|
سودانية تعمل كخادمة منزلية ...
|
من جبال النوبة ... كانت صديقة لوالدتي أكثر من كونها خادمة بالأجر ... تأتي بحفيدها ليلعب مع أطفال البيت ... لا بد أن أمه تعمل في ظروف سيئة تمنع اصطحابها له ...
عمومًا ... الظاهرة معتادة وليس فيها غرابة ... الغرابة تأتي في التباكي على الشرف الرفيع بسبب استقدام السعودية لخادمات من السودان ...
والأغرب ... أن من يدرس الطب في السودان يعمل في السعودية ... ومن يتخصص في تجارة الموبايلات يعمل في السعودية ... ومن يركّب أطباق الفضائيات بلا هدىً ولا كتابِ منير يريد تركيبها في السعودية ... ومن يحترف كرة القدم يريد الإحتراف في السعودية ... ولكن تلك التي تخدم في البيوت لا يريدونها خادمة في السعودية !!!!
وأغرب الغرابة ... هنالك هيمنة من "أولاد العرب" على فرص الدراسة والعمل في مجالات الطب والهندسة والقوات النظامية وقيادة الخدمة المدنية وفرص التعاقد مع الحكومة في القطاع الخاص والإعلام والتصدير والإستيراد والإبتعاث للدراسة والعمل بالخارج ... ولم تأتي كمفاجأة أن تهيمن "بنات العرب" على ريادة الخدمة في البيوت بتلك "السعودية" التي يتضاعف فيها أجر كل عمل ... قبل "بنات النوبة" اللاتي لا تتقاصر أحلامهن عن ذلك "الإستقدام" الذي ظلمتهن فيه "بنات العرب" كعادتهن ...
حتى صرخة الشرف الرفيع هذه ... فعلها "أولاد النوبة" في صبر وحكمة وهدوء ... بينما بزّهم "أولاد العرب" في ملأ الدنيا صراخًا وتنديدًا بالحكومة
والحكمة الشعبية القديمة تقول ... "درب المعيشة ما فيو نبيشة" ...
... المهم ....
|
|
|
|
|
|
|
|
Re: سودانية تعمل كخادمة منزلية ... (Re: Asim Fageary)
|
Quote: ولكن مؤيدي الحكومة نفوا تماماً أن تكون هناك خادمات سودانيات يعملن في السعودية أو غيرها |
والمشكلة وين لو "نفوا"؟
نحن بنجي هنا نناقش قضايانا كأمة سودانية؟ ولّ بنتتبع الإعترافات والهفوات والسقطات حسب الإنتماء السياسي؟
إنتو يا اخواننا ما دايرين "تغيير" ولّ شنو؟
انا ما حارقني الناكرين ... حارقينني ناس "الذل والهوان والحكومة بالغت"
بنات النوبة ديلاك ما كانن سودانيات؟
... المهم ....
| |
|
|
|
|
|
|
Re: سودانية تعمل كخادمة منزلية ... (Re: تبارك شيخ الدين جبريل)
|
الاخ / تبارك ،،، تحياتي
ليس لي اي تعقيب غير ان اقول لك كفيت ووفيت ، وطالما ان العمل شريف ولو لا الحاجة لما دفع الانسان اصلا لمغادرة وطنه الان في السودان يشتغلن هذه المهنة بسبب الظروف القاهرة ولا غضاضة طالما ان المهنة شريفة وعائدها بعرق وجهد غير محرم اصلا
عكســــة :- اسي لو فتحوا مهنة لمرضعات في دول الخليج لاطفال امهاتهم لا يود ارضاعهن فيها مشكلة ؟؟
مودتي
الرحـــال
| |
|
|
|
|
|
|
Re: سودانية تعمل كخادمة منزلية ... (Re: أشرف الرحال)
|
Quote: ثانياً أعتقد ايضاً الناس أشارت لنقطة هامة وهي المشاكل التي قد تواجه خادمات المنازل في ظل الغياب التام لقنصلياتنا في الخارج من حيث متابعة ظروف العمالة السودانية بكل أنواعها |
نحن كان بيحمينا حمايتنا لى بعضنا (وهو ما يحمي الاثيوبيين الآن) ... السوداني مستعد يموت مع السوداني بدون ما يفهم الحاصل شنو زاتو ...
قعدتوا تنتقدوا في "القبلية" لغاية ما فقدتوا حمايتكم ...
العز اهل يا عاصم ... وطالما في سودانيين في السعودية ... مفروض يقيفوا مع المظلوم منهم وقفة صنديدة ...
لاكين نحن شعب مركز قوته القبلية ومثقفيه يحاربونها ... ونقطة ضعفه العنصرية ومثقفيه يكرسونها ...
... المهم ...
| |
|
|
|
|
|
|
Re: سودانية تعمل كخادمة منزلية ... (Re: أشرف الرحال)
|
عزيزي تبارك اولا ابادر واقول ان شغل السودانيات كخادمات في البيوت ليس فيه ما يعيب والمعيشة ما فيهو نبيشة زي ما انت بتقول..وانا بعرف سودانيات ،ولا افرق هنا بين بنات عرب او بنات عجم، يعملن كخادمات في السودان عند الاسرة الغنية ..(وبالمناسبة انا بنت اعجمية وليست عربية ..نوبية تعلمت اللغة العربية في المدرسة) ولكن المشكلة هنا جاءت ان ظاهرة خدمة السودانيات في البيوت ،سواء كانت بيوت سودانية او بيوت سعودية، لم تكن موجودة من قبل..لم تكن موجودة قبل مجئ الانقاذ ..حيث تجد الان الاطباء والمهندسين وخريجي الجامعات يعملون في اعمال هامشية في بلاد الغربة ..اعمال لا يمكن ابدا يتصوروا انهم سيعملون فيها داخل السودان .... وظني ان هؤلاء الذين يستنكرون عمل السودانية كخادمة في السعودية انما يفعلون ذلك من شدة غيرتهم على السودانية..فالسوداني دائما وابدا مشحون بالشهامة والمروء ولا يقبل ان تشتغل سودانية خادمة في بيوت سعودية فهو يعتبر اي بنت سودانية وكانها من اسرته القريبة ..ولكن نفس هذا الرجل السوداني الشهم لا يستنكر ان تعمل هذه الفتاة السودانية كخادمة عند الاسر السودانية الغنية ويقول المعايش جبارة...(وانا اعتبر هذه نقطة ايحابية في صالح الرجل السوداني).. وقرانا من قبل بوست عن سودانيات يبعن اجسادهن في احياء دبي ..ووجد هذا الامر استنكار شديد من معظم القراء واعضاء المنبر العام ...فنفس هؤلاء السودانيات يبعن اجسادهن في السودان ..وليس هناك استنكار.عام...وخليك يا تبارك من ده كله..فالسودانية اذا تزوجت غير سوداني فهذا حدث كبير وخبر ينشر في الصحف والمنابر الاجتماعية ...وانا اعرف سودانية تزوجت اجنبي وقال احدهم ،خلال حفل الزواج،بالله عليك الله شوف دي..يعني السودانيين كملوا لغاية ما تتزوج الاجنبي ال..............(واعذرني للسنسرة)..فقلت له :"وانت كنت راجي شنو ..ليه ما دقيت صدرك واتقدمت لابوها واتزوجتها ..والله ابوها كان حيفرح اكثر من فرحه من زواج ابنته من الاجنبي غير السوداني ..لانه لا يعرف ان الحب ليس له حدود....ورد وقال اشا انا كنت عارفها ما متزوجة كنت اتقدمت.... وحتى والدي عندما يراني اسلم على واحد اجنبي ويكون زميل عمل او دراسة فجاة يسالني:" هوي يا بت انتي بتعرفيه من وين ده ..اوعك تفكري انك حتتزوجي اجنبي غير سوداني.. وانا حي ما حتتزوجي زول غير سوداني....واقول ليه :يا ابوي اطمئن لاني على الرغم من اني معترضة على فهمك ده لكني ما ممكن اتزوج غير سوداني ..فالشهامة والمروءة والعطف والمودة والحب الذي ساجده عند السوداني قل ما اجده عند غير السوداني..وانا متاكده انو في اجانب غير سودانيين لهم نفس الشهامة والمروءة والود والعطف والحب ..لكني دائما امشي في المضمون......وان شاء الله ما توصفني وتقول لي عنصرية.... معليش طلعت بيك بره الموضوع ولكن اود في النهاية ان اقول ..الاعتراض في شغل السودانيات كخادمات سببه الغيرة الشديدة وسببه اتهام لهذا النظام الذي جعل الحياة والمعيشة صعبة حتى اضطرت السودانية العمل كخادمة واضطر جريجو الجامعات العمل في اشغال هامشية شاقة لا تتناسب مع تخصصاتهم... والله يديك الصحة والعافية..
