|
الرئيس البشير يفتتح القصر الرئاسي الجديد (صور )
|
بالامس افتتح الرئيس البشير القصر الرئاسي الجديد قبالة النيل وشارك فى الاحتفال عدد كبير من قيادات العمل السياسى والاعلامىة بالبلاد وعدد من السفراء والوزراء المعتمدين لدى السودان تم الافتتاح على انغام النشيد الوطنى ومشاركة فرق موسيقية شعبية . القصر القديم سيتحول الى متحف لرمزيته التاريخيه طبقا لما قاله الاستاذ عماد سيد احمد للصحفيين المتحدث بأسم الرئاسة
احبتى سأوافيكم بالصور
|
|
|
|
|
|
|
|
Re: الرئيس البشير يفتتح القصر الرئاسي الجديد (صور ) (Re: فدوى الشريف)
|
يُحَوَّلُ عَن قَريبٍ مِن قُصورٍ مُزَخرَفَةٍ إِلى بَيتِ التُرابِ فَيُسلَمَ فيهِ مَهجوراً فَريداً أَحاطَ بِهِ شُحوبُ الإِغتِرابِ وَهَولُ الحَشرِ أَفظَعُ كُلِّ أَمرٍ إِذا دُعِيَ اِبنُ آدَمَ لِلحِسابِ وَأَلفى كُلَّ صالِحَةٍ أَتاها وَسَيِّئَةٍ جَناها في الكِتابِ لَقَد آنَ التَزَوُّدُ إِن عَقِلنا وَأَخذُ الحَظِّ مِن باقي الشَبابِ
من كلمات الامام الحسين عليه السلام ,,
| |
|
|
|
|
|
|
Re: الرئيس البشير يفتتح القصر الرئاسي الجديد (صور ) (Re: فدوى الشريف)
|
الخزي والعار لمن يقفل مستشفي ويخرب مشروعا ويبني قصر
قال تعالي في سورة الحج
Quote: فَكَأَيِّن مِّن قَرْيَةٍ أَهْلَكْنَاهَا وَهِيَ ظَالِمَةٌ فَهِيَ خَاوِيَةٌ عَلَىand#1648; عُرُوشِهَا وَبِئْرٍ مُّعَطَّلَةٍ وَقَصْرٍ مَّشِيدٍ (45) أَفَلَمْ يَسِيرُوا فِي الْأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا and#1750; فَإِنَّهَا لَا تَعْمَى الْأَبْصَارُ وَلَand#1648;كِن تَعْمَى الْقُلُوبُ الَّتِي فِي الصُّدُورِ (46) |
عمي القلوب يبنون قصورا من جماجم الرجال الموتي وأنين الأطفال الجوعي وبكاء النساء الثواكل
| |
|
|
|
|
|
|
Re: الرئيس البشير يفتتح القصر الرئاسي الجديد (صور ) (Re: Dahab Telbo)
|
Quote: ما زنبهم ديل ياعمر |
احدهم يتساءل ما ذنبهم ديل يا عمر و كأن عمر ده هو المتسبب في الجرائم التي تحدث من قبل الحركات المسلحة
أي كائن حي او غيرو يرفع سلاحو ضد قوات شعبنا المسلحة لا نتمنى له غير الهلاك و الهزيمة و الضنك و المسغبة ديل ذنبهم شنو .. هذا السؤال اسألو لي حركات قطاع الطرق الذين يرفعون اسلحتهم في وجه الجيش السوداني الا تعلم لمن توجه مثل هذه الاسئلة؟
ما ذنبنا نحن السنه كلها دارفور دارفور و جبال النوبة ؟ السودان ده مافيهو غير دارفور و جبال النوبة و النيل الازرق ؟؟
كان حريا بك ان تلقي اللوم و الاسئلة على اولئك الذين يحملون السلاح ضد الدولة ، لانهم سبب ما يعانيه السودان عموم من مشاكل
غايتو في ناس في المنبر ده يفقعو المرارة
| |
|
|
|
|
|
|
Re: الرئيس البشير يفتتح القصر الرئاسي الجديد (صور ) (Re: خالد المبارك)
|
اكتب النص هنا الاستاذ خالد المبارك تجية وسلام كتبت
Quote: احدهم يتساءل ما ذنبهم ديل يا عمر و كأن عمر ده هو المتسبب في الجرائم التي تحدث من قبل الحركات المسلحة
أي كائن حي او غيرو يرفع سلاحو ضد قوات شعبنا المسلحة لا نتمنى له غير الهلاك و الهزيمة و الضنك و المسغبة
ديل ذنبهم شنو .. هذا السؤال اسألو لي حركات قطاع الطرق الذين يرفعون اسلحتهم في وجه الجيش السوداني الا تعلم لمن توجه مثل هذه الاسئلة؟
ما ذنبنا نحن السنه كلها دارفور دارفور و جبال النوبة ؟ السودان ده مافيهو غير دارفور و جبال النوبة و النيل الازرق ؟؟
كان حريا بك ان تلقي اللوم و الاسئلة على اولئك الذين يحملون السلاح ضد الدولة ، لانهم سبب ما يعانيه السودان عموم من مشاكل
غايتو في ناس في المنبر ده يفقعو المرارة |
يازول براحة وسلامة مرارتك مالك مسخن كدة راس السوط وصلك صاح مبروك دا المطلوب من الرساله وانشالله مبعوت ليك واحد بندول لزوم الدوخة وكدة.
