كتب الكاتب الفاتح جبرا المتوفرة بمعرض الدوحة
|
Re: الفردة دقس و أتلحس (Re: سيف النصر محي الدين محمد أحمد)
|
الأستاذ سيف النصر، أثار موضوعك اهتمامي لأنني قضيت وقتا ليس بالقصير في تعلم هذه اللغة الجديدة التي غزت المجتمع السوداني.
والمثير في هذه اللغة أنها لغة توحيدية. إذ يتكلمها الشباب من كل أنحاء السودان وليس فيها إقليمية أو جهوية أو عرقية.
فيما يلي فقرة من مسرحيتي (طلب هجرة إلى جمهورية أم كردوس)، أرجو أن تجد فيها بعض الأمثلة لتجليات هذه اللغة في حاضرنا.ّ
جميلة: يسد يا يابا ... (فجأة تبتر جملتها وتتلفت بخوف) سجمي، النظام العام ..(تخطف الكفتيرة وتركض مسرعة لتخرج من الناحية اليمنى.... تعود وهي تلهث من الناحية اليسرى) العسكري ما قطع قلبي! أنا قايلاهم ديل النظام العام، الحمدلله طلعوا ديل بتاعين الإلزامية.
حماد: (يهب واقفا بذعر) الإلزامية .. الله لا تبارك فيك يا جميلة .. وجايباهم لحد عندي ! (يركض خارجا من الناحية اليسرى... يعود بعد قليل من الناحية اليمنى وهو يلهث.. يتوجه للمشاهدين..) يا جماعة الواحد في بلدو يقبى زي ناس العمرة الزايغين؟ كل ما يشوف ليه عسكري يفتح؟ بس إظهر عسكري واحد والشارع كلو يفتح .. الفارش بضاعة والطابي جكس وستات الشاي والشحادين والنشالين .. كلو شتات..
جميلة: حماد! شنو شتات ويفتح .. إت الأستاذ ما قال ليك تخلي كلام الشماشة دا؟ ات داير تفضحنا قدام المغتربين؟ حماد: يا فارة دا ما إسمو كلام الشماشة. دا إسمو الرندوك
جميلة: ياخي إتكلم زي خلق الله .. يفتح يعني شنو؟ ما تقول يفز.
حماد: يفز ... ويفز دي ما راندوك؟ ( يدخل أستاذ التاريخ في طريقه لباب المدرسة وهو يحمل كتبا في يده)
الأستاذ: يفز أصلها يفوز والمقصود يفوز بحياته أي يهرب من الخطر. وتحرفت من يفوز إلى يفز. (تتابع جميلة كل كلمة يقولها الأستاذ بوله وحب ظاهر)
حماد: (بتعالم زائف) وزي ما تحرفت من يفوز لي يفز فقد ترندكت إلى يفتح، بمعنى يوسع أي يفتح الفضاء المكاني باتجاه الإتساع والشتات.
الأستاذ: حماد إت بتجيب الكلام الغريب دا من وين؟
حماد: من الحنان ... ولو الحنك بجيب الحنان أن مستعد أقبى الشيخ الشعراوي زاتو. (يعود للتعالم) وبالمناسبة يا أستاذ، لو عاوز درس عصر في الرندكة، أنا مستعد. الأستاذ: (منتهرا) حماد .. ما تس ... تس ... تستأ ... تستز حماد: إت عاوز تقول شنو ؟
الأستاذ: عاوز أقول ما تعمل لي فيها أستاذ.
حماد: بسيطة .. تقول بلاش تركب مكنة أستاذ بدل تستس كدا. ولا إيه رايك يا جميلة؟ جميلة: (تكون جميلة تائهة وهي تتأمل الأستاذ) .. آه؟ قت شنو؟
|
|
|
|
|
|
|
العنوان |
الكاتب |
Date |
الفردة دقس و أتلحس | سيف النصر محي الدين محمد أحمد | 05-25-06, 07:17 AM |
Re: الفردة دقس و أتلحس | سيف النصر محي الدين محمد أحمد | 05-25-06, 07:37 AM |
Re: الفردة دقس و أتلحس | حيدر حسن ميرغني | 05-25-06, 07:51 AM |
Re: الفردة دقس و أتلحس | سيف النصر محي الدين محمد أحمد | 05-25-06, 09:25 AM |
Re: الفردة دقس و أتلحس | حيدر حسن ميرغني | 05-26-06, 06:25 AM |
Re: الفردة دقس و أتلحس | saif massad ali | 05-26-06, 06:31 AM |
Re: الفردة دقس و أتلحس | حيدر حسن ميرغني | 05-26-06, 07:15 AM |
Re: الفردة دقس و أتلحس | سيف النصر محي الدين محمد أحمد | 05-26-06, 02:05 PM |
Re: الفردة دقس و أتلحس | طارق جبريل | 05-26-06, 09:27 PM |
Re: الفردة دقس و أتلحس | حيدر حسن ميرغني | 05-27-06, 07:51 AM |
Re: الفردة دقس و أتلحس | سيف النصر محي الدين محمد أحمد | 05-27-06, 10:03 AM |
Re: الفردة دقس و أتلحس | اساسي | 05-27-06, 10:26 AM |
Re: الفردة دقس و أتلحس | Tragie Mustafa | 05-27-06, 10:36 AM |
Re: الفردة دقس و أتلحس | حامد بدوي بشير | 05-27-06, 11:11 AM |
Re: الفردة دقس و أتلحس | سيف النصر محي الدين محمد أحمد | 05-28-06, 01:08 PM |
Re: الفردة دقس و أتلحس | سيف النصر محي الدين محمد أحمد | 05-28-06, 01:11 PM |
Re: الفردة دقس و أتلحس | سيف النصر محي الدين محمد أحمد | 05-28-06, 01:14 PM |
Re: الفردة دقس و أتلحس | حامد بدوي بشير | 05-29-06, 01:35 AM |
Re: الفردة دقس و أتلحس | حيدر حسن ميرغني | 05-29-06, 03:17 AM |
Re: الفردة دقس و أتلحس | حيدر حسن ميرغني | 05-29-06, 04:58 AM |
Re: الفردة دقس و أتلحس | ABU QUSAI | 05-29-06, 06:09 AM |
Re: الفردة دقس و أتلحس | سيف النصر محي الدين محمد أحمد | 05-30-06, 10:18 AM |
Re: الفردة دقس و أتلحس | حيدر حسن ميرغني | 05-31-06, 04:43 AM |
Re: الفردة دقس و أتلحس | حيدر حسن ميرغني | 06-01-06, 05:29 AM |
Re: الفردة دقس و أتلحس | حيدر حسن ميرغني | 06-01-06, 06:28 AM |
Re: الفردة دقس و أتلحس | عوض الله الفولانى | 06-01-06, 06:30 AM |
Re: الفردة دقس و أتلحس | سيف النصر محي الدين محمد أحمد | 06-01-06, 02:30 PM |
Re: الفردة دقس و أتلحس | سيف النصر محي الدين محمد أحمد | 06-01-06, 02:51 PM |
Re: الفردة دقس و أتلحس | حيدر حسن ميرغني | 06-03-06, 06:23 AM |
Re: الفردة دقس و أتلحس | Ahmed El Gasim | 06-03-06, 11:21 AM |
Re: الفردة دقس و أتلحس | حيدر حسن ميرغني | 06-04-06, 11:54 AM |
Re: الفردة دقس و أتلحس | حيدر حسن ميرغني | 06-05-06, 07:06 AM |
|
|
|