المهم...
| |
|
|
|
|
|
|
Re: سودانية تعمل كخادمة منزلية ... (Re: Asim Fageary)
|
اولا لا لعمل السودانيات كخادمات فى اي بلد فى العالم ثانيا لالوبنا ولا تمر الناس بعدين انتو عارفين خادمه او شغاله كما يطلقون عليهن فى السعودية يعني شنو سمعتو بانتحار الخادمات سمعتو بقص رقاب الشغالات لاتهامهن بالسحر وانتو اكثر دوله يرمونكم بهذا الوصف سلبطه بس لوقالت ليه اقش الحوش سمعتو كيف يزورابناء هذه الاسر الخادمات ليلا كيف هان عليكم مجرد التفكير في هذا
| |
|
|
|
|
|
|
Re: سودانية تعمل كخادمة منزلية ... (Re: حسين عبد المجيد)
|
Quote: العز اهل يا عاصم ... وطالما في سودانيين في السعودية ... مفروض يقيفوا مع المظلوم منهم وقفة صنديدة ... |
طيب يا تبارك: خدامة سودانية تعمل مع أسرة سعودية تسئ معاملتها، سودانيين في السعودية عرفوا الموضوع كيف ممكن يقيفوا معاها وقفة صنديدة؟
| |
|
|
|
|
|
|
Re: سودانية تعمل كخادمة منزلية ... (Re: حسين عبد المجيد)
|
نحن نصرف عليهن سوداني لشنو ومغترب لمنو وبتلمها لمتين حقكم علينا يا بنات بلدى ان لا نعرضكم للذل والهوان افتحو بنك المجتمع 800 الف سوداني فى السعودية كل واحد 10 ريال فى الشهر بي 8 مليون ريال شهريا بالله تاني فيه زول بجوع ولا ينسجن 10 ريال بس تساوي اثنين مليون ونص دولار من بلد واحد دا ما احسن من البترول عشره ريال بس ممكن منرعي كم اسره كم يتيم كم مطلقه ومهجوره كم عاجز ومريض ومسن كم لقيط ومسكين ومحتاج كم طال وطالبه فى المدارس والجامعات كم مستشفي ومدرسه ممكن تقوم ب 10 ريال 3 دولار 9 دراهم نص يورو بنك المجتمع لازم يقوم فورا سيبوا الحكومه فى حالها دورنا نحن وين قدمنا شنو للمجتمع
| |
|
|
|
|
|
|
Re: سودانية تعمل كخادمة منزلية ... (Re: اميرة السيد)
|
عزيزي تبارك اولا ابادر واقول ان شغل السودانيات كخادمات في البيوت ليس فيه ما يعيب والمعيشة ما فيهو نبيشة زي ما انت بتقول..وانا بعرف سودانيات ،ولا افرق هنا بين بنات عرب او بنات عجم، يعملن كخادمات في السودان عند الاسرة الغنية ..(وبالمناسبة انا بنت اعجمية وليست عربية ..نوبية تعلمت اللغة العربية في المدرسة) ولكن المشكلة هنا جاءت ان ظاهرة خدمة السودانيات في البيوت ،سواء كانت بيوت سودانية او بيوت سعودية، لم تكن موجودة من قبل..لم تكن موجودة قبل مجئ الانقاذ ..حيث تجد الان الاطباء والمهندسين وخريجي الجامعات يعملون في اعمال هامشية في بلاد الغربة ..اعمال لا يمكن ابدا يتصوروا انهم سيعملون فيها داخل السودان .... وظني ان هؤلاء الذين يستنكرون عمل السودانية كخادمة في السعودية انما يفعلون ذلك من شدة غيرتهم على السودانية..فالسوداني دائما وابدا مشحون بالشهامة والمروء ولا يقبل ان تشتغل سودانية خادمة في بيوت سعودية فهو يعتبر اي بنت سودانية وكانها من اسرته القريبة ..ولكن نفس هذا الرجل السوداني الشهم لا يستنكر ان تعمل هذه الفتاة السودانية كخادمة عند الاسر السودانية الغنية ويقول المعايش جبارة...(وانا اعتبر هذه نقطة ايحابية في صالح الرجل السوداني).. وقرانا من قبل بوست عن سودانيات يبعن اجسادهن في احياء دبي ..ووجد هذا الامر استنكار شديد من معظم القراء واعضاء المنبر العام ...فنفس هؤلاء السودانيات يبعن اجسادهن في السودان ..وليس هناك استنكار.عام...وخليك يا تبارك من ده كله..فالسودانية اذا تزوجت غير سوداني فهذا حدث كبير وخبر ينشر في الصحف والمنابر الاجتماعية ...وانا اعرف سودانية تزوجت اجنبي وقال احدهم ،خلال حفل الزواج،بالله عليك الله شوف دي..يعني السودانيين كملوا لغاية ما تتزوج الاجنبي ال..............(واعذرني للسنسرة)..فقلت له :"وانت كنت راجي شنو ..ليه ما دقيت صدرك واتقدمت لابوها واتزوجتها ..والله ابوها كان حيفرح اكثر من فرحه من زواج ابنته من الاجنبي غير السوداني ..لانه لا يعرف ان الحب ليس له حدود....ورد وقال اشا انا كنت عارفها ما متزوجة كنت اتقدمت.... وحتى والدي عندما يراني اسلم على واحد اجنبي ويكون زميل عمل او دراسة فجاة يسالني:" هوي يا بت انتي بتعرفيه من وين ده ..اوعك تفكري انك حتتزوجي اجنبي غير سوداني.. وانا حي ما حتتزوجي زول غير سوداني....واقول ليه :يا ابوي اطمئن لاني على الرغم من اني معترضة على فهمك ده لكني ما ممكن اتزوج غير سوداني ..فالشهامة والمروءة والعطف والمودة والحب الذي ساجده عند السوداني قل ما اجده عند غير السوداني..وانا متاكده انو في اجانب غير سودانيين لهم نفس الشهامة والمروءة والود والعطف والحب ..لكني دائما امشي في المضمون......وان شاء الله ما توصفني وتقول لي عنصرية.... معليش طلعت بيك بره الموضوع ولكن اود في النهاية ان اقول ..الاعتراض في شغل السودانيات كخادمات سببه الغيرة الشديدة وسببه اتهام لهذا النظام الذي جعل الحياة والمعيشة صعبة حتى اضطرت السودانية العمل كخادمة واضطر جريجو الجامعات العمل في اشغال هامشية شاقة لا تتناسب مع تخصصاتهم... والله يديك الصحة والعافية..