الكن شلاقتك عييينة !! هسي في زول سألك ولا طالبك بجواب في زول قال خالد المبارك في زول ذكر خالد اصلا ولا في زول جاب سيرة كيزان لندن من اساسو ؟ كدي روق المنقة شوية واحكي مشكلتك بالضبط شنو؟ شايفك الايامات دي شايل بقج عنصريتك ولافي ( نحن ونحن وقواتنا وقوادتنا ) ات ياود لو عاوز تتقوّد لسيدك الرئيس وعفنو ديل ما تتقود وهو القوادة كمان دايرة ليها جوطة قدر ده؟ نون جماعة وحروف عطف وحس وطني و(مسغبة!!!) يازول تعال بالدرب زي اخوانك ود الباوقة وبقية العقد الفريد ماف زول بسألك الموضوع ما بستاهل فقع مرارات ولا حتى تليف كِبد شفت كيف! ساهل ثم كدي تعال اسألك انت زعلان شديييييييييييييييييد كدة لامن عايز تفقع مرارتك على شنو ؟ ما يكون بس على الذال الانا كولجتها وجعلتها زاي في مقتبسك المقتضب (مغتضب بالغين عارف اي) يا زول انت لو قدر حالك دي ما عارف اسس الانسانية والحس الوطني امش اتعلم بدل هبالتك البتسوي فيها دي هو عمر البشير عارف انو البسوي فيهو دا غلط وجماعتو كلهم مقرين وسيدك الرئيس قال بعضمة لسانو انو سفك دماء الشعب السوداني لأتفه الاسباب جاي انت بسلامتك شايل ليك بقجه مقددة مليانه عنصرية وجهويه عايز تسد بيها عورة سيدك الرئيس وكمان عندك اسلوب جميل . قال شنو
Quote: أي كائن حي او غيرو يرفع سلاحو ضد قوات شعبنا المسلحة لا نتمنى له غير الهلاك و الهزيمة و الضنك و المسغبة |
ولد ده ! اها انتو منو ؟ ما اتشرفنا بمعرفتكم فرقة جهاد التمني مثلا ولا القوات الخاصة للتمني بالهلاك والمسغبة! لكن مسغبتك ما عجييييييبة يا بتاع قواتنا المشلحة اسف المسلحة وانت يا استاذ ما سمعت العندليب الاسمر زيدان (الله يحمو) قال عن التمني شنو ؟ او خليك من زيدان اصلو الغنا زاتو حرام هاك بيت الشعر دا وما نيل المطالب بالتمني * ولكن تؤخذ الدنيا غلابا
عليك الله يا استاذ ودالمبارك ما تضع نفسك في ( مساغب ) ذي دي فهؤلاء القوم ادرى بعمايلهم منك وعشان ما تعمل فيها انت شفت وبتاع خطب وتوجيهات انصحك بعدم حشر انفك فيما لا يعنيك وانا اسف ووالله بمزح معاك بس وما تاخد في بالك وعشان اثبت ليك حسن نيتي بهديك هذا الفيديو (دون تمني)
تلبو
| |
|
|
|
|
|
|
قصور أم مستشفيات (Re: Dahab Telbo)
|
قالت فدوي
Quote: تظل المنشأت التى تنفذها الدولة باقية قصر جمهورى ولا مستشفى ولا شارع زلط الدولة ماحتشيلهم معاها عشان كدا مافى داعى للكواريك ساى تحياتى لكم |
السؤال لزومه شنو؟؟؟ القصر القديم دا ماله؟؟؟ (ولا هو كمان باعوه) القصر القديم إتملا رؤوسا يعني؟؟؟؟ أمريكا الكبيرة وغنية دي عندها "قصر جمهوري" واحد البيت الأبيض ليه أكتر من ميتين سنة
في بلد من أفقر بلاد العالم مقصرة في حاجات كتيرة كتيرة مهمة زي الصحة والتعليم والأكل والشراب كل مرة مرضي الكلي يسدوا الشارع عشان دوا مافي ونسبة مرض الأيدز مخيفة وتنذر بشر وبيل والادوية المنقذة للحياة معدومة أطفال المدارس في الخرطوم متبرعة ليهم اليابان بوجبة طعام (ديل اطفال المركز...أطفال الهامش ليهم الله بس)
في بلد زي دي الديكتاتور الحقير البشير داير قصر تاني لشنو؟؟؟؟؟ ما كفاية قصور كافوري والمنشبة والفلل الرئاسية
