها عمايل ناس السماء البعيدة ديك، حيث سدرة منتهى السماحة
يشاغلو فى الملائكة
ويكتلونا نحن بالشوق والإنتظار
انت ذاتك ما تطول مننا بالله
| |
|
|
|
|
|
|
|
|
|
Re: يا خازن الأحزان (Re: جورج بنيوتي)
|
Quote: وفرحك مدمدم ومتكى
دحين اخيرلك يا الفكى
فج الزحام
دفق محايتك فى الضلام
ما اللمه ترياق الفراق
والنمه مقلاع الوجع
الغنية مخلاية الوئام
الضحكة بلسم للفزع
وشك مبحلق فى الشمس
حاضن نهارات السؤال
حسا مصنقع من أمس
ينده تساويف المحال
حلما هناك لابس الضيا
بهرج حقيقتك
وإنكسف حد الخيال |
يا سلام يا ود بابكر ...دي حروف معتق حد الطرب ...
شكرا على عباراتك العالية وخيالك النابض وصورك الشعرية الكثيفة المبهرة الجياشة ...
واللغة الحميمة ...الأليفة ...المعبرة .
قصيدة رائعة وتقوم النفس من قولة تيت لي توريت .
---------------------------------------------
الصديق الصموت ...بنيوتي
سعدت برؤيتك في حديقة ود بابكر هذي ، بعد طول غياب ...
عساك طيب ...
وليتك تعود على صهوة حرفك الوضيء ...تشعل أزهار ألق في مساء الكلام .
العفو منك يا ود بابكر ...حبيت أناغم بنيوتينا .. في حضرة جمال حروفك ...
| |
|
|
|
|
|
|
|
|
|
Re: يا خازن الأحزان (Re: ibrahim fadlalla)
|
ازيك يا ابراهيم
الزهور بسمت لينا
لغاية ما ظهرت نواجذ لونها
وفاضت رحيق فى جنبات اللحظة
اللحظة الفرحانه بيك
تعرف
جورج اب كفة غيمة ده
مجرد جيته بتفتح احتمالات الخريف كلها
يخضر المكان وينشرح صدر الزمان
| |
|
|
|
|
|
|
|
|
|
Re: يا خازن الأحزان (Re: جورج بنيوتي)
|
جورج
يا صفينا الذى فى عمق الروح
فى بعادك اضنانا اليباس
وطعم النضمى قرهب ونشف
البركة الشفناك شديد
يمين بالله جيتك يا جورج
زى كأنه الزول اتوهط ليهو ضل سيسباانه نديانه وتريانه
واقفة قريب من خشم مويه البحر
تناضمو ويناضما
اما عن الشوق
قدر الكون ده كله
| |
|
|
|
|
|
|
|
|
|
Re: يا خازن الأحزان (Re: أبوذر بابكر)
|
الحبيب أب آمنة ، أبو ذر ، المطر
إنت لسة في جمالك داااا
ما بين مناداة الفكي ومناجاة طالع الأكوان
رحلة أمل مشوار طويييييل
القومة ليك يا حامل المسك
| |
|
|
|
|
|
|
|
|
|
Re: يا خازن الأحزان (Re: أبوذر بابكر)
|
كَسْرَه:-
عبدالله جعفر ،، إبراهيم:
وريدْ الشوق ملان بالدمْ
تحياتي وتمنياتي بأن أعودلأنتشي بصحبة الكلمه الكتاب والسيف.
أباذر:
واصل إعداد المسرح لي هرجلةالليل ورقص التانقو فوق قمة جبل
مودتي لكم جميعا.
| |
|
|
|
|
|
|
|
|
|
Re: يا خازن الأحزان (Re: جورج بنيوتي)
|
ولسه يا جورج الخلق واقفه تسأل
ليه سطوة الحزن اقوى واكبر فى الأرواح
ولسه الفرح مصر على ممارسة البخل
شايف
هسه جسارة الأحزان لمت ليك الحبان
عبد الله ده زى مذنب هالى بظهر كل ألف سنة مما يعدون
وأنا برضو لسه مصر
انه الأحزان لبد تجى لحظة وتنحاز لينا
ولحظتئذٍ
نبقيها افراح غصبا عنها
وغصبا عننا
| |
|
|
|
|
|
|
|
|
|
Re: يا خازن الأحزان (Re: أبوذر بابكر)
|
أبا الفيض
كتبت ليك في 2004 : ( شوف كم سنه من عمرنا ضاع مننا .. كم سنه .. كم سنة .. حرااااام عليك وحيات عنيك خليك هنا )
وصاني ليك طير الخريف
الفارق أعشاشو وديارو عشان يجيك
متعطش أعياهو السفر
قال ليك بِـريدك ومُشتهيـك
وانت المطر
فوق الظنـون
قاموسك المافيهو جيم
حرف الجفاف حرف الجحود
حرف الجفاء
ما بشبهك
حرمان حبايبك طلتك
وانت المطر
كل البريدوك بندهوك
يا غيثنا يا ابو الفيض مَددْ
وانت السنـد
متحلقين جُبرانا يا أبو الفيض مَددْ
وانـت العَضَـدْ
متسورين محرابنا يا ابو الفيض مَددْ
وانـت العَـمَـدْ
متوسلين بي آمنة يا ابو الفيض مَددْ
وانت المَـددْ
وأبشرك .. القلوب التي أحببناك بها ما زالت في صدورنا
| |
|
|
|
|
|
|
|
|
|
Re: يا خازن الأحزان (Re: singawi)
|
اخانا سنجاوى
ألا ليت ايام البهاء جديد
والجيم والحا جيران
ساعة الجيم تتقدم
وتطلع مارقه
من الجنه
ولما الحا تتهندم
وتظهر شارقه
من الحب
من بين آهاته الحارقه
من الفين واربعة بالله ؟
مافى طريقة الزول يوقف بيها الزمن ؟
ياخ ابراهيم عوض حسه بح من محاحاة الزمن
وهو مش عايزه يقيف وخلاص
لا شوف الطمع
داير كمان يهدى ليهو لحظات هنية
كدى هو اليقيف اول شى
برانا بنهدى لى روحنا لحظاتنا الهنية
| |
|
|
|
|
|
|
|
|
|
Re: يا خازن الأحزان (Re: بدر الدين محمد)
|
ازيك يا بدر السماء
وادينا شويه من صفاك
تعرف
انا يا داب انتبهت للشعار الإنت عامله مكان الصورة
"رأى" دى مجموعة اخوا الجميل عثمان النو ؟
لأنه طالما اتلاقت الكلمة "رأى" مع واحد من مفاتيح النوتة
يبقى المزيكا حاضرة أكيد
كدى ورينى بالله
| |
|
|
|
|
|
|
| |
أبوذر بابكر
ibrahim fadlalla
بدر الدين محمد
فيس بوك
تويتر
انستقرام
يوتيوب
بنتيريست