قرى سودانية نموذجية يا عبدالعزيز ( دريم لاند ! ) ، جيب الخبراء وتعال !

Quote: وهذا ايضا حل وسطي مناسب، فمنطقة الوادي الاخضر تقع في شرق النيل في اقصى الشمال الشرقي وكل المربعات الجديدة الفارغة تمام وليس بها اي عمران مملوكة للمغتربين في الخليج وهم الفئة المستهدفة وبي كده تكون اتحلت مشكلة الاراضي السكنية وباقي الارض الزراعية، ودي برضها موجودة لانو في امتدادات شاسعة شرق وشمال الوادي الاخضر وهي اراضي مملوكة للدولة حسب ظني ومعروف ان اراضي شرق النيل هي اراضي زراعية جيدة وهنالك الكثير من المزارع في المنطقة يبقى هنا التحرك يكون في اتجاهين، اتجاه لاستقطاب ملاك الوادي الاخضر ولا اظن ان هذا امر عسير، والاتجاه الثاني هو (تحنيس) الدولة لكي تمنحنا الاراضي الفاضية تماما ومافي اي امل انها تستخدم في المستقبل المنظور الموجودة شمال وشرق الوادي الاخضر عشان نعمرها ونزرعها .. المهم طبعا ده حل قد يكون بعيد قليلا من فكرة تعمير الريف ولكنه اقتصادي ووسطي واقل تكلفة ويمكن الانطلاق منه في رحلة تعمير الريف الحلم