نحن ذاتو مستغربين ليه بلد بتفق علي القصر الجمهوري 16 في المية من الميرانية (ديكتاتور وشوية تنابلة سلطان) وتنفق علي صحة أكثر من 30 مليون مواطن أقل من 2 في المية أقل من 2 في المية للدواء والمستشفيات والأطباء والممرضين والكوادر الفنية وللصحة الوقائية وصحة البيئة,,,,,عيك
يهاجرون لله في قصر جديد!!!!! لكن الإسلام ما عندكم
| |
|
|
|
|
|
|
Re: قصور أم مستشفيات (Re: Nasr)
|
Quote: يوسف الجلال
بصورة، حماسية تجاوزت الزمان والمكان والمناسبة، جزم نائب رئيس الجمهورية حسبو محمد عبد الرحمن، بأن الحكومة عازمة على إنهاء التمرد، وتجفيف منابعه. وأنها – أي الحكومة – لن تألو في ذلك جهداً، ولن تدخر وقتاً. وأبعد من ذلك، فقد قطع "حسبو" في كلمته أمام ورشة تقييم أداء الدفاع الشعبي، بأن "التمرد إذا دخل جحر ضب، فإن الحكومة ستدخل وراءه، لقطع دابره تماماً".
بصورة تلقائية، تذكرت هذه التصريحات، وأنا اقرأ خبرًا مُفجِعاً عن "تجاوزات للأوقاف بمجمع الذهب بالخرطوم" ، نُشر أمس بالزميلة (آخر لحظة)، في توقيت متزامن مع خبر آخر أوردته الزميلة (التيار)، يتحدث عن "تلكؤ السلطات في إرجاع (2,2) مليار جنيه للحجيج".
لا أدري السبب تحديداً في تذكر حديث النائب، لكن يبدو أن المخالفات التي أضحت سمة غالبة في أداء بعض المؤسسات، وخصوصًا ذات الطبيعة الدينية والدعوية، قد تجاوزت حدود المعقول، واستحالت إلى كارثة، على نحو ما أفرزته المحاكمات المتصلة لنافذين في تلك الجهات الدعوية..!
وظني، لو أن الحكومة جيَّشت جيوش المراجع العام، وكثّفت حملات التفتيش على المؤسسات الحكومية، لما وصل الحال إلى ما هو عليه الآن، وتحديدًا بعدما أستبيحت حرمة مال الإرشاد والدعوة والأوقاف. وهذه كلها من عجابب هذا الزمان، ومن مخصوصاته، دوناً عن الأزمنة الأخرى، فلم نعرف أن حُراس العقيدة قد سطوا في غفلة الرقيب، على مال الدعوة إلى دين الله..!
فإذا دخلت الحكومة إلى عش الدبابير، ووضعت يدها على الأدراج السرية، لما تبدد المال، على نحو ما حدث في قضية الأوقاف الشهيرة، ولو أن الحكومة طاردت المفسدين حتى "جحورهم" لكان المال العام مُصاناً، ولكان بعيداً عن طائلة أيادي المفسدين.
بل إن الحكومة إذا ضربت بيد من حديد على من يعبثون بدين الله، من خلال تبديد أموال الدعوة إلى الله، لما وجدت نفسها مضطرة الى خوض الحرب، ضد الحركات المسلحة، لجهة أن الحرب على الفساد ستكون سبباً في انتهاء الحرب اللعينة التي تشتعل حالياً في أجزاء واسعة من الوطن، لأن بعض تلك الحركات خرجت بعدما تغافلت يد الرقيب عن البطش بالمفسدين، وبعدما غابت دولة المساواة والعدالة الاجتماعية.
الواقع، ومن قبله المنطق، يقولان إنه، يتوجب على الحكومة أن "تستنفر" جيوشها – على وجه السرعة - لخوض معركة كسر العظم مع الفساد والمفسدين أولا، فهي أم المعارك؛ وهي بمثابة الضامن لإنهاء الغبن السياسي وأيضاً الغبن المجتمعي، الناتج عن تبدد المال العام في غير وجهته الصحيحة. وليس خافيا أن المفسدين أشد خطراً على الدولة؛ لكونهم مثل السرطان ينخرون في الخفاء.
مُنع من النشر بأمر الرقابة الأمنية القبلية؛ المفروضة على صحيفة (الصيحة). |
المصدر : http://www.sudaneseonline.com/news-action-show-id-181047.htmhttp://www.sudaneseonline.com/news-action-show-id-181047.htm
| |
|
|
|
|
|
|
|