شوفو مدرسة البنات دي كاتبة شنو علي الحيطة ( صورة )

Quote: ناس المدرسة كانو غلطانين لأنو قبل ما يكتبوا كلاموم دا كانو معلقين صورة للبشير في الحيطة كامل دعمنا

Quote: صلاح جادات مساء الخير او صباح النور.... ضربة البداية جاءت منك ارح اركز ...... بسيطة رسل ليهم حق ثلاث شجرات نيم وشويه نجيلة وزيرين ... عشان يعملوا مزيرة في الحته ده بعدانظافة...حق النظافة على حسابى..قصرت معاك والموضوع انتهى.... في انتظار الصورة بالشجر والمزيرة ليكون تضامن نافع

Quote: مزيرة وشجر نيم ؟ وتلقى الغبش واقفين صفوف بكرة

Quote: كوز كبيييييييييييييييييير كان بدرسناعربي في الثانوي ، الغريبة كان تمتام ، من التمتمة موش الفنان ، يعني كان بيتمتم أسألوا عنه شوقي بدري.... شاف في يدي كتاب سلامة موسى "هؤلاء علموني" قال لي:- إنت بتقرا لي سلامة موسى؟ دا العقاد كان مسميهو سلامة موسى المراحيضي!!! ودا لأنه سلامة موسى كان بيطالب الدولة بعمل مراحيص عشان الناس ما تقضي الحاجة في الترع والشوارع وتتسبب بالتالي قي أمراض البلهارسيا وفي الأمراض التي ينقلها الذباب ++++++ عشان الناس ماتتبول في الشوارع وعلى حوائط المدارس والجوامع ، نعمل خملة لمطالبة حكومة السجم دي بعمل مراحيض عامةللناس في الأسواق وأماكن التجمعات. تحياتي

Quote: يا اخ انت زول راقي جدا طالما انك بتقرا لسلامة موسي

Quote: نحن ياحبيب جيل كان محظوظ ، قلت أنا بقرا وين ألقاه سلامة موسى، ووين أولادنا يلقوه عشان يقروهو؟؟ نحن قرينا خالد محمد خالد وسىلامة موسى ، وجورج حنا في ستينات القرن الماضي ، ودا الحصننا من الهوس السائد في بلاد العرب وبين قارئي العربية هذه الأيام. فتش عن سلامة موسى وجورج حنا ، وفتش عن خالد محمد خالد قبل أن يشتريه السعوديون ويرتد عن فكره المستنير ويتبرأ عن كل ماكتب ؛ فتش عليهم في أي مكتبة وفي أي معرض كتب ما حتلقاهم. العالم العربي يعيش their dark ages رغم البترودولار ورغم اتساع فضاء العلم والاستنارة. لمن يرغب في أن يستنير . شكراً ، ولك والجميع تحياتي

Quote: الاخ درديري يااخ انت طلعت فردة عديل

Quote: تعرف يافردة ، أنا جدي كان بيشتغل مترجم في شركة قناة السويس ، لمن انتهى قرر يرجع للسودان ، تعرف لمن رجع ، اكتشف إنه مكتبته كلها، واللي جمعها خلال سنوات وسنوات ، قرضتها الأرضة . قالوا (إنكسرت عليهو بطن) ومات !!!! رجعت في أول إجازة من الاغتراب ، ووجدت إنه الأرضة قرضت كل مكتبتي تقريباً وأهمها كتب خالد محمد خالد وسلامة موسى. تذكرت جدي ، وقلت ما في عوجة تتعوض، لو ما كدا ، كنت لحقته !!! أنا هسع بحاول إعادة تجميع كتب سلامة موسى وخالد محمد خالد عشان أقريها لأولادي وأولاد أخواني، قول لي ألقاها ويييييييييييييييين؟؟؟؟؟؟؟ تحياتي

Quote: ياخوي خلينا من دا كله ، نرجع لموضوع البوست الأصلي ، ونرجع لاقتراحي : نبادر بإطلاق حملة لعمل مراحيض عامة ، ونبدأ بالجهد الذاتي مع الشعب ، في كل قرى ومدن بلادنا ، حفاظاً على الصحة العامة أولاً ، وعلى كرامة وأذواق الناس وآدميتهم ثانياً. ولك والجميع ، تحياتي

Quote: صلاح جادات عساك طيب سلوك يمارس فى الشارع العام بطريقة غير حضارية لكن رغما عن ذلك هذه الظاهرة قلت شوبة فى ظل وجود الحمامات العامة فى الاسواق والمواقف وفى الجوامع