|
Re: حدثونا عن الشاعر الفذ المنسي رشاد ود كرار البشاري.. الذي لم ينل حظه من الاعلام التجاري.. (Re: عادل ابراهيم احمد)
|
Quote: الأخ عادل تحياتي العطرات مثنى وثلاث ورباع أهلنا البشاريين قريبين مننا في (بعلوك) بنهر عطبرة، ورشاد أعرفه وقابلته وأعرف جزء من آل كرار في سيدون ورشاد دا شاب صغير مقارنة بي ود شوراني الإتوفى في التمانينات يعني عندما توفى ود شوراني يكون رشاد في الطاشرات و شاعر يقوم بمجاراة العملاق ود شوراني وهو في الطاشرات أكيد ما ساهل للأسف لا أحفظ له شعر لكن مصادري في الأتبراوي بتجيب لك شعر رشاد من مصدره (من رشاد نفسه في الغالب) كما أحب أن أذكرك بأن (جيب رسنك) دا لقب الناظر الشاعر والزعيم النادر ود كرار وقد رثاه ود شوراني برثاء معبر وذكر فيه هذا اللقب تحديداً: (جيب رسنك) فرقتو كبيرة ناظر العامة وانفقد البيندار للأمور الهامـــة وهو لقب يعبر عن كرم هذا الناظر، حيث يمنحك ناقة أو جمل بشاري مأصل (يقولك أخد ود فلانة ولا ود فلان) وما عليك إلا أن تجيب رسنك وتركب وإنت براك عارف قيمة البكرة أو الجمل البشاري (البيندار) دي عرفتها ولا أشرحا؟ |
التحيات النضرات لك اخي بدر الدين بابكر
Quote: ورشاد دا شاب صغير مقارنة بي ود شوراني الإتوفى في التمانينات يعني عندما توفى ود شوراني يكون رشاد في الطاشرات |
وهذا هو السبب الذي جعلني اهتم بهذا الشاعر المنسي..
شاعر شاب لم يبلغ العشرين يجادع ود شوراني ويباريهو في القافية لامن يفتر دا اكيد شاعر مجيد..
وكونو انو ود شوراني يمشي ليهو مخصوص فتلك ايضا اشارة لمكانته الادبية عنده ..
هذا اضافة لاحترام نظارة البشاريين عموما لود شوراني ..
وفعلا "جيب رسنك" كان احد ركائز الادارة الاهلية في السودان .. رجل ضو السودان كلو وليس البشاريين فحسب..
اما " البيندار" كيفن ما بعرفا ؟ .. البيندار دا الفيهو العشم والمطلوب بقوة في المحكات ..
لكن بالله عليك الله يا بدر الدين تحاولوا توصلوا رشاد دا للفضائيات والاذاعات..
هذا الشاعر لم اسمع له اطلاقا الا مقطع صغير عبر الواتساب ارسله لي شقيقي عبد الودود..
ويا ريت لو قدرت تجيب لي ليهو تلفون نرتب ليهو حلقات مع الشاعر الهمباتي الاغبش عبر برامجه الاذاعية وايضا الشاعر ود مسيخ..
الشاعر دا اكيد غير الشعر الجزل يمتلك مخزون هائل عن ادب البطانة وميراث ود شوراني الادبي ووالده محمود ود كرار وهو شاعر ايضا ..
وميزة محمود ود كرار انه يمزج لغة البيداويت " وهي لغة الهدندوة" مع مفردات الدوبيت في ترتيب جميل جدا ..
لك تحياتي وفي انتظارك يا ارباب لاثراء البوست
|
|
|
|
|
|
|
العنوان |
الكاتب |
Date |
حدثونا عن الشاعر الفذ المنسي رشاد ود كرار البشاري.. الذي لم ينل حظه من الاعلام التجاري.. | عادل ابراهيم احمد | 10-12-14, 05:29 AM |
Re: حدثونا عن الشاعر الفذ المنسي رشاد ود كرار البشاري.. الذي لم ينل حظه من الاعلام التجاري.. | عادل ابراهيم احمد | 10-12-14, 07:00 AM |
Re: حدثونا عن الشاعر الفذ المنسي رشاد ود كرار البشاري.. الذي لم ينل حظه من الاعلام التجاري.. | عادل ابراهيم احمد | 10-12-14, 07:01 AM |
Re: حدثونا عن الشاعر الفذ المنسي رشاد ود كرار البشاري.. الذي لم ينل حظه من الاعلام التجاري.. | إسماعيل وراق | 10-12-14, 07:43 AM |
Re: حدثونا عن الشاعر الفذ المنسي رشاد ود كرار البشاري.. الذي لم ينل حظه من الاعلام التجاري.. | بدرالدين بابكر مصطفى | 10-12-14, 11:24 AM |
Re: حدثونا عن الشاعر الفذ المنسي رشاد ود كرار البشاري.. الذي لم ينل حظه من الاعلام التجاري.. | عبيد الطيب | 10-12-14, 11:59 AM |
Re: حدثونا عن الشاعر الفذ المنسي رشاد ود كرار البشاري.. الذي لم ينل حظه من الاعلام التجاري.. | بدرالدين بابكر مصطفى | 10-12-14, 12:27 PM |
Re: حدثونا عن الشاعر الفذ المنسي رشاد ود كرار البشاري.. الذي لم ينل حظه من الاعلام التجاري.. | عادل ابراهيم احمد | 10-12-14, 03:52 PM |
Re: حدثونا عن الشاعر الفذ المنسي رشاد ود كرار البشاري.. الذي لم ينل حظه من الاعلام التجاري.. | عادل ابراهيم احمد | 10-12-14, 04:03 PM |
Re: حدثونا عن الشاعر الفذ المنسي رشاد ود كرار البشاري.. الذي لم ينل حظه من الاعلام التجاري.. | عادل ابراهيم احمد | 10-12-14, 04:06 PM |
Re: حدثونا عن الشاعر الفذ المنسي رشاد ود كرار البشاري.. الذي لم ينل حظه من الاعلام التجاري.. | بدرالدين بابكر مصطفى | 10-13-14, 09:56 AM |
Re: حدثونا عن الشاعر الفذ المنسي رشاد ود كرار البشاري.. الذي لم ينل حظه من الاعلام التجاري.. | عادل ابراهيم احمد | 10-15-14, 04:58 AM |
|
|
|