ولا كلمة تاني والله يابت الرجال وضعتي النقاط على الحروف وعبرتي عني تماما ... جزاك الله خيرا ...
| |
|
|
|
|
|
|
Re: سودانية تعمل كخادمة منزلية ... (Re: usama Babiker)
|
سلام يا تبارك
كيف حالك يا عزيزي و عساك طيب في بلد خادم الحراميين
عاوز ارد على اختنا نور تاور واعتبر الرد دا سي سي ليك انت كمان
لانك حديس عهد بمملكة آل سعود
Quote: غريب فى الآمر أن السودانيين لا يستوقفهم العمل فى الآعمال الهامشية فى الغرب.. ولكنهم يّركزون على السعودية لآسباب لا أفهمها.. أليست السعودية هى خارج السودان ايضا ؟
|
استاذة نور تاور
ليك التحية والتقدير
المقارنة بين عمل الناس في الغرب في وظائف عمالية بسيطة , تختلف عن عمل نفس الناس في نفس الوظائف في بلد مثل السعودية
او حتى في وظائف متخصصة هنا الوضع مختلف يا عزيزتي , هنا في السعودية الكل مهان طالما هو اجنبي واجنبي دي ما معناها غربي
لا .. اي شخص متواجد في الاراضي السعودية يعتبر اجنبي و اجنبي دي على حسب فهم هؤلاء البعارين معناها ما بني ادم . هم الاشراف
وبقية البشر المتواجدين على اراضيهم مجرد خدم وجواري و إماء
في بلد مثل السعودية يعتبر زنا المحارم شئ عادي . اما الشغالة دي موضوع تاني ما عاوز ادخل فيهو
انا ضد وجود شغالة سودانية في بيوت العاهات السعودية
| |
|
|
|
|
|
|
Re: سودانية تعمل كخادمة منزلية ... (Re: خضر الطيب)
|
Quote: ولكن المشكلة هنا جاءت ان ظاهرة خدمة السودانيات في البيوت ،سواء كانت بيوت سودانية او بيوت سعودية، لم تكن موجودة من قبل..لم تكن موجودة قبل مجئ الانقاذ ..حيث تجد الان الاطباء والمهندسين وخريجي الجامعات يعملون في اعمال هامشية في بلاد الغربة ..اعمال لا يمكن ابدا يتصوروا انهم سيعملون فيها داخل السودان |
سلام يا أميرة السيد متفقين على إنو خريجي الجامعات أصبحوا يشتغلوا أعمال هامشية لم تكن تخطر ببالهم لكن حكاية خدمة السودانيات في البيوت دي موجودة مما فتحنا عيوننا على الدنيا أنا ما عارف عمرك كم سنة ، لكن لغاية السبعينيات كان في سودانيين بيحملوا فضلات السودانيين على رؤوسهم شخصيا لا اعرف مكان تاني في الدنيا بيحصل فيهو كدا، يمكن يكون موجود لكن ما سمعت بيهو إذا كان قصدك عن خدمة السودانيات في البيوت غير ما فهمتو أنا فأرجو توضيحه
| |
|
|
|
|
|
|
Re: سودانية تعمل كخادمة منزلية ... (Re: معاوية الزبير)
|
التحية لصاحب البوست والجميع .. كنت اليوم إستطلع رأي سعودي زميلي في العمل وأنا صريح معاه جداً .. يتحدث عن شغاله لوالده ووالدته .. وإنتهزت الفرصة وقلت له ( ما تبغى شغالة سودانية ) فقال مباشرة ( لا السودانية ما تعمل شغالة ) يبدو أنه غير مقتنع بعمل السودانية كخادمة .. ربما حتى على مستوى الكفاءة وصحيح أن بعض الجنسيات لا تجيد بعض الوظائف .. فمثلاً بمجرد ان تذكر ممرضة ( يقفز الى ذهن الفلبين ) لأنهم ربما أهل كنائس ( كاثوليك ) تجد الممرضة مخلصة وتعمل بعمق إنساني مميز .. شغل راهبات ..( هذا مثال )
لأن الناس هنا عندهم تجارب مع كل الجنسيات .. لكل مجاله الخاص .. بمجرد ان تذكر المهنة وقبل المؤهلات يتطلع السعودي إلى جنسية الشخص الذي يمكن يملأ الوظيفة .. عندهم صور نمطية عن كل حالة في حياتهم .. هكذا هم .. يبدو أن ليس لديهم قناعة بخادمة سودانية .. هذا ما لاحظته .. لكم التحية .. وارجو من الاخوان في الخليج محاولة استطلاع الرأي . مع التحية للجميع وصاحب البوست ..
| |
|
|
|
|
|
|
Re: سودانية تعمل كخادمة منزلية ... (Re: علي عبدالوهاب عثمان)
|
Quote: 800 الف سوداني فى السعودية كل واحد 10 ريال فى الشهر بي 8 مليون ريال شهريا بالله تاني فيه زول بجوع ولا ينسجن 10 ريال بس تساوي اثنين مليون ونص دولار من بلد واحد دا ما احسن من البترول عشره ريال بس ممكن منرعي كم اسره كم يتيم كم مطلقه ومهجوره كم عاجز ومريض ومسن كم لقيط ومسكين ومحتاج كم طال وطالبه فى المدارس والجامعات كم مستشفي ومدرسه ممكن تقوم ب 10 ريال 3 دولار 9 دراهم نص يورو بنك المجتمع لازم يقوم فورا سيبوا الحكومه فى حالها دورنا نحن وين قدمنا شنو للمجتمع |
لطفي مع إحترامي للشديد لكلامك ووجهة نظرك . ال 120 ريال فى السنة دى الناس دفعت زيها أضعاف مضاعفة . ومازالت بعض الفئات بتدفع دم قبلها لجهاز المغتربين الراعي الرسمي لسخرة الحكومة السودانية . بالمقايل قدمت شنو الحكومة للمواطن للمواطن المغلوب بالقروش دى . قدمت شنو الحكومة ولا جهاز المغتربين للمغترب السوداني . أعتقد ما قدمة المغترب لوطنة ولمجتمعة شي لا يمكن تبخيسة .
| |
|
|
|
|
|
|
Re: سودانية تعمل كخادمة منزلية ... (Re: بدرالدين الطائف)
|
لطفي مع إحترامي للشديد لكلامك ووجهة نظرك . ال 120 ريال فى السنة دى الناس دفعت زيها أضعاف مضاعفة . ومازالت بعض الفئات بتدفع دم قبلها لجهاز المغتربين الراعي الرسمي لسخرة الحكومة السودانية . بالمقايل قدمت شنو الحكومة للمواطن للمواطن المغلوب بالقروش دى . قدمت شنو الحكومة ولا جهاز المغتربين للمغترب السوداني . أعتقد ما قدمة المغترب لوطنة ولمجتمعة شي لا يمكن تبخيسة .
