|
|
|
 Re: لا موية ليمون لا هزة كانون (Re: عبدالحفيظ ابوسن)
|
يوقد الناس قديما نارهم في اداة تقليدية اسمها الكانون . وهو اداة مصنوعة من الصفيح كالصندوق .. له فتحة رئيسية كالباب وفتحات اخري صغيرة كشبابيك وطاقات ! الطاقة اصغر من الشباك واعلي مكانة منه في البناء
ويغطي بصفيح مخرم .. وكل ذلك لتسهيل مرور الهواء لاشعال النور والحفاظ عليها متقدمة
يشعلونها بوضع القش الناشف فوق الفحم المستخرج من الحرق غير التام للاشجار
| |
 
|
|
|
|
|
|
|
|
Re: لا موية ليمون لا هزة كانون (Re: عبدالحفيظ ابوسن)
|
وسبق إكتشاف الكانون إكتشافا ثانيا عالميا
الاثافي !
والإثافي كلمة عربية فصيحة مما يدلل علي اننا استعملنا إكتشافا قديما معروفا بلغة غير سودانية !
والاثافي هن ثلاثة احجار توضع وتشعل النار تحتها ويوضع فيها القدر
والحجار الثلاثة تحافظ علي توازن القدر وتباعدهما يسمح بمرور الهواء من خلال الاحجار .. فقد إكتشف الناس ان الهواء يساعد النار علي الاشتعال .. حتي إكتشف العلم لاحقا ليس الهواء بل الاوكسجين هو ما يساعد النار . والاوكسجين غاز من غازات عدة عدة تشكل الهواء
وفي السودان تسمي الاثافي
اللدايات
وقالت العرب
ثالثة الاثافي حيث لن ينجح حجرين إلا بوجود ثالثهما
| |
|
|
|
|
|
|
|
|
|
Re: لا موية ليمون لا هزة كانون (Re: عبدالحفيظ ابوسن)
|
كل السرد الفوق دة من الماضي السحيق في عمر الشعوب
والماضي القريب في السودان
وسيكون مملا لمن هم فوق الاربعين وسيرددون في سرهم
ويعني عملت شنو !؟ ما عارفين ومما قمنا شايفينهم
ولكن !
اسألوا صغار ابناؤكم عن الكانون واللدايات
ستدهشكم الاجابة
اسألوهم عن المشلعيب دوا كلب
اسألوهم لماذا ندفن النار بالرماد
| |
|
|
|
|
|
|
|
|
|
Re: لا موية ليمون لا هزة كانون (Re: Asim Fageary)
|
واسأل العنبة الرامية فوق بيتنا
هكذا غني التاج مكي
ودة بوضح بإستقراء تاريخي مستمد من التراث السوداني انو الناس كانوا بزرعو العنب في البيوت !
شدر العنب والجوافة والليمون والمنقة والقشطة والرمان .. ديل شفتهم قي بيتنا وبيوت جيرانا
اها
كان الليمون بتناولوهو طازج من الشدرة و بعصروهو باليد .. ولم يكن التلج مكتشفا بأرض السودان آنذاك
يعصرو ليك الليمونة ومن ابرد زير يعملو ليك موية ليمون .. وموية الليمون تشفوفها رايبة من اثر بواقي الليمونة بعد استخراج الحب من الكباية بتاعت الشوب بالملعقة ..
| |
|
|
|
|
|
|
|
|
|
Re: لا موية ليمون لا هزة كانون (Re: عبدالحفيظ ابوسن)
|
اها نرجع لي اخونا في الكون انشتاين
قال العلماء
انو الابعاد 3 .. x..y...z كما تعارف عليها اهل الفيزياء والهندسة .. طول عرض وارتفاع
اها الزمان والمكان مرتبطات مع بعض .. يعني بتقول انا في كوستي . والجملة بتكون ناقصة مالم تحدد في كوستي متين .. انا في كوستي الآن ... سأكون في كوستي بعد شهر .. مكثت في كوستي اسبوع
وهكذا
اها الزمن ماشي قدام بس عكس الابعاد المكانية الممكن تتحرك فيها ورا وقدام وفوق
لكن انشتاين قال
لا ما صاح ! الابعاد اربعة واضاف الزمن x..y..z..t
وقال البعد الرابع هو الزمن .. وزي مافي موجب وسالب في الابعاد المكانية .. يعني لو تحركت من كوستي لي الخرطوم تعتبر تحركك موجب ولو جيت راجع تحسبو سالب .. يعني لو مشيت وجيت مسافتك محصلتها صفر كمعني رياضي بارد !
اها انشتاين قال حتي الزمن يمكن التحرك فيهو !
واستلمو ناس الفانتازيا القفاز وكتبوا قصص الخيال العلمي .. آلة الزمن ألهمت كثير من الكتاب وجو ناس السينما وتمو الناقصة
وتموها لامن زادوها موية
تمشي الماضي شان تكتل ابوعدوك شان ما يلد عدوك
وايييييك لو مسكنا الكلام دة موضوعنا بطول
| |
|
|
|
|
|
|
|
|
|
Re: لا موية ليمون لا هزة كانون (Re: عبدالحفيظ ابوسن)
|
سلام ود أبو سن ...يا رايق ..
شكلك قنعت من عصر الغاز ..قبلت على العصر الحجري ...غايتو سوي ليك أم دلدماية ساكت ..ما في انغاز بيصلك هناك ..
