|
Re: لماذا لا نستفيد من المخلفات لانتاج مصادر بديلة ورخيصة للغاز؟؟؟!!! (فيديوهات) (Re: عبدالعزيز عثمان)
|
تحياتي عبد السلام اذكر ونحن في الجامعة وفي معرض تخريج طلاب كلية الفنون الجميلة والتطبيقية قسم التصميم الصناعي كان مشروع التخرج لاحد طلاب القسم (اعتقد انو معتصم بورتبيل ) مشروع كان موقد يعتمد على الغاز المستخرج من مخلفات سيقان القطن وكان النموذج كاملا ويعمل بكفاءة عالية صمم كامل الموقد (وبكم عين) وعمل التوصيلات وغرفة التفاعل الاحيائي (التي تتم فيها عملية التخمير لانتاج البايوغاز) وانابيب التوصيل وصمامات التحكم واذكر انو في الثمانينات كان هناك مشروع تجريبي لانتاج واستخدام طاقة البايوغاز في قرية من قرى الجزيرة المشروع كان شغال وبصورة جيدة دلوقت مش عارف مصيرو شنو وخاصة بعد انعدام المادة الاولية (سيقان القطن)
| |
|
|
|
|
|
|
Re: لماذا لا نستفيد من المخلفات لانتاج مصادر بديلة ورخيصة للغاز؟؟؟!!! (فيديوهات) (Re: محمد إبراهيم علي)
|
Quote: تحياتي عبد السلام اذكر ونحن في الجامعة وفي معرض تخريج طلاب كلية الفنون الجميلة والتطبيقية قسم التصميم الصناعي كان مشروع التخرج لاحد طلاب القسم (اعتقد انو معتصم بورتبيل ) مشروع كان موقد يعتمد على الغاز المستخرج من مخلفات سيقان القطن وكان النموذج كاملا ويعمل بكفاءة عالية صمم كامل الموقد (وبكم عين) وعمل التوصيلات وغرفة التفاعل الاحيائي (التي تتم فيها عملية التخمير لانتاج البايوغاز) وانابيب التوصيل وصمامات التحكم واذكر انو في الثمانينات كان هناك مشروع تجريبي لانتاج واستخدام طاقة البايوغاز في قرية من قرى الجزيرة المشروع كان شغال وبصورة جيدة دلوقت مش عارف مصيرو شنو وخاصة بعد انعدام المادة الاولية (سيقان القطن) |
حبيبنا محمد تحياتي يا غالي
المواد الاولية ممكن تكون روث البقر والغنم والخضار الفاسد وممكن الحصول عليه من اسواق الخضار لا اقول بواقي المطبخ لانه اهلنا نادر ما بيكون عندهم كمية فضلات كبيرة زي الجماعة هنا في السعودية
يا ريت تقدر تتواصل مع معتصم بورتبيل وتعرف مصير مشروعه والسلبيات والايجابيات والعقبات الواجهته
احترامي يا غالي
| |
|
|
|
|
|
|
Re: لماذا لا نستفيد من المخلفات لانتاج مصادر بديلة ورخيصة للغاز؟؟؟!!! (فيديوهات) (Re: عبدالعزيز عثمان)
|
Quote: عزيزنا ع السلام مثلك يطاردني هذا الامل الحلم صحوا ومناما فتحزم اخي لنمشي سويا باقي مشاورينا حياة نماء وخضرة. |
مراحب حبيبنا عبدالعزيز يا زول طلبت منك ارض زراعية ببلدكم وما عبرتني
يا زول انا معاك قلبا وقالبا فأنت انسان محبوب من الجميع فكرة مزرعة متكاملة دجاج لاحم وابقار حلوب وتسمين و تسمين حملان ومزرعة اعلاف وخضروات وفواكه مستفيدين من الطاقة الهوائية والشمسية و الاستفادة من روث الابقار لانتاج الغاز و الاكتفاء الذاتي و الخير بيعم الجميع
تقبل ودي واحترامي
| |
|
|
|
|
|
|
Re: لماذا لا نستفيد من المخلفات لانتاج مصادر بديلة ورخيصة للغاز؟؟؟!!! (فيديوهات) (Re: Abdelslam Malik Ali Elhag)
|
Quote: هو إدراك الاستفادة من النفايات لإنتاج الطاقة وهى دى الفكرة البتقوم بيها بلد زى السويد ودول أخرى |
سلام يا عبد السلام وشكرا علي المادة الحيوية.
كلامك صاح يا ياسمين.. السويد حولت النفايات للقروش ولطاقة هائلة.. لدي مواد جمعتها عن الموضوع لكن لم أجد الوقت لنشرها عن تدوير المخلفات والنفايات في السويد. أتمنى أن تري النور يوما ما.
أشارك معاكم بصورة إلتقطتها الصيف الفات قبل ركوب البص. جميع البصات العامة في إستوكهولم تستخدم وقود صديق للبيئة.
تحياتى للجميع..
| |
|
|
|
|
|
|
Re: لماذا لا نستفيد من المخلفات لانتاج مصادر بديلة ورخيصة للغاز؟؟؟!!! (فيديوهات) (Re: سيف اليزل سعد عمر)
|
Quote: سلام يا عبد السلام وشكرا علي المادة الحيوية.
كلامك صاح يا ياسمين.. السويد حولت النفايات للقروش ولطاقة هائلة.. لدي مواد جمعتها عن الموضوع لكن لم أجد الوقت لنشرها عن تدوير المخلفات والنفايات في السويد. أتمنى أن تري النور يوما ما.
أشارك معاكم بصورة إلتقطتها الصيف الفات قبل ركوب البص. جميع البصات العامة في إستوكهولم تستخدم وقود صديق للبيئة. |
تشكر حبيبنا سيف
احنا محتاجين لي ناس مبدعين ونستفيد من الموارد المتوفرة عندنا
محتاجين نربي اطفالنا على الابداع و نطور المواهب عندهم و نشجعهم في انتظار موادك لنستفيد منها
| |
|
|
|
|
|
|
Re: لماذا لا نستفيد من المخلفات لانتاج مصادر بديلة ورخيصة للغاز؟؟؟!!! (فيديوهات) (Re: Abdelslam Malik Ali Elhag)
|
شكرا أستاذ يحيى على الترحيب الكريم والكلمات الجميلات وانشالله نقدر نساهم بشكل ايجابى فى المواضيع المطروحة.
د. عبدالسلام عارف دى نقطة مهمة انه التعليم فى السودان يفتقر لتثقيف الدارسين عن المواضيع المتعلقة بالبيئة، الحفاظ عليها والمساهمة فى إغنائها بشكل بسيط لكن واعى. يبدو فى نهاية الأمر انه ده دورنا ككبار تجاه الاطفال وتجاه أنفسنا.
يا ريت فعلا تجيبوا لينا معلومات عن مشروع فنان التصميم الصناعى ووصل وين، ويااا حليلو القطن!
جيدة المعلومات الوردت من المشاركين فوق.
| |
|
|
|
|
|
|
|