|
|
 حرفا مرق زي النزيف
|
واغنيك
زي قماري الرجعة
في بداية الخريف
زولة ما تشبه سوى النيل
والضفتين
ونداوة الحس الرهيف
وريني بس
ابداك من لحظة دخل حرفك مسارب الروح
والا من لحظة برق برقك
في عتم ليلا كبيس والدنيا صيف؟
انا ما كتبت غزل عشان
تفرح حروفي وبيك يزدان الكلام
انا كان كتبتك
انفعال
ورسمت عينك لحظة الاحساس دلال
وشعور شفيف
وتقولي لي
وانت فيك اجمل حسيس الانثى
والرقة الحلال
بيناتنا ريد
وشعور ظريف
ومشيت معاك
مشوار موزع بين مكانين
وكتبت في اول
بداية الطريق
انا كان هنا
ختيت جذور قلبي الموله
في تراب هذا الفريق
حلتنا والشارع الوليف
ايدي في ايديك
عيني في عالم عيونك
غبت
ما ضليت دروب الرجعة لكن
اكتفيت
اني عشتكزي تفاصيل الربيع
لمن يغازل لي عيونك
والقاكي لي
ترياق
وكيف
بيناتنا كان موعد لقاء
كان
عند ارتعاشات الظلال
لمن تلامس لي خدود نادي المساء
وهتفت في جواي
يا
واتموسقت قبال تجيك ياء النداء
وسالت من الاعماق
قصيدة تنضح بالحنين
وريني بس
ابداك كيف
حلمت انو بينانا القصيدة
وانو بناتنا المشاعر
وانو جوات الظنوت
انت يا روعة خواطري
احلى طيف
ارجاك
كما الزول المشبع اشتياق
لي زول عزيز حاييه ضيف
نازل عليه من سفرا
مغيب ليه كمين من سنين
شايل
رهق اغتراب
شال حنين
يازولة
اجمل من
ضحكة صغار الحلة
في لحظة صفا
ويتقاسمة
بي كل اريحية الرغيف
شلتك معاي
وانا لاني عارف
وين توديني الدروب
او ايه يكون اخر السفر
والمسافة البينا تكبر كلما
حنيت اليك
ومرة تصغر
لما انداح في الكلام الجايي ليك
ولاني عارف وين اقيف
واهمس اليك
كم جواي يا مهجتي
خوفا عليك
ومرات تشيلني الغيرة من
نجمة بشيل حبة ضيا
من نور عينيك
ولما القمر
يضحك يغازل لي جبينك
وبغير عليك
من مفرداتي الهايمة
والحرف المرق زي النزيف
ورينييا بهجة
سنين العمر
ياكل المنى
ابداك كيف؟
وبس
|
|
 
|
|
|
|
د.محمد حسن
ismeil abbas
فيس بوك
تويتر
انستقرام
يوتيوب
بنتيريست