بدر الدين قلنا الحكومه دى نرمي طوبتها ما شغلتنا فى السفارات وجهاز المغتربين نحن ديل نعمل بنك المجتمع بي مجلس ادارة ويكون عندنا مشاريع جوه وبره السودان الحكومه ما تدخل يدها نهائي فى المنبر هنا بس في ناس مؤهلين يديرو مثل هذا الصرح والله نكون افضل من كل المنظمات الانسانيه بنك عنده فروع في الخليج واربا وامريكا وحتي باقى اسيا وافريقيا مشاريع علي مستوي عال فرغو ناس مخصوصه ومتخصصه برواتب عاليه والله دى احسن حته نعلن فيها عن قيام اللجنه التمهيديه لبنك المجتمع برعايه سودانيز اون لاين انا عن نفسي بدفع حق عشره سنه لي قدام البوست دا بالذات ما تدخلوا فيهو الحكومه والمعارضه
| |
|
|
|
|
|
|
Re: سودانية تعمل كخادمة منزلية ... (Re: معاوية الزبير)
|
التحية لصاحب البوست والجميع .. كنت اليوم إستطلع رأي سعودي زميلي في العمل وأنا صريح معاه جداً .. يتحدث عن شغاله لوالده ووالدته .. وإنتهزت الفرصة وقلت له ( ما تبغى شغالة سودانية ) فقال مباشرة ( لا السودانية ما تعمل شغالة ) يبدو أنه غير مقتنع بعمل السودانية كخادمة .. ربما حتى على مستوى الكفاءة وصحيح أن بعض الجنسيات لا تجيد بعض الوظائف .. فمثلاً بمجرد ان تذكر ممرضة ( يقفز الى ذهن الفلبين ) لأنهم ربما أهل كنائس ( كاثوليك ) تجد الممرضة مخلصة وتعمل بعمق إنساني مميز .. شغل راهبات ..( هذا مثال )
لأن الناس هنا عندهم تجارب مع كل الجنسيات .. لكل مجاله الخاص .. بمجرد ان تذكر المهنة وقبل المؤهلات يتطلع السعودي إلى جنسية الشخص الذي يمكن يملأ الوظيفة .. عندهم صور نمطية عن كل حالة في حياتهم .. هكذا هم .. يبدو أن ليس لديهم قناعة بخادمة سودانية .. هذا ما لاحظته .. لكم التحية .. وارجو من الاخوان في الخليج محاولة استطلاع الرأي . مع التحية للجميع وصاحب البوست ..
| |
|
|
|
|
|
|
Re: سودانية تعمل كخادمة منزلية ... (Re: اميرة السيد)
|
الحبيب لطفي العمدة انت زول سمح سماحة شديدة وسوداني اصيل وصدق من سماك لطفي العمدة ففعلا انت لطيف وعمدة ..والله يكتر من امثالك.. والله يديك الصحة والعافية
------------------------------- الملكة أميره شاكر ثناءك والله بنحب البلد بس حب غير معطون بأي نكهه
| |
|
|
|
|
|
|
Re: سودانية تعمل كخادمة منزلية ... (Re: اندرو كوات)
|
Quote: تبارك شيخ الدين مفكر و كاتب بارع و صاحب افكار متقدمة علي نمط التفكير الاجتماعي و لذلك تضيع افكاره و اطروحاته القيمة بين زحام المداخلات (الهايفة).... يا ليتهم يتريثون ليستفحصوا ما بين السطور |
يا سيد اندرو، والله كلامك دا حار علينا كونه السيد تبارك يكون مفكر ويخبئ أفكارو بين السطور، ما عندنا اعتراض لكن كمان المداخلات (الهايفة) دي، عندنا اعتراض و ياريت تدينا أمثلة عليها هي كلها ما تامّه 10 مداخلات، باستثناء مداخلات تبارك و انت، وأنا طبعا مع التقدير
| |
|
|
|
|
|
|
Re: سودانية تعمل كخادمة منزلية ... (Re: اندرو كوات)
|
تحياتي ود الزبير انا ما فهمت سؤالك بالضبط شنو!! ومستحيل السودانيات بيعملن خادمات في السعودية منذ السبعينات وبالمناسبة انا اصغر من الانقاذ بسنة ونص ..وحتى في بدايات الانقاذ ما سمعنا ان السودانيات بشتغلن خادمات في السعودية. ..وعندي خالي بيشتغل في السعودية وبيقول انه لم يسمع ابدا قبل هذا النظام الحاكم ان سودانية شغالة خادمة مع اسرة سعودية.. والله يديك الصحة والعافية
| |
|
|
|
|
|
|
Re: سودانية تعمل كخادمة منزلية ... (Re: اميرة السيد)
|
أميرة السيد
سلام
السودانيات بيشتغلن من بدري في السعودية خادمات وبيقولن هن ارتريات والكلام دا من مجموعة منهن أنا قابلتهن شخصياً في أرتريا فالموضوع قديم ومعظم الوظائف لقوهن عن طريق البنات الأرتريات
وعلى العموم بالنسبة لي الموضوع كويس جداً وأطالب فقط بلتنظيمه عبر الحكومة ومكاتب استخدام رسمية حتى يسهل التدخل لو حدث لهن شيء غير كدا أشجعه جداً
| |
|
|
|
|
|
|
Re: سودانية تعمل كخادمة منزلية ... (Re: الصادق اسماعيل)
|
Quote: تقبل اعتزاري فلم اكن اقصد الاساءة الي اى من المتداخلين لذلك ساعدل مداخلتي لتحمل معانيها الخفة بدلآ عن (الهيافة) رغم ان الاحكام التقديرية لشخصي لا و لن تغير محتوي و قيمة مساهمة الآخرين.. مرة اخري تقبل اعتزاري... |
أشكرك عزيزي اندرو على هذا الاعتذار المهذب وأرجو الا يكون في مداخلتي ما سبب لك أي أذى بس رجاءً اشمل معانا أختنا الصغيرة أميرة في المعنى الجديد، ودكتور أبوبكر عباس كمان لو اتسع المكان فهو رجل صاحبي شديد وراقي جدا، والباقين ديل برضو بالله، و وفّر أي وصف تاني للجايين بدون فرز، إن شاء الله معاهم المفكر زاتو just kidding pal
| |
|
|
|
|
|
|
Re: سودانية تعمل كخادمة منزلية ... (Re: اندرو كوات)
|
عزيزي اندرو، ها هو (بالترتيب الجديد للمداخلات) قبولي اعتذارك سبق اعتذارك فكأن خطأ التعبير لم يكن.
