شارك الطبيب والشاعر المريخابي عمر محمود خالد في فعاليات المنتدى الشعري الذي أقيم بمسرح الخريجين بجامعة الخرطوم مساء الخميس الماضي، وكان النيلين حاضراً فيه، قدّم الطبيب الشاعر مجموعة من الأشعار الجديدة والقديمة التي نالت الاستحسان من الحضور، وسبق الدكتور عمر مجموعة من الشعراء الشباب أبدعوا في تقديم أنفسهم بمجموعة من القصائد الجميلة، مما دفع الشاعر لمخاطبتهم عند صعوده للمسرح بعبارة " إنتو قايلين نفسكم أولاد كلب وبنات كلب؟ " مذكّراً إياهم بأنه كان أفضل منهم وإنّه قدّم أولى محاولاته الشعرية في العام 1971 بجامعة الخرطوم، أي قبل 44 عاماً، مع تأكيد إعجابه بما قدم من قصائد. وكعادته في معظم المناسبات الشعرية افتخر الدكتور عمر محمود خالد بتشجيعه لنادي المريخ، وألقى قصيدته المشهورة يا سيدة لا، والتي حكى قصتها بأنّها كتبت في زميلتهم بالجامعة والتي لم تكمل دراستها بسبب حصولها على مجموع ضعيف،
وتقول القصيدة:
يا سيده لا فايتانا وين مستعجله شرط امتحان ما انتي كملت الحلا لازم علوم ما بالسماحه مؤهله ما سمحه قاطعه مكمله ما ساحره نايره و مذهله فايتانا وين مستعجله الجامعه صبحت قاحله حزنت لياليها وصباحاتا وبتبكي اصائلا ما كنتي نواره ونسيمه و بلبله كنتي الضيا البرشح سناه يجملا كنتي الندى الحاضن زهورا مبللا فايتانا وين مستعجله فوتك منو العاد بقبلا كل القلوب تخضع تجيك متوسلا تتبع خطاك ترقص معاك تزرع دروبك و تشتلا فايتانا وين مستعجله السله تبكي مولوله ما الليله صبحت ارمله جفت دروبها وبهجتا وبنت العناكب مدخلها ما كان عشانك يا ملاك نحنا بنجيها وندخلها كنا بنصفق للجمال كنا بنصفق للحلا لكن يمين حالفين وراك لا نجيها يوم لا نواصلا حادين عليك يا مذهله فايتانا وين مستعجله القمرا لمن طولت روحنا ليها بنسألا القمرا لمن اختفت مشينا ليها نسألا قلنا ليها ليه يعني الغياب ساعه الظلام ايش طولا قالت خلاص بارضكم ما لي صلا انا اصلو بشتاق للعيون البطبيعه مكحله وانا كان عشان سيده بجي بطوي الديار و اجملا
غلطات كتيره الكمبيوتر بعملا امكن نسا و امكن سها وجاط النمر باكملا ما قالو بعرف كل شي ليه ما عرف كل الحلا لو كان عرف كل النمر كان بدلا لو كان عرف كان النتائج بدلا و عشان عيونك يا قمر كان ختا اسمك اولا فايتانا وين مستعجله مالو العميد مالو العنيد مالو لو رفد المصحح و المعيد و خلا ست الناس تعيد و شال من نمرنا و كملا فايتانا وين مستعجله الجامعه بعدك كوم رماد لا تنفع اداب لا اقتصاد لا فيها طب لا صيدله يا السيده لا و يا السمحه لا فايتانا وين مستعجله
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
elsawi
فيس بوك
تويتر
انستقرام
يوتيوب
بنتيريست