|
فن الجسد
|
أظهرت الفنانة الألمانية الشابة جيسين مارويديل، مجموعة من أحدث إبداعاتها في فن طلاء الأجساد. وحولت جيسين مارويديل صاحبة الـ25 عاما فقط، بخيالها الخصب ومهارتها في مزج الألوان أجساد عارضين وعارضات للوحات بشرية تسحر الأنظار
|
|
|
|
|
|
|
|
Re: فن الجسد (Re: خالد علي محجوب المنسي)
|
صديقي خالد علي محجوب المنسي شوف ليك هبابة والا منديل بيعو في محطة شندي وفي السقط دى شوف ليك حيمورة حك بيها شقوق كرعينك. ميسرة كيف ؟ جاء والا لسع قال الى حين ميسرة قال
| |
|
|
|
|
|
|
Re: فن الجسد (Re: فيصل محمد خليل)
|
سلام مربع .. تعرف يا فيصل
أمبارح كنت بشرح لولدي درس حقهم في المدرسة Hand Crafts موضوع الدرس الفنون والرسومات البيعملوا منها Puzzles
فيه أفكار جميلة منها، Jigsaw Puzzle، والطريقة إختيار نوع من الفاكهة وكانت ثمرة الباباي وقطعه لنصفين طولياً
ثم رسمها على ورقة رسم بيضاء
ثم لصق الورقة على لوح مقوى (كرتون أو لباد) بنفس الحجم، ثم تقسيمها برسم خطوط منحنية بالرسم ثم قص أماكن الخطوط المنحنية
تتحول إلى قطع يعاد تجميعها مرة أخرى لتعطي نفس الصورة
غايتو حاجة ممتعة جداً
بيحفظوا الخطوات ويكرروها
بعد داك بيختاروا نوع تاني من الفاكهة وهكذا
والدرس التاني كان عن كيفية تحويل ثمرة الكمثرى إلى فأر بإستخدام الأولوان والدبابيس الملونة وشريط لعمل الذيل بعد أن يتم لف الكمثرى باالبلاستيك ثم لفه بطريقة طبقات فوق بعضها بشريط لاصق لتأخذ شكل جسم الفأر وتلوينه
غايتو كنت شغال لعب مع الولد زي ساعتين أمبارح وهو طبعاً بيذاكر في المادة وأنا بلعب
| |
|
|
|
|
|
|
Re: فن الجسد (Re: Asim Fageary)
|
Quote: غايتو حاجة ممتعة جداً |
قريبي Asim Fageary فعلاً الفنون جمال الفال وراحة البال وهجعة زول بعد ترحال شكراً ليك كتير
| |
|
|
|
|
|
|
Re: فن الجسد (Re: محمد مختار جعفر)
|
صديقي الاعلامي المخضرم محمد مختار جعفر تعددت طرق الرسم على الجسد وانتشرت العديد من الأشكال والألوان التى ترسم على أجزاء مختلفة من الجسم, ولكن قام البعض بعمل مجموعة من الرسوم المختلفة، ويكون فيها الرسم مرتبطا بالجزء من الجسم الذى رسم عليه وهذه بعض الأفكار المبدعة الجديدة. بتصرف. شكراً استاذ محمد مختار جعفر لقد اعطيتني اكتر منما استحق
| |
|
|
|
|
|
|
Re: فن الجسد (Re: Abureesh)
|
يا فيصل .. الرسم بالحنة السودانية يندرج تحت هذا الفن .. يعني ممكن تترسم كفة اليد زي زهرة أو فرع شجرة والرجلين زي بطة أو طاؤوس ... وهكذا
دا غير رسم الحنة في الأجزاء المخفية !
| |
|
|
|
|
|
|
Re: فن الجسد (Re: فيصل محمد خليل)
|
فيسولى حبيبى وشريانى ازيك ومشتاقين وكل سنة وانت طيب سنة 91 فى القاهرة اجرى شاب مصرى معرضا كاملا برسوماته على اصدقائه حقيقة كان معرض الاول من نوعه فى مصر وكان مثار دهشة ومثار نقاش بين الفنانين الكبار لانهم لم يشهدوا معرضا كمعرض صديقى الفنان محمد رمضان "اللى وراهو العيد "
| |
|
|
|
|
|
|
Re: فن الجسد (Re: فيصل محمد خليل)
|
غايتو. يا عاصم فقيري اذا ولدك بيدرس في السودان في مدرسة سودانية ومش مدرسة خاصة امريكية او بريطانية او سويدية بنكون ظلمنا المدارس السودانية ظلم الحسن والحسين ...وان هذا يعني ان نظام التعليم في السودان اتقدم تقدم كبير. للامام... والله يديكم الصحة والعافية
| |
|
|
|
|
|
|
Re: فن الجسد (Re: اميرة السيد)
|
Quote: غايتو. يا عاصم فقيري اذا ولدك بيدرس في السودان في مدرسة سودانية ومش مدرسة خاصة امريكية او بريطانية او سويدية بنكون ظلمنا المدارس السودانية ظلم الحسن والحسين ...وان هذا يعني ان نظام التعليم في السودان اتقدم تقدم كبير. للامام... والله يديكم الصحة والعافية |
يا أميرة .. هكر في ؟
يا أميرة لو كنا في السودان أنا كنت بقدر أدخل أولادي المدارس بتاعة المناهج البريطانية والأمريكية
نحنا ما في السودان ودا الكسبناه من الغربة
أهو قلنا الأولاد يتعلموا أحسن مما نبني ليهم عمارات نعلمهم ونفكهم في سوق العمل وأي واحد يحل فزورته بطريقته بعدين
| |
|
|
|
|
|
|
|