|
|
|
 Re: ذكرياتي أول وآخر لقاء مع الفنان مصطفى سيداحمد .. بمعهد المعلمين (Re: الرفاعي عبدالعاطي حجر)
|
تحياتي .. أخي علي،
| Quote: الظاهر يا علي الطورية دي ما حتفارقنا طول العمر |
ومالا الطوريـة .... والفلاح ياخ ..
تعرف ذكرتني رد (مصطفى سعيد) على الراوي في (موسم الهجرة): "نحن لا حاجة لنا بالشعر.. لو أنك درست (الفلاحة) *أو الهندسة لكان خير.."
التحية لك أخي علي ولصديقك (صلاح) ورحم الله (مصطفى) وأسكنه فسيح الجنان ..
وشكراً على إشراكنا في تلك القصــة الجميلة..
-------------
* الفلاحة من عندي بالطبع.. .
| |
 
|
|
|
|
|
|
|
 Re: ذكرياتي أول وآخر لقاء مع الفنان مصطفى سيداحمد .. بمعهد المعلمين (Re: محمد عبد الله الامين)
|
Quote: طيب بالمناسبة دي حضورك يعنينا في ليلة مصطفى وتكريم الشاعر ازهري محمد علي بفندق البيعة ليلة الاثنين 26 يناير يا استاذ علي عبدالوهاب
تحياتي لك ورحمات الله تتغشى ود المقبول ,,, |
حبيبنا رفاعي حضور إن شاء الله .. ولكن لازم ناس سيف وحرسم ومجموعة الاربعائية كمان ..
لك التحية .. يا حجر مصطفى كان زول خلوق ورائع كنا نشوفوا كتير مع شلة ناس المسرح والفنون
له الرحمة ..
| |
|
|
|
|
|
|
|
|
|
Re: ذكرياتي أول وآخر لقاء مع الفنان مصطفى سيداحمد .. بمعهد المعلمين (Re: نصر الدين عثمان)
|
Quote: ومالا الطوريـة .... والفلاح ياخ ..
تعرف ذكرتني رد (مصطفى سعيد) على الراوي في (موسم الهجرة): "نحن لا حاجة لنا بالشعر.. لو أنك درست (الفلاحة) *أو الهندسة لكان خير.."
التحية لك أخي علي ولصديقك (صلاح) ورحم الله (مصطفى) وأسكنه فسيح الجنان ..
وشكراً على إشراكنا في تلك القصــة الجميلة..
-------------
* الفلاحة من عندي بالطبع.. . |
حبيبنا نصر الدين .. يا أخي بدون طورية نحن في الشمال ما عندنا أي قيمة مهما درست وتعلمت نهاية التاريخية هي الطورية برمز ( العطاء والنبل والاصالة والحياة ..الخ
تحياتي ليك أخي نصر الدين .. كانت أيام جميلة .. لاحظ أنني معلم ذلك الوقت في الشمال وكانت هي فقط المرة الثانية أزور فيه العاصمة المرة الأولى لمدة شهر
الواحد كان يصاب بالرهبة عندما يرى Towners
رحم الله مصطفى رحمة واسعة ..
شكراً نصر الدين ومحبتي
| |
|
|
|
|
|
|
|
|
|
Re: ذكرياتي أول وآخر لقاء مع الفنان مصطفى سيداحمد .. بمعهد المعلمين (Re: علي عبدالوهاب عثمان)
|
Quote: لله عزة في هواك ما اجتزتها هههههه
الطورية ياها المحمداك
رحم الله مصطفي سيد احمد
وتقبل تحياتي اخ علي عبد الوهاب |
حبيبنا محمد الأمين .. ناس موسيقي دبل ما عندهم مزاح يا اسود يا أبيض
تعرف يا محمد من تلك اللحظة عندما أرى أي مسابقة فنية يرتعش جسدي ..
يا أخي الاستاذ / محمد عجاج خارج القاعة اخونا صلاح سلم عليه وآخرإبتسامة ومجاملات ..
