|
|
 Re: دعوة للخروج من شرنقة المقدس (Re: فردوس جامع)
|
الأخ الصادق السلام و التحية
| Quote: وفي ظل صراع غير متكافئ بين رأسمالية مهيمنة اقتصاديا وثقافياً |
إذن لا بد من تغيير طريقة تفكرينا و الإلتفات للإجابة على السؤال ثم ماذا بعد هذا.
من الصعب تغيير الناتج لو فضلنا نعمل نفس الشيء مراراً و تكراراً
| Quote: ترسانتها سوف يتم تصريافها في أسواق العالم الثالث ببرمجة الحروب، وقنابلها لن يتوقف هطولها فوق منطقتنا العربية وفوق قارتنا الأفريقية المستباحة |
هنا أيضاً
نشتري نحن "العالم الثالث" هذه الأسلحة بكامل إرادتنا لنقتل بعضنا لأننا ما برحنا شاطيء المقدسات
جنسي و جنسك قبيلتي و قبيلتك و ديني و دينك
و لما نحتقر بعض و نقتتل لا نلوم أنفسنا و نقول إنه ده شرخ مجتمعي و نسعى عشان نصلحه و نعمل نقطة و نبدأ سطر جديد ...
نتهم الغرب بالتحرش بنا و إشعال الفتنة في صفوفنا " شماعة" لأننا عاجزين عن حل مشاكلنا و رؤيتها من الداخل
لوم من في الطرف الآخر حل سهل و مريح و ما بياخد وقت كتير زي مراجعة الخطط الإستراتيجية و تصليح المعطوب من مفاهيمنا و سياستنا...
هو نحن عُورة للدرجة البيغشنا بيها الغرب عشان نقتل بعض بالأسلحة دي و نكسبهم مال من دم إخوتنا؟؟؟
و نحن معدومي التوازن للدرجة اللي بيشتمنا بنقتله!!!
أو حتى نصفق أو نكون سلبيين و ما نشجب ما قام به معدومي التوازن القتلة...
في حلول أفضل من كده في نظري...
Quote:
فسوف تبقى هذه الظواهر مستمرة ما بقيـَّـت اسباب استمرارها |
من ناحية إستراتيجية كلامك ده ما منطقي بالمرة إذا عنيت موافقتك على الحاصل بكلامك أعلاه
قلت في الأول
لما تكون داخل مشروع أو مضاربة
تكون عندك دراسة جدوى و عارف حدود إمكانياتك تمام!
طيب من ناحية إدارية لو فشل مشروعك ما حتكرر نفس خطوات التنفيذ لو رغبت في إعادة التجربة
حتحاول تفتش وين الخطأ و تتبنى خط جديد في المشاريع القادمة
بحس دايماً إنه حاجاتنا ما مدروسة ...من إدارة بلداننا و أنت نازل للتصرفات الفردية " البيقتلوا في الأبرياء"
و في همجية حاصلة...
و غير كده بنصفق نحن للهمجية دي و نمجدها و ما نصححها... هل تفتكر بطريقة التفكير و "التمثيل" دي حيتغير الحال؟؟؟ قول بعد مائة سنة!!!
لازم نغير و نرتب أشيائنا من الداخل و نتنظم عشان نواجه الرأسمالية الأخطبوطية المخادعة دي على حد تعبيرك...
مش نمشي بلدانهم و نتمتع بخيراتهم و نجي نقتلهم...
و ليه نمشي ليهم من الأول؟؟؟
بس ما تقول لي عشان هم بيفتنونا في بعض و يخلونا نكتل بعض!!!!! عشان ما ننتج و نتشرد و نلجأ ليهم زرافاتاً و وحدانا.
هم بيعملوا في حاجة صاح ما مهم هي شنو...
نحن بنعمل في حاجة غلط ... البيهمنا إنه نقعد مع ذاتنا و نعرفها هي شنو عشان نصلحها و ما نحتاج ليهم و لا لأسلحتهم البنكتل بيها بعض ...نفقر دولنا و نجي نقول
| Quote: رأسمالية متعولمة تمد أذرعها الأخطبوطية وتضرب بقسوة وبكل عنف فوق هامة الفقراء أينما وكيفما وُجدوا |
Quote: وفي ظل وجود القطب السوفيتي، كانت كل التنظيمات التي تواجه الهيمنة الأمريكية والغربية في ستينات وسبعينات القرن الماضي وتلجأ لأسلوب
|
الدخل الروس و الأوروبيين شنو في كلامنا ده؟؟؟
و نحن مالنا و مال الروس ...ليه نقلد من الأساس!!!
و التقليد في الموجبات محمدة لكن كمان في السلبيات دي ما قدرت أفهمها!!!
يعني عشان الروس عملوا كده تبقى أوكي؟؟؟
و هذا لا يعنينا في شيء... و لا يعتبر و احد من أهداف البوست على آية حال...
و تحية و تقدير...
|
|
 
|
|
|
|
|
| |
فردوس جامع
فيس بوك
تويتر
انستقرام
يوتيوب
بنتيريست