|
الحكومة صعبت تربية اولادنا
|
سألني ولدي 9 إلا قليلا .. انت يا ابوي رئيس الجمهورية بغيرو كيف قلت ليهو كل 4 سنة قال لي وطيب حقنا دة ليهو كم سنة قلت ليهو 26 سنة قال لي مندهشا ستة وعشريييييييييين سناااااااا !! طيب ليه ما اتغير قلت ليهو خرخر ابا يطلع قال لي ما تطلعوهو بالرجالة .. طيب ناس البوليس ديل ليه ما طلعوهو ولا بياخدوا قروش ساي وحمدت الله انو وصلنا المدرسة
|
|
|
|
|
|
|
|
Re: الحكومة صعبت تربية اولادنا (Re: عبدالحفيظ ابوسن)
|
العيال بقروا وبدرسوهم وبتفرجوا في التلفزيون وبشوفوا الاحداث وبسمعوا زمان يومنا كلو في الشارع ما جايبين خبر .. اولاد الزمن دة يومهم كلو جوة البيت . فبتابعوا وعشان نحل التناقض الموجود في اذهانهم بما يشاهدونه وبما يقرأونه بنتعب نحن بنتعب في ايجاد لغة ومفاهيم تليق بقدراتهم اللغوية والمعرفية .. وقدرتهم علي الاستيعاب فكيف نشرح حكومة ديمقراطية وشمولية وحكومة تدعي الديمقراطية وتمارس الديكتاتورية تأشر شمال وتلف يمين وهم اطفال ذخيرتهم المعرفية أكبر من تصورنا .. وانشغلوا بقضايا ستفسد طفولتهم فهم اطفال الحرب والواقع المأساوي
| |
|
|
|
|
|
|
Re: الحكومة صعبت تربية اولادنا (Re: ismeil abbas)
|
مرحب اسماعيل صحي والله مدخلني في جنس مآزق .. سياسية ودينية والموضوع دة معشعش ليهو في راسو .. ومتأكد بعدين بفتحو معاي ودة الخايفين منو .. نكضب عليهم .. نحاول نقول ليهم الصدق ونشرح بقدر استطاعتنا ما لا يفسد طفولتهم اها قبيل خرخر دي مرقتني منو .. الخرخرة بعرفها وبعرف سلوكها لكن شوف فهمو للشرطة ! هي الامينة علي الحقوق والصادقة .. ثم اندهشت انه يعلم انهم بياخدوا قروش .. مواهي و
| |
|
|
|
|
|
|
Re: الحكومة صعبت تربية اولادنا (Re: ismeil abbas)
|
مرحب اسماعيل صحي والله مدخلني في جنس مآزق .. سياسية ودينية والموضوع دة معشعش ليهو في راسو .. ومتأكد بعدين بفتحو معاي ودة الخايفين منو .. نكضب عليهم .. نحاول نقول ليهم الصدق ونشرح بقدر استطاعتنا ما لا يفسد طفولتهم اها قبيل خرخر دي مرقتني منو .. الخرخرة بعرفها وبعرف سلوكها لكن شوف فهمو للشرطة ! هي الامينة علي الحقوق والصادقة .. ثم اندهشت انه يعلم انهم بياخدوا قروش .. مواهي و
| |
|
|
|
|
|
|
Re: الحكومة صعبت تربية اولادنا (Re: عبدالحفيظ ابوسن)
|
نادر ههههه ذكرتني طرفة جحا قالوا جحا لقا تيمورلنك ببكي قال ليهو مالك قال ليهو شفت المراية ووشي شين وقبيح جحا قنب يبكي اكتر منو تيمورلنك استغرب وسألو جحا قال ليهو انت شفت وشك مرة واحدة بكيت وانا الشايفك كل يوم اعمل شنو
| |
|
|
|
|
|
|
Re: الحكومة صعبت تربية اولادنا (Re: عبدالحفيظ ابوسن)
|
مرحبا عبدالرحمن وحبابك والله ههههه اي بركة الوصلت المدرسة ياخ نحن الصباح بنصحا بي مية هم .. وزي القالبنا لوري شاحن طوب مزاج معكر وهم مكوم وبين عكران المزاج وتربية اطفالك ممكن تطش بتكون ما داير نضمي غايتو ان شاء الله لي بعدين ينسي الفكرة
| |
|
|
|
|
|
|
Re: الحكومة صعبت تربية اولادنا (Re: عبدالحفيظ ابوسن)
|
Quote: سألني ولدي 9 إلا قليلا .. انت يا ابوي رئيس الجمهورية بغيرو كيف قلت ليهو كل 4 سنة قال لي وطيب حقنا دة ليهو كم سنة قلت ليهو 26 سنة قال لي مندهشا ستة وعشريييييييييين سناااااااا !! طيب ليه ما اتغير قلت ليهو خرخر ابا يطلع قال لي ما تطلعوهو بالرجالة .. طيب ناس البوليس ديل ليه ما طلعوهو ولا بياخدوا قروش ساي وحمدت الله انو وصلنا المدرسة |
الاخ العزيز عبدالحفيظ ابوسن سلام
ما شاء الله تبارك على الولد وربنا يحفظه ويخليه..