مما دخل القاعة انقلب مليون درجة صرامة وجدية فائقة ..
ديل ناس صعبين .. بعدين المجموعة التي تم إختيارها .. لدرجة التناسق والتناغم تقول متربين في بيت واحد مع أنهم من كل انحاء السودان
ولم يلتقوا مع بعض إلا في تلك اللحظة .. بعد داك مشينا للفلاحة بكل قناعة ..
| |
|
|
|
|
|
|
|
|
|
Re: ذكرياتي أول وآخر لقاء مع الفنان مصطفى سيداحمد .. بمعهد المعلمين (Re: ياسر منصور عثمان)
|
مجدي أمبس شكراً للحضور الرائع ..
Quote: حبيبنا الأستاذ علي أرتوي
مسكاقمي
مروري لمحراب الجمال والتفرد لحبيبنا الراحل مصطفي سيد أحمد جمعتنا به الجيرة في امتداد الدرجة الثالثة في بداياته الجميلة
،،،،أبوقصي،،،، |
مصطفى رحمه الله عليه ، كان إنسان رائع وبعدين المعهد كان الفنانين الذين يعملون التدريس يحيوا الحفلات بدون مقابل
حسب ما أذكر جانا محمد ميرغني ..
لك التحية ..
| |
|
|
|
|
|
|
|
|
|
Re: ذكرياتي أول وآخر لقاء مع الفنان مصطفى سيداحمد .. بمعهد المعلمين (Re: ياسر منصور عثمان)
|
Quote: لام استاذ علي ....
ورحم الله مصطفى سيد احمد وتلك الايام..
عندي سؤال بسيط... الاستاذ محمود محمد طه كان عندو مسجد في الحارة التانية؟؟؟
غايتو انا ما بتذكر ...يمكن لأننا كنا صغار في ذلك الزمن...مع ودي |
هههههههههه
حبيبنا ياسر .. أحاول أن أتذكر ..
نعم كان هناك مسجد لا أعرف بالضبط كان المسمى ( الحارة الثانية أو الهجرة ) لأن معرفتي بجغرافية تلك أماكن ضعيفة جداً
المسجد كان في الحارة الثانية نعم نعم .. والمعهد كذلك .. وكان بيننا وبين معهد المعلمين العالي ( مقابر أحمد شرفي ) لأنني كنت مستغرب أحمد شرفي قريبي من مشو قالوا (المهدية )
كنا نركب البوكس من محطة إسمها ( العدني ) اسم المكان ( الثورة بالنص ) كان معهد جميل تم بناؤه على نققة اليونيسكو فكان البديل لمعهد تدريب المعلمات وكانت الدفعة الأولى تقريباً
لأن التواصل كان مازال قائماً بين المعهدين ..
نعم الشباب والشابات الجمهوريين كانوا يأتون إلى المعهد كانت هناك نقاشات ويمدوننا بالنشرات .. كان زمن إستنارة .. كانوا قمة في المثالية والتعامل ..
صدقني ياسر .. لم اكن أتخيل أن الاستاذ / محمود محمد طه سوف يبلغ هذه الدرجة من التأثير وندمت أنني لم أحضر إلى مسجده على أقل أراه ..
لك التحية ياسر الحبيب .. أتمنى أن اكون صحيح أمدرمان كنا نجي من البلد لبيت الادارسة في الموردة وفقط .
| |
|
|
|
|
|
|
|
|
|
Re: ذكرياتي أول وآخر لقاء مع الفنان مصطفى سيداحمد .. بمعهد المعلمين (Re: علي عبدالوهاب عثمان)
|
Quote:
العلي علي
علي اننقا سريناقمي اهو ربنا رحمنا من الاصوات النشاز هههه |
من الفيسبولك ..
وو .. علي أمبس ( اننقا ) مسكاقمي .. سيرناقمي ..
اخي علي .. أنا كنت مجهز لليوم داك بمساعدة اخي صلاح .. كان وضعنا المادي ممتاز الراتب الشهري قريب أربعين جنية .. وصلاح طبعاً كان يعرف الخرطوم كويس جداً ..
