|
|
|
 Re: البروفسر الهندي راجيش شوجار يتعهد بالقضاء علي الملاريا في السودان،٥ دو (Re: ود الباوقة)
|
علمت من بنت اخي طبيبة اليوم ان نسبة الاصابة بها بحلتنا اكتر من ٩٠ بالمائة..
وانها تهرس الناس هرسا ،وتهضرب هضربة بهم..
ثم ان الاطفال يتشنجون ،،
كارثية ووخيمة..
الان تضرب الفجاج...
واتفقت تماما مع تقرير البروفسر الهندي
بحاول انزله..
يمكننا القضاء علي هذا الشر المستفحل..
بكل يسر..
ود عمي جاييك،،،تب
ده هندي ،،،علم وديمقراطية.
هسع ياخي ماتشوف لينا ١٠٠
ناموسية لي اولاد اعمك في الحلة معانا
الحيكومة قنعانين من خيرن منها..
| |
 
|
|
|
|
|
|
|
|
Re: البروفسر الهندي راجيش شوجار يتعهد بالقضاء علي الملاريا في السودان،٥ دو (Re: سيف اليزل سعد عمر)
|
| Quote: البروفسر الهندي راجيش شوجار يتعهد بالقضاء علي الملاريا في السودان،5 دولار النفر... |
أخونا عبد العزيز --- تحياتي ....
صدقني البروفسير الهندي دا كلامه صاح 100%...
أذكر كان لدينا بالشركة مدير هندي من ولاية كيرلا....
كنا نتونس --- وذكرت له مشكلة الملاريا في السودان ....
قال لي بالحرف الواحد نهينا مشكلة الملاريا بطريقة بسيطة من زمان --- فقط بالمكافحة الميكانيكية .
وذلك بتوعية المواطنيين الهنود --- أنه أي واحد يملا كورة أو حلة بالموية ويختها تحت الزير أو ما شابه ذلك ...
تجي أنثى البعوضه كنكش كنكش وتبيض في الكورة أو الحله ...
منتصف النهار --- تكشح الموية الفي الحله في السهله ...
وحرارة الشمس ... تقضي على بيض الناموس....
والبلد كلها تنفذ وتواصل فترة من الزمن ...
وبذلك قطعوا دورة حياة الناموس ...
وإنتهوا من مشكلة الملاريا.....
الفكرة بسيطة بس عايزة جدية ....
| |
|
|
|
|
|
|
|
|
|
Re: البروفسر الهندي راجيش شوجار يتعهد بالقضاء علي الملاريا في السودان،٥ دو (Re: ahmedona)
|
كلام الاخ احمدونا دا سليم 100% ... ويا ريت يا اخ عبد العزيز بوست زي دا ما تخليه يحتل وواصل فيه حتى تعم الفائدة ...
Quote: صدقني البروفسير الهندي دا كلامه صاح 100%...
أذكر كان لدينا بالشركة مدير هندي من ولاية كيرلا....
كنا نتونس --- وذكرت له مشكلة الملاريا في السودان ....
قال لي بالحرف الواحد نهينا مشكلة الملاريا بطريقة بسيطة من زمان --- فقط بالمكافحة الميكانيكية .
وذلك بتوعية المواطنيين الهنود --- أنه أي واحد يملا كورة أو حلة بالموية ويختها تحت الزير أو ما شابه ذلك ...
تجي أنثى البعوضه كنكش كنكش وتبيض في الكورة أو الحله ...
منتصف النهار --- تكشح الموية الفي الحله في السهله ...
وحرارة الشمس ... تقضي على بيض الناموس....
والبلد كلها تنفذ وتواصل فترة من الزمن ...
وبذلك قطعوا دورة حياة الناموس ...
وإنتهوا من مشكلة الملاريا.....
الفكرة بسيطة بس عايزة جدية .... |
في احدى زياراتي للسودان ... لقيت اهلنا البعوض بتقرّص فيهم وهم ولا هاميهم ... والله أنا براي الكنت بتحكك وغالبني القعدة وهم كأنهم عندهم ضدها مناعة ... ياخي البعوضة دي كائن مؤذي جدا ومعا من أجل محاربته والقضاء عليه ...