تساؤلات قوية جدا,, أو أشئلة ليست لها اجابة!!!!!
في عالمه الصغير بالمدرسة بيكون شاهد على تغيّر المدرسين والمدير... وخاصة المدير الذي يمثل له الرئيس.. فعندما يسمع برحيل مدير المدرسة يتعلم بأن رئاسة المدرسة ليست دائمة.. يتوسع عالمه وهو يشاهد مجبرا اعلام ينقل له المغالطات.. شالوا وزير وجابوا آخر شالوا نائب الرئيس وجابوا آخر طيب رأس الحية ده البغيره شنوووو..!!
تحياتي
| |
|
|
|
|
|
|
Re: الحكومة صعبت تربية اولادنا (Re: عبدالحفيظ ابوسن)
|
Quote: طيب ناس البوليس ديل ليه ما طلعوهو ولا بياخدوا قروش ساي |
شوف البراءة في أزهى صورها بالله ؟؟؟
------------------------------------- الله يخليكم لبعض يا أب سن ,, وان شاء الله الولد يلاقي واقعه مطابقاً تماما لظنونه وأحلامه وقناعاته .
| |
|
|
|
|
|
|
Re: الحكومة صعبت تربية اولادنا (Re: عبدالحفيظ ابوسن)
|
Quote: هو عاجز عن تصور مؤسسة اخري واجبها حماية الحقوق .. شفت المأزق الانا فيهو !! تقول ليهو شنو هسة حتي لا تفسد طفولته |
الاخ عبدالحفيظ سلام
في 1992 كنت قد رجعت للتو الى الجزيرة أبا بعد مغادرة السودان عقب الانقلاب.. وفي ضحى اليوم التالي وانا مستلقي بالديوان سمعت صخب الاطفال الذي غاب عني زهاء الثلاثة سنوات.. رفعت رأسي وناديت عليهم من الشباك وكان في مقدمتهم ابن عمي علي دخلوا متتابعين يشدهم حبل عند خصورهم في شكل قطار وهم يرددون هتاف. واستوقفت علي وسألته: انتو بتقولوا شنو؟ رد: الجكة دي لله.. الصلعة لله.. قلت له: الكلام ده جبتوه من وين؟ قال: ديل ناس الدفاع الشعبي بيجوا جارين وبيقولوا كدا.. قلت: عندي ليك كلام احلى من دا.. وعلى طول قال: شنو!! قلت ليه ردد: شليل وين راح.. والباقين يردوا عليك: أكلوا التمساح.. داروا داخل الديوان مرات وهم يرددون: شليل وين راح... أكلو التمساح.. قلت الحمد لله كدا نظفت شوية من ###### الكيزان من عقولهم.... فقلت لهم: يلا امشوا ألعبوا برة.. بعد لحظات أسمع صخبهم في الشارع ثانية: الجكة دي لله.. الصلعة دي لله.. فأصبت بالاحباط.. علي هذا اليوم مهندس جلوجيا..
مودتي
| |
|
|
|
|
|
|
|