وأخذني إلى ترزي في سوق بحري من الاخوة الجنوبيين إسمه ( كوال دينق ) حسب ما أذكر .. وفصل لي بنطلون ( شارلستون ) بثلاثة زراير بدون حزام .. واشترينا قميص (تحرمني) حسب الموضة
في ذلك الزمان .. من ( سلوي بوتيك ) جنب الشعبية بحري .. وجيت المعهد في ذلك اليوم آخر أناقة ومعي صلاح بنفس الاناقة وأكثر .. كما لقينا الاستاذ مصطفى سيداحمد على نفس ( الستايل)
يا اخي كان زمن جميل جداً .. كنت خجلان شوية من باقي الزملاء ولكن الموضوع مر عادي .. المشكلة أن الاستاذ / محمد عجاج لم يعطينا الفرصة والغريب أن الاستاذ عجاج بنفس طريقته
لقد شاهدته في إحدى القنوات السودانية يدلي برايه تجاه بعض الفنانين وبس يأ أخي لقد أكل منه الدهر والشرب له التحية وامد الله في أيامه .. يا سلام ..
وصدقت نبوءة الاستاذ / مصطفى سيداحمد .. لأخي صلاح .. أن الاختبار صعب إجتيازه .. وأن الأمر ليس بالساهل ان تدخل في جمعية ( الموسيقى والمسرح ) ..
يا سلام الواجد رجع أربعين سنة وأكثر لذلك الزمن ..
رحم الله مصطفى سيداحمد .. وصدقاً لكلامك يا أخي علي .. لم تعد هناك أصوات زي زمان .. لكني معجب بصوت ( أمجد صابر بالنوبية ) .. ونانسي عجاج كمان ( هل هي قريبة محمد عجاج )
تحياتي ليك يا علي من الفنيسيوك ..
| |
|
|
|
|
|
|
|
|
|
Re: ذكرياتي أول وآخر لقاء مع الفنان مصطفى سيداحمد .. بمعهد المعلمين (Re: علي عبدالوهاب عثمان)
|
| Quote: في ذلك العام في منتصف السبيعينات من القرن الماضي تم إستدعاءنا إلى كورس تدريب معلمي المرحلة الثانوية العامة وكان المعهد في أمدرمان الحارة الثانية |
الاخ على عبد الوهاب
تحياتى
المرحوم مصطفى سيد احمد درس فى الفرقة ( 48 ) ب بمعهد تدريب معلمات المرحلة المتوسطة بحى الملازمين - ام درمان جنوب سجن ام درمان فى 1976 ، و كنت فى الفرقة ( 49 ) ب ، و الدراسة كانت مسائية
حيث كنا نتبع لمعهد التربية بخت الرضا و الفرقة فى بخت الرضا ( أ ) و فى ام درمان (ب ) .
من قام بتدريسنا و من قبلنا مصطفى هو الالدكتور محمد سراج الدين ملحن الكثير من اغانى مصطفى و اشهرها تباريح الهوى ، حيث كان سرج الدين يرأس قسم الموسيقى بينما ترأس زوجته
الاستاذة منى عبد الرحيم قسم المسرح .
لقد عاصرنا مع دكتور سراج الدين و فى قاعات المعهد ميلاد معظم اغانى مصطفى مع تواجد شبه دائم للاستاذ محمد ميرغنى معلم الموسيقى بكلية المعلمات المجاورة للمعهد و الشاعر التجانى حاج موسى
و تزامن فى ذلك الوقت ميلاد مهرجان الثقافة الذى كان الانطلاقة الاكبر لمصطفى .
ارجو ان اكون قد اوضحت ما التبس مع اكيد احترامى ،،
| |
|
|
|
|
|
|
|
|
Re: ذكرياتي أول وآخر لقاء مع الفنان مصطفى سيداحمد .. بمعهد المعلمين (Re: انور التكينة)
|
شكراً اخي أنور على التوضيح ..