من اعتذارك اللطيف دا، باين عليك ما متعود على الكتابة هنا. في هذا البلد إذا غضب أحدنا من الآخر قال له يا ابن الـ ايه(أو كما كتب الطيب صالح) لك المودة ياخ
| |
|
|
|
|
|
|
Re: سودانية تعمل كخادمة منزلية ... (Re: اندرو كوات)
|
مشكلات السودان ( الماديه والمعنويه ) القائمه لا تنفصل عن بعضها سادتي . ولتتأكد/ي أكثر أكتب/ي اسم السودان في أيً من محركات البحث !!! ... - برأيي ننقاش ؛ ومن ثم نعالج أمهات المشاكل وندع الافرازات تتلاشى تلقائيآ بمجرد تصحيح الأوضاع . - يعني هسي دا العوج الوحيد - المُلِح جدآ - اللمابحتمل السكوت ؟؟؟؟؟؟!!!
| |
|
|
|
|
|
|
Re: سودانية تعمل كخادمة منزلية ... (Re: ايمن الصادق)
|
بعيدا وقريبا من موضوع اخونا تبارك
هذا خبر اليوم في الجرائد السعودية
Quote: اتجهت وزارة العمل أخيراً إلى مركز ستانفورد للتدريب والاستشارات، للمساعدة في حل المشكلات التي تواجها والقضاء على صعوبات الاستقدام، خصوصاً أن الوزارة تعاني صعوبات كبيرة في ملف استقدام العمالة المنزلية، خصوصاً مع إندونيسيا والفيليبين.
وكشف مصدر مطلع في وزارة العمل لـ«الحياة» عن استعانة الوزارة بعدد كبير من مراكز بيوت الخبرة المحلية والعالمية، كان آخرها التعاون مع مركز «ستانفورد للتدريب والاستشارات» التابع للجامعة الأميركية، بهدف عمل منهجية جديدة للعمالة المنزلية القادمة إلى السعودية.
وأوضح المصدر (الذي فضل عدم ذكر اسمه) أن «الوزارة عملت مع المركز على وضع الحلول ومشاركة شرائح المجتمع في الخروج بأنظمة يتم تطبيقها في ملف العمالة المنزلية»، مبيناً أن الوزارة استطلعت آراء 200 أسرة سعودية في موضوع العمالة المنزلية، وتم النقاش معهم في ورش عمل مكثفة للخروج بالحلول والنتائج، ومعرفة حاجاتهم. وأضاف: «تعاني وزارة العمل من ملف العمالة المنزلية لأسباب عدة، منها قصور أداء الوزارة، إضافة إلى مشكلات ومواقف اجتماعية حدثت مع بعض العمالة المنزلية كان لها تأثير في الجهات الحكومية المصدرة للعمالة المنزلية إلى السعودية، لذلك تم إشراك المجتمع في صناعة الحلول عبر استطلاعات وورش عمل أجرتها الوزارة».
وأكد أن استطلاعات الرأي لـ200 أسرة، وورش العمل التي تمت ما بين الأسر ومركز ستانفورد سينتج منها قريباً إطلاق حلول ولوائح للعمالة المنزلية، وذلك لتيسير طرق الاستقدام والتوصل إلى أسهل الحلول مع الدول المصدرة للعمالة إلى السعودية، مشيراً إلى أن المعاملة الحسنة مع العمالة المنزلية من أهم الأمور التي يتطلب على المجتمع الحرص عليها، وذلك بحسب تعاليم الدين الإسلامي. ولفت إلى أن طريقة الاستشفاف التي اتبعتها الوزارة مع مركز «ستانفورد» تهدف إلى تحديد المشكلات العميقة مع المجتمع في موضوع العمالة المنزلية، ومعرفة أسبابها من خلال استطلاعات الرأي مع المجتمع، إضافة إلى الخروج بالحلول والنتائج مع الشريحة نفسها المشاركة في الاستطلاع، مؤكداً أنها من أنجع الطرق في تطبيق الحلول، إذ إنها تعتمد على مشاركة المجتمع في اتخاذ الحلول.
وفي ما يخص توقف الاستقدام من إندونيسيا والفيليبين مع بعض مكاتب الاستقدام السعودية ومشكلاتها مع الحكومتين، أكد المصدر أن وزارة العمل تعمل على إيجاد حل لتلك الإشكالات التي تعترض المكاتب في الفترة المقبلة، وسيتم التعاون مع الحكومتين الفيليبينية والإندونيسية في تلك الإشكالات، والخروج بحلول ترضي الطرفين. يذكر أن وزارة العمل دشنت نهاية العام الماضي برنامج «مساند» الخاص بمكاتب الاستقدام والعمالة المنزلية، إذ يتضمن الأنظمة واللوائح الخاصة باستقدام العمالة، وعدد المكاتب في كل مناطق المملكة، إضافة إلى تحديث للمعلومات الخاصة بالدول المصدرة للعمالة إلى السعودية، وبيانات العمالة. وأشارت وزارة العمل إلى عملها مع وزارتي الخارجية والتجارة في مراقبة المكاتب والتجاوزات التي تحدث في إصدار التأشيرات، إذ لا يحق للشركات أخذ مقابل مالي من المواطنين جراء تقديمها الخدمة، أو إجبار العميل على دفع مقابل مالي نتيجة استخراج تأشيرة، موضحة أنها لن تتهاون في إصدار العقوبات على المخالفين والمتهاونين في الأنظمة. وبيّنت أن العقوبات تصل ضد صاحب العمل الذي يخالف أحكام لائحة العمالة المنزلية بمنعه من الاستقدام مدة ثلاثة أعوام، أو شطبه من مزاولة المهنة، إضافة إلى غرامات مالية تصل إلى خمسة آلاف ريال، وتحدد العقوبة بناء على المخالفة، وعدد تكرارها من صاحب العمل
|
| |
|
|
|
|
|
|
Re: سودانية تعمل كخادمة منزلية ... (Re: أحمد ابن عوف)
|
اولا اعتذر لشخصنة الامر
الان تعمل لدينا عاملة منزلية في السعودية، كنت اتمنى ان ادفع المرتب لواحده سودانية تنفع روحها واهلها بدل ان تنتفع بها اسرة من دولة اخرى.
ونوكد ان الاستقدام من السودان ممكن، والسفارة السودانية عندها دور في ضبط المسالة، كيف ما عندي تفاصيل.
تحياتي
| |
|
|
|
|
|
|
Re: سودانية تعمل كخادمة منزلية ... (Re: أحمد ابن عوف)
|
بصراحة كثر الاسفاف وتناول المواضيع التي لم يتم التوصل الى اتفاق اجماعي عليها ، مثل موضوع عمل السودانيات خادمات او اي عمل اخر من اجل كسب الرزق الحلال. انا مع اي انسان دفعته ظروفه لإمتهان مهنة شريفة تكسبه رزق يسد بها رمق جوعه ، ومهنة العمل خادمات في البيوت السودانية او في الخارج اذا كان لا بد منها ، فلا غضاضة في ذلك. طيب امراة محتاجه ليس لديها وسيلة اخرى لكسب الرزق ووجدت هذه الفرصة ماذا تفعل ؟ و الذين يقفون ضد هذه المهنة هل لديهم حصر باعداد الفقراء المحتاجين للقمة العيش .
