يا أبناء الجزيرة الشرفاء فلنتداعى لوقف هذه المهزلة

Quote: الأستاذ محمد على البصير لك الشكر على إثارة الموضوع الهام دا وزى ما قالوا "الجاهل عدو نفسه" ناس الوفود ديل ما شايفين الجزيرة وصلت وين؟ الناس ديل عارفين البدبرو فيه مرتزقة الخرطوم شنو لمشروع ومنطقة الجزيرة؟ المفروض يكون فى عملية توعية لأهالى الجزيرة على الأرض، وليس الأسافير فقط، لان الغالبية العظمى من أهل الجزيرة، بل كل السودان ما عندهم لا كمبيوترات لا خدمات إنترنت. وأنا بنصح الناس تستقى الإستراتيجيات من تجربة بوليفيا بقيادة بدرو مورالس. لأنو التجربة بتاعتهم تكاد تتطابق مع تجربة ناس الجزيرة. فحكومتهم الدكتاتورية الباطشة كانت تعمل على خصخصة الأراضى الزراعية ومنحها للشركات متعددة الجنسيات، فأعلنت الحرب ضد صغار المزارعين وملاك الأراضى لإنتزاعها بحجة أنهم بيزرعوا نبتة الكوكا. واللى هى ما بتستعمل فقط فى إنتاج الكوكائيين ولكن تدخل فى كثير من التركيبات والصناعات الدوائية. المهم ليس المنتج ولكن السيطرة تكون لمنو؟ أهل الحق ولا ناس الحكومة القاعدين فى مكيفاتهم فى الخرطوم؟ تصور الناس ديل مش بس قدروا يوقفوا الحكومة ولكن غيرو نظام الحكم تماما وإكتسحو كل الإنتخابات وأعادوا إنتخاب موراليس لرئاسة الجمهورية ثلاث مرات. أرجو مراجعة بوست الأخ عبدالعزيز عثمان http://www.sudaneseonline.com/board/480/msg/%D8%AF%D9%88%D8%...5...-1418202408.html وفقكم الله فى حماية حقوقكم والنصر لكم، بإذن الله، لو تكاتفتم