تسلم ..وشكرا على مداخلاتك الرزينة والمهمومة..المنثورة هنا وهناك ...
| |
|
|
|
|
|
|
|
|
|
Re: لا موية ليمون لا هزة كانون (Re: سلمى الشيخ سلامة)
|
ألأخ/عبدالحفيظ سلام وتحية بوست روعة وروعته زادت بطلة أختنا سلمى سلامة ربنا يحفظكم.
Quote: ميكانيكي بصلي وراء الامام .. جات آية سجدة والامام سجد وقام . والميكانيكي واقف وما فهم شي .. بعد الصلاة قال للامام
شنو السجدة دي الجبتها بدون كلتش |
أضحكتنى والله..ولولقيته حائمة وجاتك ثانى فى الواتسب أنا الدورتها.........تقديرى.
| |
|
|
|
|
|
|
|
|
|
Re: لا موية ليمون لا هزة كانون (Re: ismeil abbas)
|
مرحب ابراهيم فضل الله
وشاكر ليك حسن ظنك والله
قالوا كترت النواح بتعلم البكا
وبقينا نبكي وهم يلحسوا في دموعنا
ياخ رجعوا ليك التاريخ زي الماحصل شي
تحركوا القهقري في الزمان وعادوا بنا لعهود تجاوزناها
شكرا وكتر خيرك
| |
|
|
|
|
|
|
|
|
|
Re: لا موية ليمون لا هزة كانون (Re: عبدالحفيظ ابوسن)
|
شاهد الله بفرح بيك يا سلمي
وبسعد جد جد
حلوين زي ديل بزوروني وانا ما قايل
هههه
اي سمعت بالمثل
هؤلاء لا راعوا فينا حرمة دين ولا انسانية
تسيل من اشداقهم الدماء ويتطاير الشرر من عيونهم
كم من صاحب مغترب او مهاجر جا وقال لي
انا مستغرب انتو عايشين كيف
اذاقونا الامرين والثلاثة امرار وكل المرارات وابتدعوا امرارا لم تخطر ببال احد
| |
|
|
|
|
|
|
|
|
|
Re: لا موية ليمون لا هزة كانون (Re: عبدالحفيظ ابوسن)
|
اها قالو
المرة جات لي مرة ولدها .. سلمت عليها وخلت نسيبتها قاعدة . تخش بي هنا وتمرق بي هناك .. ترفع وتخت
ونسيبتها قاعدة ساي وتعاين ليها
اخدت قعدتها .. واستأذنتها
اها يا بتي فتك بي عافية
لكن معقول يا خالتو تقومي ساي .. لا هزة كانون لا موية ليمون ... تمرقي بي صمة خشمك ساي
تعالي كسري لي يا بتي
| |
|
|
|
|
|
|
|
|
|
Re: لا موية ليمون لا هزة كانون (Re: عبد المنعم سيد احمد)
|
وزع ساي يا اسماعيل هو المافي شنو ؟ كلو في وبي الهوبلي
الناس دي كلها تغرف من الثقافة والتراث الاسلامي بالصح وبالكضب .. لامن خشو في القرآن وكل يوم اية جديدة وآخر آية مستحدثة
الناس علي دين ملوكها !!
ف شنو الميكانيكي شاف الامام غير للخلف بدون كلتش ... بحت التروس كدة
| |
|
|
|
|
|
|
|
|
|
Re: لا موية ليمون لا هزة كانون (Re: عبدالحفيظ ابوسن)
|
| Quote: لا موية ليمون لا هزة كانون |
السمح ود أبوسن
حفيض
حليل زمن اللدايات وحليل زمن الويقود بعيرات بقر ناشفة
وحليل زمن الحطب
وحليل زمن المنقد والفحم
ها زول ها الفحم ما طار راح عليك أمان الله مايشترو إلا ناس البشير
موضوع حلو وشيق وما جبنا جيد هو ديدنك يا رائع
تحياتي ومودتي
| |
|
|
|
|
|
|
|
|
Re: لا موية ليمون لا هزة كانون (Re: عبدالحفيظ ابوسن)
|
حبابك ودالمنسي
حباب اللخو الصاحب
والويقود بعرات بقر ناشفة وبعرة البقر في الخريف ما بتنطفي
اخواتي ستات البيوت
ادوني ويقود قبال اموت
اخواتي ستات البيوت
ادوني قوت عربون اموت
طبق الدهب بي مد دقيق
دور والعيال مافكو
اخواتي ستات البيوت
ادوني ويقود قبال اموت
هكذا اشعر لنا الشاعر ذو النظر الثاقب حميد
| |
|
|
|
|
|
|
|
|
|
Re: لا موية ليمون لا هزة كانون (Re: عبدالحفيظ ابوسن)
|
بي الله رجعتنا للماضي وسافرت بينا دون آلة زمن
تقول لي انشتاين قال
ياهون دي الانقاذ عادت بالبعد الرابع دون جهد ..
اهب في النار بالهبابة وادي الكانون هزة ..ثم اعيد تنسيق الجمرات بالماشة واستعدل الحلة لتآكل الفحم تحتها
وانفخ
هيع انا نفاخ النار
انا الهبابة
| |
|
|
|
|
|
|
| |
عبدالحفيظ ابوسن
Asim Fageary
ibrahim fadlalla
سلمى الشيخ سلامة
ismeil abbas
عبد المنعم سيد احمد
خالد علي محجوب المنسي
فيس بوك
تويتر
انستقرام
يوتيوب
بنتيريست