اصبح موضوع الخادمات من المواضيع البايرة التي اعتقد يفتحها البعض من اجل التسلية ليس من اجل دراسة الحالة والوصول الى قناعة انها مهنة شريفة.
| |
|
|
|
|
|
|
Re: سودانية تعمل كخادمة منزلية ... (Re: بدر المعارف محمد المساعد)
|
Quote:
نحن كان بيحمينا حمايتنا لى بعضنا (وهو ما يحمي الاثيوبيين الآن) ... السوداني مستعد يموت مع السوداني بدون ما يفهم الحاصل شنو زاتو ...
قعدتوا تنتقدوا في "القبلية" لغاية ما فقدتوا حمايتكم ...
|
يا سلام عليك يا أخي تبارك يا شفيف وهميم لقد ابكيتني....!!!
| |
|
|
|
|
|
|
Re: سودانية تعمل كخادمة منزلية ... (Re: Abdlaziz Eisa)
|
Quote: مشكلة السودانيات العاملات كخدم منازل فى الخليج.. سببها الهجمة الشرسة على المرأة السودانية من قبل الانقاذ.. يضاف اليه الآوضاع العامة فى البلد التى تتضرر هى منها بشكل مباشر... لذلك كانت رحلة (الانتحار).. |
هذا تحميل للإنقاذ أكثر مما تحتمل ... وحسن ظن بالمجتمع السوداني لا اعتقد أنه أهل له ...
فالمجتمع السوداني - بما فيه من خير - أخفق في مسألة حماية حقوق المرأة والعنصرية ... والإنقاذ انتهزت هذا الإخفاق ...
و (رحلة الإنتحار) عندنا تبدأ من البيت ... وسجل الإنتحارات يشهد على ذلك ...
وما كل هذه الضوضاة بخصوص عمل المرأة خادمة في الخليج إلا لأنهم يستطيعون الهرج والمرج دون أن يخشوا لومة لائم ...
لو تحدّثنا عن هروب الكوادر من السودان ... لعلقوها في شماعة (البلد طارد) ...
حين يكون البلد طارد وتستجيب الكوادر بـ"الإنطراد" ... من سيصحح الوضع؟
الطيب صالح؟ ذلك التلميذ اليافع الذي أزهقت روحه على عجالة؟
لو تركوه يعيش حتى التخرج ... لترك لهم ذلك (البلد الطارد) ...
... المهم ...
| |
|
|
|
|
|
|
Re: سودانية تعمل كخادمة منزلية ... (Re: تبارك شيخ الدين جبريل)
|
http://www.sudaneseonline.com/board/480/msg/%d8%ac%d8%a7%d8%...1%21-1421135277.html
الأخ تبارك,
أولاً تحميل الانقاذ ليس ما تحتمل بل ما يجب أن تحتمل , أليس هي العصبة التي أتتنا بشعارات الاكتفاء الذتي من كل شئ والتحدي للآخرين في كل شئ واستنكاف المساعدات الخارجية تماماً بل ومناطحة القوى الكبرى
هل نسيتم يا أخ تبارك برنامج الانقاذ (الاستراتيجية القومية الشاملة) .. ومضابطها ووأهدافها موجودة .. فتنحدر طموجات شعبنا لإرسال الفتيات السودانيات خارج السودان للعمل في وظيفة خادمة .. هل هذه هي مخرجات ثورة التعليم العالي...
ألم يصبر الشعب السوداني بامر رئيسه سنوات وسنوات بلغت الان ما يزيد على ربع القرن ويقبل كل مخططات حكومة العصبة الحاكمة من كل ما سمعنا ورأينا وجأرنا بالشكوى منها لكي تكون النهاية والمآل التعيش من إرسال الفتيات و (بــدون محــرم) يا أهل الشريعة والهجرة إلى الله ؟؟؟؟
يا عزيزي تصلنا يومياً مشاكل لا حصر لها تخص العمالة من الرجال لا تحظى بحماية السفارة ولا توجد جاليات أصلاً لإصرار الحزب الحاكم على السيطرة على الجاليات حتى الثمالة فكيف حال العمالة السودانية من الفتيات وهن تحت إمرة كفلاء وداخل بيوت وأسوار لسنوات طويلة ؟؟؟؟
أحمد الشايقي
| |
|
|
|
|
|
|
Re: سودانية تعمل كخادمة منزلية ... (Re: أحمد الشايقي)
|
تبارك سلام
ياخ نحن لمتين الدبل استاندرد حنكون كسودانيين عايشنو ؟؟؟؟؟؟؟؟؟؟؟؟؟؟؟؟ ياخ يجيك واحد عامل فيها ابو الرجال وبتكلم عن يلمو قروش ويساعدوا النسوان ديل!! واحد يديك موشح عن الوعي ويعكس انو كم هو منفتح نحو الآخر وفجأة يلحقك ب لكن والله لكن دي اكبر ملامح الازدواجية العايشنا كسودانيين يجيك واحد تاني ينعل سلسبيل ابو الانقاذ الخلت البنات والنسوان ديل يطلعوا يشتغلوا بره وكأنما الانقاذ شردت النسوان بس !!!!!!
ياخ الخادمة دي مهنة صاح؟
واااااجب احترامها كمهنة زيها زي الطبيب والمهندس ....الخ بغض النظر عن البلد البنمارس فيهو المهنة دي.
الكلام البتقولو فوق فيهو ده هو عدم احترام لمهنة الخادمة بدون لف ودوران عدم احترام منكم عديل.
ياخ منو القال ليك انو اي بنت ولا امراة بتقبل انو الناس تتبرع ليها عشان تعيش؟؟؟؟؟ دي مهنة صاحبها فقط من يحدد وين يشتغلها ما زول تاني . ولا يوجد اي مبرر لعدم احترام خيارات صاحبها/ت فى انو وين يمارسها.