هنا تأكدت أن الاستاذ / مصطفى كان يحضر زائراً لقد ذكرت أن :
| Quote: الفنان مصطفى سيداحمد ولا أعرف هل كان له علاقة بالمعهد أو يأتيه زائراً لأن المعهد كان مزدحم بالمتدربين |
أخي أنور المعهد بنيه وبين معهد المعلمين العالي ( مقابر ) كان معهد جديد بناه هيئة اليونسكو .. والدفعة قبلنا كانوا يذهبون الى ( معهد تدريب المعلمات ) امدرمان
أتذكر أننا كنا نركب ( عربات الثورة بالنص )
كما أذكر أن يجوارنا كانت مدرسة امدرمان الفنية ( إذا صحت اتسمية ) لأول مرة رأيت فيها الفتيات يلعبن كرة السلة .. كنا نراها من الطابق الثاني في المعهد ..
التحية لك هكذا وضحت الرؤيا لأنني كنت أجده في جمعية الموسيقى فقط ( وليست ) في قاعات الدراسة ..
شكراً انور لقد شوقتني إلى المكان .. لا بد في إجازتي القدمة أن أحاول زيارة المكان مع أنني فقط أمر من الخرطوم الى الشمالية من المطار ..
تحياتي لك ..
| |
|
|
|
|
|
|
|
|
|
Re: ذكرياتي أول وآخر لقاء مع الفنان مصطفى سيداحمد .. بمعهد المعلمين (Re: علي عبدالوهاب عثمان)
|
Quote: Saaeedali Babeker · الأكثر تعليقا · خلوه وهارفارد في دوله قطر
رحم الله مصطفي اذكر ذات يوم كنا نجلس انا والمرحوم مصطفي في شقتهم في حي السلطه القديمه بالدوحه وكان معنا الاخ الاستاذ عصام حسين
وفي ذلك اليوم عصام قال لي سعيد عليك الله قوم امشي جيب مصطفي من الغسيل لاني عاوز اخد لي نومه
ومشيت جبته و الراحل متعود بعد ارجع من الغسيل ياخد له غفوه ولازم يكون في الثلاجه ليمون وثلج المهم بعد غفوته صحي وعملت شاي احمر وبدانا نتونس والمغيرب كدا بداءت الامطار تنزل وهو فتح الشباك وبعاين في المطره وفجاءه التفت لي وقال لي عارف يا سعيد نفسي في شنو؟؟؟؟؟؟؟؟؟؟؟
قلت ليهو اها عاوز شنو ؟ قال لي عاوز اكون بمناسبه الخريف دا جالس في الحدب امام القريه ود سلفاب وحوالي اولادي والفراش طاير علي القش
وقال لي تفتكر دا ممكن يكون؟؟؟؟
والله غلبني ارد عليه وعشان اتخارج من الموقف دا قلت لي مصطفي عليك الله غني لي الدنيا ليل غربه ومطر
قال لي ابيت
يا سعيد الاغنيه دي انا بحس بيها حقتي بغنيها لنفسي
قلت ليهو طيب غني السمحه قالوا مرحله قال لي انت عاوز تسمعها حتي ترجعك للزمن الماضي
ومسك العود وبداء يدندن باغنيه في الاسي ضاعت سنيني
له الرحمه والمغفره |
يا سلام أخي سعيد .. لك التحية وله الرحمة والمغفرة .. حاجة حزينة تملأ العين بالدموع ..
أخي سعيد .. مثل هذه الروايات هي تجعلنا نستحضر هذا الفنان الرائع .. ونعايش يومياته ..
لكم التحية أخواننا في قطر فقد كانت شرف إستضافة هذا المبدع العظيم ..
اخي سعيد واصل ذكرياتك .. حتى عبر الفيسبوك ..
| |
|
|
|
|
|
|
| |
علي عبدالوهاب عثمان
الرفاعي عبدالعاطي حجر
نصر الدين عثمان
مجدي عبدالرحيم فضل
ياسر منصور عثمان
انور التكينة
فيس بوك
تويتر
انستقرام
يوتيوب
بنتيريست