|
|
 حليل عبود تبورى
|
لهيب نارى كامن العود
تلهلب نارى دون واقود
أهاتى أقولو وين عبود
حزن الناس صغار وكبار
حزن النيل حفيف أشجار
يبقبق فى قلوبنا النار
وحاتك يمه فى جواى ألم مكتوم
مشكن فى النخيل والدوم
وهز كيانى وأنشر ...
وكت عبود رقد واتوسد الجابره
بدت فى لحظتى الحاضره
بدت أيام زمان وزمان
حى الشاطى يا الحبان
حزن الفقرة والرازقاب
حزن القلعة والعامراب
حزن القوز وحى السوق
تجيك السره من لافوق
تثكل تبكى وين عبود
تقلدو تبورى وين عبود
تقلد الدينمو وين عبود
وتسكت تبكى مفجوعة
سايلى دموعها موجوعة
محزمة فى مكانها تدور
تغبى وتقلد الطمبور
ويبكى رجال بنى شايق
حليل الكان رضى ورايق
حليل عبود ..وفى أعماقنا شوق وحنين
ومن جوانا تنهيدة..عذاب وأنين
حليل الكان جميل ورزين
وعينى ملانى بالدمعة وقلبى حزين
نغنى معاك نسوق الليل(ونسكر ومانا سكرانين)
حليل عبود وليد النيل(وأرضو قرير أعز الطين)
تقولى النخلة وين عبود,,يقولى حفيرنا وين عبود
وحتى النيل فقد عبود دموعو جرن
حليل عبود أصالة وفن
ونقضى الليل مع الأهات
قالى القمرى عبود مات
ويتم لحنو والكلمات
وحتى رمال قريرنا بكت
وحتى القمره نورها خفت
وأشوفها دباسه كيف حنت
تغنى غناك معاها نشيل
تباكى النيل ..دموعها تسيل
حليل عبود
|
|
  
|
|
|
|
عمار محمد ادم
ناذر محمد الخليفة
صالح عبده
فيس بوك
تويتر
انستقرام
يوتيوب
بنتيريست