|
Re: اي بنت انا فكيتها بطوبة في المظاهرات اقوليها........ (Re: ASHRAF MUSTAFA)
|
قبل ان اغادر السودان من حوالي 17 سنة
اخوكم كان قائد مظاهرات
وكان متخصص في مدارس البنات
الخرطوم القديمة الثانوية بنات
العمارات المتوسطة بنات
محمد احمد المرضي الابتدائية بنات
داخلية البحر الاحمر للبنات
و......و.....و........
المدرسة القريبة والفي طريقي بمشي ليها
اخوكم دايما معاه طوبة....ما بتفارقه
ومرات بمشي افتح المدارس بالكاكي
ومشهور في المنطقة باسم جحا
يعني لمن تطلع اشاعة جحا جانا...جحا قرب لينا
البنات: واااي...وووب علينا..كر علي.سجمي جحا جا
و..................................بطيخ
وفد رمية للطوبة.....الاستاذة من الكرسي تقع
والبنات بيني وبينكم بيكونوا فرحانات
قالوا ما عايزين قراية
اخوكم كمان بسوق شماسة الشعبية
وبفك سبعة طوبات في مدارس الاولاد
الخرطوم الشعبية الثانوية بنين
حسونة المتوسطة بنين
الخرطوم الجديدة الثانوية بنين
الخرطوم جنوب 1
و.................هلم جرا
بعدين مرات اطلع البنات واسوقهم للسفارة الامريكية
عايز شنو؟؟؟
ما عارف!!!!!
او كما قال ود القريش: ما عندي موضوع!!!
المهم البنات ديل يطلعوا وبعدين احلها الف حلال
| |
|
|
|
|
|
|
Re: اي بنت انا فكيتها بطوبة في المظاهرات اقوليها........ (Re: أسامة الفضل)
|
اسامة الفضل
تحياتي ياخي
Quote: على فكرة إنت لسه قاعد ترمي و تجدع طوب |
لا....انت فهمتني غلط انا فعلا زمان كنت برمي وبجدع الطوب لكن حسع بجمع فيه
زي ما قلت ليك يا حبيب عايزين ندخل صرفة او خته بعدين لو فضل باقي كتير ممكن نبني بيه بيت
خليك قريب يا حبيب فقد احتاجك بعدين لو واحد فكاني بطوبة حوشها عني
| |
|
|
|
|
|
|
Re: اي بنت انا فكيتها بطوبة في المظاهرات اقوليها........ (Re: ASHRAF MUSTAFA)
|
حليل أيام المقرن الثانوية في أوائل التسعينيات القراية كانت صعبة والملل مالي الجو وكلما يزنقونا بس طوفان على الشارع
شي
الفول بالجبنة ... الصادق ما عاجبنا
وشي
لا نور لا موية ... الصادق يا ككوية
المهم وفللى على الخرطوم الجديدة بنات وديل قاعدين على الهبشة
ومن هناك المسيرة الكبرى لفتح القسطنطينة
مدارس الكلية القبطية بنات مرددين رائعة جوليا بطرس
"فين الملايين .. الجكس العربي فين ..."
| |
|
|
|
|
|
|
Re: اي بنت انا فكيتها بطوبة في المظاهرات اقوليها........ (Re: Hatim Salih)
|
الاخ العزيز حاتم صالح
تحياتي واشواقي
Quote: حليل أيام المقرن الثانوية في أوائل التسعينيات القراية كانت صعبة والملل مالي الجو وكلما يزنقونا بس طوفان على الشارع
شي
الفول بالجبنة ... الصادق ما عاجبنا
وشي
لا نور لا موية ... الصادق يا ككوية
المهم وفللى على الخرطوم الجديدة بنات وديل قاعدين على الهبشة
ومن هناك المسيرة الكبرى لفتح القسطنطينة
مدارس الكلية القبطية بنات مرددين رائعة جوليا بطرس
"فين الملايين .. الجكس العربي فين ..." |
ياخي دي ايام ما بتتنسي
من الابتدائي والمتوسط لمن كنا بنزور في دفتر العيادة
والثانوي القضيناه كديت ومظاهرات وشرائط جوليا بطرس زي ما قلت
السودان ده انا عندي فيه زكريات كثيرة وجميلة
ايام لا انساها
واصدقاء بالكوم
ومغامرات وهوايات كثيرة واشياء تحتاج كتب كثيرة للكتابة عنها
تشكر ياخي فكرتنا بالايام الخوالي
وادام الله السودان واهله
| |
|
|
|
|
|
|
Re: اي بنت انا فكيتها بطوبة في المظاهرات اقوليها........ (Re: Ashraf Abdel-Muty)
|
ابو الشووووووووش تحياتي ياخي
Quote: لالا معناها ما عندك طوبه عندنا قبل 17 سنه دى الدكان ما كانوا برسلونا |
لالالالالالالالالالالالالالا كان كده انت شافع شديد اجري العب بعيد
تعرف يا ابو الشوش انا نص عمري في السودان والنص التاني بره لكن اتحداك ما عندك مغامرات ولا جو زي الكان عندي
انا مشيت السودان اول مرة قبل سبعة سنوات مشيت مع اولاد خالاتي ازور صديق لي في العمارات لقيت الشقة الكان ساكن فيها مافيشة سالت الحلاق الجنبهم...وين الراجل ده؟؟؟
لالالالالالالالالالالالالالا حولة....الراجل ده رحل ليهو 10 سنوات...انت كنت ويييييييييييين؟؟؟؟!!!!! ود خالتي قاعد يضحك وقال ليهو....
كان جوه
وخلينا الراجل علي كده
| |
|
|
|
|
|
|
Re: اي بنت انا فكيتها بطوبة في المظاهرات اقوليها........ (Re: ASHRAF MUSTAFA)
|
عارف يا اشرف لمن قريت كلامك ده
Quote: لالالالالالالالالالالالالالا كان كده انت شافع شديد اجري العب بعيد
تعرف يا ابو الشوش انا نص عمري في السودان والنص التاني بره |
فتحت البروفايل بتاعك قلت اشوف عمرك
Quote: تاريخ الميلاد: الاعمار بيد الله |
لا حولااا
Quote: وقبضني البوليس وداني القسم |
كمان رد سجون ؟؟؟
انا تانى ما ح اخش هنا
سلاااااااااااااااااااااام
| |
|
|
|
|
|
|
Re: اي بنت انا فكيتها بطوبة في المظاهرات اقوليها........ (Re: Ashraf Abdel-Muty)
|
ابو الشوش تحياتي
Quote: فتحت البروفايل بتاعك قلت اشوف عمرك
|
عمري اقل من 35
انا ما بدخل سجون لكن اقصاها بصل القسم ولي مغامرات كثيرة في هذا الشان
لكن اخوك ناشف لو دخل السجن ما بتفرق معاه
وانت عارف حقارة البوليس في السودان...لكن يا حبيب الحقارة ما بتمر علينا
Quote: انا تانى ما ح اخش هنا
|
يا راااااجل السجون بتخاف منها للدرجة دي اعتبرها خبرة في الحياة ياخي
Quote: سلاااااااااااااااااااااام |
وعليكم السلااااااااااااااااااااااااااام
| |
|
|
|
|
|
|
|