السنجك
| |
|
|
|
|
|
|
Re: سودانية تعمل كخادمة منزلية ... (Re: اندرو كوات)
|
عزيزي اندرو، عندما تثار الضجة حول عمل المرأة السودانية خادمة في الخارج المقصود بها المرأة الشمالية "حشمة في توبك وتملي العين يا بت بلدي" ولا يذهب ذهنك إلى غيرها ولو عملت هذه الشمالية خادمة في الشمال لثارت نفس الضجة عندما يتحدث الناس عن ضرورة تعريف الهوية السودانية فإن أحد أهدافهم هو تخليص الخطاب في السودان من هذا اللَّبْس دمت بخير
| |
|
|
|
|
|
|
Re: سودانية تعمل كخادمة منزلية ... (Re: تبارك شيخ الدين جبريل)
|
وين الحكمة والحكاية في كلامي دا يا تبارك الواقع الذي تجلي في السودان بعد عشر سنوات من حكم الإنقاذ لم يكن يخطر ببال سوداني وواضح إنو اتخلق بقصد وتدبير من هؤلاء الشاذين عن ثقافة الحكم في السودان ولنرجع إلى البدايات منذ تولي علي عثمان وزارة التخطيط ولّ ايه كدا الشبابي ثم إعلام غسيل الثقافة الراسخة بسالبها وإيجابيها فنتج عن ذلك واقع مشوه نراه الآن في السودان نراه نحن الذين نزور البلاد من فترة إلى أخرى أما -إلا من رحِم ربي- الباقون هناك فقد تماهوا مع هذا الوضع الشاذ باستسلام وغفلة ولا حيلة
سؤال ألا ترى أن الواقع الآن في السودان بغيض؟ ألا تعتقد أن من خلقه هم هؤلاء الشواذ؟ أين الحكمة والحكاية في قولي هذا؟!
| |
|
|
|
|
|
|
Re: سودانية تعمل كخادمة منزلية ... (Re: معاوية الزبير)
|
Quote: وين الحكمة والحكاية في كلامي دا يا تبارك |
الشذوذ الشذوذ يا قريبك تبارك بقول ليك زول مستنير واشتراكية وحريات ودموقراتية وشنو عدالة كدي ما عارف يجي انبز واحد بالشذوذ وريهو اللشذوذ دا عيبو شنو الخلاصة دة الفهم ال بخليكم كلكم (بما فيكم السائل) سلفية مستترة في زي يسار سلفي زكوري جندري ولة ما هيك يا طبارك
........... تحياتي ود الزبير يا بلديات والحضور
| |
|
|
|
|
|
|
Re: سودانية تعمل كخادمة منزلية ... (Re: الصادق الخالدى)
|
Quote: في زي يسار سلفي زكوري جندري |
و Homophobic
كدى خلونا في السيوف الانسلت للشرف الرفيع دي ... عشان راي في خدمة السودانية في البيوت؟
ولّ عشان اصحاب البيوت عرب؟
لأنو لامن اشتغلن في بيوت الخواجات .. ما سمعنا زول احتجّ ... بعدين انتو وكتين السعوديين ما عاجبنكم ... امشوا باكستان
... المهم ....
| |
|
|
|
|
|
|
Re: سودانية تعمل كخادمة منزلية ... (Re: تبارك شيخ الدين جبريل)
|
على السريع كدا يا الصادق أنا شذوذ دي ما قاصد بيها الجنس قاصد الشذوذ في التفكير في الرؤية للحكم في كيف يُحكم البلد ناس الإنقاذ ديل شذوا عن الثقافة التي كانت السائدة بين حكامنا السابقين مع تحفظي عليهم يعني الكيزان عشان يحكموا ويتمكنوا في الحكم لجأوا لأساليب شاذة عن الطبيعة السودانية من بينها تعذيب المعارضين السودانيين بأساليب لم تخطر ببال حاكم سوداني كذلك من بين الأساليب الكذب وتغييب وعي الناس وتتفيه وتسفيه القيم -ليس السودانية فحسب بل- الإنسانية وضح الشذوذ الأنا قاصدو؟ بالمناسبة ما يسمى الشذوذ الجنسي أو المثلية حسب تسمية منظمات حقوق الإنسان، ما عندي فيهو رأي سالب كل زول ينوم على الجنبة اللي بتريّحو
مع مودتي
| |
|
|
|
|
|
|
Re: سودانية تعمل كخادمة منزلية ... (Re: معاوية الزبير)
|
لاكين غياب الرؤية الإقتصادية ومشروع الدولة مرض يصيب كل الأنظمة السودانية عبر التاريخ ... ولا تختص به الإنقاذ تحديدًا ... بل الإنقاذ فعلت أفضل من غيرها عند توقيع اتفاقية السلام الشامل ... ثم تقهقرت حالتها لمرضنا القديم بعد استقلال جنوب السودان ... سوء إدارة الدولة مرض مستحكم فينا ... بالإنقاذ أو بدونها ... لا أظن أن التعذيب أو عدمه كان سيغيّر أرقام الإقتصاد ويجعل السودان بلد غير طارد لأبنائه ... فشل دولة الإنقاذ حتمي ولو كان عمل المؤتمر الوطني محصور في توزيع الورود على المواطنين ... ياخي والي ولاية الخرطوم يعترف بجهله لأهمية الصرف الصحي ثم - سدرًا في غيّه - يتحدث عن مشاريع تصريف المياه حسب فهمه للصرف الصحي ... ولا زلنا نتخبط في صناعة مشروع بديل ينظر للدولة برؤية تختلف عن رؤية الإنقاذ ... ولا نجد ذلك البديل ...
كذلك أمراضنا الإجتماعية ... خصوصًا العنصرية التي تجعلنا نغض الطرف عن خدمة "بنات النوبة" في البيوت ونولول لخدمة "بنات العرب" في البيوت ... هذه لا ذنب للإنقاذ فيها أيضًا ...
فبأي منطق تنسب موجة الولولة على استقدام السودانيات خادمات منزليات في السعودية لأسباب تتعلق بالإنقاذ وتعذيبها للمعارضين ...
بالعكس ... لو كان الأمر يرجع لسياسات الإنقاذ ... لما منحت السعودية تأشيرة عمل لأي سوداني أو سودانية ...
... المهم ....
| |
|
|
|
|
|
|
Re: سودانية تعمل كخادمة منزلية ... (Re: تبارك شيخ الدين جبريل)
|
إنت جيت آآآلمبروك
جيتاً جيت
اتخيل انا ما قادر افهم فهمك شنووووو - تنظير وكلام فارغ لا يسمن ولا يغني من جوع
Quote: كانت صديقة لوالدتي أكثر من كونها خادمة بالأجر |
طيب انت بي كلامك الفوق دا ما جبت الخلاصة الخادمة في السودان تعتبر واحدة من ناس البيت بتاكل في نفس الصينية مع النسوان وبتشرب من نفس الكوز البشربو بيهو ناس البيت انت ما بتعرف السعوديين ولا السعودية ولا الخليج المرأة السعودية بتعامل الخدامة مثل الجـــــــــــــــــــــــــــــــــــــــــــــــــــــــــــــــــــــزمة بتهينها وبتشيلها طفلها ومعاهو الشنطة (الكلام دا نحن شفناهو شوف العين مليون مرة يا تنظير انت) مافي زول قال ليك الشغلة عيب في بنات جامعيات بشتغلن خدامات عشان يعيشن في السودان من جميع مناطق السودان لكن هنا في السعودية ما عندها قيمة ولا عندها انسانية
حشيت افكارنا زاتو يا تبارك
| |
|
|
|
|
|
|
Re: سودانية تعمل كخادمة منزلية ... (Re: الصادق صديق سلمان)
|
Quote: فبأي منطق تنسب موجة الولولة على استقدام السودانيات خادمات منزليات في السعودية لأسباب تتعلق بالإنقاذ وتعذيبها للمعارضين ... |
يا تبارك أنا ما جبت سيرة الإنقاذ في مسألة الخادمات أنا كنت أرد على أخونا أندرو عندما برر سبب تدخله في هذا البوست مؤكدا أنه ينحدر من منطقة تعتبرها الحكومة تابعة للشمال لذلك هو سوداني ومن حقه أن يكتب في الشأن السوداني فقلت له إن هذه الأوضاع التي خلقها هؤلاء الشواذ ستعود إلى سابق عهدها، ومن بينها الجنوب
انت يا تبارك ما بتقرأ مداخلات الناس في البوست اللي بتفتحوا بنفسك؟؟ عندك حاجات جاهزة عايز تسددها لكل من (تعتقد خطأً أنه) يخالف رأيك؟ هسي أنا مختلف معاك وين؟ اشرت أنت إلى "شواذ" قلت ليك ما عندي مشكلة مع زول أو زولة، وأصلا هذه مسألة تتعلق بالجينات التي خلقها الله ولا أحد مسؤول عنها، كونه هذا الأحد يكون رئيس جمهورية أو عجلاتي لا يهم. حكومة السجم دي ما جبنا سيرتها في موضوع الخادمات عمل الخادمات في الخارج قلنا إنو الناس هايجة لانو تفكيرهم ذهب إلى الشماليات
وفّر جهودك للناس المختلفة معاك يا زول
| |
|
|
|
|
|
|
Re: سودانية تعمل كخادمة منزلية ... (Re: معاوية الزبير)
|
Quote: انت ما بتعرف السعوديين ولا السعودية ولا الخليج المرأة السعودية بتعامل الخدامة مثل الجـــــــــــــــــــــــــــــــــــــــــــــــــــــــــــــــــــــزمة بتهينها وبتشيلها طفلها ومعاهو الشنطة (الكلام دا نحن شفناهو شوف العين مليون مرة يا تنظير انت) مافي زول قال ليك الشغلة عيب في بنات جامعيات بشتغلن خدامات عشان يعيشن في السودان من جميع مناطق السودان لكن هنا في السعودية ما عندها قيمة ولا عندها انسانية
حشيت افكارنا زاتو يا تبارك |
الصادق صديق سلمان ...