أهلنا قالوا جربوا التجربة التحت دي ... لكن ما عملت أي حاجة للبعوض ... والواحد ما عارف صحتها من عدمه ... امكن تكون قاصد التجربة التحت دي يا اخ عبد العزيز ...
| |
|
|
|
|
|
|
|
|
|
Re: البروفسر الهندي راجيش شوجار يتعهد بالقضاء علي الملاريا في السودان،٥ دو (Re: عبدالعزيز عثمان)
|
الصديق المحترم احمدونا...
والله يا احمدونا ،نحن في الجزيرة ،فعلت فينا الملاريا مايهد الجبال...
مئات حقن الكلوروكين،فيها عشرات خزنن ،،اتحدث عن نفسي..
لم يبق سنتمتر خال من حقن خاذنة ملتهبة وكروات واخاديد...
وكل هذا لا ولم يهم...
مايهم ان مع ده...
احتقنت مصافي الكلي..
تشمع الكبد..
تمرد الطحال وصار بطيخة لاقة.....
وفي كل قرية كم نفر يخضعون لغسيل كلي....
في عام جد قريب،،كان كل الافق ناموس طائر..
وبمستشفي الاطفال اربعة بسرير
نصفهم متشجنجون....
مركز صحي قريتنا فوق ش الاسفلت
كان مكتظا بصرعي الملاريا
ولم تكن هناك ميزانية تكفي لمكافحتها
وفي ذاك اليوم كان هناك يخت رئاسي فخم
يشق الفجاج من بورتسودان للخرطوم
ودمعت عيناي....
واسال بادب فقط عن من يحدد الاوليات
كان ذاك يكفي لانقاذ الالاف...
| |
|
|
|
|
|
|
|
|
|
Re: البروفسر الهندي راجيش شوجار يتعهد بالقضاء علي الملاريا في السودان،٥ دو (Re: عبدالعزيز عثمان)
|
الصديق المحترم قسم الفضيل..
اشكرك علي هذا الجهد،واتمني لو انك مددتنا بكل مايمكن ان يفتح البصيرة
لتخفيف الالام،،ولكن ياصديقي،لو ان مجهوداتنا الفردية تمت وفق رؤية استراتجية وحملة مدروسة مبرمجة رافقتها الاعلام والتوعية،،
- قامت الدولة بواجبها رش واصحاح
-قام المواطنين في احيائهم وقراهم وبيوتهم بدورهم.
،النظافة،تجفيف المياه،الناموسيات.
لادت الانوفليس لحن الختام،معلنة ان لامقام لها بارض تنادي حكامها واهاليها ،،ان حي علي الحياة.
| |
|
|
|
|
|
|
|
|
|
Re: البروفسر الهندي راجيش شوجار يتعهد بالقضاء علي الملاريا في السودان،٥ دو (Re: عبدالعزيز عثمان)
|
امن الممكن ان تكون هضربة الملاريا،طايرة لي وحدي في راسي؟
لا ادري الهوس الذي اصابني فبت اعتقد انها الاولوية الاولي،اشرس
الاعداء،القاتل الشرير،
الاطفال قاتلهم الاشر هي الانفليز..
لو رايتموهم،في حالة تشنجهم،تهصرهم اللعينة هصرا
الجبين يتفصد عرقا،والفم لا يتوقف عن الترجيع..
ملعونة ايها الانثي الانوفليسية الحقود...
هل هناك من تقلقه كقلقي هذا..
اذن لماذا لا اري لي من يشد اذري
ويقول قولا عل ينتفع به اهالينا الطيبين..
| |
|
|
|
|
|
|
| |
عبدالعزيز عثمان
سيف اليزل سعد عمر
ahmedona
قسم الفضيل مضوي محمد
فيس بوك
تويتر
انستقرام
يوتيوب
بنتيريست