إنت غاشي روحك؟ ولّ غاشاك ونسات الرمتلة؟
كدى امشي اتعلم انو واقع الخدامة في السودان زي السعودية وربما اسوأ ... وبعدين كوّن راي على ضوء المعطيات الجديدة دي ... حتين تجي تحش افكار عزيز بشاشا القارئ
... المهم ...
| |
|
|
|
|
|
|
Re: سودانية تعمل كخادمة منزلية ... (Re: تبارك شيخ الدين جبريل)
|
النجيضة يا جماعة
عقلية الكتير من السودانيين بترى إنه عمل الخادمة المنزلية عمل حقير لا يصلح لـ(بنات الناس والعوائل وكدا)، وعليه فكون أن (بنات الناس) يشتغلن خدمات في السعودية فدي ضربة في صميم العزة الوطنية للسودانيين المذكورين أعلاه
المسكوت عنه في الموضوع دا، إنه السودانيات (بنات الناس والعوائل وكدا) اشتغلن خدمات في مصر في التسعينات من القرن الماضي
والوظيفة كان اسمها الكودي (أوشين) على اسم بطلة المسلسل الياباني المشهور آنذاك.
يبقى القضية مش خوف من معاملة السعوديين (والسودانيين ذاتم أظرط وأضل سبيلا)، فحتى لو أحسن السعوديين معاملك الخدمات، فالعزة الوطنية بتاعة (تجوع وما تاكل بسدرها) ديك، ما حتلفق معاها الحكاية.
بنات النوبة تحديداً الإعتربن في العاصمة ما كان عندهم مشكلة (عاملوهم كويس ولا كعب) غايتو الدور جا على (بنات الناس والعوائل وكدا)
معليش للسودانين المتخلجنين امسحوها في وشنا تعيشوا وتشوفوا العجب
ظروف وكدا
| |
|
|
|
|
|
|
Re: سودانية تعمل كخادمة منزلية ... (Re: الصادق اسماعيل)
|
Quote: النجيضة يا جماعة
عقلية الكتير من السودانيين بترى إنه عمل الخادمة المنزلية عمل حقير لا يصلح لـ(بنات الناس والعوائل وكدا)، وعليه فكون أن (بنات الناس) يشتغلن خدمات في السعودية فدي ضربة في صميم العزة الوطنية للسودانيين المذكورين أعلاه |
جبتها من الآخر رغم انو فى رجال كتار ضربو صميم العزة الوطنية للسودانيين هنا فى السعودية ومن زمان
امرها اصبح واقع و بالدليل القاطع، والتأشيرات طلعت و الإجراء عادي جدا زيو زي اي إجراء مهنة اخرى، فهي مهنة لابد من احترامها بدون اي تحفظات.
السنجك
| |
|
|
|
|
|
|
Re: سودانية تعمل كخادمة منزلية ... (Re: alsngaq)
|
Quote: فماهى أسباب هذه الصرخة حول عمل السودانيات كخدم منازل فى الخليج ؟ |
الصرخة سببها شخصي جدا يا نور تاور...فتاريخ العمالة السودانية في الخليج بدأ قبل ان يصبح الخليج خليجا ببتروله...فاغترب اليه السودانيين - بانفسهم او مبتعثين كمعلمين ومهندسين واطباء واداريين وقضاة بل واسسوا وبنوا واداروا واصبح لديهم رصيد من العرفان بل وتجنس الكثيرون منهم بجنسيات هذه الدول بدءا من السعودية وانتهاءا بقطر وما من دولة في الخليج الا وتري اثرهم ظاهر...ورصيدهم الباقي من الكبرياء والكرم والشموخ والامانة...وعلي حسب ظني المتواضع لا يريدون لاحد ان يمسه او ان يعايروا بان اختهم من السودان تعمل خادمة في بيت خليجي...هذا هو كل الامر- مع اني اري الا عيب في ذلك فالعمل الشريف سيظل شريفا الا ان يلطخ صاحبه شرفه...ويمكن للعاملة السودانية او الخادمة او المربية ان تكون مثالا للشرف والامانة كما كان اخوانها واخواتها في مجالات العمل الاخري
| |
|
|
|
|
|
|
Re: سودانية تعمل كخادمة منزلية ... (Re: nazar hussien)
|
Quote: ورصيدهم الباقي من الكبرياء والكرم والشموخ والامانة...وعلي حسب ظني المتواضع لا يريدون لاحد ان يمسه او ان يعايروا بان اختهم من السودان تعمل خادمة في بيت خليجي...هذا هو كل الامر |
انسان كريم وعندو كبرياء وامين ولا يحترم العمل !!!!!!!!!!!!!!!!!!!!!!!!
السنجك
| |
|
|
|
|
|
|
Re: سودانية تعمل كخادمة منزلية ... (Re: alsngaq)
|
Quote:
المقدمة كانت مجرد استنتاج يا السنجك قد يحطي او يصيب
ما رايي فقد قلته:
مع اني اري الا عيب في ذلك فالعمل الشريف سيظل شريفا الا ان يلطخ صاحبه شرفه...ويمكن للعاملة السودانية او الخادمة او المربية ان تكون مثالا للشرف والامانة كما كان اخوانها واخواتها في مجالات العمل الاخري |
| |
|
|
|
|
|
|
|